Brianna Houi, arxiv şəkli

Amerikalı aktrisa azərbaycanlı dizaynerin paltarını seçdi - VİDEO-FOTO

27
Amerikanın bir çox populyar film və seriallarında çəkilmiş Brianna Houi məşhur jurnal üçün fotosessiyada Rüfət İsmayılın geyimindən istifadə edib.

BAKI, 4 aprel - Sputnik, Kəmalə Əliyeva. Tanınmış amerikalı aktrisa Brianna Houi populyar PhotoBook Magazine nəşri üçün fotosessiyaya çəkilərkən azərbaycanlı dizayner Rüfət İsmayılın hazırladığı paltarı seçib.

Sputnik Azərbaycan-ın məlumatına görə, aktrisa İsmayılın son kolleksiyasına daxil olan uzun qara donu geyinərək kamera qarşısına keçib.

Obraz yaratmaqda Houiyə tanınmış stilist Melvin Sanders kömək edib. 

Jurnal yaxın günlərdə Amerikada işıq üzü görəcək.

Посмотреть эту публикацию в Instagram

Публикация от Brianne Howey (@briannehowey)

Rüfət İsmayılın geyimləri ABŞ-ın bir çox butiklərində satılır. O, Affair brendinin yaradıcısıdır. Dizaynerin defileləri Milan, Florensiya, Tehran və digər şəhərlərdə təşkil edilib. İsmayıl "Türkiyənin ən yaxşı dizayneri" titulunun sahibidir.

Посмотреть эту публикацию в Instagram

Публикация от By Rufat İsmayil (@afffair.fff)

R.İsmayılın kolleksiyası dünya modasının ən vacib sərgilərindən olan Pitti Uomo-da (kişi geyimləri, ayaqqabısı, aksessuarları, ümumiyyətlə stili sərgisi - red.) nümayiş olunub. Fashion TV isə onu 2018-ci ilin ən yaxşı avropalı dizayneri adlandırıb. İsmayılın tikdiyi geyimləri Dua Lipa, Beyonse, Cennifer Lopes kimi Hollivud ulduzları bəyənərək geyinirlər.

Brianna Houi "İblisi qovan", "Gəlincik", "Cinayətkar kimi düşünmək" və s. filmlərdə çəkilib. Hazırda "Cinni və Corciya" serialında işini davam etdirir.

27
Oleksandr Yakimets

Müslümlə Rəşiddən ilhamlanan ukraynalı müğənni Bakını ziyarət etmək arzusundadır - VİDEO

1630
(Yenilənib 21:16 20.04.2021)
Ukraynalı müğənni Oleksandr Yakimets nəinki yaşlı nəsil Azərbaycan müğənnilərinin, həmçinin gənc müğənnilərimizin də mahnılarını ifa edir.

BAKI, 20 aprel — Sputnik, Kəmalə Əliyeva. Azərbaycanın əfsanəvi müğənniləri olan Rəşid Behbudov və Müslüm Maqomayev müxtəlif ölkələrdən olan ifaçılar üçün nümunə olaraq qalır. Onlardan biri də ukraynalı müğənni, bir çox beynəlxalq müsabiqələrin qalibi Oleksandr Yakimets nəinki korifey sənətkarların repertuarından mahnıları ifa edir, həmçinin görkəmli Azərbaycan vokalçılarının xatirəsinə həsr olunmuş tədbirlər də keçirir.

Əslən Ukraynanın Dnepropetrovsk vilayətindən olan Oleksandr Yakimets Qlinka adına Dnepr musiqi məktəbinin "Akademik ifaçılıq" fakültəsini bitirərək əvvəlcə kiçik mütəxəssis, daha sonra bakalavr və magistr diplomuna yiyələnib. Dnepr Estrada Teatrının bədii rəhbəri olan Yakimets həm də şəhər 1 saylı musiqi məktəbində gənc nəslin yetişdirilməsi ilə məşğuldur.

Öz doğma şəhərində tez-tez Müslüm Maqomayev və Rəşid Behbudovun xatirəsinə konsertlər təşkil edən müğənni nə vaxtsa Bakını ziyarət etmək arzusundadır.

"Öz peşəsinin vurğunu olan bir insan kimi mənim üçün yeni-yeni musiqi yaradıcılıqlarını, xüsusilə də vokal yaradıcılığını kəşf etmək maraqlıdır. Bununla əlaqədar olaraq mən bir çox azərbaycanlı ifaçıların – Müslüm Maqomayev, Bülbül, Sona Aslanova və Rəşid Behbudovun yaradıcılığı ilə maraqlanmışam. Onların hər biri böyük şəxsiyyətdir", - deyə Yakimets Sputnik Azərbaycan-a müsahibəsində bildirib.

