Eldar Qasımov Avroviziya yarışması zamanı

Eldar Qasımov: "Bəlkə, yenidən "Avroviziya"ya qayıtdım"

507
(Yenilənib 16:40 27.03.2021)
Məşhur Azərbaycan müğənnisi onu bütün dünyaya tanıdan beynəlxalq layihədə qələbə qazanandan sonra həyatının necə dəyişdiyindən danışıb.

BAKI, 27 mart — Sputnik, Kəmalə Əliyeva. "Avroviziya-2011" beynəlxalq mahnı müsabiqəsindəki qələbə Eldar Qasımovu nəinki bütün dünyada tanıtdı, eyni zamanda, sevdiyi işlə məşğul olmasına və müxtəlif ölkələrdən çoxsaylı pərəstişkar qazanmasına səbəb oldu. Müğənni bunu Sputnik Azərbaycan-a müsahibəsində etiraf edib.

Eldar Qasımovla Nigar Camal düz on il bundan əvvəl Azərbaycanı "Avroviziya" layihəsində təmsil etmişdilər. Duet şəklində ifa etdikləri "Running Scared" mahnısı onlara həm qələbə qazandırdı, həm də bütün dünyada məşhurlaşdırdı. Hazırda müğənnilərin ikisi də karyerasını uğurlu şəkildə davam edir, ancaq ayrı-ayrılıqda...

© AP Photo / Frank Augstein
Eldar Qasımov "Avroviziya" yarışması zamanı

Eldar Qasımov layihədə iştirak edənə kimi Bakı Slavyan Universitetinin Beynəlxalq münasibətlər və regionşünaslıq fakültəsinin tələbəsi idi. Ancaq Qasımov həmişə səhnədə olmağı arzulayıb və inanıb ki, əvvəl-axır onu xoşbəxt edəcək sənətlə məşğul olacaq.

"Avroviziya" müsabiqəsi sayəsində Eldar özünə çoxlu dost-tanış qazanıb, yaxşı əlaqələr qurub və ən əsası, sevdiyi işlə məşğul olmağa başlayıb.

"Hər bir yaradıcı insanın enişli-çıxışlı vaxtları olur. Həm də yaradıcı insanlar çox həssas olurlar. Mən də bu baxımdan istisna deyiləm. Son on il müddətində həyatımda çox mühüm hadisələr baş verdi ki, onlardan ikisi daha əsasdır: birincisi, həqiqətən də, görmək istədiyim işlə məşğulam və ikincisi, insanların, tamaşaçılarımın bütün bu illər ərzində mənimlə birlikdə olmasıdır. Mən onları "Eldarın ordusu" adlandırıram. Mənə tez-tez sosial şəbəkələrdə yazırlar ki, hansısa mahnım həyatın müəyyən anlarında onlara kömək edib. Bu mənim üçün ən böyük mükafatdır", – deyə Qasımov etiraf edir.

Müğənni bütün hisslərini tamaşaçıları ilə bölüşür. O, insanları əyləndirməyi, güldürməyi sevir. Öz sözləri ilə desək, pərəstişkarlarına həyat hekayəsini danışır ki, həm sevincini, həm də kədərini onlarla bölüşdüyünü anlasınlar.

"Avroviziya"ya qatılandan sonra bu layihənin digər iştirakçılar kimi Qasımov da öz qarşısına böyük planlar qoyub. Ancaq müğənni deyir ki, illər keçdikcə insan yaxınlarının, doğmalarının sağ-salamat və yanında olmasının karyeradan daha vacib olduğunu anlayır. Qasımov belə hesab edir ki, bu sarıdan bəxti gətirib, çünki həmişə xeyirxah, vicdanlı, sadiq insanlar əhatəsində olub.

© AP Photo / Frank Augstein
Eldar Qasımov "Avroviziya" yarışması zamanı

"Avroviziya" mənim üçün artıq keçilmiş mərhələdir. Ancaq üstündən on il keçməsinə baxmayaraq, layihənin bir çox iştirakçıları ilə hələ də əlaqə saxlayıram. Beynəlxalq konsertlərdə, şoularda iştirak edərkən tamaşaçıların məni necə qarşılamalarından, mahnılarımı oxumalarından onların sevgisini hiss edə bilirəm. Bu çox xoşdur", – Eldar belə deyir.

"Avroviziya"nın əsl fanatıyam. Yenilikləri, mahnıları həmişə izləyirəm, lakin bir müğənni kimi bu müsabiqədən ala biləcəyim hər şeyi almışam. Bununla belə, kim bilir, bəlkə də günlərin bir günü yenidən "Avroviziya"a qayıtdım, amma müğənni kimi deyil, bəstəkar kimi", – deyə Qasımov qeyd edir.

O, artıq "Avroviziya-2021"-in iştirakçısı Samirə Əfəndi üçün mahnı yazıb. Həmin mahnı müsabiqənin qısa siyahısının (short-list) üçlüyünə düşüb. Daha sonra özü də həmin mahnını ifa etmək qərarına gəlib və tamaşaçılar tərəfindən çox bəyənilib.

