Eurovision müsabiqəsinin loqosu, arxiv şəkli

Erməni rəqqas "Eurovision" mahnımızı tərifləyib sülh çağırışı etdi - VİDEO

504
(Yenilənib 13:10 18.03.2021)
Ermənistandan olan rəqqas Miko Azərbaycanın təqdim etdiyi layihə barədə müsbət fikirlər səsləndirərək mahnını, xüsusilə milli musiqimiz olan "Yallı"nın ifa olunduğu hissəni çox bəyəndiyini bildirib

BAKI, 18 mart — Sputnik. "Eurovision Hub" "youtube" platformasında Azərbaycanın "Avroviziya" təmsilçisi Samirə Əfəndinin "Mata Hari" mahnısı müzakirəyə çıxarılıb.

Sputnik Azərbaycan xəbər verir ki, sözügedən onlayn müzakirəyə Ermənistandan olan rəqqas Miko da qatılıb. O, Azərbaycanın təqdim etdiyi layihə barədə müsbət fikirlər səsləndirərək mahnını, xüsusilə milli musiqimiz olan "Yallı"nın ifa olunduğu hissəni çox bəyəndiyini bildirib, bu cür elementlərin Qafqaz regionu üçün ortaq nöqtə olduğunu qeyd edib.

Miko daha sonra "youtube"da rəy yazan insanlara münasibət bildirərək sülh çağırışı edib: "Siyasət və müharibə haqqında unutmaq həqiqətən çətindir, çünki hər iki ölkə çətin anlarla qarşılaşır. Amma dəyişiklik bizdən başlayır! Hər birimizdən!

Hər iki ölkənin insanları yuxudan oyanıb həyatın qısa olduğunu və nifrətin heç bir faydası olmadığını başa düşənə qədər gəlin "Mata Hari"ni dinləyək!

Bu nifrətin, müharibənin, siyasətin dayanmasını istəyən tək mən deyiləm. Ümid edirəm, gələcəkdə və ya heç olmasa gələcək nəsillərdə bəzi irəliləyişlər görə biləcəyəm. Çox təəssüf ki, hər iki ölkənin və insanlarının bir-biriləri üçün edə biləcəkləri çox şey var və əziyyət çəkənlər sadə insanlardır və heç kim buna layiq deyil".

Qeyd edək ki, "Mata Hari" dünya musiqi patformalarında yer tutub. Layihənin həsr edildiyi Mata Harinin vətəndaşı olduğu Niderlandda 50-ci sırada (iTunes), İsveçdə 20, İsveçrədə 64, Belçikada 139, Türkiyədə 156, Birləşmiş Krallıqda 197, Almaniyada 261, Rusiyada 279, İtaliyada 318-ci sırada qərarlaşıb.

Sözügedən layihə Azərbaycanda 3-cü (iTunes), "YouTube" trendində də 3-cü yerdədir.

 

504
İbrahim Tatlısəs, arxiv şəkli

Tatlısəs uzun illər sonra yeni mahnı təqdim edəcək

6
Verilişdə Tatlısəs 11 il sonra bir ilki gerçəkləşdirəcək. Sənətçi "Gəlməsin" adlı yeni mahnısını səsləndirəcək.Verilişdə Tatlısəs 11 il sonra bir ilki gerçəkləşdirəcək. Sənətçi "Gəlməsin" adlı yeni mahnısını səsləndirəcək.

BAKI, 12 aprel — Sputnik. Türk musiqisinin ən məşhur simalarından biri olan İbrahim Tatlısəs doqquz il sonra "İbo Show" verilişi ilə ekranlara qayıdıb.

Sputnik Azərbaycan Türkiyə mətbuatına istinadən xəbər verir ki, "Star TV"-də efirə çıxan proqramın yeni buraxılışının qonaqları məlum olub.

Verilişin 22-ci sayında Deniz Seki, Erkan Petekkaya, Sinan Akçıl ve İrem Derici iştirak edəcəklər.

Bundan başqa, verilişdə Tatlısəs 11 il sonra bir ilki gerçəkləşdirəcək. Sənətçi "Gəlməsin" adlı yeni mahnısını səsləndirəcək. Proqram aprelin 17-də, Bakı vaxtı ilə saat 21.00-da yayımlanacaq.

6
Şollerin arxivi filmi

Azərbyacanlı rejissorun filmləri beynəlxalq festivalda nümayiş olunacaq

8
"Şollerin arxivi" filmi almanların Azərbaycana gəlişinin 200 illiyi münasibətilə və Prezident İlham Əliyevin imzaladığı müvafiq Sərəncama dəstək olaraq çəkilib.

