Samirə Efendi Norveç təmsilçisinə "hə" deyib - sosial şəbəkə bundan danışır - VİDEO

302
Norveç və Azərbaycan təmsilçiləri birlikdə daha çox vaxt keçirməyə başlayıblar. Bu isə onlar arasında eşq macərası olduğu ehtimalı yaradıb.

BAKI, 22 may - Sputnik, Kəmalə Əliyeva. Sosial şəbəkələrdə "Avroviziya" beynəlxalq mahnı müsabiqəsində Norveçin Tix təxəllüsü ilə tanınan müğənnisi Andreas Haukelandın azərbaycanlı həmkarı Samirə Efendinin saqqızını oğurladığı barədə xəbərlər dolaşır. 

Sputnik Azərbaycan-ın məlumatına görə, belə şayiələrin yayılmasına səbəb Rotterdamdakı bloger və paparassilərin onların birgə şəkillərini çəkərək yayması olub. Şəkillərdən görünür ki, müğənnilər vaxtlarını birgə keçirirlər, Tix hətta Samirəyə üzərinə "Norveç" yazılmış köynəyini hədiyyə edib, üstəlik böyük qızılgül dəstəsi yollayıb.

Посмотреть эту публикацию в Instagram

Публикация от 🇦🇿♥️𝐄𝐅𝐄𝐍𝐓𝐈𝐗♥️🇳🇴 (@efen._tix)

Tix eləcə də özünün Instagram səhifəsində "Mənim "Avroviziya"da sevgi macəram" adlı videoçarx paylaşıb. Bundan sonra sosial şəbəkə istifadəçiləri lap yəqin ediblər ki, Samirə həmkarına "hə" deyib və onlar artıq görüşməyə başlayıblar.

Посмотреть эту публикацию в Instagram

Публикация от TIX (Andreas Haukeland) (@tixmusic)

Samirə hələ ki şayiələrə cavab verməsə də sosial şəbəkədəki hekayəsində norveçli ifaçının yolladığı gül dəmətinin şəklini paylaşıb. Onların macərasının necə davam edəcəyini isə zaman göstərəcək.

Tix-in Samirəni çıxışı zamanı dəstəkləməsi videosu da maraqla qarşılanıb:

Посмотреть эту публикацию в Instagram

Публикация от 🇦🇿♥️𝐄𝐅𝐄𝐍𝐓𝐈𝐗♥️🇳🇴 (@efen._tix)

 

Xatırladaq ki, bu gecə Rotterdamda (Niderland) "Avroviziya" mahnı müsabiqəsinin 65-ci finalı baş tutacaq. 

26 finalçının iştirak edəcəyi yarışda Samirə Efendi "Mata Hari" mahnısı ilə 21-ci çıxış edəcək. 

Tix (Andreas Haukeland) tək müğənni deyil, öz mahnılarının müəllifi və prodüserdir. O, Turett sindromundan əziyyət çəkir. Uşaq vaxtı onu cırnadır və "tik" deyirmişlər, illər sonra müğənni həmin adı təxəllüs götürməyə qərar verib.

Eləcə də oxuyun:

* "Eurovision 2021" bukmekerləri, ingilis mətbuatı və bizimkilər: Samirənin şansı varmı?

* Bu gün "Avroviziya -2021"in qalibi seçiləcək

Niderland təmsilçisi "Avroviziya 2021"-in finalında oxumayacaq

* "Eurovision-2021": Azərbaycan təmsilçisi finala yüksəldi

302
Teqlər:
video, eşq, Azərbaycan, Norveç, Samirə Efendi
Şəki Xan sarayı

Avropanın Keramika Marşrutunun yeni üzvü - Şəkinin təqdimatı keçirilib

208
(Yenilənib 20:41 18.06.2021)
Azərbaycan Mədəni Marşrutlar üzrə Avropa İnstitutuna 2011-ci ildən üzv olub. İndiyədək Azərbaycan Avropa Şurası Mədəni Marşrutları layihəsi çərçivəsində 5 marşruta qoşulub.

