Cenifer Lopes, arxiv şəkli

Qırx yaşlı ən cazibədar məşhurun adı məlum olub

393
(Yenilənib 23:15 29.03.2021)
Böyük Britaniyadan olan minlərlə xanımların 38%-i kamillik yaşına çatdıqda 51 yaşlı Lopes kimi görünmək istədiklərini bildiriblər.

BAKI, 30 mart — Sputnik. Hollivud aktrisası və müğənni Cenifer Lopes 40-dan çox yaşlı ən cazibədar məşhur seçilib. Sputnik Azərbaycan Rusiya mediasına istinadən xəbər verir ki, Lopes bu titula "Glowday" estetik klinikaların axtarış sistemində istifadəçilər arasında keçirilmiş sorğuya əsasən sahib olub.

Tədqiqatın nəticələrinə görə, Böyük Britaniyadan olan minlərlə xanımların 38%-i kamillik yaşına çatdıqda 51 yaşlı Lopes kimi görünmək istədiklərini bildiriblər. Eyni zamanda respondentlərin 34%-i digər bir aktrisanı – reytinqdə ikinci yerdə qərar tutmuş Cenifer Enistonu özlərinə kumir seçiblər.

Reytinqdə növbəti yeri isə 31% səslə 40 yaşlı televiziya ulduzu Kim Kardaşyan tutur.

Sorğu iştirakçıları dördüncü yerdə 52 yaşlı amerikalı aktyor Uill Smiti görüblər. Beşinci və altıncı yerləri isə müvafiq olaraq 28% və 23% səslə Bekhemlər cütlüyü – Viktoriya (46 yaş) və Devid (45 yaş) tutub.

Kişilər arasında ən cazibədar ulduzlar siyahısına Hollivud aktyorları Bred Pitt, Tom Kruz, Hyu Cekman, Tom Hardi və Corc Kluninin, xanımlar arasında isə - supermodellər Naomi Kempbell və Keyt Moss, teleaparıcı Tess Deyli və aktrisa Riz Uizerspunun da adları daxil edilib.

Xatırladaq ki, 2019-cu ilin aprel ayında İsveçin "velness" markası Foreonun keçirdiyi onlayn sorğu nəticəsində qocalandan sonra da gözəlliyini itirməmiş məşhurların reytinqi tərtib edilmişdi. Həmin sorğunun nəticələrinə görə, birinci yeri britaniyalı aktrisa və "Oscar" mükafatı laureatı Helen Mirren tutub. İkinci yerdə isə cavanlaşdırıcı prosedurlardan imtina etmiş Böyük Britaniya kraliçası II Yelizaveta tutub. Üçüncü yerdə isə amerikalı müğənni Madonna gəlirdi.

 

393
Manizha, arxiv şəkli

Rusiyanın "Avroviziya"dakı təmsilçisi tənqidlərə cavab verdi

20
(Yenilənib 14:10 11.04.2021)
Manija vurğulayıb ki, mahnının mətninə gəldikdə isə, o yumorla yazılıb və rus qadınının həyatından bəzi stereotipləri əks etdirir. 

BAKI, 11 aprel - Sputnik. Rusiyanı Avroviziya-2021 müsabiqəsində "Russian Woman" (Rus qadını - red.) mahnısı ilə təmsil edəcək müğənni Manija özünü niyə rus qadını saydığını izah edib. 

Müğənni bildirib ki, son vaxtlar mahnının məzmunu və mənşəyi ilə bağlı tənqidlə rastlaşır: öncə o, bu tənqidə görə stress də keçirib, lakin gənc fanatlarının köməyilə bu problemin öhdəsindən gəlib.

"Mənim müəyyən müraciətim var və mən onu mahnımın köməyi ilə sonadək çatdırmalıyam. Fanatlar bilməlidirlər ki, siz öz prinsiplərinizdən geri çəkilməmisiniz və satılmamısınız", - o deyib.

Manija vurğulayıb ki, mahnının mətninə gəldikdə isə, o yumorla yazılıb və rus qadınının həyatından bəzi stereotipləri əks etdirir. 

"Mən özümü havayıdan rus qadını adlandırmıram. Mənim buna haqqım var", - Manija deyib.

Manija Sangin əslən Tacikistandan olan rusiyalı müğənnidir. O, 2020-ci ilin dekabrında BMT-nin qaçqınların işi üzrə xoş məramlı səfiri olub.

