Tamaşa zalı, arxiv zalı

"Bəxtiyar" filmini teatr səhnəsinə daşıyırlar

60
(Yenilənib 23:21 18.03.2021)
Bəxtiyar obrazını teatrın gənc və istedadlı solistləri Şaban Cəfərov, İbrahim Əlizadə, Emil Zeynallı, Saşa obrazını isə Aydan Həsənova, Mehriban Zaliyeva canlandıracaqlar.

BAKI, 18 mart — Sputnik. Azərbaycan Dövlət Akademik Musiqili Teatrının yaradıcı heyəti son bir ildə pandemiya və digər səbəblərdən yaranan bütün çətinliklərə baxmayaraq, daha da əzmlə və yorulmadan çalışır, yeni-yeni layihələr üzərində işləyir. Teatrdan Sputnik Azərbaycan-a verilən məlumata görə, bu dəfə teatrın yaradıcı kollektivi tanınmış rejissor, "Tərəqqi" medalı laureatı Cavid İmamverdiyevin quruluşu və ssenarisi əsasında, librettosu dahi bəstəkar Tofiq Quliyevə aid olan "Bəxtiyar" filminin səhnə versiyasının onlayn məşqlərinə başlayıb. Füsunkar və əvəzolunmaz səsə malik SSRİ Xalq artisti Rəşid Behbudovun həyat və yaradıcılığını özündə əks etdirən "Bəxtiyar" filminin motivləri əsasında qurulacaq eyniadlı tamaşanın hazırlanması elə ilk məşqdə teatrın aktyorları tərəfindən də maraqla qarşılanıb.

“Böyük qayıdış” filmindən kadr
© Photo : Azerbaijan State Academic Mmusical Theatre

Yeni tamaşanın yaradıcı heyəti ilə onlayn məşqdə iştirak edən Akademik Musiqili Teatrın direktoru, Əməkdar incəsənət xadimi, sənətşünaslıq üzrə fəlsəfə doktoru Əliqismət Lalayev "Bəxtiyar" filminin tarixindən, teatrın hazırlayacağı bu tamaşanın yaranma zərurətindən də danışıb. Tanınmış rejissor aktyorlara uğurlar arzulayıb, eyni zamanda bəzi tövsiyələrini çatdırıb.

"1955-ci ildə görkəmli rejissor, Əməkdar incəsənət xadimi Lətif Səfərovun rejissorluğu ilə çəkilən "Bəxtiyar" filmi elə ilk nümayişindən indiyə qədər böyük sevgi və rəğbətlə qarşılanır. Dahi bəstəkar Tofiq Quliyevin bənzərsiz musiqiləri əsasında hazırlanan bu ekran əsəri hər zaman aktualdır. Hamı tərəfindən uğurlu ekran əsəri kimi qəbul edilən və sevilən bir filmi yeni quruluşda səhnəyə çıxartmağın, ona yeni nəfəs bəxş etməyin özü də böyük məsuliyyətdir. Bu, bizim çiyinlərimizə düşən yükü ikiqat artırır. İnanıram ki, Cavid müəllim bu çətin işin öhdəsindən layiqincə gələcək. Hətta indidən aktyorlarımızın onlara həvalə edilən rolları necə ifa edəcəyi haqda məndə xoş təsəvvürlər yaranır", – deyə Ə.Lalayev bildirib.

Videoformatda keçirilən ilk məşqdə çıxış edən rejissor Cavid İmamverdiyev teatrın təcrübəli və istedadlı aktyorlarına güvənərək bu işə daha da qətiyyətlə başladığını xüsusi vurğulayıb, yaradılan şəraitə görə teatr rəhbərliyinə təşəkkürünü bildirib.

Rəşid Behbudov, arxiv şəkli
© Sputnik / В. Калинин

Tamaşanın quruluşçu dirijoru Əməkdar incəsənət xadimi Fəxrəddin Atayev, quruluşçu rəssamı Elşən Sərxanoğlu, xormeysteri Əməkdar artist Vaqif Məstanov, quruluşçu baletmeysterləri Əməkdar artistlər Zakir və Yelena Ağayevlər, rejissor assistenti Zaur Əliyevdir.