© AP Photo / Frank Augstein
Eldar Qasımov "Avroviziya" yarışması zamanı

Qasımovun sözlərinə görə, keçən ilin sentyabr ayından bəri bütün azərbaycanlılar kimi onun da ruhuna vətənpərvərlik hissi hakim kəsilib və hələ də bu hissdən uzaqlaşa bilməyib. Ona görə də son vaxtlar daha çox Azərbaycan xalq və müəllif mahnılarını yeni aranjemanda ifa edir. Hazırda müğənni vətənpərvərlik ruhuna köklənib və yeni layihələr üzərində çalışır.

"Mənə dəfələrlə xaricə köçmək və karyeramı orada davam etdirmək təklif olunub. Fəaliyyət göstərdiyim sahə elədir ki, burada nadir hallarda coğrafiya öz rolunu oynayır. Bakıda olduğum vaxt məni Almaniya, İsveçrəyə və başqa ölkələrə dəvət edirlər. Pandemiyaya qədər Amsterdamda konsert vermişdim. Əlbəttə ki, xaricdə qalsaydım, hər şey daha asan olardı, ancaq hələlik özümü buna hazır hiss etmirəm. Ümumilikdə isə bütün insanlarla dil tapa bilirəm", – deyə Qasımov vurğulayır.

"Avroviziya"da iştirak edən duetlərin çoxu müsabiqədən sonra iştirakçılar arasında yaranan fikir ayrılığı səbəbindən dağılıb. Eldar və Nigar isə on il müddətində dostluqlarını davam etdirir və tez-tez müxtəlif tədbirlərdə birgə çıxış edirlər. Tez-tez görüşməsələr də, ümumi cəhətləri çox olduğundan, yaxşı yola gedirlər.

"Görüşəndə hər şeydən danışa bilirik, hətta bəzən kiminsə qulağını cingildədirik. Amma sözün yaxşı mənasında. Məsələn, Nigar mənə deyir: "Səninlə daha çox şəklim var, nəinki keçmiş həyat yoldaşımla". Belə hesab eləyirəm ki, bizi qazandığımız qələbə, həmin vaxt keçirdiyimiz unudulmaz hislər birləşdirir. Biz o duyğuları bütün həyatımız boyu unutmayacağıq. Artıq on ildir ki, tamaşaçılara yeni duetimizi təqdim etmək istəyirik. Təəssüf ki, bu bir az çətin işdir, çünki Nigarla mən müxtəlif musiqi istiqamətlərində çalışırıq, zövqlərimiz də fərqlidir. Digər tərəfdən, əgər birlikdə hər hansı bir işə imza atsaq, gərək bunu ən yüksək səviyyədə həyata keçirək. Çünki bütün Avropa bundan xəbər tutacaq, yazacaq", – deyə Qasımov etiraf edir.

© AP Photo / Frank Augstein
Eldar Qasımov "Avroviziya" yarışması zamanı

Müğənni Azərbaycanı "Avroviziya-2021"-də təmsil edəcək Samirə Əfəndiyə öz tövsiyələrini də verdi. Onun fikrincə, bu müsabiqədə qələbə – səy, bacarıq və zəhmətkeşliyin cəmindən ibarətdir və müğənni buna fiziki, mənəvi və psixoloji cəhətdən hazır olmalıdır.

"Həmişə uşaqlara deyirəm ki, səhnəyə çıxanda, sadəcə, tamaşaçılardan, işıqdan, kameradan, oxuduğun mahnıdan zövq almalısan. Bu üç dəqiqə ərzində tamaşaçını bunun məhz sənin hekayən olduğuna inandırmalısan. Mənim üçün insanların qəlbinə toxunmaq, onların yaddaşında qalmaq aldığım o mükafatdan daha vacib idi", – deyə Qasımov əlavə edir.

507
Kino lenti, arxiv şəkli

"Fəryad-2" filmində hansı dəyişikliklər olacaq?

72
"Ssenarini oxuyan kimi müəllifin kim olduğunu o saat bilmək olur. Hesab edirəm ki, bu film Azərbaycan kinematoqrafiyasına ən yaxşı töhfələrdən biri olacaq".

Şahpəri Abbasova, Sputnik Azərbaycan

BAKI, 14 aprel — Sputnik. Mədəniyyət Nazirliyinin sifarişi ilə C.Cabbarlı adına "Azərbaycanfilm" kinostudiyasında "Fəryad-2" adlı bədii filmi çəkiləcək.

Bu barədə Sputnik Azərbaycan-a danışan C.Cabbarlı adına "Azərbaycanfilm" Kinostudiyasının direktoru Fariz Əhmədov bildirir ki, Azərbaycan Prezidenti, Ali Baş Komandan İlham Əliyevin rəhbərliyi ilə Müzəffər Azərbaycan Ordusu tərəfindən 44 günlük Vətən müharibəsində qazanılmış qələbəyə həsr olunan filmin ssenari müəllifi və quruluşçu rejissoru tanınmış kinorejissor, Xalq artisti Vaqif Mustafayevdir: 

"Mən ssenarini oxuyan bir adam kimi, yaradıcı şəxs kimi deyə bilərəm ki, çox yaxşı bir film olacaq. Orada Vaqif Mustafayev markası var. Vaqif Mustafayevin digər filmlərindəki xətt bu filmdə də hiss olunur. Vaqif Mustafayevin özünün dəst-xətti var.

