UNESCO-nun embleması, arxiv şəkli

Kor-kor, gör-gör - UNESCO-nun gözünü kim, bağlayıb?

974
(Yenilənib 20:32 02.04.2021)
"UNESCO xristian irsi haqqında danışırsa, həm də azərbaycanlılara məxsus xristian və islam irsi haqqında da düşünməlidir" - politoloq.

Elvin Səlimov, Sputnik Azərbaycan

BAKI, 2 aprel — Sputnik. Azərbaycanın bir qrup ziyalısı UNESCO-nun Baş direktoru Odre Azuleyə müraciət edib. Ziyalıların müraciətində Ermənistanın həyata keçirdiyi siyasət nəticəsində bu ölkə ərazisində Azərbaycan xalqına məxsus yüz illərlə tarixi olan mədəni irsin tamamilə yox olması təhlükəsi ilə bağlı ciddi narahatlıq ifadə olunub.

Bir müddət öncə Azərbaycan Xarici İşlər Nazirliyi də UNESCO-ya tərəf saxlamama kimi bir vəzifəsinin olduğunu xatırladaraq Dağlıq Qarabağda mədəni irsin qorunmasını siyasiləşdirməməyi tövsiyə etmişdi.

Sputnik Azərbaycan UNESCO-nun Azərbaycana qarşı münasibətdə tətbiq etdiyi ikili standartların səbəblərini araşdırıb. UNESCO rəhbərliyinə müraciət edən azərbaycanlılardan ibarət ziyalı qrupunun üzvlərindən politoloq Elçin Mirzəbəyli mövzu ilə bağlı fikirlərini bölüşüb. O bildirib ki, edilən müraciət indiki Ermənistan, yəni tarixi Azərbaycan ərazilərində olan dini və mədəni abidələrlə bağlıdır: “Faktiki olaraq, ötən əsrin əvvəllərində İrəvan quberniyasının ləğvindən sonra onun yerində yaradılmış Ermənistan dövləti tərəfindən bütün məscidlər, demək olar ki, dağıdılmışdır. Vandallıq o həddə çatıb ki, azərbaycanlılara məxsus qəbir daşları məhv edilib və bu yerlərin azərbaycanlı sakinlərinin izlərini silməyə çalışıblar. Həmin ərazilərin tarixi toponimləri dəyişdirilib və regiona aid olmayan adlarla əvəzlənib.

Vaxtilə işğal altında olmuş ərazilərimizdə törədilən vandallıq aktları da sübut edir ki, ermənilər azərbaycanlıların bu yerlərdəki izlərini silməklə böyük Ermənistan xülyasını gerçəkləşdirmək istəyiblər. Yəni saxtakarlıqlarını gerçəkləşdirmək üçün ən ağır cinayətləri törədiblər. Bu baxımdan da biz hesab edirik ki, əgər UNESCO xristian irsi haqqında danışırsa, həm də azərbaycanlılara məxsus xristian və islam irsi haqqında da düşünməlidir”.

Politoloq qeyd edib ki, təşkilat Ermənistan ərazisində dağıdılmış mədəni tarixi irsimiz barədə də öz münasibətini bildirməlidir:

“Biz istəyirik ki, təşkilat Ermənistan ərazisinə ekspert qrupu göndərsin və dağıdılmış abidələrlə bağlı hesabat tələb etsin. Bizim müraciətimizin təməlində bu amillər dayanıb. Azərbaycan və azərbaycanlılarla bağlı proseslərdə obyektiv münasibətin ortaya qoyulması tələb edilir. Digər tərəfdən, Ermənistan tərəfindən məhv edilmiş abidələr təkcə Azərbaycana və azərbaycanlılara məxsus deyil, bu həm də bütün bəşəriyyətə aiddir”.

