BAFTA mükafatı

BAFTA mükafatının əsas kateqoriyalar üzrə qalibləri açıqlanıb - SİYAHI

16
Məlumat üçün bildirək ki, Britaniya Film və Televiziya Sənətləri Akademiyası (BAFTA, The British Academy of Film and Television Arts) 1947-ci ildə Devid Lin tərəfindən yaranıb. Yarandığı ildən 1976-cı ilə qədər akademiya İngilis Film Akademiyası adlanıb.

BAKI, 14 aprel — Sputnik. BAFTA - 2021 mükafatlandırma mərasimi başa çatıb. Sputnik Azərbaycan xəbər verir ki, tarixdə ilk dəfə olaraq mərasim iki gün çəkib.

"24 Kanal" bununla bağlı siyahını təqdim edib:

Ən yaxşı film — "Nomadland"

Ən yaxşı aktrisa — Frensis Makdormand, "Nomadland"

Ən yaxşı aktyor — Entoni Hopkins, "The Father"

Ən yaxşı rejissor — Xloya Çjao, "Nomadland"

Film üçün ən yaxşı musiqi — "Soul"

Ən yaxşı sənədli film — "My Octopus Teacher"

Britaniyalı yazıçı, rejissor və ya prodüser tərəfindən ən yaxşı debüt — Remi Viks, "His House"

İkinci planda ən yaxşı aktyor — Deniel Kaluya, "Judas and the Black Messiah"

Ən yaxşı orijinal ssenari — "Promising Young Woman"

İkinci planda ən yaxşı aktrisa — Yun Yo Çjon, "Minari"

Ən yaxşı operator işi — "Nomadland"

Əcnəbi dildə ən yaxşı film — "Druk"

Ən yaxşı animasiya filmi — "Soul"

Ən yaxşı uyğunlaşdırılmış ssenari — "The Father"

Ən yaxşı aktyor heyəti — "Rocks"

Ən yaxşı qısametrajlı animasiya filmi — "The Owl and the Pussycat"

Məlumat üçün bildirək ki, Britaniya Film və Televiziya Sənətləri Akademiyası (BAFTA, англ. The British Academy of Film and Television Arts) 1947-ci ildə Devid Lin tərəfindən yaranıb. Yarandığı ildən 1976-cı ilə qədər akademiya İngilis Film Akademiyası adlanıb. Sonradan Televiziya İstehsalçıları Gildiyası da akademiyaya qatılıb və 1976-cı ildə Britaniya Film və Televiziya Filmləri Akademiyası adlanmağa başlayıb.

Mükafat sahibləri mükafat olaraq qızıl maska ​​alırlar.

16
Musa Yaqub

Bir günah sənindir, bir günah mənim... Musa Yaqubu da itirdik

21
Prezident İlham Əliyevin 25 may 2019-cu il tarixli sərəncamı ilə Azərbaycan mədəniyyətinin inkişafında xidmətlərinə görə görkəmli şair, Yazıçılar Birliyinin üzvü Musa Yaqub "Xalq şairi" fəxri adlarına layiq görülüb.

BAKI, 7 may — Sputnik. Azərbaycanın Xalq şairi Musa Yaqub 84 yaşında vəfat edib.

Sputnik Azərbaycan xəbər verir ki, o, bu gün İsmayıllı rayonunun Buynuz kəndində yaşadığı evdə dünyasını dəyişib.

M.Yaqub Buynuz kənd qəbristanlığında, həyat yoldaşının məzarının yanında torpağa tapşırılacaq.

Qeyd edək ki, Musa Yaqub 1937-ci il mayın 10-da İsmayıllı rayonunun Buynuz kəndində anadan olub. Göyçay pedaqoji məktəbini bitirdikdən sonra Tircan kənd orta məktəbində müəllim (1957-1958), Buynuz kənd ibtidai məktəbində müəllim və müdir (1958-1967) işləyib. ADU-nun filologiya fakültəsində qiyabi təhsil alıb (1967-1973). Həmin illərdə Buynuz kənd 8 illik məktəbinin müdiri işləyib. Bakıya köçəndən sonra Azərbaycan Yazıçılar İttifaqında bədii ədəbiyyatı təbliğ bürosunda direktor müavini, "Azərbaycan" jurnalında poeziya şöbəsinin müdiri vəzifəsində çalışıb (1974-1978). İsmayıllı rayonunda çıxan "Zəhmətkeş" qəzetinin redaktoru olub.

