Mikrofon

Gözlərimizi qulaqlarımızı yağır edənlərdən necə qurtulmalı?

73
Faiq Sücəddinov deyir ki, telekanallar musiqi siyasətini dəyişsələr, üç aya bayağılığı yığışdırmaq olar. MTRŞ rəsmisi isə televiziya və radio kütləvi olduğuna görə orada səslənən musiqiyə nəzarət edə bilmədiklərini söyləyir.

BAKI, 12 iyul — Sputnik. Bir müddət öncə Dövlət Dil Komissiyası yanında Monitorinq Mərkəzində "İfaçılıq sənətində Azərbaycan dilinin düzgün tətbiqi" mövzusunda tədbir keçirilmişdi. Məqsəd televiziyada və radioada yayımlanan mahnıların sözlərinə və musiqilərinə nəzarət idi. Bu, öz nəticəsini verdimi? Televiziya və radioda yayımlanan musiqilərə nəzarət edilməlidirmi? Gözlərimizi, qulaqlarımızı yağır edənlərdən necə qurtulmaq olar? Sputnik Azərbaycan olaraq bu məsələni araşdırdıq.

Bir çox televiziyalarda rejissor kimi fəaliyyət göstərən rejissor Elçin Elxanlı bildirir ki, bayağı musiqinin səsləndirilməsi bir növ özəl televiziya rəhbərlərinin siyasətidir: "Onlar rəhbərlik etdikləri televiziyalarında nələri görmək istəyirlərsə, onu da göstərirlər. Bayağı müğənnilərin təkcə mahnıları səsləndirilsə, dərd yarıdır. Onları verilişə dəvət edirlər, onların həyat yolu işıqlandırılır. Onları nümunəvi bir qəhrəman kimi cəmiyyətə təqdim edirlər. Məncə bu daha dəhşətlidir, nəinki onların musiqilərinin səsləndirilməsi".

Rejissor əlavə edib ki, əvvəllər bir çox telekanallarda musiqi redaktorları var idi. İndi isə əksər telekanallarda bu ləğv olunub:

"Televiziya bir növ bazara çevrilib. Kim ki pul verir, o da nə istəsə, oxuya bilər. Pul verəndən sonra düşünürlər ki, artıq o televiziyanın ağası ola bilərlər. Bu barədə radioda vəziyyət televiziyaya nisbətən yaxşıdır. Amma orada da verilişlərin səviyyəsi daha aşağıdır".

E.Elxanlı bu problemin həllini belə görür: "Mənə elə gəlir ki, tematik kanallar olmalıdır. Telekanallar və radiolar müəyyən janrlara bölünməlidir. Yəni xaotik olaraq hamısı eyni musiqiləri yayımlayır. Fərqli bir məhsulla tamaşaçı qarşısına çıxmırlar. Düşünürəm ki, bunu Milli Televiziya və Radio Şurası edə bilər. O ki qaldı zövqlərin korlanmağına, burada təkcə efirin günahı yoxdur. Artıq 10 ildən çoxdur ki, Azərbaycanda "Youtube" kimi platformaya sərbəst şəkildə girə bilirlər. Oraya kim nə istəsə oxuyub yerləşdirir və onu da milyonlarla insan dinləyir. Hətta efirə çıxan bayağı müğənnidən qat-qat zəif, bayağı oxuyan müğənnilərin ifaları milyonlarla baxış toplayır və onlar trendə düşürlər. Onlar təkcə bizimkilərin yox, Türkiyə, Rusiya və digər ölkələrin tamaşaçısının diqqətini cəlb edə bilirlər. Onsuz da gənclərin böyük bir qismi televizora baxmır. Onlar girib internetə o mahnılara qulaq asırlar. Tamaşaçılar efirlərdən çox giley-güzar edirlər. Baxın, "Youtube" sərbəst platformadır. Orada da maarifləndirici veriliş, video varsa, baxışı azdır. Amma harada ki, zəif, bayağı, şit video varsa, insanlar ona baxırlar. Axı orada azadsınız? Orada niyə gedib səviyyəsiz videoları seçdiniz? Orada ki yaxşılara baxmaq şansınız var idi".

