Rüfət Həsənov, arxiv şəkli

Azərbaycanlı rejissorların dünya kino elitasına yolu - Təməl hazırdır

105
Rejissor Rüfət Həsənov Sputnik Azərbaycan-la söhbətində azərbaycanlı rejissorların işlərinin dünya kinematoqrafiyasının sayılıb-seçilən nümunələri sırasına düşməsi üçün təməlin artıq hazır olduğunu deyib.

Şahpəri Abbasova, Sputnik Azərbacan

BAKI, 16 may — Sputnik. Mədəniyyət Nazirliyinin elan etdiyi "Böyük Qayıdış" qısametrajlı bədii, sənədli və animasiya film layihələri müsabiqəsinin sonuncu – pitçinq mərhələsi keçirilib. Şəffaflığın qorunması məqsədi ilə pitçinq Dövlət Film Fondunun rəsmi "YouTube" kanalı vasitəsilə canlı yayımlanıb.

Milli kinematoqrafiya sahəsində fəaliyyət göstərən yaradıcı şəxslərə dəstək olmaq, bu istiqamətdə çalışan dövlət studiyalarının və müstəqil prodüser mərkəzlərinin fəaliyyətini stimullaşdırmaq, habelə Vətən müharibəsində qazanılmış Böyük Zəfərə kino vasitəsilə töhfə vermək məqsədilə elan olunmuş müsabiqənin pitçinq mərhələsində iştirak hüququ qazanan 26 layihə Münsiflər heyəti tərəfindən bədii-kinematoqrafik keyfiyyətləri nəzərə alınaraq qiymətləndirilib.

Seçim prosesi münsiflərin açıq səsverməsi yolu ilə həyata keçirilib, 7 münsifdən 2-si bitərəf qalıb, 5-nin səs çoxluğu ilə 11 layihə qalib seçilib. Mədəniyyət Nazirliyinin Kinematoqrafiya şöbəsinin müdiri, rejissor Rüfət Həsənov sözügedən pitçinq və gələcəkdə görüləcək işlərlə bağlı Sputnik Azərbaycan-a danışıb: "Dünya təcrübəsinə uyğun olaraq, ssenari deyil, film layihələrinin seçimi üzərində aparılan və mərhələli şəkildə təşkil edilən müsabiqədə ölkəmizdə ilk dəfə layihələrin açıq pitçinq (yəni film layihələrin qısa təqdimatı) yolu ilə seçilməsi mexanizmi tətbiq olundu. Seçim şəffaflığının və meritokratik yanaşmanın təmin edilməsi üçün pitçinq prosesinin Azərbaycan Dövlət Film Fondunun rəsmi "YouTube" səhifəsində canlı yayımlanması təşkil edildi. Bir sözlə, hər şey göz önündə baş verdi. Nəticədə, qalib gələn 11 layihənin 6-sı özəl istehsalçı şirkətlərinə aiddir. Ən çox vəsait ayrılan animasiya bölümünün hər iki qalibi özəl sektorun nümayəndələridir. Son 15 il ərzində dövlət vəsaitindən yararlanan yalnız dövlət studiyaları olduğuna görə özəl sektorun fəaliyyəti üçün əlverişli şərait mövcud deyildi və bu, ümumiyyətlə kino sənayəsinin inkişafına mənfi təsir göstərirdi".

Həsənov bildirir ki, özəl sektorun bu prosesə yenidən qatılması bizim prioritet istiqamətlərimizdən biri idi və bu müstəvidə "Böyük Qayıdış" qısametrajlı bədii, sənədli və animasiya film layihələri müsabiqəsini ilk addım olaraq uğurlu hesab etmək olar:

"Ümumiyyətlə, Vətən müharibəsindən, bizim tarixi zəfərimizdən sonra Azərbaycana qarşı informasiya müharibəsini aparan, hətta informasiya blokadasına salmaq istəyən qüvvələrin daha da fəallaşması gözləniləndir. Məsələn, son bir neçə ay ərzində üç nüfuzlu beynəlxalq film festivalında Azərbaycanı ləkələyən, tarixi faktları saxtalaşdıran və kino sənətindən təbliğat aləti kimi istifadə edən film layihələrinin nümayişinə qarşı Mədəniyyət Nazirliyi tərəfindən müvafiq addımlar atılıb və nəticədə qarşısı alınıb".

"Lakin bu biz tərəfdən kontr-addımdır. Hədəfimiz isə Azərbaycan filmlərinin Kann, Venesiya, Lokarno kimi festivallarda iştirakı, beynəlxalq kino kontekstində təmsil olunması, azərbaycanlı rejissorların dünya kino elitasına daxil olmasıdır. Bunun təməli hazırdır – son illərdə rejissorlarımızın fərdi uğurlarını sadəcə institusionallaşdırmaq gərəkdir. Məhz buna görə açıq, şəffaf müsabiqə, pitçinq çox önəmli ilk addımdır".

