Tofiq Hacıyev

Azərbaycanlı müğənni "Slavyan bazarı"nın qalibləri sırasındadır

846
Belarusun Vitebsk şəhərində 14 ifaçının iştirakı ilə keçirilmiş beynəlxalq sənət festivalının qalibləri elan olunub.

BAKI, 19 iyul — Sputnik. Azərbaycan təmsilçisi Tofiq Hacıyev Vitebskdə keçirilən XXX beynəlxalq "Slavyan bazarı" sənət festivalında çüncü yeri tutub. Bu barədə Sputnik Azərbaycan-a müğənninin özü məlumat verib.

İyulun 14-də Belarusun Vitebsk şəhərində başlamış festivalda 14 ölkənin nümayəndəsi iştirak edib. Söhbət Azərbaycan, Rusiya, Ekvador, Ukrayna, Serbiya, Slovakiya, Litva, Latviya, Qırğızıstan, Qazaxıstan, Kuba, Almaniya, Bosniya-Herseqovina və Belarus təmsilçilərindən gedir.

Münsiflər heyətinə Belarusun xalq artisti Anatoli Yarmolenko, "Beynəlxalq italyan festivalları" mədəni assosiasiyasının prezidenti Mikele Poma, Moldovanın xalq artisti Konstantin Moskoviç, "Vitebsk-2015" Qran-prsinin sahibi Dimaş Kudaybergen və başqa məşhur müğənnilər daxil olublar.

"Slavyan bazarı"nın qalibləri

Müsabiqənin baş mükafatı uğrunda gərgin mübarizə gedir. Qran-pri Qazaxıstanın təmsilçisi Ruhiyyəyə qismət olub. Birinci yeri Serbiydan İrina Arsenieviç tutub, ikincini Belarusdan Daniil Mışkovs və Ukraynadan Renata Ştifel, üçüncü yeri isə Slovakiyadan İvanna və Azərbaycandan Tofiq Hacıyev bölüşüblər.

"Azərbaycanı layihədə layiqincə təmsil edə bildiyimə görə xoşbəxtəm. Etiraf edim ki, çox həyəcanlı idim, çünki bu mənim ilk beynəlxalq müsabiqəm idi. Məni dəstəkləyən və qələbəmə inanan bütün həmkarlarıma və dostlarıma minnətdaram", - Hacıyev deyib.

Qədirov festivala qayıtmaq fikrindədir

Müsabiqədə Rusiyanı təmsil etmiş Azərbaycan əsilli müğənni Emil Qədirova Belarus və Rusiyanın parlament məclisinin xüsusi mükafatı təqdim olunub.

"Müsabiqəyə gedərək çıxış etdiyim üçün xoşbəxtəm. Bu mənim "Slavyan bazarı"nda ilk çıxışım idi və əminəm ki, sonuncu olmayacaq", - Qədirov bildirib.

"Slavyan bazarı" festivalı

"Slavyan bazarı" beynəlxalq sənət festivalı Belarus Respublikasında keçirilən və ölkələrlə qitələri birləşdirən iri mədəni forumdur. Festivalda hər il müxtəlif ölkələrin nümayəndələri iştirak edir və ildən-ilə onların sayı artır.

Azərbaycanlılar Vitebskdə

Tofiq Hacıyev "Azərbaycanın səsi" milli musiqi layihəsindən iştirakdan sonra məşhurlaşıb. O həmçinin "Avroviziya-2019" beynəlxalq mahnı müsabiqəsinin milli seçim mərhələsinin dörd finalçısı sırasında olub. Həmin layihıdın sonra o solo karyerasına başlayıb. Hacıyev həmçinin yerli telekanallardan birində aparıcıdır.

Emil Qədirov "Romansiada-2012" XVI Moskva gənc rus romansı ifaçılarının beynəlxalq müsabiqəsinin, Klavdiya Şuljenko adına beynəlxalq müsabiqənin (Xarkov) laureatı, VIII Belqorod beynəlxalq klassik gitara ifaçılarının və gitaraçılar ansambllarının müsabiqəsinin birinci mükafatının, "Karpat Edelveysi" və "Qara dəniz sahilində" müsabiqələrinin Qran-prilərinin sahibidir. "Səs", "Yeni dalğa" layihələrində iştirak edib.