Müğənninin sözlərinə görə, Azərbaycanın musiqi irsi çox zəngindir. İfaçı dahi Azərbaycan bəstəkarı Üzeyir Hacıbəyovun 1913-cü ildə qələmə aldığı "Arşın mal alan" operettasını çox sevir. Belə ki, hələ tələbəlik illərində Yakimets operettaya dəfələrlə tamaşa edib və təkcə musiqiyə, yumora deyil, həmçinin operettada baş rolu ifa edən Rəşid Behbudovun səsinə də valeh olub.

"Bir tenor kimi mən Rəşid Behbudovun unikal, lirik səsinin gözəlliyini, yüngüllüyünü qiymətləndirməyə bilməzdim. Mən o zaman heç düşünməzdim ki, vaxt gələcək və 2016-cı ildə, elə bu məşhur müğənninin yüz illiyində onun və Müslüm Maqomayevin xatirəsinə Dnepr şəhərində konsert keçirəcəyəm. Həmin tədbir çox yüksək səviyyədə keçdi. Maqomayevi bütün dünya tanıyır. Rəşid Behbudov isə haqsızcasına yaddan çıxarılıb. Lakin "İlk sevgi mahnısı", "Sevgilim", "Dağ yolları ilə", "Qeyri-adi gözlər" kompozisiyalarını unutmaq mümkün deyil. Buna görə də ideya və imkan yaranan kimi biz Dnepr estrada teatrının kollektivi ilə birlikdə maksimum gücümüzü səfərbər edərək Dnepr şəhər sakinlərinə bu cür möhtəşəm musiqidən gözəl təəssürat əldə etmək imkanı yaratdıq", - deyə Yakimets bildirib.

Müğənni qeyd edib ki, öz konsertlərində nəinki "Sevgilim", "Qeyri-adi gözlər", "Bir qıza rast gəldim" kompozisiyalarını tez-tez ifa edir, həm də teatrda qoyulan musiqili səhnəciklərdə də onlardan istifadə edir.

Əfsanəvi Azərbaycan müğənnilərindən başqa, Yakimets cavan nəslin mümayəndələri, məsələn, Əzizə Mustafazadə, Emin Ağalarov, Samir Cavadzadə, Səbinə Babayevanın da yaradıcılığı ilə tanışdır.

"Mən zamanla ayaqlaşan insanam. Lakin mənə elə gəlir ki, əvvəlki estrada indikindən bir addım irəlidə olub. Mən nümunə gətirib müasir estrada müğənnilərini müqayisə etməyəcəyəm. Əlbəttə, yaxşı mahnılar var. Amma XX əsrin estradası əbədi yaşayacaq. Onda hər şey - poeziya, ahəngdarlıq, ruh, melodiya və digər başqa müsbət cəhətlər var. Hər bir mahnı öz-özlüyündə bir şedevrdir. Hər bir kompozisiya bir mini-tamaşadır və möhtəşəm özünüifadə tərzidir", - deyə Yakimets bildirib.

Müğənni hələ ki, Bakıda olmadığını bildirib. Onun sözlərinə görə, uzaq 2016-cı ildə öz həmkarı ilə birlikdə R.Behbudov və M.Maqomayevin xatirəsinə həsr olunmuş konserti "Bakı, şəhərim mənim" mahnısı ilə başlayıb və hesab edir ki, məhz bu kompozisiya Azərbaycan paytaxtını tam tərənnüm edir.

Oleksandr Bakını ziyarət etmək və buradakı dostları ilə görüşmək arzusundadır.

1630
Teqlər:
musiqi, Azərbaycan, video, səfər, Bakı, tenor, Müslüm Maqomayev, Rəşid Behbudov, Ukrayna, müğənni
Gercek olamaz filminin baş qəhrəmanları

Moskva kinofestivalında azərbaycanlı rejissorun filminin premyerası olacaq - FOTO

6
(Yenilənib 20:45 20.04.2021)
Uzun illər Türkiyədə yaşayan azərbaycanlı aktrisa Könül Nağıyeva özünün ilk tammetrajlı filmini çəkib.

BAKI, 20 aprel — Sputnik, Kəmalə Əliyeva. Moskvada aprelin 23-də baş tutacaq beynəlxalq kino festivalında həmyerlimiz Könül Nağıyevanın Türkiyədə lentə alınmış "Gerçek olamaz" adlı ilk tammetrajlı filminin premyerası olacaq. Bu barədə Sputnik Azərbaycan-a müəllif məlumat verib.

