Bizim Cəbiş müəllim, Şərikli çörək, Onun bəlalı sevgisi, Gecə qatarında qətl kimi filmlərin çəkildiyi məhəllə (Əhməd Cavad küçəsində)

Dəyərli filmlərimizin çəkildiyi məhəllə qonaq gözləyir: "İtalyan rejissor bəyənib" - VİDEO

116
(Yenilənib 13:03 21.03.2021)
"Çəkiliş komandası o qədər səmimi idi ki, nənəm hətta filmdə kütləvi səhnələrə çəkilməyə də razı oldu. Bu gün efirə çıxan sabah heç kimə salam vermir. İndi də gəlirlər, çəkilişlər edirlər, amma yerli sakinlərə yuxarıdan aşağı baxırlar".

Şahpəri Abbasova, Sputnik Azərbaycan

BAKI, 21 mart — Sputnik. Azərbaycan kinematoqrafiyasında xüsusi yer tutan "Bizim Cəbiş müəllim", "Şərikli çörək", "Onun bəlalı sevgisi", "Gecə qatarında qətl" kimi filmlərin çəkildiyi məhəllə (Əhməd Cavad küçəsində) "Səadət" sarayının yanındadır. Biz də yollandıq həmin məkana - xatirələrlə dolu məhəlləyə...

Məhəlləyə daxil olar-olmaz sanki həmin aktyorların səslərini eşidirsən. Deyilənə görə, ilk dəfə o yeri Həsən Seyidbəyli kəşf edərək oraya kino həyatı verib. Bundan sonra "Şərikli çörək", "Gecə qatarında qətl" və s. kimi filmlərdə də həmin məhəllədən istifadə edilib. Həmin günlərin şahidi, Bakı Dövlət Universitetinin dosenti Almaz Mustafayeva filmin çəkiliş prosesi ilə bağlı xatirələrini Sputnik Azərbaycan-la bölüşüb: "İndi kimisə fotoya və ya adi bir epizoda çəkəndə o saat deyirlər, "nə qədər pul verəcəksən?" Amma bizim dövrümüzdə bunlar təmənnasız idi. Məndən böyük bacım, qardaşım, qonşular həmin filmdə kütləvi səhnələrin çəkilişində iştirak ediblər. Bütün qonşular yığılıb çəkiliş komandasına düşbərə, qutab bişirərdik. Bütün günü samovarı qoyurduq ki, çay içsinlər. Cəbiş müəllim rolunu canlandıran Süleyman Ələsgərov o qədər səmimi insan idi ki, sanki onu illərlə tanıyırdım, elə bil qohum idik".

  • "Bizim Cəbiş müəllim", "Şərikli çörək", "Onun bəlalı sevgisi", "Gecə qatarında qətl" kimi filmlərin çəkildiyi məhəllə (Əhməd Cavad küçəsində)
    © Sputnik / Shahperi Abbasova
  • "Bizim Cəbiş müəllim", "Şərikli çörək", "Onun bəlalı sevgisi", "Gecə qatarında qətl" kimi filmlərin çəkildiyi məhəllə (Əhməd Cavad küçəsində)
    © Sputnik / Shahperi Abbasova
  • "Bizim Cəbiş müəllim", "Şərikli çörək", "Onun bəlalı sevgisi", "Gecə qatarında qətl" kimi filmlərin çəkildiyi məhəllə (Əhməd Cavad küçəsində)
    © Sputnik / Shahperi Abbasova
1 / 3
© Sputnik / Shahperi Abbasova
"Bizim Cəbiş müəllim", "Şərikli çörək", "Onun bəlalı sevgisi", "Gecə qatarında qətl" kimi filmlərin çəkildiyi məhəllə (Əhməd Cavad küçəsində)

"Hər dəfə o filmlərə baxanda sanki gəncliyimə dönürəm" deyir Almaz xanım: "Hər şey başqa idi. Səmimiyyət var idi, hörmət var idi. Mənim nənəm qapıdan çölə çıxan insan deyildi. Amma çəkiliş komandası o qədər səmimi idi ki, nənəm hətta filmdə kütləvi səhnələrə çəkilməyə də razı oldu. Bu gün efirə çıxan sabah heç kimə salam vermir. İndi də gəlirlər, çəkilişlər edirlər, amma yerli sakinlərə yuxarıdan aşağı baxırlar. Onlar səmimi olduqlarına görə gördükləri işdə də səmimiyyət var. O filmləri hər dəfə verəndə baxırıq. Amma bu gün çəkilən filmlərə bir dəfə baxırsan, ikinci dəfə baxmaq istəmirsən".