Bəxtiyar obrazını teatrın gənc və istedadlı solistləri Şaban Cəfərov, İbrahim Əlizadə, Emil Zeynallı, Saşa obrazını isə Aydan Həsənova, Mehriban Zaliyeva canlandıracaqlar. Rol bölgüsünə əsasən, Xalq artisti İlham Namiq Kamal, Əməkdar artistlər – Çingiz Əhmədov, Əkbər Əlizadə, Nadir Xasiyev, Şövqi Hüseynov, Ələkbər Əliyev, Naidə Orucova, Almaz Ələsgərova, Novruz Qartal, Əzizağa Əzizov, aktyorlar – Möylə Mirzəliyev, Əliməmməd Novruzov, Elçin İmanov, Rauf Babayev, Ülviyyə Əliyeva, Emil Heydərov, Hüseyn Əlili, Elnarə Nağdəliyeva, Rəsmiyyə Nurməmmədova, Səmədzadə Xasiyev, Hidayət Əliyev, Elxan İsmayılov, Ruslan Mürsəlov, Zaur Əliyev, Fərid Rzayev, Nigar Qarayeva və başqaları ifa edəcəklər.

60
Muzeylərdə “Açıq qapı” günü

Qoruq muzeylərdə "açıq qapı" günü keçirilib

6
(Yenilənib 23:29 19.04.2021)
"Yanardağ" Dövlət Tarix-Mədəniyyət və Təbiət Qoruğunda təşkil edilən sərgidə milli musiqi alətləri, Bakının müasir və tarixi binalarının maketləri qonaqlara nümayiş etdirilib, milli geyimdə foto çəkdirmək üçün guşə yaradılıb.

BAKI, 19 aprel — Sputnik. Aprelin 18-də Dövlət Turizm Agentliyinin tabeliyində fəaliyyət göstərən tarix-mədəniyyət qoruqları və muzeylərdə "Açıq qapı" günü təşkil olunub. Agentlikdən Sputnik Azərbaycan-a verilən məlumata görə, "Beynəlxalq Abidələr və Tarixi Yerlər Günü" münasibətilə keçirilən "açıq qapı" günündə müxtəlif mövzularda sərgilər və məlumatlandırma sessiyaları keçirilib.

"Yanardağ" Dövlət Tarix-Mədəniyyət və Təbiət Qoruğunda təşkil edilən sərgidə milli musiqi alətləri, Bakının müasir və tarixi binalarının maketləri qonaqlara nümayiş etdirilib, milli geyimdə foto çəkdirmək üçün guşə yaradılıb.

  • Qoruq və muzeylərdə "açıq qapı" günü keçirilib
    © Photo : State Tourism Agency
  • Qoruq və muzeylərdə "açıq qapı" günü keçirilib
    © Photo : State Tourism Agency
  • Qoruq və muzeylərdə "açıq qapı" günü keçirilib
    © Photo : State Tourism Agency
1 / 3
© Photo : State Tourism Agency
Qoruq və muzeylərdə "açıq qapı" günü keçirilib

"Atəşgah Məbədi" Dövlət Tarix-Memarlıq Qoruğunda təşkil edilən "Tarix və Mədəniyyət Nümunələri Xalqın Milli Sərvətidir" adlı sərgidə orta əsr Azərbaycan sənətkarlarının əl işləri, misgərlik məmulatları sərgilənib. Qoruq ərazisində Argentina Respublikasının mədəniyyət profilli "Kanal A" televiziyası da çəkiliş aparıb.

"Kiş" Tarix-Memarlıq Qoruğunun həyətində yerli sənətkarların əl işləri nümayiş etdirilib. Ziyarətçilərə Kiş Alban Məbədinin tarixi, qoruqda yerləşən digər tarixi mədəniyyət abidələrinin əhəmiyyəti və mühafizəsi ilə bağlı məlumat verilib.

"Yuxarı Baş" Dövlət Tarix-Memarlıq Qoruğunda gənc rəssamların abidələrlə bağlı əl işləri sərgilənib. Şəki Tarix Diyarşünaslıq muzeyində şəhərin qədimliyini əks etdirən tarixi abidələrin fotolarından ibarət sərgi təşkil olunub. Həmçinin Şəki Xalq Tətbiqi Sənəti Muzeyində xovlu sənət ustası Rəhman Kamiloğlunun əl işlərindən ibarət sərgi keçirilib. Yalnız Şəkidə mövcud olan bu sənət növü üzrə hazırlanan əsərlərdə əsasən təbiət mənzərələri, kənd həyatının motivləri əks olunub.