BAKI, 18 iyun — Sputnik. Avropa Şurasının Keramika Assosiasiyasının Baş Assambleyasının onlayn formatda iclası keçirilib. Sputnik Azərbaycan xəbər verir ki, iclas çərçivəsində Avropa Keramika Marşrutunun (European Route of Ceramics) yeni üzvü - Şəki şəhərinin təqdimatı baş tutub.

Şəki şəhəri bu ilin əvvəlində Dövlət Turizm Agentliyinin təşəbbüsü ilə Avropa Keramika Marşrutuna üzv seçilib. Yeni üzvü təqdim edən Dövlət Turizm Agentliyinin Qoruqları İdarəetmə Mərkəzinin şöbə müdiri Sədaqət Davudova iclas iştirakçılarına Avropa Keramika Marşrutuna yeni qoşulmuş Şəkinin tarixi, şəhərsalma mədəniyyəti, özünəməxsus memarlıq üslubu, sənətçilik ənənələri haqqında ətraflı məlumat verib. Qeyd olunub ki, keramika sənəti ənənələrinin davam etdirilərək gələcək nəsillərə ötürülməsində Şəki sənətkarlarının rolu böyükdür.

Assambleya iştirakçılarına Qafqazda ilk Keramika Mərkəzi - "ABAD" Keramika və Tətbiqi Sənət Mərkəzinin məhz Şəkidə yaradılması, ilk Beynəlxalq Keramika Simpoziumunun da bu şəhərdə keçirilməsi haqqında məlumat verilib. Qeyd olunub ki, Şəki şəhəri 2008-ci ildə Dünya Tarixi Şəhərlər Liqasının üzvü seçilib, 2019-cu ildə UNESCO-nun Ümumdünya İrs Komitəsinin 43-cü sessiyasında "Xan Sarayı ilə birgə Şəkinin tarixi mərkəzi" Ümumdünya İrs Siyahısına daxil edilib. 212 maddi mənəvi irs, 28 qeyri-maddi mədəni irs, 19 mədəni təbii irs daşıyıcısı olan Şəki şəhəri 2010-cu ildə Azərbaycanın Sənətkarlıq Paytaxtı elan edilib, 2017-ci ildə onun adı UNESCO-nun "Yaradıcı şəhərlər şəbəkəsi" siyahısına salınıb.

Avropa Keramika Marşrutu 2012-ci ildə Avropa Şurası tərəfindən sertifikatlaşdırılmış mədəni marşrutdur. Bu hərəkatın məqsədi keramika istehsalı və bu sahəyə dair qədim ənənələrlə bağlı mədəni irsi dəyərləndirmək, dayanıqlı turizm təklifi yaratmaq və bununla da ümumilikdə mədəni və sosial inkişafa nail olmaqdır. Hazırda Avropa Şurasının Keramika Assosiasiyası mərkəzi qərargahı İtaliyanın Faentsa (Faenza) şəhərində yerləşir.

Azərbaycan Mədəni Marşrutlar üzrə Avropa İnstitutuna 2011-ci ildən üzv olub. İndiyədək Azərbaycan Avropa Şurası Mədəni Marşrutları layihəsi çərçivəsində 5 marşruta – "Şərab Yolu", "Yəhudi irsi üzrə Avropa marşrutu", "Qədim Qayaüstü İncəsənət İzləri", "Termal şəhərlər" və "Zeytun ağacları" yoluna qoşulub.

208
Open Air kinotatrı

Kinosevərlərə şad xəbər: "Open Air Cinema"nın Bakıda da reallaşdırılması nəzərdə tutulub

273
(Yenilənib 20:43 18.06.2021)
""Open Air Cinema" layihəsi Bakıda gerçəkləşdikdən sonra digər layihə - "AvtoCinema" təqdim ediləcək.

BAKI, 18 iyun — Sputnik. Ötən həftə "CinemaPlus" kinoteatrlar şəbəkəsi kinosevərlər üçün yeni layihə ərsəyə gətirib. "Cinema Plus"un PR meneceri Nərmin Həsənovanın Sputnik Azərbaycan-a verdiyi məlumata görə, Şamaxı şəhərində yerləşən "Abqora" restoranında "Meysəri" şərabları və "CinemaPlus"un birgə layihəsi olan "Open Air Cinema"da hər həftəsonu açıq havada, təbiətin qoynunda qonaqlar yeni filmləri izləyə biləcəklər:

"Bu layihə keçən il də Şamaxıda baş tutmuşdu. Layihə regionda həyata keçirilsə də, paytaxt sakinləri tərəfindən də böyük maraqla qarşılanıb. Hələ ki, Bakıda başlamamışıq. Bakıda da belə layihələr nəzərdə tutulub. Məlum məsələləri nəzərə alaraq hələlik paytaxtda gözləmə mövqeyindəyik".