Azərbaycan Respublikasının Xalq artisti, "Şöhrət" ordeni laureatı, bəstəkar Faiq Sücəddinov bildirir ki, telekanallar bir müddət müğənnilərin verdiyi musiqini qəbul etməsələr, bayağılıq tədricən aradan qalxar: "Azərbaycan televiziyası və radiosu digər telekanallara nisbətən daha çox keyfiyyətli musiqiyə yer verir. Təəssüf ki, digər kanallarda vəziyyət bu barədə yaxşı deyil. Mən hər zaman demişəm. Hər bir televiziya və radioda musiqi redaktoru olmalıdır. O musiqi redaktoru kanalın musiqi siyasətini tənzimləməlidir. Yəni hər bir müğənni efirə gələndə efirdən öncə mahnını dinləməlidir. Onun sözlərinə diqqət etməlidir. Ondan sonra həmin musiqini efirə buraxmalıdır.

Sovet dönəmində belə idi. Müğənni musiqini təqdim edirdi, mahnını dinləyirdilər. Ondan sonra qərar verilirdi ki, bu mahnı olar, ya olmaz. Efirdə bəzən elə musiqilər səslənir ki, heç o sözlər efirə, mədəniyyətimizə uyğun deyil. İş orasındadır ki, bu sözləri hər kəs deyir. Amma bu, mətbəxdən o tərəfə getmir. Mənə elə gəlir ki, telekanallar musiqi siyasətini dəyişsələr, ona diqqət yetirsələr, inanın ki, 3 aya bu problem aradan qalxar. Amma bir məsələ var. "Efir setkası" var, onu doldurmaq lazımdır. Elə ona görə də bayağılığın, cılız musiqinin qarşısını almaq mümkün deyil".

Milli Televiziya və Radio Şurasının (MTRŞ) Aparat rəhbəri Fazil Novruzov da məsələyə münasibətini bildirib. Aparat rəhbərinin sözlərinə görə, televiziya və radio o zaman cərimələnə bilər ki, mahnıda qeyri-etik ifadələr və nəyəsə çağırış olsun. O zaman televiziya və radionun yayımı dayandırıla bilər: "Milli Televiziya və Radio Şurası televiziyada və radioda yayımlanan musiqilərə nəzarət etmir. Ona ancaq yayım şirkəti nəzarət edə bilər. Musiqi zövqə bağlı bir məsələdir. Bizim üçün bayağı səslənən musiqi, mahnının sözləri kimin üçünsə bayağı olmaya bilər. Kimisi milli musiqi sevir, kimisi caz, kimisi rok, kimisi də ancaq xarici musiqiyə qulaq asır. Televiziya və radio da kütləvi olduğuna görə orada səslənən musiqiyə nəzarət edə bilmərik".

Eləcə də oxuyun:

73
Teqlər:
musiqi, televiziya, radio, redaktor

Qəbələdə musiqi ziyafəti

32
(Yenilənib 21:10 01.08.2021)
Qəbələ festivalında Bakı Musiqi Akademiyasının tələbələri növbəti konsert proqramını təqdim ediblər.

BAKI, 1 avqust - Sputnik. XII Qəbələ Musiqi Festivalı çərçivəsində avqustun 1-də Heydər Əliyev Konqres Mərkəzində musiqisevərlərə Üzeyir Hacıbəyli adına Bakı Musiqi Akademiyasının tələbələrinin iştirakı ilə növbəti konsert proqramı təqdim olunub.

Sputnik Azərbaycan xəbər verir ki, festivalın təşkilatçı qurumlarının təmsilçilərinin, yerli musiqisevərlərin və şəhərin qonaqlarının iştirakı ilə keçən konsertdə respublika və beynəlxalq müsabiqələr laureatları çıxış ediblər.