Ədəbi fəaliyyətə 1957-ci ildə "Azərbaycan" qəzetində çap olunan "İki qəlb, iki dünya" poeması ilə başlayıb. Moldovada Sovet ədəbiyyatı, Ukrayna və Özbəkistanda Azərbaycan ədəbiyyatı günlərində və digər ümumittifaq tədbirlərində iştirak edib. Azərbaycan KP İsmayıllı rayon komitəsinin büro üzvü, rayon xalq deputatları Soveti ticarət və məişət xidməti daimi komissiyasınm sədri olub. İsmayıllı rayon Xalq Deputatları Sovetinin deputatı seçilib. M.F.Axundov adına mükafata layiq görülüb. Musa Yaqub Parkinson xəstəliyindən əziyyət çəkirdi.

Prezident İlham Əliyevin 25 may 2019-cu il tarixli sərəncamı ilə Azərbaycan mədəniyyətinin inkişafında xidmətlərinə görə görkəmli şair, Yazıçılar Birliyinin üzvü Musa Yaqub "Xalq şairi" fəxri adlarına layiq görülüb.

Allah rəhmət eləsin!

21
Teqlər:
vəfat, xalq şairi
Arif Quliyevin dəfn mərasimi

Arif Quliyev torpağa tapşırıldı - VİDEO

13
Qeyd edək ki, Xalq artisti koronavirusa yoluxmuşdu. Onun ağciyərinin 90 faizi zədələndiyi üçün bir neçə gün süni tənəffüs aparatına qoşulmuşdu. Gülüş ustası bu gün gecə saatlarında vəfat edib.

 

BAKI, 7 may — Sputnik. Azərbaycanın Xalq artisti Arif Quliyev dəfn olundu. Sputnik Azərbaycan xəbər verir ki, Xalq artisti "Qurd qapısı" qəbristanlığında torpağa tapşırılıb.

Qeyd edək ki, Xalq artisti koronavirusa yoluxmuşdu. Onun ağciyərinin 90 faizi zədələndiyi üçün bir neçə gün süni tənəffüs aparatına qoşulmuşdu. Gülüş ustası bu gün gecə saatlarında vəfat edib.

Allah rəhmət eləsin!

13
Teqlər:
dəfn, Arif Quliyev
ABŞ bayrağı, arxiv şəkli

ABŞ-ın son məktubu "F-35 məsələsində" Türkiyəni haqlı çıxardı

0
(Yenilənib 16:14 07.05.2021)
İsmayıl Dəmir: "Təyyarələrlə bağlı hüquqlarımızın tapdanmaması və problemin müttəfiqlik ruhuna zidd olmayan həlli yolunu tapmaq məqsədilə ABŞ-la F-35-lərlə əlaqədar dialoq prosesi başlayacaq".

BAKI, 7 may — Sputnik. ABŞ-ın son məktubu bizi haqlı çıxardı, Türkiyənin F-35 proqramından kənarlaşdırılmasının hüququ əsası yoxdur – bu fikri Türkiyənin müdafiə sənayesi naziri İsmail Dəmir səsləndirib.

Sputnik Azərbaycanın Türkiyənin NTV kanalına istinadla verdiyi xəbərə görə, Dəmir: "Bu məsələ ilə bağlı imzalanmış qarşılıqlı memoranduma əsasən, hər hansı bir tərəfdaşın proqramdan çıxarılması yalnız bütün tərəfdaşların yekdilliklə verilmiş qərarı əsasında mümkündür", - deyə bildirib.

O qeyd edib ki, bu baş vermədiyi təqdirdə ABŞ-ın "Türkiyəni proqramdan çıxartdım" açıqlamasının heç bir hüquqi əsası yoxdur.

Nazir: "Təyyarələrlə bağlı hüquqlarımızın tapdanmaması və problemin müttəfiqlik ruhuna zidd olmayan həlli yolunu tapmaq məqsədilə ABŞ-la F-35-lərlə əlaqədar dialoq prosesi başlayacaq", – deyib.

Qeyd edək ki, Amerika Birləşmiş Ştatları Rusiyadan S-400 zenit-raket kompleksi aldığına görə Türkiyənin F-35 qırıcılarının istehsalı proqramından çıxarılması barədə Ankaranı rəsmi şəkildə məlumatlandırıb. Məlumatda bildirilir ki, ABŞ 2007-ci ilin yanvarında imzalanmış F-35-lərin istehsalı üzrə birgə memorandumu ləğv edib.

Xatırladaq ki, bu memoranduma əsasən, Ankara öz üzərinə 100 ədəd F-35 tipli qırıcı almaq öhdəliyi götürmüşdü. Türkiyə, həmçinin F-35-lər üçün 1000-dən artıq komponentin istehsalında da iştirak edib.

0
Teqlər:
"F-35" qırıcı təyyarəsi, Türkiyə, ABŞ