Şəki Dövlət Rəsm Qalereyasının bağında - açıq havada "Tarixi abidələr rəssamların gözü ilə" adlı sərgi təşkil olunub. Şəkili rəssamlar Aynur Məsimova, Nazim Səmədov və Qurban Oruclunun kətan üzərində yağlı boya və akvarel boya ilə kağız üzərində çəkdikləri əsərlər qonaqların marağına səbəb olub.

"Basqal" Dövlət Tarix-Mədəniyyət Qoruğu ərazisində arxeoloj qazıntıların aparıldığı XVI əsr abidəsi - Şeyx Məhəmməd Məscidində məktəblilər üçün tədbir təşkil edilib.

"Lahıc" Dövlət Tarix-Mədəniyyət qoruğunda yerləşən abidələrə ziyarətçilər üçün müəyyən marşrutlar üzrə turlar hazırlanıb. Qoruq ərazisində yerləşən sənətkar emalatxanalarında ödənişsiz olaraq master-klasslar təşkil edilib.

"Xınalıq" Dövlət Tarix Memarlıq və Etnoqrafiya Qoruğunda ziyarətçilərə ödənişsiz xidmət göstərilib, qonaqlar üçün ekskursiyalar təşkil olunub.

6
Flora Kərimova

Flora Kərimova: "Qibləni tanımayanlar məni 80 yaşımda allahsızlıqda günahlandırırlar"

8
(Yenilənib 14:20 19.04.2021)
"Bəli, demişəm! "Yaradan hər kəsi bağışlasaydı, cəhənnəmi yaratmazdı". Yaradan mənə haqq veribsə, haqqımı çeynəyənlərə halal etmirəm! Təəssüf ki, bu günahlarınızı başa düşəcək biçimdə yaradılmadınız. Təkəbbür, riyakarlıq içindəsiniz".

BAKI, 19 aprel — Sputnik. Xalq artisti Flora Kərimova son günlər qalmaqala səbəb olan açıqlaması haqqında danışıb. Sputnik Azərbaycan xəbər verir ki, müğənni "Instagram" hesabında paylaşım etdiyi müsahibəsində "Allahın məni cəzalandırmağa ixtiyarı yoxdur" cümləsinə görə onu təhqir və tənqid edənlərə cavab verib: ""Kütlə", o qədər cahilsiniz ki, dilimizi rəzilliyə apardığınız kimi, mənasını da başa düşməkdə çətinlik çəkirsiniz! Birinci deyil, onuncu deyil, heç yüzüncü də deyil ki, bu kimi çirkab kampaniyalardan alnıaçıq çıxmışam. Bir şey tapmadınız yazmağa? İndi də qibləni tanımayanlar məni 80 yaşımda allahsızlıqda günahlandırırlar! Yaradanla allahlar (Şiva, Zevs, Ra) arasındakı fərqi görmürsünüzsə, bu, sizin savadsızlığınızdır. Bir tikə çörək üçün kişiliyinizi, vicdanınızı, ləyaqətinizi, qeyrətinizi tapdalamaq yarışına girmisiniz!"

Xalq artistinin sözlərinə görə, onun sözləri təhrif olunub: "Sözümü dəyişib məni savadsız kütlənin qarğışına, söyüşünə tuş etdiniz! Sonra bundan pul qazanıb aparıb evdəki övladlarınıza yedirdirsiniz. Bəs sonra? Nuş oldu? Bəs sən, Allah dediyin varlıqdan qorxmadın? Məni başa düşmək üçün sizin nə yaşınız, nə dünyagörüşünüz, nə intellektiniz, nə də savadınız çatdı. Heç olmasa, Flora deyəni elə təhrif edərdiniz ki, min nəfər inansın! Yaradan "sən"ləri o qədər cılız yaradıb ki, ac qalmamaq üçün mənim təhrif edilmiş cümlələrimə möhtacdırlar!"

Посмотреть эту публикацию в Instagram

Публикация от Flora Kərimova (@flora_kerimova_official)

Kərimova sosial şəbəkələrdə şərh yazan insanları da qınayıb: "Dünən biri ölür, tanımadan, bilmədən bu gün nələr yazırsınız şərhlərdə. Artıq o həddə çatmısınız ki, Allahın qədərinə, yazdığı taleyə, ölümə lağ-lağı edirsiniz, "şərh" yarışına çıxırsınız. Görək kim daha yaxşı təhqir yazıb "şərh tutuzduracaq"!!! Sizin nədən sığortanız var axı bu həyatda? Özündən əminsən, bəs övladlarındandamı qorxmadın ki, bu qınağa görə Allah başına daş salar?! Virtual qeybətin aludəçiləri, rəzalət içindəsiniz! Yaradan bağışlayacaq sizi?!"