846

Xalq artisti Səməd Səmədov vəfat səbəbi bilindi

85
(Yenilənib 22:10 24.07.2021)
"Toylar kralı" adını qazanan S.Səmədov 1946-cı il sentyabrın 17-də Aşqabadda anadan olmuş, 1948-ci ildə zəlzələ nəticəsində ailəsi ilə birlikdə Bakıya, İçərişəhər məhəlləsinə köçmüşdü.

BAKI, 24 iyul - Sputnik. "74 yaşlı xəstə Səməd Səmədov ötən gün gecə saatlarında "Yeni Klinika"nın reanimasiya şöbəsinə çox ağır - tənəffüs çatışmazlığı, ciddi dirəncli potenziya vəziyyətində daxil olub".

Sputnik Azərbaycan bildirir ki, bunu "Report"a açıqlamasında klinikanın reanimatoloqu Emil Qasımov deyib.

Onun sözlərinə görə, xəstənin saturasiyası 60-70 arasında idi: "Təzyiqi qaldırmaq üçün maksimal dozada təzyiq qaldıran dərmanlar istifadə olundu. Xəstəyə lazımi dəstək müalicəsi olunsa da, aparılan müayinələr nəticəsində prokansin dəyərinin çox yüksək olması bakterial infeksiyanın əlavə olunmasına sübut idi. İnfeksiya və iltihabı markerlər çox yüksək idi. Xəstədə kəskin böyrək çatışmazlığı təsbit edildi. Kreatin dəyərləri 2,5 dəfə yüksəlmişdi və xəstənin sidik çıxışları, demək olar ki, yox idi. Xəstə heç 24 saat reanimasiya şöbəsində qalmadı. 15-16 saat müddətində xəstəni saxlaya bildik. Bütün bu fonda müdaxilələrə baxmayaraq xəstədə ürək dayanması baş verdi. Ölüm səbəbi sepsis və septik şok diaqnozu idi".

TƏBİB-in ictimaiyyətlə əlaqələr şöbəsinin əməkdaşı Elnarə Baxış Sputnik Azərbaycan-a bildirib ki, xalq artisti Səməd Səmədov 23 iyul 2021-ci il tarixində 60-70 saturasiya ilə Yeni klinika tibb müəssisəsinə daxil olub: "Döş qəfəsinin kompüter tomoqrafiyasının nəticələrinə əsasən, onda koronavirus ağırlaşması, ikitərəfli poliseqmentar multifokal pnevmoniya təsdiqlənib. Bütün səylərə baxmayaraq, COVID ağırlaşmalarından biri olan sepsis və septik şok inkişaf edib, böyrək çatışmazlığı yaranıb, təəssüf ki, xalq artistinin həyatını xilas etmək mümkün olmayıb".

----------

18:52

Azərbaycanın xalq artisti Səməd Səmədov vəfat edib.

Sputnik Azərbaycan APA-ya istinadən bildirir ki, bu barədə müğənni Tural Qismət məlumat verib.

Qeyd edək ki, S. Səmədov bu gün koronavirusdan dünyasını dəyişib.

"Toylar kralı" adını qazanan S.Səmədov 1946-cı il sentyabrın 17-də Aşqabadda anadan olmuş, 1948-ci ildə zəlzələ nəticəsində ailəsi ilə birlikdə Bakıya, İçərişəhər məhəlləsinə köçmüşdü.

Bülbül adına musiqi məktəbinin skripka sinfini bitirdikdən sonra A.Zeynallı adına Musiqi Məktəbinin nəzəriyyə sinfində oxuyub.

1988-ci ildən toylarda çıxış edib. 2000-ci ildə əhali arasında aparılan sorğunun nəticələrinə görə, Səməd Səmədov rəsmi olaraq "Toylar Kralı" adını qazanıb. O, Müstəqil 'Qrant' Milli İctimai Mükafatının ikiqat sahibi, 150 müxtəlif mahnının, 5 albomun, 20 klipin ifaçısı idi. 12 sentyabr 2011-ci ildə Xalq artisti fəxri adına layiq görülmüşdü.

85
Teqlər:
xalq artisti, ölüm, Səməd Səmədov
Baş Prokurorluq

Azərbaycanda nazirlikdə saxtalaşdırma ilə bağlı Baş Prokurorluq cinayət işi açdı

2266
(Yenilənib 13:19 23.07.2021)
Baş prokuror yanında Korrupsiyaya qarşı Mübarizə Baş İdarəsində Azərbaycan Respublikası Cinayət Məcəlləsinin 179.4 və 308.2-ci maddələri ilə cinayət işi başlanmaqla istintaqı aparılır.

