Teylor Svift GRAMMY mükafatının təqdimetmə mərasimində

"Grammy" mükafatının təqdimetmə mərasimində ən uğurlu obrazlar SİYAHI

16
(Yenilənib 20:49 15.03.2021)
Los-Ancelesdə musiqi dünyasının ən prestijli mükafatlarından sayılan "Grammy"nin 63-cü təqdimetmə mərasimi keçirilib. Tədbir pandemiya səbəbindən tamaşaçılarsız baş tutub.

BAKI, 15 mart — Sputnik. Los-Ancelesdə musiqi dünyasının ən prestijli mükafatlarından sayılan "Grammy"nin 63-cü təqdimetmə mərasimi keçirilib. Sputnik Azərbaycan xarici mediaya istinadən xəbər verir ki, tədbir pandemiya səbəbindən tamaşaçılarsız baş tutub.

"Qızıl qramofon" sahiblərinin tam siyahısını "Peopletalk" təqdim edib.

"İlin albomu": Taylor Svift – "Folklore"

"İlin mahnısı": H.E.R. – "I Canʼt Breathe"

"İlin bəstəsi": Billi Eyliş – "Everything I Wanted"

"Ən yaxşı yeni artist": "Megan Thee Stallion" (Meqan Covon Rut Pit)

"Ən yaxşı musiqili video": Beyons, Blyu Ayvi və "WizKid" – "Brown Skin Girl"

"Ən yaxşı rep ifası": "Megan Thee Stallion" və Beyons dueti – "Savage"

"Ən yaxşı rep musiqisi": "Megan Thee Stallion" və Beyons dueti – "Savage"

"Ən yaxşı rep albom": Nas – "King"s Disease"

"Ən yaxşı solo pop ifa": Harri Stayls – "Watermelon Sugar"

"Ən yaxşı duet/qrup pop ifa": Ledi Qaqa və Ariana Grande – "Rain On Me"

"Ən yaxşı vokal pop albom": Dua Lipa – "Future Nostalgia"

"Ən yaxşı rok-ifa": Fiona Eppl – "Shameika"

"Ən yaxşı rok musiqi": Britni Hovard – "Stay High"

"Ən yaxşı rok-albom": The Strokes – "The New Abnormal"

"Ən yaxşı alternativ albom": Fiona Eppl – "Fetch The Bolt Cutters"

"Ən yaxşı rəqs mahnısı": "Kaytranada" və Kali Uçis dueti – "10%"

"Ən yaxşı rəqs/elektron albom": "Kaytranada" – "Bubba"

"Ən yaxşı R&B ifa": Beyons – "Black Parade"

"Ən yaxşı ənənəvi R&B ifa" - Ledisi – "Anything For You"

"Ən yaxşı R&B mahnı" - Robert Qlasper, Mi'Şel NdeqeOsello və Qabriella Uilson – "Better Than I Imagined"

"Ən yaxşı qabaqcıl R&B-albom" – "Thundercat" – "It Is What It Is"

"Ən yaxşı R&B-albom" – Con Lecend – "Bigger Love"

"Vogue" eyni zamanda qırmızı xalının ən uğurlu obrazlarını təqdim edib.

16
Teqlər:
musiqi, mükafat, Qremmi
Çəkiliş, arxiv şəkli

Kinostudiya əvvəlki dövrünə qayıdır

6
(Yenilənib 22:14 10.04.2021)
30 ildən artıq idi ki, kinostudiyanın texniki bazası yenilənmirdi. Artıq bu baza yenidən qurulub. Eyni vaxtda iki bədii, iki sənədli film çəkməyə imkan verən ən müasir avadanlıqlar var.

BAKI, 10 aprel — Sputnik. Filmlərin bir qismi istehsalda, bir çoxu çəkilişdə, bir hissəsi hazırlıq mərhələsindədir. İnanırıq ki, pandemiya tezliklə həyatımızdan çıxacaq və biz daha kütləvi səhnələri olan filmlərin istehsalı ilə məşğul olacağıq.

Sputnik Azərbaycan xəbər verir ki, bunu C.Cabbarlı adına "Azərbaycanfilm" Kinostudiyasının direktoru Fariz Əhmədov deyib.

Əhmədovun sözlərinə görə, "Azərbaycanfilm" ölkənin ən böyük kino istehsalçısıdır və istehsal prosesinin getməyi o deməkdir ki, yüzlərlə insan öz yaradıcılığı ilə məşğuldur. O bildirib ki, 30 ildən artıq idi ki, kinostudiyanın texniki bazası yenilənmirdi. Artıq kinostudiyanın texniki bazası yenidən qurulub. Orada eyni vaxtda iki bədii, iki sənədli film çəkməyə imkan verən ən müasir avadanlıqlar mövcuddur.

6
Teqlər:
baza, texniki, avadanlıq, "Azərbaycanfilm" kinostudiyası, kinostudiya
Ersin Korkut

Aktyorun dediyi söz başına bəla oldu - VİDEO

86
(Yenilənib 21:35 10.04.2021)
Sərt reaksiyaları görən Ersin "Twitter" hesabında yeni paylaşım edərək, "Biz minillik tarixə malik, sivilizasiyaların beşiyi olan Diyarbəkir mədəniyyət paytaxtındayıq" sözlərini yazıb.

BAKI, 10 aprel — Sputnik. Türkiyəli məşhur aktyor Ersin Korkutun həbsi tələb olunur.

Sputnik Azərbaycan xəbər verir ki, buna səbəb isə onun "TikTok"-da paylaşdığı videoda işlətdiyi sözlər olub.

Belə ki, Diyarbəkirə səfərə gedən aktyora "Diyarbəkir xoşunuza gəldi" sualı verilib. Ersin isə cavab olaraq, Türkiyənin paytaxtı Ankara olduğu halda "Diyarbəkir, bizim paytaxtımız" ifadəsini işlədib.

Aktyorun bu sözləri sosial şəbəkə istifadəçiləri arasında narazılığa səbəb olub və onlar Twitter-də Ersin Korkut həbs olunsun həştəqi ilə kampaniya başladıblar.

Sərt reaksiyaları görən Ersin "Twitter" hesabında yeni paylaşım edərək, "Biz minillik tarixə malik, sivilizasiyaların beşiyi olan Diyarbəkir mədəniyyət paytaxtındayıq" sözlərini yazıb.

86
Nyu-Yorkda Tayms-skver meydanı, arxiv şəkli

Məşhurlar Nyu-York küçələrini podiuma çevirdilər - FOTO

0
Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

BAKI, 10 aprel — Sputnik. Nyu-Yorkda "Michael Kors Collection"ın nümayişi keçirilib.

Sputnik Azərbaycan xarici mediaya istinadən xəbər verir ki, pandemiya ilə əlaqədar olaraq tədbir rəqəmsal formatda baş tutub: modellərin yürüşü video qeydiyyata alınıb, ictimaiyyətə isə daha sonra təqdim ediləcək.

​Amma buna baxmayaraq, "Michael Kors Collection"dan ilk fotolar mediaya sızıb. Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

​Dünyaca məşhur modellərin bir araya toplaşması nadir hadisə hesab olunur. Ona görə də şounun çox yaddaqalan olacağı barədə proqnozlar verilib.

0
Teqlər:
Nyu-York, moda