Amerikalı müğənni Qarabağda gördüklərindən şoka düşüb

1324
(Yenilənib 02:27 13.08.2021)
Della Maylz həmkarı Qoçaq Əsgərovla birlikdə Azərbaycanın Şuşa şəhərinə, Ağdam və Füzuli rayonlarına səfər edib.

BAKI, 13 avqust - Sputnik. Maykl Cekson və Uitni Hyuston kimi ulduzlarla əməkdaşlıq etmiş müğənni Della Maylz Vətən müharibəsi nəticəsində işğaldan azad edilmiş Azərbaycan ərazilərinə səfər edib.

Maylzı müşayiət edən əməkdar artist Qoçaq Əsgərovun Sputnik Azərbaycan-a verdiyi məlumata görə, səfəri Azərbaycanın Mədəniyyət Nazirliyi təşkil edib.

Onun sözlərinə görə, Della Maylz Bakıya birgə layihə üçün gəlib - onlar Heydər Əliyev Fondunun vitse-prezidenti Leyla Əliyevanın sözlərini yazdığı "Xarı-bülbül" kompozisiyasını ifa etmək niyyətindədirlər.

"Della Maylz Vətən müharibəsinin gedişini izləyirdi və azərbaycanlıların öz torpaqlarını azad etdiklərinə görə çox şaddır. O hətta bizim qələbəmizə türkiyəli musiqiçi Turqay Evrenin yazdığı "Many years ago" (İllər öncə) adlı kompozisiya həsr edib. Della Qarabağa gəlmək arzusundaydı, ona görə də onun üçün belə imkan yaradıldı. Biz təkcə Şuşa şəhərinə deyil, Ağdam və Füzuliyə də getdik. O, gördüklərindən şoka düşdü", - Əsgərov deyib.

© Photo : Courtesy of Gochag Askerov
Amerikalı müğənni Della Maylz və Azərbaycanın əməkdar artisti Qoçaq Əsgərov Şuşa qalasının qapıları önündə.  

Xanəndə Füzulidə doğulub, ona görə də vətəninə getmək imkanını qaçırmayıb. Ancaq təəssüf ki, doğma yurddan əsər-əlamət qalmayıb. "Dağıdılmış evimi görmək çox ağırdır", - Əsgərov deyib.

Azərbaycanlı və amerikalı ifaçılar tezliklə "Xarı-bülbül" kompozisiyasını yazdırmağa hazırlaşırlar. Ona həmçinin klip də çəkiləcək.

Qoçaq Əsgərovla Della Maylzın uğur hekayələri 

Qoçaq Əsgərov əslən qarabağlıdır. O, 1988-1993-cü illərdə Ermənistanla müharibə zamanı cəbhəyə könüllü gedənlərdəndir. On beş yaşı olarkən bir neçə güllə qəlpəsi gözünə dəyərək görməsinə qismən əngəl törədib. Bu, onun musiqili şöhrəti haqda həyat hekayəsinin ilk səhifəsi olub. 

  • Amerikalı müğənni Della Maylz Qarabağda
    © Photo : Courtesy of Gochag Askerov
  • Amerikalı müğənni Della Maylz Qarabağda
    © Sputnik / Courtesy of Gochag Askerov
  • Amerikalı müğənni Della Maylz Qarabağda
    © Photo : Courtesy of Gochag Askerov
  • Amerikalı müğənni Della Maylz Qarabağda
    © Photo : Courtesy of Gochag Askerov
1 / 4
© Photo : Courtesy of Gochag Askerov
Amerikalı müğənni Della Maylz Qarabağda

Qoçaq Əsgərovu televizorda görən BBC teleradioşirkətinin prodüserləri 2007-ci ildə onu Londona, Albert hollda çıxış etməyə dəvət ediblər. Həmin vaxtdan onun həyatı qastrollarda keçir. Əsgərov həm Azərbaycanda, həm xaricdə səhnələrə çıxır, musiqiçilərin gənc nəslini yetişdirir. Əsgərov İngiltərədə, Fransada, Yunanıstanda və hətta Yeni Zelandiyada konsertlər verib.

