Azərbaycanlı rəqqas Fərid Kazakov

Azərbaycanlı artist Türkiyənin ən istedadlı rəqqası elan edilib

18
(Yenilənib 11:28 09.04.2021)
Fərid Kazakov Azərbaycan və Türkiyə arasında qardaşlıq münasibətlərinə həsr olunmuş "İki dövlət – bir millət" layihəsinin qardaş ölkənin milli mükafatına layiq görülməsinə görə təşkilatçılara minnətdardır.

BAKI, 9 aprel — Sputnik. Kəmalə Əliyeva. Azərbaycanlı rəqqas Fərid Kazakov "Türkiyənin ən istedadlı rəqqası-2021" nominasiyasında "Türkiyə Zirvə Ödülləri" milli mükafatının qalibi olub. Bu barədə Sputnik Azərbaycan-a rəqqas özü məlumat verib.

2021-ci ilin fevralında həmyerlimiz Azərbaycan və Türkiyə arasında qardaşlıq münasibətlərinə həsr olunmuş "İki dövlət – bir millət" layihəsini ictimaiyyətə təqdim edib. Layihənin ideyası Qarabağ uğrunda Vətən müharibəsi başa çatdıqdan sonra yaranıb.

"Çoxları yazırdı ki, mən xalqımızın həmin günlərdəki emosiya və həyəcanını ötürə bilmişəm və bu, məni əlbəttə ki, sevindirdi. Bütün bu illər ərzində mən öz yaradıcılığımla Azərbaycanın zəngin mədəniyyəti haqqında Rusiya və onun hüdudlarından kənarda söhbət açıram. Həmin klipi Türkiyə milli mükafatının təşkilatçıları görüb və dediklərinə görə, həm mənim vətənpərvərliyimdən, həm də layihənin özündən təsirləniblər. Məhz buna görə də təşkilatçılar məni bu mükafata layiq görüblər", - deyə Kazakov bildirib.

Rəqqas, həmçinin onu hər zaman dəstəkləyən və irəliyə getməyə stimul verən insanlara minnətdarlığını ifadə edib.

Xatırladaq ki, Fərid Kazakov Azərbaycan milli mükafatının, "Solo Star Russia" fəxri adının, Azərbaycanın "Trend of the Year" nüfuzlu mükafatının, mədəniyyət və incəsənət sahəsində "Most Fashionable Awards" beynəlxalq mükafatının laureatı, Beynəlxalq rəqs olimpiadasının, beynəlxalq, respublika və ümumrusiya müsabiqələrinin Qran-pri qalibi, "Qrasiya olimpi" gimnastika və rəqs məktəbinin rəhbəridir.

18

"Eurovision-2021": Azərbaycan təmsilçisi finala yüksəldi

34
Rotterdamda 16 ölkədən olan nümayəndələrin iştirakı ilə beynəlxalq mahnı müsabiqəsinin birinci yarımfinalı keçirilib.

BAKI, 19 may — Sputnik. Azərbaycanın "Eurovision-2021" beynəlxalq mahnı müsabiqəsindəki təmsilçisi Samirə Əfəndi (Efendi) mayın 22-də Ahoy zalının səhəsində keçiriləcək finala yüksəlib.

Mayın 18-i gecə saatlarında Rotterdamda müsabiqənin birinci yarımfinalı keçirilib. Yarımfinalda 16 ölkənin - Azərbaycan, Litva, Sloveniya, Rusiya, İsveç, Avstraliya, Şimali Makedoniya, İrlandiya, Kipr, Norveç, Xorvatiya, Belçika, İsrail, Rumıniya, Ukrayna və Maltanın nümayəndələri iştirak ediblər.

Samirə Efendi "Mata Hari" mahnısı ilə 14-cü çıxış edib.

Builki müsabiqənin şüarı “Open up!”-dır. İkinci yarımfinal mayın 20-də keçiriləcək.

Xatırladaq ki, Azərbaycan təmsilçiləri artıq bir dəfə bu mötəbər müsabiqənin qalibi olublar. 2011-ci ildə Eldar Qasımov - Nigar Camal cütlüyü bu uğura imza atıb.

34
“Faberge” filminin çəkilişi

Azərbaycanlı aktyorun yeni filminin premyerası "KINOPOISK"də FOTO

10
Əlixanla yanaşı yeni filmdə komediya superulduzları - Elcan Rəsulov və Nicat Rəhimov, istedadlı aktyorlar Azər Aydəmir, Cavidan Novruz, Fuad İskəndər və Cavid Nəsrullah da yer alıblar.

BAKI, 17 may — Sputnik. Məşhur ssenari müəllifi, artist və rejissor Əlixan Rəcəbov "Faberge" qısametrajlı kriminal komediya üzərində fəal işləyir.

Sputnik Azərbaycan xəbər verir ki, aktyor özü ideya müəllifi, ssenari müəllifi, rejissor və əsas rollardan birinin ifaçısıdır. Əlixanla yanaşı yeni filmdə komediya superulduzları - Elcan Rəsulov və Nicat Rəhimov, istedadlı aktyorlar Azər Aydəmir, Cavidan Novruz, Fuad İskəndər və Cavid Nəsrullah da yer alıblar.

"Başlığında artıq bəzi işarələr var və xüsusən premyeraya az vaxt qaldığına görə bütün sirləri vaxtından əvvəl açmaq, orada baş verənlər barədə danışmaq istəmirəm, - may ayının sonunda, maksimum - iyun ayında tamaşaçılar özləri bunu öyrənəcəklər", - deyə Əlixan yeni işi barədə danışıb.

Əlixanın yeni filminin premyerasının "YouTube" platforması əvəzinə, eksklüziv olaraq populyar "KINOPOISK" kino saytında görünməsi diqqət çəkir.

10