Şəxsi həyat, Bakı sevgisi miras: Emin Kseniya Sobçaka hər şeyi danışdı

56
Məşhur ifaçı Emin Ağalarov Kseniya Sobçaka müsahibə verib. Ən maraqlı məqamları Sputnik Azərbaycan-ın məqaləsindən oxuyun.

BAKI, 19 iyul – Sputnik. Müğənni Emin rusiyalı teleaparıcı Kseniya Sobçakın “Ehtiyatlı olun: Sobçak” layihəsinin qonağı olub. Çəkilişlər Moskva və Bakıda aparılıb. Emin aparıcıya Bakının Nardaran qəsəbəsindəki evini göstərib, onunla nərd oynayıb və özü barədə bəzi məqamları açıqlayıb.

Eminin atası, Azərbaycan əsilli rusiyalı biznesmen, Crocus Group şirkətlər qrupunun sahibi Aras Ağalarov da layihənin qonağı olub.

Emin özünü kim hesab edir

- Özümü Rusiyada yaşayan və bu ölkəni sevən azərbaycanlı hesab edirəm. Mən sovetlər birliyində doğulduğumdan və vaxtilə bunlar bir ölkə olduğundan daxilimdə dəqiq sərhədlər hiss etmirəm. Daim Moskvadan-Bakıya və əksinə uçuram.

Miras

- Ailəmizdə əvvəldən belə olub ki, əgər pul lazımındırsa, gəlib onu istəməlisən. Həmişə məqsədim özümü, öz ailəmi təmin etmək olub, yəni öz pulumun olmasını istəmişəm. Atam heç vaxt məni nədənsə məhrum etməyib. Anlayırdım ki, əgər istəsəm, heç vaxt yox deməz.

Bakı sevgisi

- Əvvəla, bura doğulduğum şəhərdir. Uşaqlığımda olan bütün yaxşı şeylər Bakı ilə bağlıdır. Bizi hər yay Bakının Nardaran qəsəbəsinə göndərirdilər. Atam 1983-cü ildə orada bağ evi tikmişdi. Bütün qohumlarımız oraya gəlirdilər. Anamla nənəm hamı üçün yemək hazırlayırdılar. Uşaqlığım işıqlı, qayğısız, qaynar olub. Bütün emosional uşaq xatirələrim Bakı ilə bağlıdır. Şəhərdə nadir hallarda olurduq. Bakı – sevdiyim şəhərdir, ancaq daim şəhərətrafı ilə daha çox assosiasiya olur, nəinki mərkəzlə. Heç vaxt buraya gəlmək imkanını qaçırmıram.

“JARA MUSIC”in qiyməti

- Leyblı təxminən 15 milyon dollara satdım. Onun özünə isə 500 min dollar yatırmışdım. Onu partnyorum Bəxtiyarla yaratmışdım. Bu, onun ideyası idi. İndi o, qərb leyblıdır.

“Jara” festivalı

- Birinci “Jara”nı Sergey Kojevnikov və Qriqori Lepslə keçirdik, sonra isə mən payları aldım. Hazırda festivalın 100% sahibiyəm. Bu layihəyə qoyduğum investisiyamı hələ çıxarmamışam. Əgər gələn il hər şeyi reallaşdıra bilsəm, o zaman festival ilk dəfə hansısa gəlir gətirər. “Jara”ya 35 milyon dollar qoymuşam, bunların 20 milyonunu çıxara bilmişəm. Ola bilsin, gələcəkdə festivalı beş gün deyil, on gün, yaxud iki həftə keçirə bilərik. Onu beynəlxalq etmək niyyətimiz var. “Avroviziya” müsabiqəsinin ulduzlarını da əlavə etmək istəyirik. Bu il “Jara”nın gəliri sıfır, xərcləri isə fəlakət oldu.

Eminin qiymətləri

- Özəl tədbirdə 100 min avroya çıxış edə bilərəm, amma bu elə də tez-tez olmur. Yerevana heç bir pul müqabilində getmərənm. Korporativlərdə çıxışdan əlavə, hədiyyə də verirəm.