“O ki qaldı UNESCO-nun qeyri-obyektiv münasibətinə, düşünürəm ki, bu, bir sıra amillərdən qaynaqlanır. Təşkilatın donorluğunu həyata keçirən böyük dövlətlər, hansı ki, onlar torpaqlarımızın işğalda qaldığı dövrdə ölkəmizə qarşı ikili standartlardan çıxış edirdilər, eyni yanaşmanı UNESCO-da həyata keçirirlər. Şübhəsiz ki, bu prosesdə erməni diasporunun rolu var. Bizim bu müraciətimizin məqsədi ikili standartlara son qoyulmasından ibarət idi”, – deyə E.Mirzəbəyli bildirib.

Qeyd edək ki, BMT-nin Təhsil, Elm və Mədəniyyət Təşkilatı olan UNESCO ilə Azərbaycanın əlaqələri 29 ilə yaxınlaşan bir dövrü əhatə edir. Azərbaycan Respublikası UNESCO-ya 1992-ci il iyunun 3-də üzv qəbul olunub.

974
Teqlər:
UNESCO, tarixi memarlıq abidələri, dini abidələr, tarixi abidələr, mədəni irs, Ermənistan, Azərbaycan, Qarabağ
Kino lenti, arxiv şəkli

"Fəryad-2" filmində hansı dəyişikliklər olacaq?

89
"Ssenarini oxuyan kimi müəllifin kim olduğunu o saat bilmək olur. Hesab edirəm ki, bu film Azərbaycan kinematoqrafiyasına ən yaxşı töhfələrdən biri olacaq".

Şahpəri Abbasova, Sputnik Azərbaycan

BAKI, 14 aprel — Sputnik. Mədəniyyət Nazirliyinin sifarişi ilə C.Cabbarlı adına "Azərbaycanfilm" kinostudiyasında "Fəryad-2" adlı bədii filmi çəkiləcək.

Bu barədə Sputnik Azərbaycan-a danışan C.Cabbarlı adına "Azərbaycanfilm" Kinostudiyasının direktoru Fariz Əhmədov bildirir ki, Azərbaycan Prezidenti, Ali Baş Komandan İlham Əliyevin rəhbərliyi ilə Müzəffər Azərbaycan Ordusu tərəfindən 44 günlük Vətən müharibəsində qazanılmış qələbəyə həsr olunan filmin ssenari müəllifi və quruluşçu rejissoru tanınmış kinorejissor, Xalq artisti Vaqif Mustafayevdir: 

"Mən ssenarini oxuyan bir adam kimi, yaradıcı şəxs kimi deyə bilərəm ki, çox yaxşı bir film olacaq. Orada Vaqif Mustafayev markası var. Vaqif Mustafayevin digər filmlərindəki xətt bu filmdə də hiss olunur. Vaqif Mustafayevin özünün dəst-xətti var.

Ssenarini oxuyan kimi müəllifin kim olduğunu o saat bilmək olur. Hesab edirəm ki, bu film Azərbaycan kinematoqrafiyasına ən yaxşı töhfələrdən biri olacaq. Məkanlar və aktyorlar hələlik məlum deyil. Birinci "Fəryad"la ikinci "Fəryad" arasında fərq var. Digərlərini isə filmə baxdıqlarında görə biləcəklər".

Qeyd edək ki, filmin çəkilişlərinin bu ilin iyul-avqust aylarında, əsasən Vətən müharibəsi zamanı döyüş əməliyyatlarının aparıldığı ərazilərdə həyata keçirilməsi planlaşdırılır. Xatırladaq ki, ilk "Fəryad" filmi 1993-cü ildə çəkilib. Film Birinci Qarabağ müharibəsinə həsr olunub. Baş qəhrəmanın prototipi var və burada təsvir olunan hadisələr real faktlara əsaslanır. Ekran əsəri Qarabağ müharibəsində döyüşən əsgərlərdən birinin başına gətirilən əhvalatdan bəhs edir.

