mikrofon

Azərbaycanlı müğənni "Slavyan bazarı" müsabiqəsində iştirak edəcək

24
(Yenilənib 19:39 17.07.2021)
Müğənni birinci gün Nikolay Naskovun - "Sneq" və ikinci gecədə isə "King of leon" qrupunun "Sex on fire" mahnılarını ifa edəcək.

BAKI, 17 iyul — Sputnik. Belarusun Vitebsk şəhərində Avropa ölkələrinin və Böyük Şərqi Avropanın mühüm vokal yarışlarından biri olan "Slavyan bazarı" müsabiqəsi baş tutacaq.

Sputnik Azərbaycan xəbər verir ki, ölkəmizi bu müsabiqədə Tofiq Hacıyev təmsil edəcək. T.Hacıyevin verdiyi məlumata görə, müsabiqəyə hazırlıq və məşq prosesi Minsk şəhərində həyata keçirilib: "Orkestrla məşqlərimiz Minsk şəhərində, yarış isə Viteks şəhərində keçiriləcək. İki final gecəsi olacaq. Birinci gecə iyul ayının 17-də olacaq. İlk gecədə dünya hiti olacaq. Dünya hitlərinə müraciət edəcəyik. İkinci gecədə isə slavyan bəstəkarlarının mahnıları və onu Belarus dövlətinin prezident orkestrı ilə birgə ifa edəcəyik".

Müğənninin sözlərinə görə, pandemiyaya görə bəzi ölkələrin müsabiqədə iştirakı alınmayıb: "Məsələn, İsrayılın səfəri son anda təxirə düşdü. Gürcüstan da həmçinin pandemiya səbəbi ilə iştirak edə bilmədi. Kuba, Ekvador, Slaveniya, Ukrayna, Rusiya və s. ölkələr iştirak edir".

Müğənni birinci gün Nikolay Naskovun - "Sneq" və ikinci gecədə isə "King of leon" qrupunun "Sex on fire" mahnılarını ifa edəcək. Bizim ölkənin nümayəndə heyətinin rəhbəri müğənni, produsser Emin Həsəndi.

Qeyd edək ki, sözügedən müsabiqədə Rusiyanı Azərbaycan əsilli Emil Kadirov təmsil edəcək.

Bildirək ki, Azərbaycan nümayəndə heyətinin rəhbəri yarışmanın keçmiş laureatı, müğənni, prodüser Emin Həsəndir. Yarışın açılışında Tamara Qverdtsiteli, Nikolay Baskov, Emin Ağalarov, Dimaş Kudaybergen və başqa ulduzlar çıxış edəcəklər. Müsabiqə Belarusun "Беларусь tv ", " Беларусь 24 " və Rusiyanın "Россия 1" telekanallarında canlı yayımlanacaq.

Məlumat üçün bildirək ki, bundan öncə də ölkəmizi beynəlxalq festivallarda uğurla təmsil edən Tofiq Hacıyev həm də "Eurovision 2019" qapalı seçimlərində 4 finalçıdan biri olub. "İnterpapa" kinokomediyasından "Söhbət" kimi tanınan, hal-hazırda bəstəkar və müğənni kimi fəaliyyət göstərən gənc istedad "2015-ci ildə "Addım" Gənclər təşkilatı tərəfindən Bolqarıstanda Azərbaycanı təmsil edib. Müğənni "Ən yaxşı kişi səsi" və "Avropanın ən xarizmatik kişisi" seçilib.

24

Xalq artisti Səməd Səmədov vəfat səbəbi bilindi

65
(Yenilənib 22:10 24.07.2021)
"Toylar kralı" adını qazanan S.Səmədov 1946-cı il sentyabrın 17-də Aşqabadda anadan olmuş, 1948-ci ildə zəlzələ nəticəsində ailəsi ilə birlikdə Bakıya, İçərişəhər məhəlləsinə köçmüşdü.