Leyla Əliyeva ilə nikahı

- Bizim boşanmağımız haqda hamı KİV-dən öyrəndi. Atama boşandığımızı deyəndə söylədi ki, axmağam. Leyla ilə münasibətlərimiz yaxşıdır. Biz bacı-qardaş kimi olmuşuq. Müntəzəm olaraq zəngləşirik, şəxsi və şəxsi olmayan mövzuları müzakirə edirik. İlk gündən münasibətlərimiz isti idi, bundan qazanan uşaqlar oldular.

Biz ortaq qərarla düzgün yol seçdik. Bu gün Leyla ilə olan münasibətlərimiz əvvəlkindən daha yaxşıdır. Hesab edirəm ki, bir dövr olub ki, o məndən inciyib.

O vaxt mənim Azərbaycanda heç bir biznesim yox idi. Həmişə prezident tərəfdən tam dəstək hiss etmişəm, indi də elədir. Hətta qürrələnə bilərəm  - cənab prezident bir neçə il əvvəl mənə Azərbaycanın Xalq artisti adını verib. Həmin vaxt biz artıq Leyla ilə ayrılmışdıq. Bu, onun şəxsən imzaladığı yüksək mükafatdır və buna görə ona minnətdaram.

Alyona Qavrilova ilə nikah

- Problem daha çox məndə idi, həyat tərzimdə, dünyagörüşümdə. Kənardan elə görünür ki, mənimlə asandır, amma əslində belə deyil. Yəqin ki, istənilən qadına mənimlə çətin olar. Hər şey mən istədiyim kimi olmalıdır, başqa cür ola bilməz. Beynim hər şeyi anlayır, ancaq güzəştə gedən adam kostyumu geyinmək hələlik mənlik deyil. Bu istiqamətdə işləməyə başlamışam. Beynimi qurdalamağa başladım, psixoloqa getdim, o da mənə kömək etməyə çalışır.

Qarabağ

Ermənistan 30 il boyunca Azərbaycan ərazilərinin 20%-ni işğal altında saxladı. Ərazini tutanda insanlar, uşaqlar, qocalar həlak oldular – bunlar izsiz ötüşmür. Ailələr dağıldı. İndi də hər iki tərəfdən xeyli insan həlak oldu. Azərbaycan yenidən bütövlüyünə qovuşdu, ancaq aydındır ki, hər iki tərəfdə ağrı qalıb və bundan qaçmaq mümkün deyil.

Ola bilsin ki, neçə illər sonra barışıq olsun, hər iki ölkənin öz sərhədi olanda. Azərbaycan bütün xəritələrdə olan və BMT qətnamələrində təsdiqlənmiş konturları nəhayət cızdı. İndi biz 30 il əvvəl əldə etməli olduğumuza sahibik. Əgər Rusiya başqa cür hərəkət etsəydi, o zaman özünə qarşı ədalətsiz davranmış olardı. Münaqişənin yeganə doğru həlli var idi – Azərbaycan torpaqlarının azad edilməsi.

Mən qaçılmaz olduğu məqama qədər zorakılığa, müharibəyə qarşıyam, ancaq bu, artıq baş verdi. İndi hesab edirəm ki, biz sıfır nöqtəsindəyik. Normal münasibət qura bilərik. Mən erməni xalqına nifrət etmirəm.

Eləcə də oxuyun:

56
Teqlər:
Bakı, Moskva, Kseniya Sobçak, müsahibə, video, müğənni, Emin Ağalarov
Arxeoloji qazıntılar

Xəzər xaqanlığı xalqlarının oturaq həyat tərzini sübut edən faktlar aşkar olunub

1131
(Yenilənib 12:22 26.07.2021)
Əldə olunmuş tapıntılar köçəri hesab edilən insanların həyətyanı heyvandarlıqla məşğul olduğunu, dənli bitkilər yetişdirdiklərini sübut edir.

BAKI, 26 iyul — Sputnik. Belqorod Dövlət Milli Tədqiqat Universitetinin (BelDU MTU) arxeoloqları Xəzər xaqanlığı tayfalarının VIII – X əsrlərə aid yaşayış məskənlərində qazma işləri apararkən saxsı qabların, gil örtüyünün qırıntılarını və müxtəlif heyvan sümüklərini aşkar ediblər.

