“Azərxalça” ASC-nin Qazax xalça toxuculuğu müəssisəsinda iş

Qarabağda bərpa olunana qədər Qazaxın "qonağı" olan sənət: dünyanı təkrar valeh edəcəyik

57
(Yenilənib 21:45 28.06.2021)
Əsl qadın peşəsi olan xalçaçılıq 44 günlük Vətən müharibəsindən sonra artıq tarix carçısına çevrilir - Qazaxdakı xalçaçı xanımlarımız Qarabağ xalçaçılıq sənətini dirçəltməkdə həvəslidirlər.

BAKI, 28 iyun — Sputnik. Onlar uzun müddətdir Qarabağ xalçalarını kövrələrək toxuyublar. Hər ilmədə nisgil, həsrət, kədər olub. Amma indi o nisgil geridə qalıb. Bu gün Təbriz ipləri ilə Qarabağ xalçası toxuyan qazaxlı xanımlar yenə kövrəlirlər. Bu artıq sevinc duyğusundan yaranan kövrəklikdir. Çünki bu xalçalar indi azad Qarabağın şərəfinə toxunur.

Pandemiya səbəbindən uzun müddət fəaliyyətini dayandıran xalça sexlərinə yalnız aprel ayından işləmək üçün icazə verilib. Hazırda xalça müəssisəsi tam sürətilə çalışır. Xanımlarımız milli naxışları çeşnilərdən ilmələrə köçürürlər. Sputnik Azərbaycan-ın bölgə müxbiri ölkəmizin ən qədim xalçaçılıq mərkəzlərindən olan Qazaxın xalçaçıları ilə həmsöhbət olub.

© Sputnik / Ilham Mustafayev
"Azərxalça"nın Qazax filialı

Xalçaçılarımız zəfərimizdən qürurlanaraq həvəslə çalışdıqlarını deyirlər. 50 ilə yaxındır xalçaçılıqla məşğul olan Rahilə Əsgərova bu sahəni öz cəbhəsi sayaraq ilmələri ilə Qarabağ üçün öz töhfəsini vermək istədiyini söyləyib:

"Hazırda ilk dəfə gələn bir Qarabağ xalçası üzərində işləyirəm. Zərif Təbriz ipləri ilə toxuyuram. Bunu toxuduqca qürurlanıram. Düzdür, əvvəllər də Qarabağ xalçaları toxuyurduq. Amma onları bir kədərlə, nisgillə toxuyurduq. İndi isə işlədikcə sevincdən kövrəlirəm. İstəyirik ki, bu sənət Qarabağımızda bərpa olunana qədər o xalçaları Qazaxda toxuyaq. Biz də bununla özümüzü qələbəyə qoşuruq, öz sözümüzü xalçamızla deyirik".
  • “Azərxalça” ASC-nin Qazax xalça toxuculuğu müəssisəsi
    © Sputnik / Ilham Mustafayev
  • “Azərxalça” ASC-nin Qazax xalça toxuculuğu müəssisəsi
    © Sputnik / Ilham Mustafayev
  • “Azərxalça” ASC-nin Qazax xalça toxuculuğu müəssisəsi
    © Sputnik / Ilham Mustafayev
  • “Azərxalça” ASC-nin Qazax xalça toxuculuğu müəssisəsi
    © Sputnik / Ilham Mustafayev
  • “Azərxalça” ASC-nin Qazax xalça toxuculuğu müəssisəsi
    © Sputnik / Ilham Mustafayev
1 / 5
© Sputnik / Ilham Mustafayev
“Azərxalça” ASC-nin Qazax xalça toxuculuğu müəssisəsi

Qazax xalçaçılıq müəssisəsində kifayət qədər təcrübəli xalçaçılar işləyirlər. Çox işləyib, çox məvacib almaq prinsipi ilə çalışan müəssisədə məvaciblər toxunan xalçanın kvadratmetri ilə ölçülür. Bir kvadratmetr xalçaya görə 250 manat ödənilir. 12 yaşından xalçaçılıqla məşğul olan Gülnaz Qurbanova ən sürətli toxuculardandır. O, bir ay ərzində 2 kvadratmetrə yaxın xalça toxuya bildiyini deyib:

"Anam, nənəm, bacılarım, xalalarım hamısı xalçaçı olublar. Hazırda Təbriz ipləri ilə Qarabağ xalçası toxuyuram. Bu yenilikdir bizim üçün. Düzdür, çətin olsa da qürurludur. Ay ərzində 2 kvadrata yaxın xalça toxuyuram. Eyni zamanda xalçaçı olmaq istəyən qızlarımıza bu işin sirlərini öyrədirəm. Əsl qadın peşəsidir".

"Azərxalça"nın Qazax filialının sex rəisi Razim İbrahimov bu gün dünya xalça bazarındakı tələbata uyğun olaraq keyfiyyətli xalçaların toxunmasına üstünlük verildiyini bildirib.