BAKI, 24 iyul - Sputnik. "74 yaşlı xəstə Səməd Səmədov ötən gün gecə saatlarında "Yeni Klinika"nın reanimasiya şöbəsinə çox ağır - tənəffüs çatışmazlığı, ciddi dirəncli potenziya vəziyyətində daxil olub".

Sputnik Azərbaycan bildirir ki, bunu "Report"a açıqlamasında klinikanın reanimatoloqu Emil Qasımov deyib.

Onun sözlərinə görə, xəstənin saturasiyası 60-70 arasında idi: "Təzyiqi qaldırmaq üçün maksimal dozada təzyiq qaldıran dərmanlar istifadə olundu. Xəstəyə lazımi dəstək müalicəsi olunsa da, aparılan müayinələr nəticəsində prokansin dəyərinin çox yüksək olması bakterial infeksiyanın əlavə olunmasına sübut idi. İnfeksiya və iltihabı markerlər çox yüksək idi. Xəstədə kəskin böyrək çatışmazlığı təsbit edildi. Kreatin dəyərləri 2,5 dəfə yüksəlmişdi və xəstənin sidik çıxışları, demək olar ki, yox idi. Xəstə heç 24 saat reanimasiya şöbəsində qalmadı. 15-16 saat müddətində xəstəni saxlaya bildik. Bütün bu fonda müdaxilələrə baxmayaraq xəstədə ürək dayanması baş verdi. Ölüm səbəbi sepsis və septik şok diaqnozu idi".

TƏBİB-in ictimaiyyətlə əlaqələr şöbəsinin əməkdaşı Elnarə Baxış Sputnik Azərbaycan-a bildirib ki, xalq artisti Səməd Səmədov 23 iyul 2021-ci il tarixində 60-70 saturasiya ilə Yeni klinika tibb müəssisəsinə daxil olub: "Döş qəfəsinin kompüter tomoqrafiyasının nəticələrinə əsasən, onda koronavirus ağırlaşması, ikitərəfli poliseqmentar multifokal pnevmoniya təsdiqlənib. Bütün səylərə baxmayaraq, COVID ağırlaşmalarından biri olan sepsis və septik şok inkişaf edib, böyrək çatışmazlığı yaranıb, təəssüf ki, xalq artistinin həyatını xilas etmək mümkün olmayıb".

----------

18:52

Azərbaycanın xalq artisti Səməd Səmədov vəfat edib.

Sputnik Azərbaycan APA-ya istinadən bildirir ki, bu barədə müğənni Tural Qismət məlumat verib.

Qeyd edək ki, S. Səmədov bu gün koronavirusdan dünyasını dəyişib.

"Toylar kralı" adını qazanan S.Səmədov 1946-cı il sentyabrın 17-də Aşqabadda anadan olmuş, 1948-ci ildə zəlzələ nəticəsində ailəsi ilə birlikdə Bakıya, İçərişəhər məhəlləsinə köçmüşdü.

Bülbül adına musiqi məktəbinin skripka sinfini bitirdikdən sonra A.Zeynallı adına Musiqi Məktəbinin nəzəriyyə sinfində oxuyub.

1988-ci ildən toylarda çıxış edib. 2000-ci ildə əhali arasında aparılan sorğunun nəticələrinə görə, Səməd Səmədov rəsmi olaraq "Toylar Kralı" adını qazanıb. O, Müstəqil 'Qrant' Milli İctimai Mükafatının ikiqat sahibi, 150 müxtəlif mahnının, 5 albomun, 20 klipin ifaçısı idi. 12 sentyabr 2011-ci ildə Xalq artisti fəxri adına layiq görülmüşdü.

65
Teqlər:
xalq artisti, ölüm, Səməd Səmədov
Baş Prokurorluq

Azərbaycanda nazirlikdə saxtalaşdırma ilə bağlı Baş Prokurorluq cinayət işi açdı

2266
(Yenilənib 13:19 23.07.2021)
Baş prokuror yanında Korrupsiyaya qarşı Mübarizə Baş İdarəsində Azərbaycan Respublikası Cinayət Məcəlləsinin 179.4 və 308.2-ci maddələri ilə cinayət işi başlanmaqla istintaqı aparılır.