Della Maylz Texasdandır. O, uzun illər dünyaca məşhur müğənnilərin bek-vokalçısı olub, sonra isə solo karyerasına başlayıb. Populyar caz ifaçısı 2019-cu ildə islamı qəbul edib.

Eləcə də oxuyun:

 

1324
Teqlər:
amerikalı, müğənni, Qarabağ
“Üzeyir sənətinin gənclik sədaları” layihəsinin növbəti konserti

"Üzeyir sənətinin gənclik sədaları"

10
(Yenilənib 22:24 24.09.2021)
Xəzər Universitetinin Kamera orkestri ilə solistlərinin də qatıldığı "Xəzər dalğası" adlı layihə maraqla qarşılanıb.

BAKI, 24 sentyabr — Sputnik. XIII Beynəlxalq Musiqi Festivalı çərçivəsində "Üzeyir sənətinin gənclik sədaları" layihəsinin növbəti konserti baş tutub.

Mədəniyyət Nazirliyindən Sputnik Azərbaycan-a verilən məlumata görə, Xəzər Universitetinin Kamera orkestri ilə solistlərinin də qatıldığı "Xəzər dalğası" adlı layihə maraqla qarşılanıb. Orkestrin bədii rəhbəri Zülfiyyə Sadıqova, dirijoru Orxan Həşimovdur.

Konserti ön sözlə açan bəstəkar, respublikanın Xalq artisti Sərdar Fərəcov 13 il ərzində keçirilən bu festivalın əhəmiyyətindən danışıb. Festivala artıq yeddinci ildir ki, qatılan Xəzər Universitetinin iştirakının gözəl ənənə olduğunu vurğulayıb.

Xəzər Universitetinin Fikrət Əmirov adına konfrans-konsert mərkəzində keçirilən tədbirin solist iştirakçıları sırasında respublikanın əməkdar artistləri - müğənni tenor Fərid Əliyev, zurna və balaban ifaçısı Şirzad Fətəliyev, beynəlxalq müsabiqə laureatları Məhsəti Cabbarova və Yuliya Behbudova olublar.

Konsertdə Nikolay Rimski-Korsakovun "Seyrələn uçan buludlar", Frans Leqarın "Cuditta" operasından Cudittanın mahnısı, Leo Delibin "İspan mahnısı", Tomazo Albinoninin "Adajio", Sərdar Fərəcovun "Elegiya", Ü.Hacıbəylinin "Arşın mal alan" musiqili komediyasından Gülçöhrənin ariyası və digər əsərlər səslənib. Tədbir Fikrət Əmirovun "1001 gecə" baletindən "Şəhrizadın bayramı" rəqs nömrəsi ilə tamamlanıb.

10
UNESCO

Azərbaycanlılar Venesiyada: UNESCO-nun tədbirində "Sarı gəlin" səsləndi

32
(Yenilənib 20:59 24.09.2021)
Qala gecəsinin ən mühüm məqamı isə azərbaycanlı tanınmış caz ifaçısı Etibar Əsədlinin Azərbaycanın xalq mahnısı “Sarı gəlin”i ifa etməsi olub.

BAKI, 24 sentyabr — Sputnik. İtaliyanın Venesiya şəhərinin San Klemente adasında UNESCO-nun iştirakı, Beynəlxalq Memarlar İttifaqının dəstəyi ilə "Rise from the ashes" (“Küllərdən qalx”) adlı humanitar xarakterli multikultural forum keçirilib.

Sputnik Azərbaycan xəbər verir ki, 17-ci Venesiya Memarlıq Biennalesi çərçivəsində “Vasconi Architectes by Thomas Schinko” memarlıq şirkətinin təşəbbüsü ilə təşkil olunan beynəlxalq forumda dünyanın tanınmış şəxsləri ilə yanaşı, azərbaycanlı memarlar, sənətçilər, incəsənət nümayəndələri və tələbələr iştirak ediblər.

