CƏMİYYƏT
Cəmiyyətin həyatında baş verən aktual hadisələr

Özbəkistanda azərbaycanlı qadın haqqında sənədli film çəkilib - VİDEO

CC0 / Martin Lopez / Man Holding Clapper BoardFilm çəkilişi, arxiv şəkli
Film çəkilişi, arxiv şəkli - Sputnik Azərbaycan, 1920, 19.05.2021
Abunə olmaq
Qəhrəmanlığa və şücaətə görə "Qırmızı Bayraq" ordeni, "Qırmızı Ulduz" ordeni və "Moskvanın müdafiəsinə görə" medalı ilə təltif olunan Ziba Qəniyeva ilk azərbaycanlı qadın snayperdir.

BAKI, 19 may — Sputnik. Daşkənddəki Sənədli və Xroniki Filmlər Kinostudiyasında "Snayper Ziba Qəniyeva" adlı sənədli film çəkilib. Sputnik Azərbaycan xəbər verir ki, filmin layihə rəhbəri Firdavs Abduxalikov, ssenari müəllifi Şirzod Nazarov, rejissoru Ali Xamrayevdir.

Azərbaycanın qədim Şamaxı şəhərində 1923-cü ildə doğulan Ziba Qəniyevanın atası azərbaycanlı, anası özbək qızı olub.

Ekran əsərində bildirilir ki, II Dünya müharibəsi iştirakçısı Ziba Qəniyeva snayper, rabitəçi və kəşfiyyatçı olub. Müharibə illərində o, 129 faşist məhv edib, göstərdiyi qəhrəmanlığa və şücaətə görə "Qırmızı Bayraq" ordeni, "Qırmızı Ulduz" ordeni və "Moskvanın müdafiəsinə görə" medalı ilə təltif olunub. Ziba Qəniyeva ilk azərbaycanlı qadın snayperdir.

Müharibədən sonra Ziba Qəniyeva bir müddət Bakı Ali Partiya Məktəbinin müəllimi olub, Dil və Ədəbiyyat kafedrasının müdiri işləyib. Sonra isə Moskvada SSRİ Elmlər Akademiyasının Şərqşünaslıq İnstitutuna qəbul olunub, urdu dilini öyrənib. O vaxt SSRİ-də bu dil üzrə mütəxəssis, demək olar ki, yox idi. Urdu dilində poeziya nümunələri üzrə namizədlik dissertasiyası yazıb və 1965-ci ildə uğurla müdafiə edib.

Ziba Qəniyeva 2010-cu ildə Moskvada dünyasını dəyişib.

Xəbər lenti
0