Almaz xanım sözügedən məhəllənin tarixindən də danışıb:

"Yuxarı mərtəbədə mühasibatla məşğul olanlar, mühəndislər yaşayırdılar. Zirzəmidə isə neft daşlarında işləyən fəhlələr yaşayırdılar. Burada azərbaycanlılar az idi, daha çox ruslar və tatarlar yaşayırdılar. Buranın ən yaşlı sakinlərindənəm. Digərləri 90-cı illərdə gəliblər burada yaşamağa. Bu həyətdə Kamil Rüstəmbəyov yaşayıb. Rüstəmbəyov "Aygün" filmini çəkdi. Mən həmin filmin şərəfinə qızımın adını Aygün qoydum".

Əli İbrahimovun 84 yaşı var. Əli baba nostalji dolu məhəlləsindən danışıb: "Əliağa Ağayevin tualetdəki səhnəsini, yəqin ki, xatırlayırsınız: "Adə, rəhmətliyin oğlu, burada neyniyərlər?" Bax, o səhnənni çəkilyi tualet mənim yaşadığım mənzilin aşağısında yerləşir. Həmin tualeti indi obyekt kimi işlədirlər. Gənc oğlan idim. Film yay aylarında çəkilirdi. Düz iki ay çəkiliş oldu. Həmin yay olan istini mən bu yaşıma qədər hələ də görməmişəm. İsti olmasına baxmayaraq, hər gün səhərdən axşama kimi çəkiliş olurdu. O zaman biz Süleyman Ələsgərov, Şəfiqə Məmmədova, Nəsibə Zeynalova, Əliağa Ağayev kimi nəhəng sənətkarlarla hər gün ünsiyyətdə olurduq".

Əli İbrahimov vurğulayıb: "İndi də tez-tez çəkiliş üçün bu məhəlləyə müraciət edirlər. Bir neçə il bundan qabaq bir italyan rejissor bu məhəllədən keçərkən təsadüfən buranı görüb və çox bəyənib. Dediyinə görə, gəlib burada bir film çəkəcək".

"Bu məhəlləni Murtuza Muxtarov tikib. Muxtarovun nəvəsi də burada yaşayırdı. Hazırda həmin yer zirzəmi kimi istifadə olunur. Muxtarovun xalası da üçüncü mərtəbədə yaşayırdı. Binanın tikilişi unikaldır. Yaxşı olar ki, bu məhəllə qorunub saxlanılsın. Adi problemləri həll etməklə məhəlləni qoruyub saxlamaq olar. Xarici ölkələrdə belə yerləri qoruyurlar. Yaxşı olar ki, bizimkilər də qorusunlar. Görün burada nə qədər filmlər çəkilib", - Əli baba həmin məhəllənin tarixi barədə danışarkən bildirib.

116
Teqlər:
Cəbiş müəllim, video, film, məhəllə, Bakı
Kino lenti, arxiv şəkli

"Fəryad-2" filmində hansı dəyişikliklər olacaq?

733
"Ssenarini oxuyan kimi müəllifin kim olduğunu o saat bilmək olur. Hesab edirəm ki, bu film Azərbaycan kinematoqrafiyasına ən yaxşı töhfələrdən biri olacaq".

Şahpəri Abbasova, Sputnik Azərbaycan

BAKI, 14 aprel — Sputnik. Mədəniyyət Nazirliyinin sifarişi ilə C.Cabbarlı adına "Azərbaycanfilm" kinostudiyasında "Fəryad-2" adlı bədii filmi çəkiləcək.

Bu barədə Sputnik Azərbaycan-a danışan C.Cabbarlı adına "Azərbaycanfilm" Kinostudiyasının direktoru Fariz Əhmədov bildirir ki, Azərbaycan Prezidenti, Ali Baş Komandan İlham Əliyevin rəhbərliyi ilə Müzəffər Azərbaycan Ordusu tərəfindən 44 günlük Vətən müharibəsində qazanılmış qələbəyə həsr olunan filmin ssenari müəllifi və quruluşçu rejissoru tanınmış kinorejissor, Xalq artisti Vaqif Mustafayevdir: 

"Mən ssenarini oxuyan bir adam kimi, yaradıcı şəxs kimi deyə bilərəm ki, çox yaxşı bir film olacaq. Orada Vaqif Mustafayev markası var. Vaqif Mustafayevin digər filmlərindəki xətt bu filmdə də hiss olunur. Vaqif Mustafayevin özünün dəst-xətti var.

Ssenarini oxuyan kimi müəllifin kim olduğunu o saat bilmək olur. Hesab edirəm ki, bu film Azərbaycan kinematoqrafiyasına ən yaxşı töhfələrdən biri olacaq. Məkanlar və aktyorlar hələlik məlum deyil. Birinci "Fəryad"la ikinci "Fəryad" arasında fərq var. Digərlərini isə filmə baxdıqlarında görə biləcəklər".