Bir müddət əvvəl "Veteranskiye vesti" nəşrinin redaksiyası Rusiya İstintaq Komitəsinə müraciət edib. Redaksiya Manijanın səhnə nömrəsini rus qadınları üçün təhqiramiz və milli birliyi pozan kimi dəyərləndirib. Mahnını Federasiya Şurasında və patriarxatda da tənqid ediblər. Federasiya Şurasının sədri Valentina Matviyenko köməkçilərinə Birinci kanaldan nüfuzlu beynəlxalq müsabiqədə ölkənin təmsilçisinin necə seçildiyini aydınlaşdırmağı tapşırıb.

2020-ci ildə koronavirus pandemiyasına görə təxirə salınmış Avroviziya bu il mayın 18-22-də Niderlandın Rotterdam şəhərinin Ahoy arenasında baş tutacaq.

20
Çəkiliş, arxiv şəkli

Kinostudiya əvvəlki dövrünə qayıdır

13
(Yenilənib 22:14 10.04.2021)
30 ildən artıq idi ki, kinostudiyanın texniki bazası yenilənmirdi. Artıq bu baza yenidən qurulub. Eyni vaxtda iki bədii, iki sənədli film çəkməyə imkan verən ən müasir avadanlıqlar var.

BAKI, 10 aprel — Sputnik. Filmlərin bir qismi istehsalda, bir çoxu çəkilişdə, bir hissəsi hazırlıq mərhələsindədir. İnanırıq ki, pandemiya tezliklə həyatımızdan çıxacaq və biz daha kütləvi səhnələri olan filmlərin istehsalı ilə məşğul olacağıq.

Sputnik Azərbaycan xəbər verir ki, bunu C.Cabbarlı adına "Azərbaycanfilm" Kinostudiyasının direktoru Fariz Əhmədov deyib.

Əhmədovun sözlərinə görə, "Azərbaycanfilm" ölkənin ən böyük kino istehsalçısıdır və istehsal prosesinin getməyi o deməkdir ki, yüzlərlə insan öz yaradıcılığı ilə məşğuldur. O bildirib ki, 30 ildən artıq idi ki, kinostudiyanın texniki bazası yenilənmirdi. Artıq kinostudiyanın texniki bazası yenidən qurulub. Orada eyni vaxtda iki bədii, iki sənədli film çəkməyə imkan verən ən müasir avadanlıqlar mövcuddur.

13
Teqlər:
baza, texniki, avadanlıq, "Azərbaycanfilm" kinostudiyası, kinostudiya

Yevlax Sabirabadda ağır cinayətin qarşısı alınıb

0
(Yenilənib 10:25 12.04.2021)
Yevlax RPŞ-nin əməkdaşları tərəfindən həyata keçirilmiş növbəti tədbirlər zamanı rayon sakini Elvin Əliyevin yaşadığı evin həyətində qonaqların iştirakı ilə özünə toy məclisi təşkil etdiyi müəyyən edilib.

BAKI, 12 aprel — Sputnik. Daxili işlər orqanlarının əməkdaşları tərəfindən karantin rejimi qaydalarının pozulması hallarının qarşısının alınması istiqamətində tədbirlər davam etdirilir.

DİN-in mətbuat xidmətinin Bərdə regional qrupundan verilən məlumata görə, Sabirabad RPŞ-nin əməkdaşları tərəfindən həyata keçirilmiş növbəti tədbirlər zamanı Qarağac kənd sakini Etibar Qocayevin yaşadığı evin həyətində qonaqların iştirakı ilə övladına toy məclisi təşkil etdiyi müəyyən edilib.

Həmin ünvana baxış keçirilən zaman sanitar-epidemioloji və karantin qaydalarının pozulduğu aşkar edilib. Polis əməkdaşları tərəfindən qayda pozuntusuna yol vermiş 9 nəfər barəsində qanunamüvafiq tədbirlər yerinə yetirilib.

Yevlaxda da toy məclisi aşkarlanıb. Yevlax RPŞ-nin əməkdaşları tərəfindən həyata keçirilmiş növbəti tədbirlər zamanı rayon sakini Elvin Əliyevin yaşadığı evin həyətində qonaqların iştirakı ilə özünə toy məclisi təşkil etdiyi müəyyən edilib. Həmin ünvana baxış keçirilən zaman sanitar-epidemioloji və karantin qaydalarının pozulduğu aşkar edilib. Polis əməkdaşları tərəfindən qayda pozuntusuna yol vermiş 6 nəfər barəsində qanunamüvafiq tədbirlər yerinə yetirilib.

0