Qurum rəsmisi bundan başqa, Türkiyə ilə müştərək layihələri haqqında da məlumat verdi: "İstər İkinci Vətən müharibəsinə həsr olunan, istər digər mövzuları əhatə edən iddialı layihərimiz hazırlanır. Həm Türkiyənin özəl istehsalçı şirkətləri, həm TRT kanalı, həmçinin "Netflix Türkiyə" ilə bir sıra müştərək layihələrimiz hazırlanmaqdadır".

Qeyd edək ki, Azərbaycanın mədəniyyət naziri Anar Kərimovun rəhbərliyi ilə 9 nəfərlik heyətin 28 fevral-3 mart 2021-ci tarixlərində Ankara və İstanbulda ölkələrarası mədəni əlaqələrin inkişafı üzrə müxtəlif rəsmi görüşləri zamanı iki ölkə arasında Azərbaycan-Türkiyə mədəniyyət əlaqələri üzrə Birgə Hökumətlərarası Komissiyanın birinci iclasının protokolu imzalanıb.

Eləcə də oxuyun: 

Azərbaycan kinosunun məbədi xilas olmağın yollarını arayır

Azərbaycanlı rejissorun filmi beynəlxalq festivalda - VİDEO

Dünyaca məşhur festivalın vaxtı niyə dəyişdirildi?

On doqquz dəqiqəlik filmlə qəlbləri fəth etdilər - VİDEO

105
Teqlər:
seçim, müsabiqə, kinorejissor, azərbaycanlı
Anar Kərimov, arxiv şəkli

Mədəniyyət naziri BMT-nin Sivilizasiyalar Alyansı üzrə ali nümayəndəsi ilə görüşüb

13
(Yenilənib 19:20 22.06.2021)
Bu kampaniya çərçivəsində təşkilatın işğaldan azad olunmuş ərazilərdə tarixi-dini abidələrin bərpası və oradakı gerçəklərin dünyaya çatdırılması istiqamətində mühüm işlər görəcəyinə əminliyini ifadə edib.

BAKI, 22 iyun — Sputnik. Mədəniyyət naziri Anar Kərimov ölkəmizdə səfərdə olan BMT-nin Sivilizasiyalar Alyansı (BMTSA) üzrə ali nümayəndəsi Migel Angel Moratinos ilə görüş keçirib. Sputnik Azərbaycan xəbər verir ki, nazir 44 günlük Vətən müharibəsindən sonra Azərbaycana ilk BMT nümayəndəsinin səfərindən məmnunluğunu ifadə edib.

A.Kərimov 30 illik işğaldan sonra öz ərazi bütövlüyünü bərpa edən Azərbaycanın regionda yeni imkanlara yol açdığını vurğulayıb, bu kontekstdə həm regionda, həm də ölkələr arasında sülhün bərqərar olmasına töhfə vermək üçün BMT-nin Sivilizasiyalar Alyansının əlverişli imkanlarının olduğunu diqqətə çatdırıb: "Biz inanırıq ki, təşkilat postkonflikt dövrünü yaşayan Azərbaycanla Ermənistan arasında da davamlı sülhün və güvənliyin təmin edilməsi üçün əlindən gələni əsirgəməyəcək."

Təşkilatla Mədəniyyət Nazirliyi arasında birgə əməkdaşlığın hər zaman yüksək səviyyədə inkişaf etdiyini bildirən nazir "Mədəniyyət naminə sülh" (Peace for Culture) qlobal çağırış haqqında məlumat verib. Qeyd etdi ki, mədəniyyətin qorunması üçün regionda sülhün bərqərar olması vacibdir və bu məqsədlə Azərbaycan "Mədəniyyət naminə sülh" kampaniyası ilə dünyaya çağırış edir. Bu kampaniya çərçivəsində təşkilatın işğaldan azad olunmuş ərazilərdə tarixi-dini abidələrin bərpası və oradakı gerçəklərin dünyaya çatdırılması istiqamətində mühüm işlər görəcəyinə əminliyini ifadə edib.

Səfərinin məqsədinin Azərbaycana dəstəklərini nümayiş etdirmək olduğunu deyən M.Moratinos dini abidələrin qorunmasının təşkilatın prioritet fəaliyyət istiqamətlərindən olduğunu, bu sahədə Azərbaycanla əməkdaşlığı yüksək qiymətləndirdiyini qeyd edərək konkret layihələrin reallaşdırılmasının vacibliyini, bu sahədə birgə layihələrin həyata keçirilməsində maraqlı olduqlarını diqqətə çatdırıb.

Görüş əməkdaşlığın gələcək perspektivlərinin və tərəfləri maraqlandıran digər məsələlərin müzakirəsi ilə davam edib.

13
Musiqi alətləri, arxiv şəkli

Azərbaycanlı musiqiçidən beynəlxalq səviyyəli layihə: "Kamança Şuşanın səsidir"

43
(Yenilənib 23:33 21.06.2021)
Solo ifa zamanı Toğrul Əsədullayevi "Buta" instrumental ansamblı – bədii rəhbər, tarzən Rövşən Qurbanov, pianoda Əməkdar artist Nərgiz Əliyeva müşayiət ediblər.

