Cavanşir Quliyev, arxiv şəkli

Mahnıları dillər əzbəri olan bəstəkar Cavanşir Quliyevə orden təqdim edilib

21
Cavanşir Quliyev müasir Azərbaycanın ilk hərbi marşının müəllifidir. C.Quliyev ilk dəfə sazı kamera musiqisində kamanla, violonçellə, fleyta ilə bərabər şəkildə tətbiq edib.

BAKI, 14 avqust — Sputnik. Dədə Qorqud Fondu Azərbaycan Respublikasının əməkdar incəsənət xadimi, görkəmli bəstəkar Cavanşir Quliyevə "Vətən Övladı" ordenini təqdim edib. Sputnik Azərbaycan xəbər verir ki, bəstəkar bu mükafata Azərbaycan mədəniyyətinin inkişafındakı xidmətləri, musiqimizin tanınması və inkişafına vetdiyi misilsiz töhfələrə görə layiq görülüb.

Qeyd edək ki, Cavanşir Quliyev 70 illik yubileyi münasibətilə bu ordenlə təltif edilib.

Məlumat üçün bildirək ki, C.Quliyev hələ tələbə ikən, bəstəkarlıqda eksperimentlərinə başlamışdı. 2-ci kursda oxuyarkən yazdığı "Birinci Kvartetdə", gələcəkdə əsas yaradıcılıq prinsipi olan milli musiqinin çağdaş bəstəkarlıq texnikası ilə sintezləşdirərək, yeni musiqi tərzinin üzə çıxmasına nail olmuşdu. Əsər dinləyənlər tərəfindən böyük maraqla qarşılanmış, bəyənilmiş və uzun müddət "millilik və müasirlik" baxımından yaradıcı mübahisələrin səbəbi olmuşdur. Bir sıra Konservatoriyalararası konfranslarda, o zamanki SSRİ Bəstəkarlar İttifaqında (Moskva) səsləndirilmiş, və böyük maraq doğurmuşdur. Sonralar C.Quliyevin bu üslubda bəstələdiyi bir sıra başqa əsərləri Avropanın çeşidli ölkələrində və Amerikada ifa olunaraq, böyük rəğbət görmüşdür.

Cavanşir Quliyev müasir Azərbaycanın ilk hərbi marşının müəllifidir. C.Quliyev ilk dəfə sazı kamera musiqisində kamanla, violonçellə, fleyta ilə bərabər şəkildə tətbiq edib. C.Quliyev ilk dəfə sazı və zurnanı simfonik və simfo-caz orkestrlərin tərkibinə daxil edərək, əsas alətlər şəklində işləmişdi. Tələbəlik illərindən, yəni 1973-cü ildən Azərbaycan Dövlət Televiziya və Radio Verilişləri Komitəsində səs rejissoru işləməyə başlayıb və həmin vəzifədə 17 il çalışıb.

1990-1993 illərdə Azərbaycan Dövlət Konsert Birliyinin bədii rəhbəri olub. 1980 — 1998 illərdə Üzeyir Hacıbəyov adına Azərbaycan Dövlət Konservatoriyasında — Bakı Musiqi Akademiyasında, 1994 — 2003 illərdə Azərbaycan Dövlət Mədəniyyət və İncəsənət Universitetində müəllim işləyib. Paralel olaraq 1992-ci il sentyabr ayının 1-dən 2005 ilə qədər Akademik Milli Dram Teatrında musiqi hissə müdiri işləyib. 2003-cü ildən Azərbaycən Milli Konservatoriyasının dosenti, 2005-ci ildən professoru, 2005-ci ildən — Şimali Kipr Türk Respublikasının Yaxın Şərq (Yakın Doğu) Universitetinin Səhnə Sənətləri fakültəsinin professorudur.

Bir çox mahnıların müəllifi eyni zamanda bir sıra baletlərin, operetta və orkestr üçün yazılan əsərlərin müəllifidir.