Ssenarini oxuyan kimi müəllifin kim olduğunu o saat bilmək olur. Hesab edirəm ki, bu film Azərbaycan kinematoqrafiyasına ən yaxşı töhfələrdən biri olacaq. Məkanlar və aktyorlar hələlik məlum deyil. Birinci "Fəryad"la ikinci "Fəryad" arasında fərq var. Digərlərini isə filmə baxdıqlarında görə biləcəklər".

Qeyd edək ki, filmin çəkilişlərinin bu ilin iyul-avqust aylarında, əsasən Vətən müharibəsi zamanı döyüş əməliyyatlarının aparıldığı ərazilərdə həyata keçirilməsi planlaşdırılır. Xatırladaq ki, ilk "Fəryad" filmi 1993-cü ildə çəkilib. Film Birinci Qarabağ müharibəsinə həsr olunub. Baş qəhrəmanın prototipi var və burada təsvir olunan hadisələr real faktlara əsaslanır. Ekran əsəri Qarabağ müharibəsində döyüşən əsgərlərdən birinin başına gətirilən əhvalatdan bəhs edir.

72
Teqlər:
"Azərbaycanfilm" kinostudiyası, Azərbaycan, film
Oskar heykəli, arxiv şəkli

"Oscar" kinomükafatının təqdimetmə mərasiminin aparıcıları məlum olub - VİDEO

3
(Yenilənib 20:52 14.04.2021)
Daha əvvəl 2021-ci ildə keçiriləcək mərasimin qismən Avropa məkanlarına köçürülə biləcəyi bildirilmişdi. Tədbirin ABŞ hissəsi Los-Ancelesdəki "Dolby" teatrında baş tutacaq, Paris və Londonda da qonaq qəbulu üçün iki əlavə məkan hazırlanır.

BAKI, 14 aprel — Sputnik. Aktyor Bred Pitt və aktrisa Zendaya 2021-ci ildə "Oscar" kinomükafatının təqdimetmə mərasiminin aparıcıları olacaqlar.

Sputnik Azərbaycan xəbər verir ki, bu barədə tədbirin təşkilatçıları "Instagram" hesablarında məlumat veriblər.

"Oscar" mükafatlandırma mərasimi aprelin 25-də canlı iştirakla keçiriləcək. Mərasim iştirakçıları eyni zalda olmamaq üçün qruplara bölünəcəklər.

View this post on Instagram

A post shared by The Academy (@theacademy)

Holli Berri, Xoakin Feniks, Lora Dern, Rita Moreno, Rene Zellveger, Riz Uizerspun, Harrison Fordun mərasimdə iştirak edəcəyi məlumdur. Onlar laureatlara qızıl heykəlcikləri təqdim edəcəklər.

Daha əvvəl 2021-ci ildə keçiriləcək mərasimin qismən Avropa məkanlarına köçürülə biləcəyi bildirilmişdi. Tədbirin ABŞ hissəsi Los-Ancelesdəki "Dolby" teatrında baş tutacaq, Paris və Londonda da qonaq qəbulu üçün iki əlavə məkan hazırlanır. Hələlik "Oscar"ın Avropa hissəsinin Paris, yoxsa Londonda keçiriləcəyi açıqlanmayıb.

https://www.instagram.com/p/CNk1GdfjVO2/?utm_source=ig_web_copy_link

3
Raket, arxiv şəkli

Türklərin İraqdakı düşərgəsi raket atəşinə tutulub

0
​Daha bir raket isə yaxınlıqdakı kəndə düşüb, bir mülki şəxs yaralanıb. Mənbənin sözlərinə görə, Ərbil aerodromu ərazisinə də raket düşb.

BAKI, 14 aprel - Sputnik. Türkiyə Silahlı Qüvvələrinin İraq Kürdüstanında yerləşən bazası raket atəşinə tutulub. 

Sputnik Azərbaycan RİA Novosti-yə istinadən bildirir ki, İrsq təhlükəsizlik qüvvələrinin mənsubu raketin Baaşika şəhərində yerləşən Türkiyə SQ düşərgəsinin ərazisinə düşdüyünü söyləyib. Onun sözlərinə görə, xəsarət alanlar barədə məlumat yoxdur.

​Daha bir raket isə yaxınlıqdakı kəndə düşüb, bir mülki şəxs yaralanıb. Mənbənin sözlərinə görə, Ərbil aerodromu ərazisinə də raket düşb.

Baaşik ilə Ərbil arasında mısafə 90 km-dir. 

L`Orient-Le-Jour nəşri isə Ərbildə Amerika əsgərlərinin hədəf alındığını bildirib. 

0
Teqlər:
İraq, Türkiyə