BAKI, 21 iyun — Sputnik. Beynəlxalq Muğam Mərkəzinin solisti, Əməkdar artist, Prezident mükafatçısı, sənətşünaslıq üzrə fəlsəfə doktoru, dosent Toğrul Əsədullayev "Kamança Şuşanın səsidir" musiqi layihəsini təqdim edib. Sputnik Azərbaycan xəbər verir ki, musiqiçi şuşalı bəstəkarların əsərlərindən ibarət silsilə ifalar lentə aldırıb.

Qeyd edək ki, alboma səkkiz əsər daxil edilib. Əfrasiyab Bədəlbəyli, Niyazi, Fikrət Əmirov, Süleyman Ələsgərov və Vasif Adıgözəlovun yaradıcılığından nümunələr ilk dəfə olaraq solo kamançada dinləyicilərin ixtiyarına verilib. Solo ifa zamanı Toğrul Əsədullayevi "Buta" instrumental ansamblı – bədii rəhbər, tarzən Rövşən Qurbanov, pianoda Əməkdar artist Nərgiz Əliyeva müşayiət ediblər. Yaxın gələcəkdə ifaçı layihəni daha geniş formatda beynəlxalq səviyyədə təqdim etməyi planlaşdırır.

Məlumat üçün bildirək ki, musiqiçi Heydər Əliyev Fondunun dəstəyi ilə Azərbaycan Mədəniyyətinin Dostları Fondunun layihəsi əsasında keçirilən "Muğam 2007", "Muğam 2011", "Muğam 2013", "Muğam 2015" Televiziya müsabiqəsində kamança ifaçısı kimi iştirak edib. 2009, 2011, 2013 və 2015 -ci illərdə Qəbələ Musiqi Festivalının iştirakçısı olub. Toğrul Əsədullayevin ifa etdiyi "Nəva", "Bayatı-Şiraz", "Çahargah", "Şur", "Hümayun", "Rahab" kimi muğamlar Azərbaycan Dövlət Telaradio Şirkətinin Qızıl Fondunda saxlanılır.

2012-ci ildə Azərbaycanda keçirilən "Eurovision 2012" mahnı müsabiqəsinin finalında çıxış edən məşhur müğənni Emin Ağalarovu müşayiət edən Əməkdar artist, 1997-ci ildən etibarən ABŞ, Meksika, Kanada, Çin, BƏƏ, İngiltərə, Almaniya, Norveç, İtaliya, Avstriya, İspaniya, Fransa, İsveç, İsveçrə, Yunanistan, Litva, Latviya, Rumıniya, Slovakiya, Polşa, Türkiyə, İran, Ukrayna, Gürcüstan, Özbəkistan, Qazaxıstan, Qırğızıstan, Türkmənistan həmçinin Rusiyanın bir sıra şəhərlərində dəfələrlə Azərbaycanın milli musiqisini təmsil edib.

43

Azərbaycanda toylara icazə verildi: nələri bilməliyik

0
Azərbaycan Nazirlər Kabineti uzunmüddətli qadağalardan sonra, nəhayət, toy mərasimlərinin keçirilməsinə icazə verdi. Ancaq pandemiya şəraitində keçiriləcək toylar əvvəlkilərdən xeyli fərqlənəcək.
İnfoqrafika: Azərbaycanda toyların keçirilməsinə icazə verildi
© Sputnik / Elnur Salayev

Toy – çoxlarının həyatında baş verən ən sevincli və romantik hadisələrdən biridir. Azərbaycanda gənclər artıq bir ildən çoxdur ki, hakimiyyət qurumlarının onlara toy çaldırıb vüsala çatmalarına icazə verəcəkləri günü gözləyirdilər.

Azərbaycan Nazirlər Kabineti uzunmüddətli qadağalardan sonra, nəhayət, toy mərasimlərinin keçirilməsinə icazə verdi. Ancaq pandemiya şəraitində keçiriləcək toylar əvvəlkilərdən xeyli fərqlənəcək. Belə ki, hökumət toyların keçirilməsinə dair tələb və qaydalarla bağlı bütöv bir siyahı açıqlayıb.

Sputnik Azərbaycan özünə toy çaldırmaq və ya bu mərasimdə iştirak etmək istəyənlər üçün ən vacib məqamları xüsusi infoqrafikada toplayıb. Toyun bütün təşkilatçıları, istər ailələr, istər ivent-şirkətlər, istərsə də şadlıq evləri olsun, əsas məsələni yaddan çıxartmamalıdırlar: personal, qonaqlar və bəylə gəlinin sağlamlığının mühafizəsi hər şeydən vacibdir. Əks halda, qayda pozuntuları hüquqi şəxslərə 5 min manatadək cərimə ilə nəticələnəcək. Əgər restoran və şadlıq evlərinin sahiblərinin bütün xərcləri müştərilərin boynuna qoyduqlarını nəzərə alsaq, cərimə bu və ya digər şəkildə toy sahiblərinə də öz təsirini göstərəcək.

0