Tədbirin əsas məqsədi Beyrut şəhərinin rekonstruksiyası, həmçinin şəhərin Baş memarlıq planı üçün həll yollarının tapılması olub. Forumda, eyni zamanda, təcrübəli beynəlxalq təlimçilər müxtəlif mövzularda çıxışlar ediblər.

UNESCO-nun Baş Konfransının prezidenti Altay Cengizer çıxış edərək UNESCO-nun Baş direktoru xanım Odre Azulenin bu foruma dəstək olduğunu iştirakçıların diqqətinə çatdırıb. Tədbirdə tanınmış memar Renzo Piano, UNESCO-nun xoşməramlı səfiri Hedva Ser, UNESCO-nun Venesiya bölgəsi üzrə rəsmi nümayəndəsi Ana Luiza Thompson-Flores, Livan Mühəndislər və Memarlar Federasiyasının prezidenti Cad Tabet, ALBA Universitetinin prezidenti Andre Bexazi, Beynəlxalq təhlükəsizlik, enerji və ətraf mühit üzrə direktorlar şurası və Pentaqonun baş məsləhətçisi Çarlz Sills və digər nüfuzlu şəxslər iştirak etdilər.

Forumda, həmçinin peşəkar təlimçilər tərəfindən müxtəlif aktual mövzularda çıxışlar olub. “Millionaire Concept Network”un dəstəyi ilə konfransda iştirak edən Afrika Sağlamlıq Federasiyasının idarə heyətinin sədri Mohamed El Sahilinin məruzəsi dinlənilib.

Tədbirdə “Eurasia Analytics”in direktoru Gülmira Rzayeva, “Millionaire Concept Network”un İtaliya üzrə direktoru Turan Sadigi, elm, cəmiyyət və rəssamlıq sahəsində 20 illik təcrübəyə malik rəssam Koen Vanmexelen, “SnarkArt” şirkətinin icraçı direktoru Nadia Taiga və digər şəxslər iştirak ediblər. Forumda NFT rəssamı kimi məşhurluq qazanan Krista Kim şəhərlərin yenidən qurulması üçün UNESCO-ya sənət, memarlıq sahəsində, cəmiyyətdə inqilab edəcək fikirlər təqdim edərək bu işdə qlobal miqyasda fəaliyyət göstərən təşkilatların, institutların və yaradıcı şəxslərin önəmli rol oynadığını qeyd edib. "TheSuperWorld" virtual daşınmaz əmlak platformasının baş icraçı direktoru və həmtəsisçisi Hrish Lotlikar isə daha yaxşı bir dünya yaratmaq üçün AR/VR/Blockchain və AL texnologiyalarından istifadə etməyin vacibliyini bildirib.

Livanın məşhur sənətçisi Rudy Rahme qala gecədə canlı performans nümayiş etdirib. Türk sənətçisi Özge Günaydın isə “Küllərdən qalx” simvolunu yaradıb. Qala gecəsinin ən mühüm məqamı isə azərbaycanlı tanınmış caz ifaçısı Etibar Əsədlinin Azərbaycanın xalq mahnısı “Sarı gəlin”i ifa etməsi olub.

Tədbirin təşkilatçısı, “Vasconi Architectes by Thomas Schinko” memarlıq şirkətinin vitse-prezidenti, həmyerlimiz Aytən Mirzoyeva gələcəkdə belə bir formatda forumun Gəncə şəhərinin və Qarabağın yenidən qurulması üçün Mədəniyyətlərarası Dialoqa dair Sülh Yaradıcılıq Mərkəzinin iştirakı ilə Azərbaycanda keçirilməsinin nəzərdə tutulduğunu deyib.

 

32
“Konstitusiya” Araşdırmalar Fondunun prezidenti Əliməmməd Nuriyev

Ermənistanın məhkəməyə verilməsi hansı hüquqi nəticələr yarada bilər? Hüquqşünas şərhi