Prezident təqaüdçüləri Vüsalə Babayevanın (piano), Zərrin Əliyevanın (violin), Lalə İbrahimovanın (vokal), Kamran Talıblının (fleyta), Leyla Zeynalovanın (piano), Emil Əhmədzadənin (piano), həmçinin Elxan Niftiyev, Fuad Əlizadə, Ləman Seyidova, Ceyran İsayeva, Fəqan Həsənli və digər pianoçuların, klarnet ifaçısı Məhəmmədəli Paşazadənin, violin ifaçısı Nigar Əsgərovanın, qaboy ifaçısı Əziz Pənahın, violençel ifaçısı Ərol Rzayevin, vokalçılar Rza Xosrovzadə və Mahir Tağızadənin ifaları tamaşaçılar tərəfindən alqışlarla qarşılanıb.

Konsertdə M.Arnold, F.Şopen, M.Moşkovski, R.Şuman, A.Qrunfeld, N.Rimski-Korsakov, həmçinin Tofiq Quliyev, Niyazi və digər bəstəkarların əsərləri səsləndirilib.

Festivalın proqramına uyğun olaraq, axşam saat 21:00-da Heydər Əliyev Konqres Mərkəzində Bakı Şəhər Mədəniyyət Baş İdarəsinin “Bakı Kamera Orkestri”nin çıxışı olacaq.

XII Qəbələ Musiqi Festivalının açılış mərasimi

Azərbaycanın dilbər guşələrindən olan Qəbələ şəhəri yenidən öz qapılarını sənətsevərlərin, Musiqi Festivalı iştirakçılarının üzünə açıb.

Heydər Əliyev Fondunun dəstəyi və təşkilatçılığı, Azərbaycan Respublikasının Təhsil və Mədəniyyət nazirliklərinin və Bakı Musiqi Akademiyasının  dəstəyi ilə iyulun 31-də başlayan XII Qəbələ Musiqi Festivalı avqustun 4-dək davam edəcək.

Builki festival əlamətdar hadisəyə - Üzeyir Hacıbəyli adına Bakı Musiqi Akademiyasının 100 illik yubileyinə həsr olunub. Yubileyin keçirilməsi ilə bağlı Azərbaycan Respublikasının Prezidenti İlham Əliyev 2021-ci il mayın 26-da Sərəncam imzalayıb. Bununla bağlı respublikamızın bir çox bölgələrində, musiqi-tədris ocaqlarında müxtəlif tədbirlərin keçirilməsi nəzərdə tutulub. XII Qəbələ Musiqi Festivalı da yubileyə həsr olunmuş tədbirlərdən biridir.

Musiqi ictimaiyyəti arasında böyük rəğbətlə qarşılanan Qəbələ Musiqi Festivalının proqramı bu il də çox zəngindir. Musiqisevərlər festival günlərində bir çox musiqi kollektivlərinin maraqlı konsert proqramından zövq alacaqlar. Festivalda klassik musiqi ilə yanaşı, muğam, vokal, kamera musiqisi axşamları da təşkil olunacaq.

İyulun 31-də axşam saatlarında Qəbələ şəhərindəki Heydər Əliyev Konqres Mərkəzinin kamera zalında musiqisevərlərə Ü.Hacıbəyli adına Bakı Musiqi Akademiyasının tələbələrinin iştirakı ilə festivalın ilk konserti təqdim olunub. Konsertdə respublika və beynəlxalq müsabiqələr laureatları çıxış ediblər. Pianoçular Leyla Zeynalova, Atabala Manafzadə, Cəmil Sədizadə, Rəşid Behbudov, Jalə Mayılova, Səbinə Muradova, Gülər Ağayeva və Fəqan Həsənlinin, violin ifaçıları Osman Mustafazadə, Zərrin Əliyeva və Aysel Abdullayevanın, violençel ifaçısı Orxan Hüseynovun, həmçinin viola, fleyta, klarnet və truba ifaçılarının, vokalçılar Nigar Əsgərova və Sübhan Rüstəmovun ifaları tamaşaçılar tərəfindən alqışlarla qarşılanıb.