89
Teqlər:
"Azərbaycanfilm" kinostudiyası, Azərbaycan, film
Oskar heykəli, arxiv şəkli

"Oscar" kinomükafatının təqdimetmə mərasiminin aparıcıları məlum olub - VİDEO

4
(Yenilənib 20:52 14.04.2021)
Daha əvvəl 2021-ci ildə keçiriləcək mərasimin qismən Avropa məkanlarına köçürülə biləcəyi bildirilmişdi. Tədbirin ABŞ hissəsi Los-Ancelesdəki "Dolby" teatrında baş tutacaq, Paris və Londonda da qonaq qəbulu üçün iki əlavə məkan hazırlanır.

BAKI, 14 aprel — Sputnik. Aktyor Bred Pitt və aktrisa Zendaya 2021-ci ildə "Oscar" kinomükafatının təqdimetmə mərasiminin aparıcıları olacaqlar.

Sputnik Azərbaycan xəbər verir ki, bu barədə tədbirin təşkilatçıları "Instagram" hesablarında məlumat veriblər.

"Oscar" mükafatlandırma mərasimi aprelin 25-də canlı iştirakla keçiriləcək. Mərasim iştirakçıları eyni zalda olmamaq üçün qruplara bölünəcəklər.

View this post on Instagram

A post shared by The Academy (@theacademy)

Holli Berri, Xoakin Feniks, Lora Dern, Rita Moreno, Rene Zellveger, Riz Uizerspun, Harrison Fordun mərasimdə iştirak edəcəyi məlumdur. Onlar laureatlara qızıl heykəlcikləri təqdim edəcəklər.

Daha əvvəl 2021-ci ildə keçiriləcək mərasimin qismən Avropa məkanlarına köçürülə biləcəyi bildirilmişdi. Tədbirin ABŞ hissəsi Los-Ancelesdəki "Dolby" teatrında baş tutacaq, Paris və Londonda da qonaq qəbulu üçün iki əlavə məkan hazırlanır. Hələlik "Oscar"ın Avropa hissəsinin Paris, yoxsa Londonda keçiriləcəyi açıqlanmayıb.

https://www.instagram.com/p/CNk1GdfjVO2/?utm_source=ig_web_copy_link

4
ABŞ-ın Hərbi Dəniz Qüvvələrinə məxsus Ross esminetsi Bosfor boğazında

Qara dənizdə baş verir? ABŞ Türkiyəyə xəbərdarlığını geri götürdü

0
"Bəli, ABŞ səfirliyi bizim nazirliyi bu barədə məlumatlandırıb", - gəmilərin keçidinin təxirə salınması barədə suala cavabında XİN əməkdaşı bildirib.

BAKI, 15 aprel - Sputnik. ABŞ-ın Ankaradakı səfirliyi özlərinin iki hərbi gəmisinin Bosfor boğazı vasitəsilə Qara dənizə keçməyəcəyi barədə Türkiyəni məlumatlandırıb.

Sputnik Azərbaycan bildirir ki, bu barədə Türkiyə Xarici İşlər Nazirliyindən məlumat verilib.

Qeyd edək ki, bundan öncə Türkiyə XİN-dəki mənbə RİA Novosti-yə bildirmişdi ki, Vaşinqton Ankaraya iki hərbi gəmisinin Bosfor boğazı vasitəsilə Qara dənizə keçəcəyi və aprelin 14-15-dən mayın 4-5-dək orada qalacağı barədə xəbərdarlıq etmişdi. Pentaqonun rəsmi nümayəndəsi Con Kirbinin sözlərinə görə, Amerika hərbi gəmilərinin Qara dənizdəki əməliyyatları "rutin xarakter" daşıyır və ABŞ bu fəaliyyəti Türkiyə hökuməti ilə Montrö razılaşması çərçivəsində gerçəkləşdirir. 

"Bəli, ABŞ səfirliyi bizim nazirliyi bu barədə məlumatlandırıb", - gəmilərin keçidinin təxirə salınması barədə suala cavabında XİN əməkdaşı bildirib.

 

0
Teqlər:
təxirə salınmaq, keçid, hərbi gəmi, Qara dəniz, ABŞ, Türkiyə