Kinoteatrda tamaşaçı, arxiv şəkli

Brüssel kino festivalında Azərbaycanın ilk qorxu filmi nümayiş olunub

10
"Aporiya: Qiyamət təcrübəsi" filmi müəllifə böyük uğur gətirib. Cabbarov bir çox Türkiyə və ABŞ şirkətləri ilə müqavilələr imzalayıb. Rəvan Cabbarovun filmi onlayn formatda keçirilən beynəlxalq layihədə təqdim olunub

BAKI, 14 aprel — Sputnik, Kəmalə Əliyeva. Azərbaycanda çəkilmiş "Aporiya: Qiyamət təcrübəsi" adlı ilk qorxu filmi Brüsseldə keçirilən beynəlxalq fantastik filmlər festivalında nümayiş olunub. Bu barədə Sputnik Azərbaycan-a filmin rejissoru və ssenari müəllifi Rəvan Cabbarov məlumat verib.

Onlayn formatda keçirilən festivalda müxtəlif ölkələrdən olan müəlliflərin filmləri təqdim olunub.

"Aporiya: Qiyamət təcrübəsi" filmi müəllifə böyük uğur gətirib. Belə ki, Cabbarov bir çox Türkiyə və ABŞ şirkətləri ilə müqavilələr imzalayıb.

Adı çəkilən film həmçinin ən iri video-servislərdən biri olan "Amazon Prime" kinoteatrında da nümayişə çıxarılıb.

Qeyd edək ki, filmin çəkilişləri 2018-ci ilin avqustun 1-də başlanıb və 2019-cu ildə başa çatıb. Bütün səhnələr Azərbaycanın ən gözəl guşələrindən biri olan Şəki rayonu ərazisində lentə alınıb. Filmdəki rolları Şəki Dramatik Teatrının və Zaqatala Xalq Teatrının müsabiqə əsasında seçilmiş aktyorları ifa ediblər.

Əsas rolları Aysel Yusibova, Pərviz İsmayılov, Mübariz Səmədov, Rəhim Qocayev, Lalə Məmməd, Taleh Urfansoy və başqaları ifa ediblər.

Filmin süjetinə görə, silahlı bir dəstə üzərlərində səhv təcrübələr aparılmış insanları məhv etməyə çalışır. Pasiyentləri hansısa səhralığa gətirərək orada güllələyirlər. Lakin işlər plan üzrə getmir.

Film 16 yaşdan yuxarı tamaşaçılar üçün nəzərdə tutulub. Əsər Azərbaycan dilində çəkilsə də, artıq türk və ingilis dillərinə tərcümə olunub.

10

"Eurovision-2021": Azərbaycan təmsilçisi finala yüksəldi

36
Rotterdamda 16 ölkədən olan nümayəndələrin iştirakı ilə beynəlxalq mahnı müsabiqəsinin birinci yarımfinalı keçirilib.

BAKI, 19 may — Sputnik. Azərbaycanın "Eurovision-2021" beynəlxalq mahnı müsabiqəsindəki təmsilçisi Samirə Əfəndi (Efendi) mayın 22-də Ahoy zalının səhəsində keçiriləcək finala yüksəlib.

Mayın 18-i gecə saatlarında Rotterdamda müsabiqənin birinci yarımfinalı keçirilib. Yarımfinalda 16 ölkənin - Azərbaycan, Litva, Sloveniya, Rusiya, İsveç, Avstraliya, Şimali Makedoniya, İrlandiya, Kipr, Norveç, Xorvatiya, Belçika, İsrail, Rumıniya, Ukrayna və Maltanın nümayəndələri iştirak ediblər.

Samirə Efendi "Mata Hari" mahnısı ilə 14-cü çıxış edib.

Builki müsabiqənin şüarı “Open up!”-dır. İkinci yarımfinal mayın 20-də keçiriləcək.

Xatırladaq ki, Azərbaycan təmsilçiləri artıq bir dəfə bu mötəbər müsabiqənin qalibi olublar. 2011-ci ildə Eldar Qasımov - Nigar Camal cütlüyü bu uğura imza atıb.

36
“Faberge” filminin çəkilişi

Azərbaycanlı aktyorun yeni filminin premyerası "KINOPOISK"də FOTO

10
Əlixanla yanaşı yeni filmdə komediya superulduzları - Elcan Rəsulov və Nicat Rəhimov, istedadlı aktyorlar Azər Aydəmir, Cavidan Novruz, Fuad İskəndər və Cavid Nəsrullah da yer alıblar.

BAKI, 17 may — Sputnik. Məşhur ssenari müəllifi, artist və rejissor Əlixan Rəcəbov "Faberge" qısametrajlı kriminal komediya üzərində fəal işləyir.

Sputnik Azərbaycan xəbər verir ki, aktyor özü ideya müəllifi, ssenari müəllifi, rejissor və əsas rollardan birinin ifaçısıdır. Əlixanla yanaşı yeni filmdə komediya superulduzları - Elcan Rəsulov və Nicat Rəhimov, istedadlı aktyorlar Azər Aydəmir, Cavidan Novruz, Fuad İskəndər və Cavid Nəsrullah da yer alıblar.

"Başlığında artıq bəzi işarələr var və xüsusən premyeraya az vaxt qaldığına görə bütün sirləri vaxtından əvvəl açmaq, orada baş verənlər barədə danışmaq istəmirəm, - may ayının sonunda, maksimum - iyun ayında tamaşaçılar özləri bunu öyrənəcəklər", - deyə Əlixan yeni işi barədə danışıb.

Əlixanın yeni filminin premyerasının "YouTube" platforması əvəzinə, eksklüziv olaraq populyar "KINOPOISK" kino saytında görünməsi diqqət çəkir.

10