Azərbaycanlı müğənni Nadir Qafarzadə, arxiv şəkli

Nadir Qafarzadə: "İnsanlara tövsiyəm odur ki, "kupça"sız heç tövlə belə almasınlar"

24
(Yenilənib 20:02 20.04.2021)
"Evim məndən əlavə Türkiyə vətəndaşı və bir neçə nəfərə satılmışdı. Həmin şirkətin tikdiyi dörd binanın hamısında problemlər var idi".

Şahpəri Abbasova, Sputnik Azərbaycan

BAKI, 20 aprel — Sputnik. Müğənni Nadir Qafarzadə dələduzluğa məruz qalıb. Bu barədə Sputnik Azərbaycan-a açıqlama verən sənətçi insanları ev alarkən son dərəcə diqqətli olmağa çağırdı: "2011-ci ildə ev aldım. Aləm qarışdı, binanı tikən şəriklər ayrıldılar. Problemləri bir-birinin üstünə atdılar. Evim məndən əlavə Türkiyə vətəndaşı və bir neçə nəfərə satılmışdı. Həmin şirkətin tikdiyi dörd binanın hamısında problemlər var idi. Ev sahibləri arasında çaxnaşma oldu, hətta infarkt keçirən də olmuşdu. Məsələni qanun çərçivəsində həll etmək qərarına gəldim. Son bir ildə qərar çıxdı ki, bütün evlər sənədləşməlidir. Gördüm ki, bizi uzun illərdir aldadırlarmış".

"İnsanlara tövsiyəm odur ki, "kupça"sız heç bir tövlə belə almasınlar. 10 il əvvəl hər şeyə inanırdım. 10 il əvvəl yeni-yeni başlamışdı belə ev alqı-satqısı. O zamanlar düşünürdüm ki, nə var ki burada? Pulumu verib alıram. Aldanacağım ağlımdan belə keçməzdi. İndi isə heç öz doğmama belə etibar etmirəm".

Qafarzadə gec də olsa istədiyinə nail ola bilib: "Sonda mənzilimin sənədini ala bildim. İndi həmin binada 70 insan yaşayır. Mən də hazırda orada qalıram. Bu problem təkcə mənim yox, Əməkdar artist Lalə Məmmədova və Rəhim Rəhimlinin də başına gəlib. Onlar da həmin şirkətdən ev alıblar. Lalə xanımın problemi həll olunub, Rəhimdən isə xəbərim yoxdur. Dələduzlara qulaq asmayın, dövlət idarələri ilə məsələni həll edin".

24
Teqlər:
dələduzluq, ev, Nadir Qafarzadə
Selfi çəkən cütlük, arxiv şəkli

20yearschallenge trendinə qoşulan məşhurlar - gəncliyin FOTO-ları

9
(Yenilənib 15:03 06.05.2021)
Ötən gündən başlayan #20yearschallenge trendinə həm yerli məşhurlar, həm də dünyanın məşhur sənət adamları qoşulub.

BAKI, 6 may — Sputnik. Ötən gündən başlayan #20yearschallenge trendinə məşhurlar da qoşulub. Sputnik Azərbaycan xəbər verir ki, bu axına qoşulanlar arasında Türkiyənin məşhur aktyoru Mehmet Günsür də var. 45 yaşlı aktyor 1997-ci ildə, 22 yaşında çəkdirdiyi fotosunu "Instagram" hesabında paylaşıb. 85 mindən çox şərh yazanların içində komediya ustası Cem Yılmazın "Memo! Bu altı ay önce be kardeşim. Atma" rəyi insanların gülüşünə səbəb olub.

Cem Yılmaz da bu axına qoşunub.

Посмотреть эту публикацию в Instagram

Публикация от Cem Yılmaz (@cmylmz)

Bu trendə Türkiyənin məşhur aktrisası və müğənnisi Şevval Sam da qoşulub. Müğənni 1993-cü ildə çəkdirdiyi fotosunu "Instagram" hesabında paylaşıb.

Посмотреть эту публикацию в Instagram

Публикация от Sevval Sam (@sevvalsam)

Sözügedən trendə qoşulanlar arasında Sərdar Ortac da var. O, "Instagram" hesabında gəncliyini xatırladıb. 

Axına müğənni Alişan da qoşulub. Tanınmış müğənni özünün 20 yaşındakı fotosunu paylaşıb. Müğənni 1996-cı ildə çəkdirdiyi "Aşık oldun" albomu üçün çəkdirdiyi fotosunu özünün media hesabında paylaşıb.