Sputnik Azərbaycan Rusiya mediasına istinadən xəbər verir ki, əldə olunmuş tapıntılar köçəri hesab edilən insanların əkinçilik və həyətyanı heyvandarlıqla məşğul olduğunu, at, iri və xırdabuynuzlu mal-qara, donuz saxladıqlarını, dənli bitkilər yetişdirdiklərini sübut edir.

"Arxeoloqlarımızın əldə etdikləri nəticələr müasir Belqorod vilayəti ərazisində olmuş Saltov-Mayatsk mədəniyyəti nümayəndələrinin oturaq həyat tərzi keçirməsi ilə bağlı mülahizələri təsdiq edir", – deyə BelDU MTU pedaqoji institutunun tarix-filologiya fakültəsinin dekanı Andrey Papkov bildirib.

VII əsrdən X əsrə qədər xəzərlər Şərqi Avropa çöllərində əhəmiyyətli qüvvəyə çevrilir. Onlar özündə çoxsaylı bolqar, alan, hun tayfalarını özündə birləşdirirdi.

VIII əsrdə xəzərlər "Xəzər xaqanlığı" adlı geniş bir dövlət yaradırlar ki, onun da hakimiyyəti Şərqi Avropa xalqlarının böyük hissəsini əhatə edirdi. IX əsrdə xəzərlərin başçıları iudaizmi qəbul edir. Bu, daxili müharibələrə və xəzərlərin zəifləməsinə gətirir.

Xəzər xaqanlığının süqutu X əsrə, Kiyev knyazı Svayotoslavın yürüşü və onların əsas qalalarının məhv edildiyi dövrə təsadüf edir.

Xəzər xaqanlığına dair arxeoloji tapıntılar xəzəryanı bölgələrdə etnik cəhətdən yekcins olmayan əhali tərəfindən yaradılmış Saltov-Mayatsk mədəniyyətinə aiddir.

Bir qayda olaraq Saltov-Mayatsk mədəniyyətinə Podonye çölü, Azovyanı, Taman, Şərqi Krım, Aşağı Volqaboyu və Xəzəryanı Dağıstan əraziləri şamil olunur. Bununla yanaşı, çöl tayfalarının əksəriyyəti köçəri həyat tərzi keçirməkdə davam edirdi.

2021-ci ildə arxeoloqlar Belqorod vilayəti ərazisində iki abidəni tədqiq ediblər. Bunlar Veydelev rayonu ərazisində, Urayeva çayı dərəsində yerləşən "Şpenqarevo kəndi-1" və Alekseyevsk şəhər dairəsində, Qara Kalitva çayının yuxarı axarı boyunca yerləşən "Oturaq kənd-1" yaşayış məskənləridir.

Bir neçə gün ərzində tədqiqatçılar "Şpenqarevo kəndi-1" ərazisində tabaşir qatını yumağa və mədəni qata çıxmağa nail olublar. Burada onlar saxsı qabların, gil örtüyünün qırıntılarını və müxtəlif heyvan sümüklərini aşkar ediblər. Bundan əlavə taxıl və ağac kömür qalıqlarının aşkar edilməsi üçün ərazidən qrunt nümunələri götürülüb.

"Oturaq kənd-1" yaşayış məskənində isə qalınlığı 1,5 m olan mədəni qat aşkar olunub. Burada tapılmış ən qiymətli tapıntılar arasında dəmir biz və metal bıçaq fraqmenti var. Bundan sonra tədqiqatçılar aşkar edilmiş tapıntıları tədqiq etməlidirlər.

Həmçinin oxuyun:

* Beşbarmaq dağının sirri – Pir, inanc yeri və qədim istehkam

Şəkidəki məsciddə xanın qəbri aşkarlandı

Şəkidə alban döyüşçülərin qəbirləri aşkarlanıb

1131

Xalq artisti Səməd Səmədov vəfat səbəbi bilindi

90
(Yenilənib 22:10 24.07.2021)
"Toylar kralı" adını qazanan S.Səmədov 1946-cı il sentyabrın 17-də Aşqabadda anadan olmuş, 1948-ci ildə zəlzələ nəticəsində ailəsi ilə birlikdə Bakıya, İçərişəhər məhəlləsinə köçmüşdü.