Qeyd edək ki, filmin çəkilişlərinin bu ilin iyul-avqust aylarında, əsasən Vətən müharibəsi zamanı döyüş əməliyyatlarının aparıldığı ərazilərdə həyata keçirilməsi planlaşdırılır. Xatırladaq ki, ilk "Fəryad" filmi 1993-cü ildə çəkilib. Film Birinci Qarabağ müharibəsinə həsr olunub. Baş qəhrəmanın prototipi var və burada təsvir olunan hadisələr real faktlara əsaslanır. Ekran əsəri Qarabağ müharibəsində döyüşən əsgərlərdən birinin başına gətirilən əhvalatdan bəhs edir.

733
Teqlər:
"Azərbaycanfilm" kinostudiyası, Azərbaycan, film
Oskar heykəli, arxiv şəkli

"Oscar" kinomükafatının təqdimetmə mərasiminin aparıcıları məlum olub - VİDEO

8
(Yenilənib 20:52 14.04.2021)
Daha əvvəl 2021-ci ildə keçiriləcək mərasimin qismən Avropa məkanlarına köçürülə biləcəyi bildirilmişdi. Tədbirin ABŞ hissəsi Los-Ancelesdəki "Dolby" teatrında baş tutacaq, Paris və Londonda da qonaq qəbulu üçün iki əlavə məkan hazırlanır.

BAKI, 14 aprel — Sputnik. Aktyor Bred Pitt və aktrisa Zendaya 2021-ci ildə "Oscar" kinomükafatının təqdimetmə mərasiminin aparıcıları olacaqlar.

Sputnik Azərbaycan xəbər verir ki, bu barədə tədbirin təşkilatçıları "Instagram" hesablarında məlumat veriblər.

"Oscar" mükafatlandırma mərasimi aprelin 25-də canlı iştirakla keçiriləcək. Mərasim iştirakçıları eyni zalda olmamaq üçün qruplara bölünəcəklər.

View this post on Instagram

A post shared by The Academy (@theacademy)

Holli Berri, Xoakin Feniks, Lora Dern, Rita Moreno, Rene Zellveger, Riz Uizerspun, Harrison Fordun mərasimdə iştirak edəcəyi məlumdur. Onlar laureatlara qızıl heykəlcikləri təqdim edəcəklər.

Daha əvvəl 2021-ci ildə keçiriləcək mərasimin qismən Avropa məkanlarına köçürülə biləcəyi bildirilmişdi. Tədbirin ABŞ hissəsi Los-Ancelesdəki "Dolby" teatrında baş tutacaq, Paris və Londonda da qonaq qəbulu üçün iki əlavə məkan hazırlanır. Hələlik "Oscar"ın Avropa hissəsinin Paris, yoxsa Londonda keçiriləcəyi açıqlanmayıb.

https://www.instagram.com/p/CNk1GdfjVO2/?utm_source=ig_web_copy_link

8
Bıçaq

Qadın keçmiş əri tərəfindən azyaşlı övladının gözü qarşısında bıçaqlandı

0
(Yenilənib 16:26 15.04.2021)
Zərərçəkmişin keçmiş əri Məsimov Rasim Mansır oğlunun şəxsi münasibətlər zəminində aralarında yaranan mübahisə zamanı Zülfiyyə Mənsimovanı oğlunun gözü qarşısında bıçaqladığı məlum olub.

 

BAKI, 15 aprel — Sputnik. 25 sentyabr 2020-ci il tarixdə saat 19 radələrində Gədəbəy rayonu, Qurudərə kənd sakini Məsimova Zülfiyyə Faiq qızının qəsdən öldürülməsinə cəhd edilməsi faktı üzrə Cinayət Məcəlləsinin müvafiq maddəsi ilə Gədəbəy rayon prokurorluğunda cinayət işi başlanaraq istintaq aparılıb. Bu barədə Gədəbəy rayon prokurorluğundan Sputnik Azərbaycan-a verilən məlumatda bildirilib.

Cinayət işi üzrə müvafiq ekspertizalar təyin edilib, hadisə yerinə baxış keçirilib, maddi sübutlar götürülüb, şahidlər dindirilib və digər zəruri prosessual hərəkətlər yerinə yetirilib.

İstintaqla zərərçəkmişin keçmiş əri Məsimov Rasim Mansır oğlunun şəxsi münasibətlər zəminində aralarında yaranan mübahisə zamanı Zülfiyyə Mənsimovanı oğlu və azyaşlı qohumunun gözləri qarşısında bıçaqla xəsarətlər yetirərək qəsdən öldürməyə cəhd etməsinə əsaslı şübhələr müəyyən edilib.

Rasim Məsimov təqsirləndirilən şəxs qismində cəlb olunaraq ona Cinayət Məcəlləsinin 29, 120.2.4-cü (xüsusi amansızlıqla və ya ümumi təhlükəli üsulla adam öldürməyə cəhd) maddəsi ilə ittiham elan edilib və barəsində məhkəmənin qərarı ilə həbs qətimkan tədbiri seçilib.

Hazırda cinayət işi üzrə istintaq yekunlaşdırılaraq, baxılması üçün aidiyyəti üzrə Gəncə Ağır Cinayətlər Məhkəməsinə göndərilib.

0