Konsertdə S.Raxmaninov, H.Venyavski, A.Messager, A.Skryabin, A.Piazzolla, F.Şopen, D.Şostakoviç, həmçinin Azərbaycan bəstəkarlarından Tofiq Quliyev, Fikrət Əmirov və Müslüm Maqomayevin əsərləri səsləndirilib.

Gənc musiqiçilərin çıxışları tamaşaçılar tərəfindən alqışlarla qarşılanıb.

Sonra “Qafqaz Resort” otelində açıq səhnədə XII Qəbələ Musiqi Festivalının təntənəli açılış mərasimi olub.

Əvvəlcə ölkəmizdə musiqi mədəniyyətinin inkişafında və təbliğində müstəsna xidmətləri olan Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyevanın festival iştirakçılarına təbrik məktubu oxunub.

Açılış mərasimindən sonra Müdafiə Nazirliyinin Əlahiddə Nümunəvi Hərbi Orkestri geniş konsert proqramı ilə çıxış edib. Orkestrin bədii rəhbəri və baş hərbi dirijoru Müdafiə Nazirliyinin Şəxsi Heyət Baş İdarəsi Hərbi Orkestr Xidmətinin rəisi, Xalq artisti, general-mayor Yusif Axundzadədir.

Konsertin əvvəlində orkestrin ifasında Azərbaycan Respublikasının Dövlət Himni və Ü.Hacıbəylinin “Koroğlu” operasından “Üvertüra” səsləndirilib.

Orkestrin rəisi Əməkdar incəsənət xadimi, polkovnik-leytenant Rüfət Axundzadənin və hərbi dirijor baş leytenant Elnur Qurbanovun dirijorluğu ilə keçirilən konsertdə Aynur İsgəndərli (vokal), Arslan Növrəsli (tar), Kənan Qədimov (vokal), Gülnar Qüdrətli (xanəndə), Namiq Qurbanov (zurna, balaban) və Anar Hüseynovun (nağara) ifaları tamaşaçılar tərəfindən alqışlarla qarşılanıb.

32
Flora Kərimova

Prezident Flora Kərimova barədə sərəncam imzaladı

178
Flora Kərimova “Şərəf” ordeni ilə təltif edilib, müğənniyə Azərbaycan Respublikası Prezidentinin fərdi təqaüdü veriləcək.

BAKI, 31 iyul - Sputnik. Prezident İlham Əliyev Flora Kərimovaya Azərbaycan Respublikası Prezidentinin fərdi təqaüdünün verilməsi haqqında sərəncam imzalayıb.

Sputnik Azərbaycan-ın xəbərinə görə, sərəncamla Azərbaycan musiqi sənətinin inkişafında uzunmüddətli səmərəli fəaliyyətinə görə Flora Ələkbər qızı Kərimovaya Azərbaycan Respublikası Prezidentinin fərdi təqaüdü veriləcək.

Azərbaycan Prezidenti İlham Əliyev həmçinin Xalq artisti Flora Kərimovanın “Şərəf” ordeni ilə təltif edilməsi haqqında sərəncam imzalayıb.

Sərəncama əsasən, Azərbaycan musiqi sənətinin inkişafında xidmətlərinə görə Flora Ələkbər qızı Kərimova “Şərəf” ordeni ilə təltif edilib.

Həmçinin oxuyun:

Flora Kərimova illər sonra Şuşadakı məhəllələrində - VİDEO

Flora Kərimovaya ağır itki üz verib

178
Kişi Tokio-2020 Olimpiya Oyunlarının installyasiyasının qarşısından keçir

Koreya ilə Belarus liderlərini birləşdirən dəyər ermənilərin təbiətin məhvinə sevinməsi