Mikrofon

"Canım Azərbaycandır" - Pakistanlı ifaçıdan maraqlı jest - VİDEO

381
(Yenilənib 16:57 26.03.2021)
Klipdə Bakı, Lahor, İslamabad və İstanbulun tarixi yerlərini, İkinci Qarabağ müharibəsini, Bakıda zəfər coşqusu zamanı Pakistan bayraqlarının qaldırılmasını əks etdirən görüntülər, "Diriliş Ərtoğrul" serialından fraqmentlər yer alır.

BAKI, 26 mart — Sputnik. Gənc pakistanlı ifaçı Asad Kureyşi Pakistan-Azərbaycan-Türkiyə dostluğu haqqında musiqili parça təqdim edib. Bu barədə sosial şəbəkədə Cəmaləddin Quliyev adlı istifadəçi məlumat yayıb.

Onun məlumatına əsasən, mahnı üçün klip Pakistan Xarici İşlər Nazirliyinin sifarişi ilə hazırlanıb. İfa urdu dilindədir (Pakistanın rəsmi dövlət dili). Titrlərdə türk, Azərbaycan və ingilis dillərində mahnı sözlərinin tərcüməsi verilir.

Mahnının adı belədir - "Dil Hai Turkey, Pakistan, Jan Hai Azerbaijan (Qəlbim Türkiyə və Pakistandır, Canım Azərbaycandır)”.

Klipdə Bakı, Lahor, İslamabad və İstanbulun tarixi yerlərini, Azərbaycan Prezidenti İlham Əliyevin pakistanlı həmkarı ilə görüşünü, Türkiyə Prezidenti Rəcəb Tayyib Ərdoğanın fəaliyyətini, İkinci Qarabağ müharibəsini, Bakıda zəfər coşqusu zamanı Pakistan bayraqlarının qaldırılmasını əks etdirən görüntülər, "Diriliş Ərtoğrul" serialından fraqmentlər yer alır.

381
Çəkiliş, arxiv şəkli

Kinostudiya əvvəlki dövrünə qayıdır

6
(Yenilənib 22:14 10.04.2021)
30 ildən artıq idi ki, kinostudiyanın texniki bazası yenilənmirdi. Artıq bu baza yenidən qurulub. Eyni vaxtda iki bədii, iki sənədli film çəkməyə imkan verən ən müasir avadanlıqlar var.

BAKI, 10 aprel — Sputnik. Filmlərin bir qismi istehsalda, bir çoxu çəkilişdə, bir hissəsi hazırlıq mərhələsindədir. İnanırıq ki, pandemiya tezliklə həyatımızdan çıxacaq və biz daha kütləvi səhnələri olan filmlərin istehsalı ilə məşğul olacağıq.

Sputnik Azərbaycan xəbər verir ki, bunu C.Cabbarlı adına "Azərbaycanfilm" Kinostudiyasının direktoru Fariz Əhmədov deyib.

Əhmədovun sözlərinə görə, "Azərbaycanfilm" ölkənin ən böyük kino istehsalçısıdır və istehsal prosesinin getməyi o deməkdir ki, yüzlərlə insan öz yaradıcılığı ilə məşğuldur. O bildirib ki, 30 ildən artıq idi ki, kinostudiyanın texniki bazası yenilənmirdi. Artıq kinostudiyanın texniki bazası yenidən qurulub. Orada eyni vaxtda iki bədii, iki sənədli film çəkməyə imkan verən ən müasir avadanlıqlar mövcuddur.

6
Teqlər:
baza, texniki, avadanlıq, "Azərbaycanfilm" kinostudiyası, kinostudiya
Ersin Korkut

Aktyorun dediyi söz başına bəla oldu - VİDEO

88
(Yenilənib 21:35 10.04.2021)
Sərt reaksiyaları görən Ersin "Twitter" hesabında yeni paylaşım edərək, "Biz minillik tarixə malik, sivilizasiyaların beşiyi olan Diyarbəkir mədəniyyət paytaxtındayıq" sözlərini yazıb.

BAKI, 10 aprel — Sputnik. Türkiyəli məşhur aktyor Ersin Korkutun həbsi tələb olunur.

Sputnik Azərbaycan xəbər verir ki, buna səbəb isə onun "TikTok"-da paylaşdığı videoda işlətdiyi sözlər olub.

Belə ki, Diyarbəkirə səfərə gedən aktyora "Diyarbəkir xoşunuza gəldi" sualı verilib. Ersin isə cavab olaraq, Türkiyənin paytaxtı Ankara olduğu halda "Diyarbəkir, bizim paytaxtımız" ifadəsini işlədib.

Aktyorun bu sözləri sosial şəbəkə istifadəçiləri arasında narazılığa səbəb olub və onlar Twitter-də Ersin Korkut həbs olunsun həştəqi ilə kampaniya başladıblar.

Sərt reaksiyaları görən Ersin "Twitter" hesabında yeni paylaşım edərək, "Biz minillik tarixə malik, sivilizasiyaların beşiyi olan Diyarbəkir mədəniyyət paytaxtındayıq" sözlərini yazıb.

88
Nyu-Yorkda Tayms-skver meydanı, arxiv şəkli

Məşhurlar Nyu-York küçələrini podiuma çevirdilər - FOTO

0
Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

BAKI, 10 aprel — Sputnik. Nyu-Yorkda "Michael Kors Collection"ın nümayişi keçirilib.

Sputnik Azərbaycan xarici mediaya istinadən xəbər verir ki, pandemiya ilə əlaqədar olaraq tədbir rəqəmsal formatda baş tutub: modellərin yürüşü video qeydiyyata alınıb, ictimaiyyətə isə daha sonra təqdim ediləcək.

​Amma buna baxmayaraq, "Michael Kors Collection"dan ilk fotolar mediaya sızıb. Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

​Dünyaca məşhur modellərin bir araya toplaşması nadir hadisə hesab olunur. Ona görə də şounun çox yaddaqalan olacağı barədə proqnozlar verilib.

0
Teqlər:
Nyu-York, moda