BAKI, 22 iyul — Sputnik. Hesablama Palatasından turizmin inkişafı məqsədilə dövlət büdcəsindən ayrılan vəsaitin icrası zamanı yol verilmiş qanun pozuntuları haqqında Baş Prokurorluğa daxil olmuş material üzrə araşdırma aparılıb.

Baş Prokurorluqdan Sputnik Azərbaycan-a verilən məlumata görə, müəyyən edilib ki, hazırda ləğv edilmiş Mədəniyyət və Turizm Nazirliyi ilə "Rəqəmli Dövr" MMC arasında bağlanmış müqavilə üzrə Nazirliyin əsasında yaradılmış Dövlət Turizm Agentliyi tərəfindən faktiki olaraq satın alınmadığı halda, müxtəlif kitabçaların və xəritələrin satın alınması üzrə qeyd edilən Cəmiyyətə 14 noyabr 2018-ci il tarixdə külli miqdarda ödəniş edilib.

Habelə ölkədə keçirilmiş ticarət festivalları ("Şoppinq festival") üzrə icraçı müəssisə olan "Azərbaycan Konqreslər Bürosu" MMC tərəfindən 2017-2018-ci illərdə təşkil edilmiş ümumilikdə üç belə festival üzrə ayrı-ayrı telekanallarda reklamların ödənişsiz əsaslarla yerləşdirildiyi halda, reklam xidmətlərinə görə Nazirlik tərəfindən qeyd edilən Cəmiyyətə xüsusilə külli miqdarda büdcə vəsaiti ödənilib. Bundan əlavə, araşdırmalarla nazirlik tərəfindən müxtəlif xidmətlərin göstərilməsinə dair müqavilələrin icrası zamanı heç bir təsdiqedici sənədlər olmadan büdcə vəsaitinin silinməsinə yol verildiyi, həmçinin tədbirlərin keçirilməsi ilə bağlı icarə xərcləri üzrə artıq büdcə vəsaitinin ödənildiyi də müəyyən edilib.

Qeyd edilən faktlarla bağlı Baş prokuror yanında Korrupsiyaya qarşı Mübarizə Baş İdarəsində Azərbaycan Respublikası Cinayət Məcəlləsinin 179.4 (xüsusilə külli miqdarda mənimsəmə və ya israf etmə) və 308.2-ci (ağır nəticələrə səbəb olan vəzifə səlahiyyətlərindən sui-istifadə) maddələri ilə cinayət işi başlanmaqla istintaqı aparılır.

İstintaqın gedişatı və nəticəsi barədə ictimaiyyətə əlavə məlumat veriləcək.

Qeyd edək ki, sözügedən hadisələr Əbülfəs Qarayev mədəniyyət və turizm naziri olarkən baş verib.

Məlumat üçün bildirək ki, bu ilin may ayının 21-də prezident İlham Əliyevin sərəncamı ilə Əbülfəs Mürsəl oğlu Qarayev Azərbaycan Respublikasının Mədəniyyət naziri vəzifəsindən azad edilib. Bu sərəncamdan bir müddət əvvəl isə DTX Mədəniyyət Nazirliyində əməliyyat keçirərək nazir müavini Rafiq Bayramov və Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi Zakir Sultanovu saxlayıb. Aparılan cinayət işi üzrə Rafiq Bayramov vəzifə səlahiyyətlərindən sui-istifadə etmə, mənimsəmə, vəzifə saxtakarlığı, Zakir Sultanov vəzifə səlahiyyətlərindən sui-istifadə etmə və mənimsəmə faktlarına görə Cinayət Məcəlləsinin müvafiq maddələri ilə təqsirləndirilən şəxs qismində cəlb edilərək barələrində məhkəmənin qərarı ilə həbs qətimkan tədbiri seçilib. Xatırladaq ki, Ə. Qarayev 1994-cü ildən nazir işləyirdi.

2266
Əli qandallanmış kişi polis bölməsində, arxiv şəkli

Qərb bölgəsində "ənənəvi" narkotik maddə alverçiləri ələ keçiblər