Eləcə də oxuyun:

21
İbrahim Tatlısəs, arxiv şəkli

İbrahim Tatlısəsə həbs cəzası kəsildi, amma o, konsert verəcək

743
(Yenilənib 12:49 23.09.2021)
Məhkəmə hökmün elan edilməsini təxirə salıb. Müğənni İbrahim Tatlısəsin "Tatlıses TV"nin baş meneceri Fulya Akbay Toprakı hədələdiyi və təhqir etdiyi iddia olunur.

BAKI, 23 sentyabr — Sputnik. Müğənni İbrahim Tatlısəsin "Tatlıses TV"nin baş meneceri Fulya Akbay Toprakı hədələdiyi və təhqir etdiyi iddia olunub. Tatlısəsin 4 ilə qədər həbs cəzasına məhkum edilməsi gözlənilən şikayətlə bağlı yekun qərar verilib.

Sputnik Azərbaycan Türkiyə mətbuatına istinadən xəbər verir ki, məhkəmədə Fulyanın vəkili Şeyda Yıldırım ifaçının müvəkkilinə təhqiramiz mesajlar göndərdiyini də bildirib.

Tatlısəs isə öz növbəsində ona ünvanlanan ittihamları inkar edərək deyib: "Şirkət işlərini Fulya və digər işçilərə həvalə etmişdim. Daha sonra şirkətdə qanun pozuntuları olduğunu öyrəndim və işlərinə son verdim. Sözügedən mesajlar mənə aid deyil".

Üç həftə əvvəl yekunlaşan istintaqın nəticəsi açıqlanıb. Məhkəmə İbrahim Tatlısəsə işçisini təhqir etdiyi üçün 740 lirə cərimə və təhdid ittihamı ilə əlaqədar 2 ay 15 gün həbs cəzası verib.

Onu da qeyd edək ki, bu gün uzun illərdir səhnələrdən uzaq düşən müğənni İbrahim Tatlısəs 12 il fasilədən sonra ilk dəfə səhnədə sevənlərinin qarşısına çıxacaq. Baş tutacaq konsertinin səhnə dizaynına 1,5 milyon lirə (təxminən 294 min manat) xərclənib. Konsertə biletlər isə 2 saat müddətində satılıb.

Qeyd edək ki, İbrahim Tatlısəs İstanbul Kuruçeşmədə səhnəyə çıxacaq.

743
Azərbaycanlı müğənni Zamiq Hüseynov

Zamiq türkcə oxuduğu mahnıya klip çəkdi

13
(Yenilənib 21:31 22.09.2021)
Zamiqin türk dilində ifalarından ibarət olan albomu və yeni klipi "Youtube"da "Net Müzik" adlı populyar musiqi platformasına yerləşdirilib.

BAKI, 22 sentyabr — Sputnik. Müğənni Zamiq Hüseynov yeni albomunu təqdim edib. Sputnik Azərbaycan xəbər verir ki, bu barədə özünün "Instagram" hesabında məlumat verib. Sənətçi uzun müddətdir Türkiyədə hazırladığı "5 günlük dünya" adlı albomunu sevənlərinin ixtiyarına verib. İfaçı bununla yanaşı, alboma daxil olan "Hep biri var" mahnısına da ekran həyatı verib.

Zamiqin türk dilində ifalarından ibarət olan albomu və yeni klipi "Youtube"da "Net Müzik" adlı populyar musiqi platformasına yerləşdirilib.

Yeni layihəsi ilə bağlı danışan sənətçi "bu 5 günlük dünyada hər kəsə sağlam və xoşbəxt olmağı diləyirəm" deyərək tamaşaçılarına xoş dinləmələr arzulayıb.

Eləcə də oxuyun:

13
Teqlər:
müğənni, Zamiq Hüseynov, klip, albom, video, mahnı

Putinlə danışıqlarda önəmli qərarlar veriləcəyinə ümid edirəm - Türkiyə prezidenti