BAKI, 12 aprel — Sputnik. Azərbaycanlı rejissor Cəlaləddin Qasımovun "Edam günü" bədii filmi Braziliyanın "O ECOCINE – Internacional de Cinema Ambiental e Direitos Humanos", "Şollerin arxivi" bədii filmi isə "FriCine" beynəlxalq festivallarında ölkəmizi təmsil edəcək. Sputnik Azərbaycan xəbər verir ki, hər iki ekran əsəri Braziliyanın "Fılmóptıco - Internatıonal art vısual and" film festivalında birincilik uğrunda yarışacaq. Bildirib ki, "Şollerin arxivi" filmi almanların Azərbaycana gəlişinin 200 illiyi münasibətilə və Prezident İlham Əliyevin imzaladığı müvafiq Sərəncama dəstək olaraq çəkilib. Film Avropa mədəniyyətinə azərbaycanlıların sədaqətindən, Azərbaycan-Almaniya dostluğundan, ölkəmizin multikultural dəyərlərindən bəhs edir.

Triller janrında çəkilmiş ekran əsərində Xalq artisti Sabir Məmmədov, Əməkdar artistlər Əjdər Zeynalov, Rövşən Kərimduxt, Ramiz Vəliyev, Sevda Ələkbərova, aktyor Mətləb Ərdəbilli və başqaları rol alıblar.

Ekran əsərinin süjet xətti ötən əsrin 40-cı illərində Azərbaycanda yaşamış alman mənşəli Şollerlər ailəsinin həyatı üzərində qurulub. Filmin çəkilişləri Gəncə, Göygöl, Tovuz və Bakıda aparılıb. Ekran əsərində alman ailəsinin timsalında insan dramı göstərilib. Eyni zamanda, xalqımızın multikultural dəyərlərə sadiq qalması nəzərdən qaçmayıb. Filmdə baş verən hadisələr real həyatdan götürülüb. "SPP Production" tərəfindən istehsal edilən ekran əsərinin xronometrajı 88 dəqiqədir.

Onun sözlərinə görə, "Edam günü" bədii filmindəki hadisələr sovet dövrünün son illərində həbsxanada cərəyan edir.

C.Qasımov deyib ki, ekran əsərinin çəkilməsində məqsəd istedadlı gəncləri üzə çıxarmaq, onların qabiliyyətini geniş kütləyə göstərməkdir.

"Ekran əsərində məhkum olunmuş bir dustağın kamerada yaşadığı həyəcanlı anlar əks olunub. Filmin ssenarisini yazarkən Bayıl həbsxanasında keçmiş sovet dövründə işləmiş işçilərlə görüşüb maraqlı məlumatlar toplamışam", - deyə ssenari müəllifi bildirib.

Filmdə rolları Rövşən Kərimduxt, Sabir Məmmədov, Məmməd Əliyev, Nazil Ağalarov, Ramin Şıxəliyev, Soltan Qasımov, Hikmət Məmmədov, Vüqar Qurbanov və digərləri canlandırıblar. Filmin quruluşçu operatoru Mehdi Yaqubovdur.

"SPP Production" tərəfindən istehsal edilən ekran əsərinin xronometrajı 95 dəqiqədir.

8

Koronavirus xəstəsi ictimai yerdə aşkarlanıb

0
(Yenilənib 10:03 13.04.2021)
Balakəndə koronavirus xəstəsi polis əməkdaşları tərəfindən ictimai yerdə hərəkətdə olarkən saxlanılıb və evinə geri qaytarılıb.

BAKI, 13 aprel — Sputnik. Balakən Rayon Polis Şöbəsinin əməkdaşları tərəfindən keçirilən müvafiq tədbirlərlə aktiv koronavirus xəstəsi ictimai yerdə aşkarlanıb. Daxili İşlər Nazirliyinin Mətbuat Xidmətinin Şəki regional qrupundan Sputnik Azərbaycan-a verilən məlumata görə, COVID-19 testinin nəticəsi pozitiv olan rayon sakini Natiq İsayevə ev şəraitində müalicə təyin edilməsinə və sanitar-karantin qaydaları izah olunmasına baxmayaraq, o, yaşadığı ünvanı tərk edib. Həmin şəxs polis əməkdaşları tərəfindən ictimai yerdə hərəkətdə olarkən saxlanılıb və evinə geri qaytarılıb.

N.İsayev barəsində Balakən Rayon Polis Şöbəsinin İstintaq bölməsində araşdırma aparılır.

0
Teqlər:
xəstə, Koronavirus, karantin
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar