Rusiyalı müğənni Manija Avroviziya-2021in ilk yarımfinalında çıxışı zamanı

Ayağa qalxdı yoluna davam etdi: "Avroviziya"-nın finalındakı Manija

28
(Yenilənib 01:17 20.05.2021)
"Avroviziya"-nın birinci yarımfinal axşamı rusiyalı melomanlar üçün qətiyyən cansıxıcı keçmədi – müsabiqədə Rusiyanı "Rus qadını" mahnısı ilə təmsil edən müğənni Manija üçüncü çıxış etdi.

BAKI, 20 may — Sputnik, Aleksey Smirnov. Əgər siz mayın 18-də televizorunuzu "Birinci kanal"a çevirmişdinizsə və orada dikdabanlı kişi, başına hörüklü kokoşnik taxmış afroamerikalı qadın, sinəsinə disko şarı yerləşdirmiş adamı gördünüzsə, narahat olmağa dəyməz. Bu nə "TikTok"dakı qəribə video-çarxların toplusudur, nə də Filip Kirkorovun ad günündən reportaj. Məsələ burasındadır ki, Hollandiyanın Rotterdam şəhərində bənzərsiz "Avroviziya-2021" müsabiqəsi start götürüb.

Bu iki illik əzablı gözləmə dövründə milyonlarla insan "Little Big"-in "Uno" klipindəki "Puxlyaş"ı sevməyə, daha sonra isə rus qadını haqqında mahnı üstündə didişməyə imkan tapdı. Nəhayət, gözlənilən gün gəlib çatdı və "Rotterdam Ahoy" arenası qarşıdakı bir həftə üçün nəinki yalnız Avropanın, hətta bütün dünyanın musiqi mərkəzinə çevrildi.

Beləliklə, "Avroviziya" başladı!

Hər zaman olduğu kimi müsabiqənin səhnə tərtibatı göz oxşayırdı: hər tərəfdə nəhəng ekranlar quraşdırılıb, ətrafda hər şey parıldayır, bərq vurur, lazer şüaları titrəyir, lüks 3D proyeksiyalar insanı valeh edir. Müsabiqə iştirakçılarının təqdimatı üçün hazırlanmış video parçalar isə ayrıca sənət əsəri idi.

Hətta "Avroviziya"-nın aparıcılarından biri Nikkie de Jager özü də nəhəng xüsusi effekti və əsl nağıl qəhrəmanını xatırladırdı. Ona "Taxt-tac oyunları"nın Brienna Tartı belə həsəd apara bilərdi.

Посмотреть эту публикацию в Instagram

Публикация от Creative Images Peaple (@creativeimagespeaple)

Müsabiqə iştirakçıları özləri də "Avroviziya-2021"-in təşkilatçılarından və aparıclarından heç də geri qalmırdılar.

Şimali Makedoniya təmsilçisi Vasil çıxışının ən qızğın yerində pencəyinin yaxasını açıb sinəsindəki disko kürəsi ilə bütün Rotterdam arenasını və ona bitişik məhəllələri işıqlandırdı.

İrlandiya təmsilçisi Lesley Roy (hətta onun çıxışı səhnə dekorasiyalarının quraşdırılması ilə bağlı problem ucbatından bir qədər yubanmışdı) üç dəqiqə davam edən bütün çıxışı müddətində kartondan düzəldilmiş meşədə, kağız küçələrdə qaçdı. Yolüstü gah Düblinin kollektorlarına baş çəkdi, gah da Rotterdamın tüstü bacalarına.

Посмотреть эту публикацию в Instagram

Публикация от Let's Eurovision (@letseurovision)

Ancaq təəssüf ki, nə Vasil, nə də Lesley Roy effektli çıxışlarına, gözəl mahnılarına baxmayaraq müsabiqənin finalına çıxa bilmədilər.

"Avroviziya"-nın birinci yarımfinal axşamı rusiyalı melomanlar üçün qətiyyən cansıxıcı keçmədi – müsabiqədə Rusiyanı "Rus qadını" mahnısı ilə təmsil edən müğənni Manija üçüncü çıxış etdi. Bu isə o deməkdir ki, teleyayımın ilk dəqiqələrindən etibarən bizim tamaşaçılarımız konserti həyəcanla izləməyə başladılar.

Посмотреть эту публикацию в Instagram

Публикация от Первый Канал (@1tv)

Manija da xüsusi effektlərsiz keçinmədi: səhnəyə çaynik üçün qızdırıcı örtük formasında, hərəkət mexanizmi və qapı ilə təmin edilmiş nəhəng kuklanın içində çıxan müğənni nömrəsinin birinci yarısında örtüyün içindən səhnəyə atıldı.

© Sputnik / Vladimir Astapkovich
"Avroviziya-2021" mahnı müsabiqəsinin ilk yarımfinalına hazırlıq

Ümumilikdə Manijanın ifası paradoksal təsir bağışladı: bu çıxışda hər şey vardı – folklor effektləri, tolerant sosial şəbəkə mesajı, rep, xor və rəqslər – bir sözlə, musiqi eklektizmi və feminist manifestlərin üsyanı.

Manija heç şübhəsiz ki, utancaq gənc xanımlardan deyil və həqiqətən də güclü xarakterli qadındır – həyəcanlı canlı yayım şəraitində və çox milyonlu tamaşaçı kütləsi qarşısında bunu nümayiş etdirməyi bacardı. Nə səsi titrədi, də dizləri əsdi: öz mahnısında oxuduğu kimi "Ayağa qalxdı və yoluna davam elədi!"

Avropanın da xoşuna gəldi, öz ölkəsində yarımfinalda uğursuz çıxış edəcəyi proqnozlaşdırılan Manija, qətiyyətlə "Avroviziya"nın finalına çıxdı.

Посмотреть эту публикацию в Instagram

Публикация от Евровидение (@ru.eurovision)

Mələklər və şeytanlar

Və əlbəttə ki, "Avroviziya" qalmaqalsız ötüşmədi. Müsabiqə öz üslubuna uyğun başladı: ilk çıxış edənlər Latviyanın dikdabanlı kişi solistləri oldular. Və elə o dəqiqə aydın oldu ki, əsəbləri zəif olan qeyri-tolerant tamaşaçılar bir müddət ekran qarşısından çəkilsələr, yaxşıdır.

Посмотреть эту публикацию в Instagram

Публикация от Pasaulis Su Rankine (@pasaulis_su_rankine)

Bir qədər sonra səhnəyə çıxan İsveç müğənnisi də, çox güman ki, zahiri görünüşü ilə əyalətlərdə yaşayan yaşlı insanların əsəblərini yerindən oynatdı.

Посмотреть эту публикацию в Instagram

Публикация от Cara Hamilton (@cara_leora_hamilton)

Ancaq maraqlıdır ki, bu dəfə "Avroviziya"nın birinci yarımfinalının əsas mövzusu az qala dini və mifik xarakter daşıyan işıqla qaranlığın, xeyirlə şərin, qəddar cadugərlərlə gözəl şahzadə qızların mübarizəsi idi. Sloveniya və Kipr təmsilçiləri bu mövzuya müracitə etmişdilər.

Посмотреть эту публикацию в Instagram

Публикация от FTHIS.GR (@fthis.gr)

Bununla belə, mələk qar qız da, təəssüf ki, Sloveniyanın "Alliluya"sının finala keçməsinə kömək etmədi və kiprli iblisanə gözəllikdəki bu qız Avroviziya üçün məntiqli olan zülmətin nur üzərində qələbəsinə sevindi.

Посмотреть эту публикацию в Instagram

Публикация от Erlend Sjurseter (@erlendsjurseter)

Mələk və şeytanların bu amansız mübarizəsində azərbaycanlı müğənninin Mata Xara adlı kurtizan qadın haqqında mahnısı ilə, eləcə də, cadugər Malefisentaya bənzəyən, sanki doğma bataqlıqlara baş vurub suyun altı ilə min kilometrlərlə üzərək Rotterdamdakı mahnı müsabiqəsində yosunlanmış, mamırlanmış qiyafədə üzə çıxan Ukrayna təmsilçisi də göründü.

Müğənni Samirə Əfəndi Rotterdamda çıxış zamanı
© REUTERS / PIROSCHKA VAN DE WOUW
Azərbaycanlı müğənni Samirə Efendinin "Avroviziya-2021"də çıxışı

Yeri gəlmişkən, həm Azərbaycan, həm də Ukrayna təmsilçisi finala vəsiqə alaraq Norveç, İsrail, Rusiya, Malta, Litva, Kipr, İsveç və Belçika təmsilçilərinə rəqib oldular.

Ümumilikdə Avroviziyanın yarımfinal mərhələsi keyfiyyətli, potensiallı mahnılar və parlaq, effektli səhnələrlə xoş təəssürat yaratdı.

Посмотреть эту публикацию в Instagram

Публикация от Destiny (@destinyofficial_x)

Hazırda polulyar olan "Arıqlar, çəkilin – bu gün dünyaya şişmanlar ağalıq edir!" bodipozitiv şüar seqmentində çıxış edən Malta təmsilçisini xüsusilə qeyd etmək lazımdır. Xarizmatik və özünə inamlı Rusiya təmsilçisi Manija, Norveçin göz vuran qlamur mələyi, milyonlarla səs haqqında oxuyan İsveç müğənnisi və şən, müsabiqədə ən yüksək notları götürə biləcəyinə iddialı olan qara dərili İsrail təmsilçisi də yadda qaldı.

Посмотреть эту публикацию в Instagram

Публикация от Eurovision Song Contest 2021 (@_esc_2k21_)

Müsabiqədə qalibiyyət üçün kimin dualarının, ovsunlarının, şüarlarının daha keçərli və daha inandırıcı, cazibədar olacağı isə artıq tezliklə - mayın 22-də baş tutacaq Avroviziya finalında məlum olacaq.

28
Kinolent, arxiv şəkli

Azərbaycanda yeni kino platforması fəaliyyətə başlayıb

19
(Yenilənib 08:48 18.06.2021)
Platformanın yaradılmasında məqsəd Azərbaycan kinosunun, televiziyasının və mədəniyyətinin dünya bazarında, eləcə də dünya auditoriyası arasında populyarlaşması və irəliləməsini təmin etməkdən ibarətdir.

BAKI, 18 iyun — Sputnik. "Narimanfilm" kinostudiyasının xaricdə yaşayan soydaşlarımız üçün xüsusi olaraq hazırladığı https://azcinemaonline.com/ internet kinoteatrı yenilənmiş platformada fəaliyyət göstərməyə başlayıb.

Sputnik Azərbaycan xəbər verir ki, platformanın yaradılmasında məqsəd digər ölkələrdə yaşayan azərbaycanlıların Vətənlə əlaqələrini möhkəmləndirmək, onları mədəniyyət və kino sahəsində baş verən yeniliklərlə tanış etmək, Azərbaycan kinosunun, televiziyasının və mədəniyyətinin dünya bazarında, eləcə də dünya auditoriyası arasında populyarlaşması və irəliləməsini təmin etməkdən ibarətdir. Eyni zamanda, gənc kinematoqrafçılarımıza öz işlərini dünya izləyicilərinə təqdim etmək imkanı yaratmaq və Azərbaycan kinematoqrafçıları ilə digər ölkələrdən olan həmkarları arasında iş birliyinin qurulması üçün şəraitin yaradılmasını təmin etməkdən ibarətdir.

Burada Azərbaycan kinosunun inciləri ilə yanaşı, həmçinin ölkəmizin ərazisində xarici kinematoqrafçılar tərəfindən çəkilmiş filmlərlə tanış olmaq, onlara rəy bildirmək və kinotənqidçilərlə birlikdə müzakirələrə qoşulmaq mümkündür.

Platforma vasitəsilə ölkəmizin kino tarixi boyu yaradılmış müxtəlif bədii, sənədli və animasiya filmlərinin izlənməsi sayt istifadəçilərinə bir növ Azərbaycana açılan pəncərə olaraq gözəl Vətənimizi daha yaxşı tanımalarına imkan yaradır.

19
 Jan Kloud Van Dammın oğlu Kristoferlə

Jan Kloud Van Dammın oğlu Kristofer azərbaycanlı xanımla evlənib

822
(Yenilənib 17:48 17.06.2021)
Sosial şəbəkələrdə nikah mərasimindən fotolar yayılıb. Eyni zamanda Suada və Kristofer "Instagram" profilində münasibətdə olduqlarını yazıblar.

BAKI, 17 iyun — Sputnik. Dünyaca məşhur aktyor Jan Kloud Van Dammın oğlu Kristofer azərbaycanlı pianoçu Suada Hacızadə ilə ailə həyatı qurub. Sputnik Azərbaycan xəbər verir ki, nikah mərasimindən çəkilmiş foto sosial şəbəkələrdə yayılıb. Eyni zamanda Suada və Kristofer "Instagram" profilində münasibətdə olduqlarını yazıblar. Nikah mərasimi iyunun 16-da Azərbaycanın İstanbuldakı konsulluğunda baş tutub.

Qeyd edək ki, Suada pianoçudur və bir çox beynəlxalq müsabiqələrdə Azərbaycanı təmsil edib. Əsasən caz janrında ifa edən musiqiçi, Prezident təqaüdçüsüdür. O, eyni zamanda VII Beynəlxalq Musiqi Müsabiqəsinin laureatıdır. Suadanın 21 yaşı var.

34 yaşlı Kristofer isə aktyor kimi bir çox filmlərdə rol alıb. O, Van Dammın aktrisa Qledis Portuqezdən dünyaya gələn oğludur.

Məlumat üçün bildirək ki, Kristofer ilk dəfə 1992-ci ildə "Universal Soldier" filmində rol alıb. 2012-ci ildə "Boksçu" filmindən başqa, digər filmlərdə atası ilə birlikdə rol alıb. Aktyor "Dragon Eyes", "The Philly Kid", "The Quest", "Welcome to the Jungle", "Black Water" kimi filmlərdə rol alıb.

 

822

FHN göldə boğulan hərbçimizin axtarışına başlayıb

0
Kapitan İlham Fərzəliyevin axtarışına FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu cəlb olunub.

 

BAKI, 18 iyun — Sputnik. Fövqəladə Hallar Nazirliyi (FHN) Kəlbəcərdə göldə boğulan hərbçinin axtarışına başlayıb. Sputnik Azərbaycan-ın xəbərinə görə, nazirliyin "112" qaynar telefon xəttinə Kəlbəcər rayonu ərazisində Böyük Alagöl gölündə 1981-ci il təvəllüdlü Fərzəliyev İlham Allahverdi oğlunun batması barədə məlumat daxil olub. FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.

Qeyd edək ki, dünən Müdafiə Nazirliyinin mətbuat xidmətindən Azərbaycan Ordusunun hərbi qulluqçusu, kapitan Fərzəliyev İlham Allahverdi oğlunun göldə çimərkən boğularaq həlak olması ilə bağlı məlumatı təsdiq ediblər. Bildirilib ki, kapitan İlham Fərzəliyev dünən Kəlbəcər rayonu ərazisində yerləşən Alagöldə çimərkən boğularaq ölüb. Faktla əlaqədar cinayət işi başlanıb, araşdırma aparılır.

Xatırladaq ki, martın 30-da da buna bənzər daha bir faciə baş vermişdi. Azərbaycan ordusunun hərbi qulluqçusu gizir Əliyev Heydər Rövşən oğlu Xocavənd rayonu ərazisində xidmətdən kənar vaxtda göldə çimməyə cəhd göstərən boğularaq ölmüşdü.

Eləcə də oxuyun:

  • Laçında yol qəzasında ölən hərbçilərlə bağlı yeni xəbər var - FOTOLAR

  • Sərhəddə iki hərbçimiz həlak olub

0