BAKI, 22 iyul — Sputnik. Hesablama Palatasından turizmin inkişafı məqsədilə dövlət büdcəsindən ayrılan vəsaitin icrası zamanı yol verilmiş qanun pozuntuları haqqında Baş Prokurorluğa daxil olmuş material üzrə araşdırma aparılıb.

Baş Prokurorluqdan Sputnik Azərbaycan-a verilən məlumata görə, müəyyən edilib ki, hazırda ləğv edilmiş Mədəniyyət və Turizm Nazirliyi ilə "Rəqəmli Dövr" MMC arasında bağlanmış müqavilə üzrə Nazirliyin əsasında yaradılmış Dövlət Turizm Agentliyi tərəfindən faktiki olaraq satın alınmadığı halda, müxtəlif kitabçaların və xəritələrin satın alınması üzrə qeyd edilən Cəmiyyətə 14 noyabr 2018-ci il tarixdə külli miqdarda ödəniş edilib.

Habelə ölkədə keçirilmiş ticarət festivalları ("Şoppinq festival") üzrə icraçı müəssisə olan "Azərbaycan Konqreslər Bürosu" MMC tərəfindən 2017-2018-ci illərdə təşkil edilmiş ümumilikdə üç belə festival üzrə ayrı-ayrı telekanallarda reklamların ödənişsiz əsaslarla yerləşdirildiyi halda, reklam xidmətlərinə görə Nazirlik tərəfindən qeyd edilən Cəmiyyətə xüsusilə külli miqdarda büdcə vəsaiti ödənilib. Bundan əlavə, araşdırmalarla nazirlik tərəfindən müxtəlif xidmətlərin göstərilməsinə dair müqavilələrin icrası zamanı heç bir təsdiqedici sənədlər olmadan büdcə vəsaitinin silinməsinə yol verildiyi, həmçinin tədbirlərin keçirilməsi ilə bağlı icarə xərcləri üzrə artıq büdcə vəsaitinin ödənildiyi də müəyyən edilib.

Qeyd edilən faktlarla bağlı Baş prokuror yanında Korrupsiyaya qarşı Mübarizə Baş İdarəsində Azərbaycan Respublikası Cinayət Məcəlləsinin 179.4 (xüsusilə külli miqdarda mənimsəmə və ya israf etmə) və 308.2-ci (ağır nəticələrə səbəb olan vəzifə səlahiyyətlərindən sui-istifadə) maddələri ilə cinayət işi başlanmaqla istintaqı aparılır.

İstintaqın gedişatı və nəticəsi barədə ictimaiyyətə əlavə məlumat veriləcək.

Qeyd edək ki, sözügedən hadisələr Əbülfəs Qarayev mədəniyyət və turizm naziri olarkən baş verib.

Məlumat üçün bildirək ki, bu ilin may ayının 21-də prezident İlham Əliyevin sərəncamı ilə Əbülfəs Mürsəl oğlu Qarayev Azərbaycan Respublikasının Mədəniyyət naziri vəzifəsindən azad edilib. Bu sərəncamdan bir müddət əvvəl isə DTX Mədəniyyət Nazirliyində əməliyyat keçirərək nazir müavini Rafiq Bayramov və Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi Zakir Sultanovu saxlayıb. Aparılan cinayət işi üzrə Rafiq Bayramov vəzifə səlahiyyətlərindən sui-istifadə etmə, mənimsəmə, vəzifə saxtakarlığı, Zakir Sultanov vəzifə səlahiyyətlərindən sui-istifadə etmə və mənimsəmə faktlarına görə Cinayət Məcəlləsinin müvafiq maddələri ilə təqsirləndirilən şəxs qismində cəlb edilərək barələrində məhkəmənin qərarı ilə həbs qətimkan tədbiri seçilib. Xatırladaq ki, Ə. Qarayev 1994-cü ildən nazir işləyirdi.

2266
İvan Tixonov

On nəfərə bir qələbə: Azərbaycanlı idmançıların Tokioda ilk günü