Cavanşir Quliyev, arxiv şəkli

Bəstəkar Cavanşir Quliyev "İrəvan Türk Cumhuriyyətinin" Dövlət himnini bəstələyib

82
(Yenilənib 16:34 18.05.2021)
Himni böyük simfonik orkestr və böyük qarışıq xor ifa edəcək. Əgər koronavirus imkan versə, yay aylarında lentə yazılacaq.

Sputnik Azərbaycan, Şahpəri Abbasova

BAKI, 18 may — Sputnik. Azərbaycan Respublikasının Əməkdar incəsənət xadimi, bəstəkar Cavanşir Quliyev İrəvan Türk Cumhuriyyətinin Dövlət himnini bəstələyib. Bəstəkar sözügedən himnin yaranmasının səbəbindən Sputnik Azərbaycan-a danışıb:

"Himnin yaranma tarixi kifayət qədər uzun oldu. Təxminən keçən ilin yay aylarında İrəvan Türk Cumhuriyyəti tərəfindən mənə təklif etdilər, mən də qəbul etdim. Dedim sözləri özünüz seçin. Çünki himn siyasi atributdur. Himnin sözləri mütləq araşdırılmalıdır, rəhbərlik tərəfindən müzakirə olunmalıdır. Şairlər arasında müsabiqə elan etdilər. Müsabiqə müddəti uzun çəkdi. Çox şeirlər yazıldı, mənə də o şeirləri göndərirdilər. Nəhayət, bir şeirin üzərində qaldılar və mən həmin sözlərə himn yazdım. Himnin sözlərini iki şair - Eldar İsmayıl Böyüktürk və Abdulla Cəfəri yazıblar".

C.Quliyevin sözlərinə görə, himn bu yay ictimaiyyətə təqim edilə bilər:

"Himnin demo - yəni kompüterdə onun musiqili versiyasını təqdim etdim. Demo versiya geniş tamaşaçı kütləsi üçün olmasa da, mahnının necə bəstələndiyi anlaşılır. Himnin səsləndirilməsi Böyük Simfonik Orkestr və Böyük Qarışıq Xor vasitəsi ilə olacaq. Qürurluyam ki, çox vacib bir missiyanı tamamlaya bildim. Yay aylarının birində isə himnin ifasını və yazılışını etmək istəyirik. Himn Bakıda Filarmoniyada Dövlət Simfonik Orkestri və xorla ifa olunmalıdır. Əgər koronavirus imkan versə, yay aylarında lentə yazacağıq. Bundan sonra geniş ictimaiyyətə təqdim edəcəyik".

Xatırladaq ki, İrəvan Türk Cümhuriyyəti hazırda Ermənistanın rəsmi sərhədləri daxilində olan qədim Azərbaycan ərazilərindən deportasiya edilmiş azərbaycanlılar tərəfindən 2020-ci ilin may ayında keçirilən onlayn konfrans zamanı elan edilib. Həmin ilin iyul ayında İTC-nin mühacir hökumətinin dövlət bayrağı və gerbi qəbul olunub.

4 İyul – İrəvan Türk Cümhuriyyətinin Bayraq Günü kimi təsdiqlənib.

82
Kinolent, arxiv şəkli

Azərbaycanda yeni kino platforması fəaliyyətə başlayıb

11
(Yenilənib 08:48 18.06.2021)
Platformanın yaradılmasında məqsəd Azərbaycan kinosunun, televiziyasının və mədəniyyətinin dünya bazarında, eləcə də dünya auditoriyası arasında populyarlaşması və irəliləməsini təmin etməkdən ibarətdir.

BAKI, 18 iyun — Sputnik. "Narimanfilm" kinostudiyasının xaricdə yaşayan soydaşlarımız üçün xüsusi olaraq hazırladığı https://azcinemaonline.com/ internet kinoteatrı yenilənmiş platformada fəaliyyət göstərməyə başlayıb.

Sputnik Azərbaycan xəbər verir ki, platformanın yaradılmasında məqsəd digər ölkələrdə yaşayan azərbaycanlıların Vətənlə əlaqələrini möhkəmləndirmək, onları mədəniyyət və kino sahəsində baş verən yeniliklərlə tanış etmək, Azərbaycan kinosunun, televiziyasının və mədəniyyətinin dünya bazarında, eləcə də dünya auditoriyası arasında populyarlaşması və irəliləməsini təmin etməkdən ibarətdir. Eyni zamanda, gənc kinematoqrafçılarımıza öz işlərini dünya izləyicilərinə təqdim etmək imkanı yaratmaq və Azərbaycan kinematoqrafçıları ilə digər ölkələrdən olan həmkarları arasında iş birliyinin qurulması üçün şəraitin yaradılmasını təmin etməkdən ibarətdir.

Burada Azərbaycan kinosunun inciləri ilə yanaşı, həmçinin ölkəmizin ərazisində xarici kinematoqrafçılar tərəfindən çəkilmiş filmlərlə tanış olmaq, onlara rəy bildirmək və kinotənqidçilərlə birlikdə müzakirələrə qoşulmaq mümkündür.

Platforma vasitəsilə ölkəmizin kino tarixi boyu yaradılmış müxtəlif bədii, sənədli və animasiya filmlərinin izlənməsi sayt istifadəçilərinə bir növ Azərbaycana açılan pəncərə olaraq gözəl Vətənimizi daha yaxşı tanımalarına imkan yaradır.

11
 Jan Kloud Van Dammın oğlu Kristoferlə

Jan Kloud Van Dammın oğlu Kristofer azərbaycanlı xanımla evlənib

822
(Yenilənib 17:48 17.06.2021)
Sosial şəbəkələrdə nikah mərasimindən fotolar yayılıb. Eyni zamanda Suada və Kristofer "Instagram" profilində münasibətdə olduqlarını yazıblar.

BAKI, 17 iyun — Sputnik. Dünyaca məşhur aktyor Jan Kloud Van Dammın oğlu Kristofer azərbaycanlı pianoçu Suada Hacızadə ilə ailə həyatı qurub. Sputnik Azərbaycan xəbər verir ki, nikah mərasimindən çəkilmiş foto sosial şəbəkələrdə yayılıb. Eyni zamanda Suada və Kristofer "Instagram" profilində münasibətdə olduqlarını yazıblar. Nikah mərasimi iyunun 16-da Azərbaycanın İstanbuldakı konsulluğunda baş tutub.

Qeyd edək ki, Suada pianoçudur və bir çox beynəlxalq müsabiqələrdə Azərbaycanı təmsil edib. Əsasən caz janrında ifa edən musiqiçi, Prezident təqaüdçüsüdür. O, eyni zamanda VII Beynəlxalq Musiqi Müsabiqəsinin laureatıdır. Suadanın 21 yaşı var.

34 yaşlı Kristofer isə aktyor kimi bir çox filmlərdə rol alıb. O, Van Dammın aktrisa Qledis Portuqezdən dünyaya gələn oğludur.

Məlumat üçün bildirək ki, Kristofer ilk dəfə 1992-ci ildə "Universal Soldier" filmində rol alıb. 2012-ci ildə "Boksçu" filmindən başqa, digər filmlərdə atası ilə birlikdə rol alıb. Aktyor "Dragon Eyes", "The Philly Kid", "The Quest", "Welcome to the Jungle", "Black Water" kimi filmlərdə rol alıb.

 

822