Посмотреть эту публикацию в Instagram

Публикация от Alişan (@alisanofficial)

 

Trendə qoşulanlar arasında Madonnanın olması da diqqət çəkib. Məşhur müğənni özünün "Instagram" səhifəsinin hekayə bölümündə 20 yaşındaykən çəkilən fotolarını paylaşıb.

 

9
Fulya Öztürk

Fulya Öztürk haqqında film çəkiləcək - "Artıq Şuşadayam. Qarabağ Azərbaycandır!" deyəcək

14
(Yenilənib 10:28 06.05.2021)
Tahir Tahiroviç: "Mən Qarabağ müaribəsində fəaliyyət göstərən digər jurnalistlərin işinə kölgə salmaq istəmirəm".

 

Şahpəri Abbasova, Sputnik Azərbaycan

BAKI, 6 may — Sputnik. Vətən müharibəsi dövründə Azərbaycan müharibə ilə bağlı informasiyaların dünyaya çatdırılmasında mühüm rol oynayan "CNN-Türk" kanalının hərbi müxbiri Fulya Öztürk barədə sənədli film çəkiləcək. Bu barədə Sputnik Azərbaycan-a filmin ssenari müəllifi və rejissoru Tahir Tahiroviç məlumat verib. Film haqqında danışan rejissorun verdiyi məlumata görə, filmin çəkilişlərinə iyun ayında start veriləcək: "44 günlük müharibəsinə həsr olunmuş, Mədəniyyət Nazirliyinin elan etdiyi "Böyük Qayıdış" qısametrajlı bədii, sənədli və animasiya film layihələri müsabiqəsinə biz də qatıldıq. Fulya Öztürkün Vətən müharibəsi dövründə həqiqətləri çatdırması, müharibə dövründə onun gördüyü işlər bizim də diqqətimizdən yayınmayıb. Onun göstərdiyi şücaətlər haqqında ssenari yazdıq və piçinq mərhələssində qalib gəldik".

"Mən Qarabağ müaribəsində fəaliyyət göstərən digər jurnalistlərin işinə kölgə salmaq istəmirəm. Amma beynəlxaq arenada bu müharibənin işıqlandırılmasında CNN kanalının, xüsusən də Fulya xanımın rolu böyükdür. Fulyanın qadın da olmağı hadisəyə poetiklik qatdı" -deyə T.Tahiroviç əlavə etdi.

Rejissor əlavə etdi ki, CNN-in kameramanının çəkdiyi elə kadrlar var ki, hansı ki, o kadrlar efirə getməyib. "Azərbaycanfilm" və "DADA Film Prodakşn"ın birgə istehsalı olan layihə üçün həmin kadrlar əldə edilib, filmdə yer alacaq: "Bir də bir yol hekayəsi olacaq. Fulya yenidən işğaldan azad olmuş torpaqlarımıza səfər edəcək. Biz çəkilişləri iyun ayında nəzərdə tutmuşuq. Fulya qələbə günü Şuşada olmaq istəyirdi. Amma koronavirusa yoluxduğuna görə, iştirak edə bilmədi. Sonda Fulya Şuşadan reportaj hazırlayacaq - "Artıq Şuşadayam. Qarabağ Azərbaycandır!" deyəcək. Çəkilişlər Fizulidə (Horadizdə), Tərtər, Bərdə, Gəncə və final olaraq Şuşada lentə alınacaq. Hansı bölgələr ki, Fulya orada canlı bağlantılar edirdi. Fulya Öztürk bu çəkiliş üçün Azərbaycana gələcək. O rayonlarda yenidən öz xatirələrini danışacaq. Bu yaxınlarda İstanbulda Fulya ilə görüşdüm. Bununla bağlı müzakirələr apardıq".

14

Azərbaycanda sutkalıq yoluxma sayı aşağı düşdü

58
Yeni yoluxma hallarının müəyyənləşdirilməsi ilə əlaqədar 10 717, bu günə qədər isə ümumilikdə 3 300 581 test icra olunub

 

BAKI, 6 may — Sputnik. Azərbaycanda koronavirus (COVID-19) infeksiyasına 844 yeni yoluxma faktı qeydə alınıb, 2 057 nəfər müalicə olunaraq sağalıb. Nazirlər Kabineti yanında Operativ Qərargahdan Sputnik Azərbaycan-a verilən məlumata görə, analiz nümunələri müsbət çıxan 18 nəfər vəfat edib.

İndiyədək ölkədə ümumilikdə 324 685 nəfərin koronavirus infeksiyasına yoluxması faktı müəyyən edilib, onlardan 301 006 nəfər müalicə olunaraq sağalıb, 4 635 nəfər vəfat edib. 19 044 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 10 717, bu günə qədər isə ümumilikdə 3 300 581 test icra olunub.

58