Nağıyevadan başqa, filmin rejissoru və ssenari müəllifi həmçinin Korxan Uğurdur. Baş rolu özünün ifa etdiyi filminə rejissor türkiyəli sənət dostları Çetin Sarıqartal, Kaan Urgancıoğlu, Suat Güzey və başqalarını dəvət edib. Əsər "FREE MIND MEDIA" studiyasında lentə alınıb.

Süjet xəttinə görə, filmin əsas qəhrəmanı Leyla İstanbul klublarından birində caz oxuyur. Uşaqlıqda bədbəxt ailənin və valideynlərinin ayrılmasının şahidi olan Leyla bu uşaqlıq travması üzündən heç kimlə yaxın münasibət qura bilmir. Lakin küçədə fotoqraflıq edən Muradla tanışlıq onun həyatını tamamilə dəyişəcək. Onların arasında məhəbbət baş qaldırır, lakin Leyla bu hisslərdən qorxur. O, seçim etməlidir: ya keçmiş həyatına dönməli, ya da Muradla qalaraq real həyatın açarını tapmağa çalışmalıdır.

Посмотреть эту публикацию в Instagram

Публикация от IT CAN’T BE REAL/GERÇEK OLAMAZ (@itcantbereal_gercekolamaz)

Qeyd edək ki, Moskva beynəlxalq kino festivalı 1935-ci ildən bəri hər il keçirilir. Bu dəfə festival aprelin 22-dən 29-na qədər keçiriləcək.

Посмотреть эту публикацию в Instagram

Публикация от IT CAN’T BE REAL/GERÇEK OLAMAZ (@itcantbereal_gercekolamaz)

Xatırladaq ki, Könül Nağıyeva Azərbaycan Prezidenti yanında İdarəetmə Akademiyasının məzunudur. 2014-cü ildə İstanbula köçərək orada təhsilini davam etdirib. 2018-ci ildə həmyerlimiz Türkiyənin ən yaxşı əcnəbi aktrisası adını qazanıb. 2017-ci ildə "FREE MIND MEDIA" studiyasının əsasını qoyan Nağıyeva 2019-cu ildə özünün ilk "Mən xatırlayıram" adlı filmini çəkib.

6
Teqlər:
kinofestival, azərbaycanlı, Moskva, premyera, film

Qubadlının Ulaşlı kəndinin ən son görüntülər yayılıb

0
(Yenilənib 11:10 21.04.2021)
Müdafiə Nazirliyi 9 noyabr 2020- ci ildə Azərbaycan Respublikası Silahlı Qüvvələri tərəfindən işğaldan azad edilmiş Qubadlı rayonunun Ulaşlı kəndindən ən son videogörüntüləri ictimaiyyətə təqdim edib.

Müdafiə Nazirliyi Qubadlı rayonunun Ulaşlı kəndindən yeni çəkilmiş videogörüntüləri yayıb.

Sputnik Azərbaycan xəbər verir ki, Ulaşlı kəndi Bərgüşad çayının sahilində, Bərgüşad silsiləsinin ətəyindədir. XIX əsrə aid yazılı mənbələrdə kəndin adı Hulaşlı şəklində qeydə alınıb. Tədqiqatçılara görə, oykonim erkən orta əsrlərdə Şimali Qafqazda yaşamış hulaşar tayfasının (Suriya mənbələrində Kulas) adı ilə bağlıdır. Ərəb mənbələrində onlardan xəzər tayfalarından biri kimi bəhs olunub.

XII əsrədək Volqa çayının sahilində bulqarlan Hulaş şəhəri olub. "Kitabi-Dədə Qorqud" dastanlarındakı Ulaş antroponimi də bu etnonimin variantı hesab edilir. Hulaşlann bir qismi müxtəlif vaxtlarda xəzər, bulqar və suvarlarm tərkibində Azərbaycana gəliblər. Keçmiş Borçalı qəzasında (Gürcüstan) Hulaş (Kulaş), Dağıstanda Ulaşlı kəndi, Ermənistan (XVII osr) və Qazaxıstan ərazilərində Kulaş yaşayış məntəqələrinin adları hulaşlann adı ilə bağlı olub.

Qubadlı rayonunun Ulaşlı kəndi 1993-cü ildə Ermənistan Respublikası Silahlı Qüvvələri tərəfindən işğal edilib.

9 noyabr 2020- ci ildə Azərbaycan Respublikası Silahlı Qüvvələri tərəfindən işğaldan azad edilib. 

0