BAKI, 24 iyul - Sputnik. "74 yaşlı xəstə Səməd Səmədov ötən gün gecə saatlarında "Yeni Klinika"nın reanimasiya şöbəsinə çox ağır - tənəffüs çatışmazlığı, ciddi dirəncli potenziya vəziyyətində daxil olub".

Sputnik Azərbaycan bildirir ki, bunu "Report"a açıqlamasında klinikanın reanimatoloqu Emil Qasımov deyib.

Onun sözlərinə görə, xəstənin saturasiyası 60-70 arasında idi: "Təzyiqi qaldırmaq üçün maksimal dozada təzyiq qaldıran dərmanlar istifadə olundu. Xəstəyə lazımi dəstək müalicəsi olunsa da, aparılan müayinələr nəticəsində prokansin dəyərinin çox yüksək olması bakterial infeksiyanın əlavə olunmasına sübut idi. İnfeksiya və iltihabı markerlər çox yüksək idi. Xəstədə kəskin böyrək çatışmazlığı təsbit edildi. Kreatin dəyərləri 2,5 dəfə yüksəlmişdi və xəstənin sidik çıxışları, demək olar ki, yox idi. Xəstə heç 24 saat reanimasiya şöbəsində qalmadı. 15-16 saat müddətində xəstəni saxlaya bildik. Bütün bu fonda müdaxilələrə baxmayaraq xəstədə ürək dayanması baş verdi. Ölüm səbəbi sepsis və septik şok diaqnozu idi".

TƏBİB-in ictimaiyyətlə əlaqələr şöbəsinin əməkdaşı Elnarə Baxış Sputnik Azərbaycan-a bildirib ki, xalq artisti Səməd Səmədov 23 iyul 2021-ci il tarixində 60-70 saturasiya ilə Yeni klinika tibb müəssisəsinə daxil olub: "Döş qəfəsinin kompüter tomoqrafiyasının nəticələrinə əsasən, onda koronavirus ağırlaşması, ikitərəfli poliseqmentar multifokal pnevmoniya təsdiqlənib. Bütün səylərə baxmayaraq, COVID ağırlaşmalarından biri olan sepsis və septik şok inkişaf edib, böyrək çatışmazlığı yaranıb, təəssüf ki, xalq artistinin həyatını xilas etmək mümkün olmayıb".

----------

18:52

Azərbaycanın xalq artisti Səməd Səmədov vəfat edib.

Sputnik Azərbaycan APA-ya istinadən bildirir ki, bu barədə müğənni Tural Qismət məlumat verib.

Qeyd edək ki, S. Səmədov bu gün koronavirusdan dünyasını dəyişib.

"Toylar kralı" adını qazanan S.Səmədov 1946-cı il sentyabrın 17-də Aşqabadda anadan olmuş, 1948-ci ildə zəlzələ nəticəsində ailəsi ilə birlikdə Bakıya, İçərişəhər məhəlləsinə köçmüşdü.

Bülbül adına musiqi məktəbinin skripka sinfini bitirdikdən sonra A.Zeynallı adına Musiqi Məktəbinin nəzəriyyə sinfində oxuyub.

1988-ci ildən toylarda çıxış edib. 2000-ci ildə əhali arasında aparılan sorğunun nəticələrinə görə, Səməd Səmədov rəsmi olaraq "Toylar Kralı" adını qazanıb. O, Müstəqil 'Qrant' Milli İctimai Mükafatının ikiqat sahibi, 150 müxtəlif mahnının, 5 albomun, 20 klipin ifaçısı idi. 12 sentyabr 2011-ci ildə Xalq artisti fəxri adına layiq görülmüşdü.

90
Teqlər:
xalq artisti, ölüm, Səməd Səmədov
Qərəvəli kənd sakini  27  yaşlı Teyyub Nağıyev

Buradan laqeyd keçməyin: Yol kənarında fındıq satan müharibə iştirakçısı var