Nərmin xanım "AvtoCinema" adlı layihədən də danışıb:

""Open Air Cinema" layihəsi Bakıda gerçəkləşdikdən sonra digər layihəni - "AvtoCinema"nı təqdim edəcəyik. "AvtoCinema" layihəsi açıq havada kinoteatr giriş və çıxışı olan böyük avtopark sahəsini xatırladır. İnsanlar şəxsi avtomobillərində əyləşərək böyük ekranda filmləri izləyəcəklər. Çalışdıq ki, "Open Air Cinema" bir pilot layihə kimi regionda sınaqdan keçirilsin və daha sonra maraq və istəkləri nəzərə alaraq bu təcrübəni paytaxta köçürə bilək. Bu layihə pandemiya şəraiti ilə əlaqəli deyil, adi vaxtlarda da davam etdirilə bilər. İnanıram ki, kinosevərlərimiz yeni layihə vasitəsilə filmlər izləmək imkanı qazanacaqlar".

Qeyd edək ki, "Open Air Cinema"da filmlər və seanslar haqqında məlumatı "CinemaPlus"un sosial şəbəkə hesablarından əldə etmək mümkündür.

Xatırladaq ki, Azərbaycan Nazirlər Kabineti yanında Operativ Qərargah Koronavirus pandemiyası ilə bağlı (COVID-19) ötən ilin martın 14-dən etibarən ölkə daxilində tətbiq olunan sosial təcrid tədbirlərini həyata keçirib. Bu tədbirlərə toy, yas mərasimləri və digər kütləvi toplantıların qadağan edilməsi, mədəniyyət obyektlərinin, teatrların, muzeylərin, kinoteatrların, əyləncə mərkəzlərinin, idman mərkəzlərinin və digər əlaqəli obyektlərin bağlanması da daxil olub.`

273
DTX əməkdaşları, arxiv şəkli

DİN DTX Şuşada birgə əməliyyat keçirdi

0
(Yenilənib 14:28 19.06.2021)
Ötən ilin noyabrında işğaldan azad olunmuş Daşaltı kəndində yeddi tondan artıq çətənə kolu məhv edilib.

 

BAKI, 19 iyun — Sputnik. Daxili İşlər Nazirliyinin mətbuat xidmətinin Bərdə regional qrupundan verilən məlumata görə, polis əməkdaşları tərəfindən keçirilən "Xaş-xaş-2021" şərti adlı kompleks əməliyyat-axtarış və profilaktik tədbirlər nəticəsində yabanı halda bitən narkotik tərkibli bitkilər aşkar olunub.

Şuşa Rayon Polis Şöbəsinin və Dövlət Təhlükəsizliyi Xidmətinin əməkdaşlarının birgə keçirdiyi əməliyyat-axtarış tədbirləri nəticəsində Daşaltı kəndi ərazisində yabanı halda bitmiş çəkisi 1,6 tondan artıq olan 2437 ədəd çətənə kolu aşkar edilərək məhv edilib.

Qubadlı Rayon Polis Şöbəsinin və Dövlət Sərhəd Xidməti əməkdaşlarının birgə keçirdikləri əməliyyat-axtarış tədbirləri nəticəsində Əliquluuşağı kəndi ərazisində yabanı halda bitmiş 2,9 tondan artıq çəkidə 5630 ədəd çətənə kolu aşkar edilərək götürülüb.

Dəmir Yolu Nəqliyyatında Polis İdarəsinin Yevlax stansiyası Xətt Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində Qax rayonunun Uzuntala kəndi ərazisində dəmir yolunun kənarında yabanı halda bitmiş çəkisi 3,2 ton olan 3780 ədəd çətənə kolu aşkar edilərək məhv edilib.

0