© Sputnik / Ilham Mustafayev
“Azərxalça” ASC-nin Qazax xalça toxuculuğu müəssisəsi
"İki ay ərzində biz 110 kvadratmetrə yaxın xalça təhvil vermişik. Bu xalçaların təxminən 90 faizi Qarabağ xalçaları olub. Qarabağ işğaldan azad olunduğu üçün sırf başladıq bu xalçaların toxunmasına üstünlük verməyə. Eyni zamanda yeniliklərimiz də çoxdur. Bu yeniliklər yeni zövqlərə, yeni bazarın tələbatlarına cavab vermək üçün edilir", - deyə R.İbrahimov məlumat verib.

Hazırda bütün xalçaçılıq müəssisələrində Qarabağ xalçalarının parametrinin yüksəldilməsinə xüsusi diqqət yetirilir. Ölkəmizə gələn qonaqlara təqdim olunmasında da Qarabağ xalçasına üstünlük verilir.

Eləcə də oxuyun:

57
Teqlər:
tarix, mədəniyyət, Qazax, Qarabağ, 'Azərxalça' ASC, xalça
Mövzu:
Sözlə deyə bilmədiklərimizin izharı - sənət (39)

Xalq artisti Səməd Səmədov vəfat səbəbi bilindi

84
(Yenilənib 22:10 24.07.2021)
"Toylar kralı" adını qazanan S.Səmədov 1946-cı il sentyabrın 17-də Aşqabadda anadan olmuş, 1948-ci ildə zəlzələ nəticəsində ailəsi ilə birlikdə Bakıya, İçərişəhər məhəlləsinə köçmüşdü.

BAKI, 24 iyul - Sputnik. "74 yaşlı xəstə Səməd Səmədov ötən gün gecə saatlarında "Yeni Klinika"nın reanimasiya şöbəsinə çox ağır - tənəffüs çatışmazlığı, ciddi dirəncli potenziya vəziyyətində daxil olub".

Sputnik Azərbaycan bildirir ki, bunu "Report"a açıqlamasında klinikanın reanimatoloqu Emil Qasımov deyib.

Onun sözlərinə görə, xəstənin saturasiyası 60-70 arasında idi: "Təzyiqi qaldırmaq üçün maksimal dozada təzyiq qaldıran dərmanlar istifadə olundu. Xəstəyə lazımi dəstək müalicəsi olunsa da, aparılan müayinələr nəticəsində prokansin dəyərinin çox yüksək olması bakterial infeksiyanın əlavə olunmasına sübut idi. İnfeksiya və iltihabı markerlər çox yüksək idi. Xəstədə kəskin böyrək çatışmazlığı təsbit edildi. Kreatin dəyərləri 2,5 dəfə yüksəlmişdi və xəstənin sidik çıxışları, demək olar ki, yox idi. Xəstə heç 24 saat reanimasiya şöbəsində qalmadı. 15-16 saat müddətində xəstəni saxlaya bildik. Bütün bu fonda müdaxilələrə baxmayaraq xəstədə ürək dayanması baş verdi. Ölüm səbəbi sepsis və septik şok diaqnozu idi".

TƏBİB-in ictimaiyyətlə əlaqələr şöbəsinin əməkdaşı Elnarə Baxış Sputnik Azərbaycan-a bildirib ki, xalq artisti Səməd Səmədov 23 iyul 2021-ci il tarixində 60-70 saturasiya ilə Yeni klinika tibb müəssisəsinə daxil olub: "Döş qəfəsinin kompüter tomoqrafiyasının nəticələrinə əsasən, onda koronavirus ağırlaşması, ikitərəfli poliseqmentar multifokal pnevmoniya təsdiqlənib. Bütün səylərə baxmayaraq, COVID ağırlaşmalarından biri olan sepsis və septik şok inkişaf edib, böyrək çatışmazlığı yaranıb, təəssüf ki, xalq artistinin həyatını xilas etmək mümkün olmayıb".

----------

18:52

Azərbaycanın xalq artisti Səməd Səmədov vəfat edib.

Sputnik Azərbaycan APA-ya istinadən bildirir ki, bu barədə müğənni Tural Qismət məlumat verib.

Qeyd edək ki, S. Səmədov bu gün koronavirusdan dünyasını dəyişib.

"Toylar kralı" adını qazanan S.Səmədov 1946-cı il sentyabrın 17-də Aşqabadda anadan olmuş, 1948-ci ildə zəlzələ nəticəsində ailəsi ilə birlikdə Bakıya, İçərişəhər məhəlləsinə köçmüşdü.

Bülbül adına musiqi məktəbinin skripka sinfini bitirdikdən sonra A.Zeynallı adına Musiqi Məktəbinin nəzəriyyə sinfində oxuyub.

1988-ci ildən toylarda çıxış edib. 2000-ci ildə əhali arasında aparılan sorğunun nəticələrinə görə, Səməd Səmədov rəsmi olaraq "Toylar Kralı" adını qazanıb. O, Müstəqil 'Qrant' Milli İctimai Mükafatının ikiqat sahibi, 150 müxtəlif mahnının, 5 albomun, 20 klipin ifaçısı idi. 12 sentyabr 2011-ci ildə Xalq artisti fəxri adına layiq görülmüşdü.

84
Teqlər:
xalq artisti, ölüm, Səməd Səmədov
Baş Prokurorluq

Azərbaycanda nazirlikdə saxtalaşdırma ilə bağlı Baş Prokurorluq cinayət işi açdı