"Bəli, demişəm! "Yaradan hər kəsi bağışlasaydı, cəhənnəmi yaratmazdı". Yaradan mənə haqq veribsə, haqqımı çeynəyənlərə halal etmirəm! Təəssüf ki, bu günahlarınızı başa düşəcək biçimdə yaradılmadınız. Təkəbbür, riyakarlıq içindəsiniz! İndi gedin bu müqəddəs ayda ha tövbə edin, ha namaz qılın! Ömrümü mən boşuna yaşamadım. Millətimin, xalqımın, insanların və ən əsası Yaradanımın yanında sədaqətimi, kimliyimi xırdalamadım! Bu Ramazan ayında bağımda "it ovçularından" gizlədib bəslədiyim küçə itlərinin savabı mənim bəsimdir! "SƏN"lərin duaları olmasa da olar!" - deyə F. Kərimova fikrini tamamlayıb.

8

Qafqazın qədim elm mərkəzi: Gürcüstanın Gelati monastırı

0
(Yenilənib 23:25 19.04.2021)
Gürcüstan yalnız dadlı milli yeməkləri və şərabları, füsunkar təbiəti və qonaqpərvər insanları ilə deyil, həm də saysız-hesabsız məbədləri, kilsələri və monastırları ilə məşhurdur. Onlardan biri də zəngin tarixə malik Gelati monastırıdır.

Əzəmətli Gelati monastır kompleksi təpənin üzərində inşa edilib və Gürcüstanın İmereti bölgəsinin mərkəzi Kutaisi şəhərindən 11 km uzaqlıqda yerləşir. Monastırın inşasına 1106-cı ildə daha çox Qurucu David kimi tanınan gürcü çarı David Aqmaşenebelinin əmri ilə başlanılıb.

Bu monastırdan başqa, David burada sonradan təhsil, elm və fəlsəfi düşüncə mərkəzinə çevrilən Gelati Akademiyasının da əsasını qoyub və bununla da bölgənin, eləcə də, bütövlükdə ölkənin inkişafına böyük töhfə verib. Akademiya ən görkəmli filosof və ilahiyyatçıların əsərlərinin saxlanıldığı, Gürcüstanın hüdudlarından çox-çox kənarda da şöhrət tapmış zəngin kitabxanaya malik olub.

Çar David də elə bu monastırda dəfn olunub. Vəsiyyətinə əsasən, qəbri məhz monastır tağının altında qazılıb ki, buraya daxil olanlar onun məzar daşının üstünə ayaq bassınlar. Zaman keçdikcə monastır yeni kilsələr və tikililərlə genişləndirilib.

Gelati monastırının ən maraqlı yerlərindən biri də freskalar və mozaikalardır. Onlar müxtəlif dövrlərdə fərqli insanlar tərəfindən düzəldilib. Freskaların bir hissəsi 1125-ci ilə aiddir. Mehrabın apsidasında Müqəddəs Nikopiyanın təsvir olunduğu mozaika da həmin dövrə aiddir. Ancaq mozaikanın aşağı hissəsi dövrümüzə qədər gəlib çatmadığından sonradan freskalarla əvəz olunub. Eləcə də freskalarda çar Davidin nadir təsvirlərindən bir neçəsi öz əksini tapıb.

Hazırda Gelati monastır kompleksi Gürcüstanın ən çox maraq doğuran turizm məkanlarından biridir ki, bu da təəccüblü deyil. Çünki monastır dövrümüzə qədər mükəmməl şəkildə qorunub saxlanılıb. Gelati monastırı UNESCO-nun Dünya İrsi Siyahısına daxil edilib.

0
  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.

  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.

  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.

  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.

  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.

  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.

  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.

  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.

  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.

  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.

  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.

  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.

  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.

  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.

  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.

  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.

  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.

  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.

  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.

  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.

  • © Sputnik / Murad Orujov

    Gürcüstanda Kutaisidən 11 km aralıda yerləşən Gelati monastırı.