Pulqabında manatlar, arxiv şəkli

Ev getdi, maşın da, saat da... Pandemiya hansı müğənnilərimizi müflis etdi?

458
(Yenilənib 18:25 09.02.2021)
Koronavirus pandemiyasına görə tətbiq edilən məhdudiyyətlər şou-biznes nümayəndələrini də gəlirsiz qoyub. Kimisi evini, kimisi avtomobilini, kimisi geyim və bəzək əşyalarını satıb

BAKI, 9 fevral — Sputnik. Pandemiya dövrü digər insanlarla yanaşı, şou-biznes nümayəndələrini də əməlli-başlı silkələyib. Kimisi evini, kimisi avtomobilini, kimisi geyim və bəzək əşyalarını satıb.

Sputnik Azərbaycan xəbər verir ki, maddi çətinlik çəkənlərin sırasında müğənni Elton Hüseynəliyev də var. Sənətçi pandemiyada güzəranını yaxşılaşdırmaq üçün bir ay əvvəl avtomobilini satıb. Bu barədə o, "ATV maqazin onlarla" proqramına açıqlamasında bildirib: "Gördüm ki, maddi sıxıntılarım var, maşınımı satdım. Kədərlənmədim, sevindim ki, əlimə pul gəldi. Təxmini olaraq 22 min dollara satdım". Elton maddi sıxıntıları zamanı həmkarı Nadir Qafarzadənin ona yardım etdiyini söyləyib.

Bundan əlavə, müğənni Əməkdar artist Teymur Əmrahın da çətinlik yaşadığını, bu səbəbdən evini satdığını açıqlayıb: "Qapı döyüldü, gördüm, Teymur müəllim gəlib, cibi də dolu. Evi satıb, pulları da üstündə gəzdirir. Bir az mənə də yardım etdi. Deyirəm, niyə mənzilinizi satdınız? Deyir ki, vəziyyət yaxşı deyil, həm ucuz ev alım, həm də qara günə pul saxlayım. Amma yeni ev də aldı".

Xatırladaq ki, Teymur Əmrah uzun illər evsizliyi ilə bağlı şikayətləri ilə gündəmdə olmuş, daha sonra adını açıqlamadığı şəxs tərəfindən mənzillə təmin olunmuşdu.

Müğənni Xatirə İslam isə geyimlərini satışa çıxarıb. Belə ki, müğənni bir neçə həftə əvvəl "Instagram" hesabında yeni səhifə açaraq ziyafət libaslarının satışına başlayıb. İfaçı açıqlamasında bu günədək 2 min manatadək qazanc əldə etdiyini açıqlayıb: "Satışdan əldə olunan gəlirin son qəpiyinə kimi hamısı yardıma ehtiyacı olan insanlara veriləcək. Hər qiymətə - ucuz və bahalı paltarlar var. Hələ ki, 2 min manata yaxın satış olub. Bir-iki uşaq var, onların hesab kartları sosial şəbəkədə qarşıma çıxıb. Surətini çıxarıb saxlamışıq. Əvvəlcə onlara yardım olunacaq. Daha sonra nə satış olsa, bizə yardım üçün yazanlara ayrılacaq".

Посмотреть эту публикацию в Instagram

Публикация от Xatire İslam Singer🎵 (@xatireislamm)

Karantin müddətində qızıl saatlarını satmağa məcbur qalan Nadir Qafarzadə həmin pulu qazilərlə bölüşdüyünü bildirib: "Rolex" markalı iki saatım var idi, qızıl və brilyantlarla. Onları satdım. 24 min manatlıq saatı 12 minə satdım. Onu da tək yemədim, qazilərimizlə bölüşdüm".

 

458
Teqlər:
şou-biznes, geyim, maşın, ev, müğənni, pandemiya
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (446)
Lourens Ferlinqetti, arxiv şəkli

Dünyanın ən qocaman şairi vəfat edib

5
(Yenilənib 22:41 24.02.2021)
Otuzdan çox poeziya məcmuəsinin müəllifi olan mərhum şairin adını daşıyan "City Lights" kitab mağazası 1953-cü ildən bəri yaşadığı evlə eyni binada yerləşir.

BAKI, 24 fevral — Sputnik. Amerikalı şair Lourens Ferlinqetti vəfat edib.

Sputnik Azərbaycan xarici mediaya istinadən xəbər verir ki, 101 yaşlı şair San-Fransiskodakı evində dünyasını dəyişib.

Qeyd edək ki, Ferlinqetti 1919-cu ildə Nyu-Yorkda anadan olub. Xalası tərəfindən böyüdülən şairin atası dünyaya gəlmədən ölüb. Anası isə psixiatriya xəstəxanasına göndərilib. Ferlinqetti yeddi yaşında olanda varlı bir ailədə qubernator işləyən xalası onu işə götürənlərin yanında qoyub qaçıb. Çətin uşaqlıq illərinə baxmayaraq Ferlinqetti təhsil alıb və 1941-ci ildə jurnalist kimi fəaliyyət göstərib. Daha sonra isə Donanmaya könüllü olub.

30-dan çox poeziya məcmuəsinin müəllifi olan mərhum şairin adını daşıyan "City Lights" kitab mağazası 1953-cü ildən bəri yaşadığı evlə eyni binada yerləşir.

5
Yalçın Rzazadənin dəfn mərasimi

Mədəniyyət Nazirliyi Xalq artisti Yalçın Rzazadəni yad elədi - VİDEO

20
(Yenilənib 13:17 24.02.2021)
Yalçın Rzazadə fevralın 22-də uzun sürən xəstəlikdən sonra dünyasını dəyişib və dünən Lənkəranda torpağa tapşırılıb.

BAKI, 24 fevral — Sputnik. Mədəniyyət Nazirliyi Xalq artisti Yalçın Rzazadə ilə bağlı paylaşım edib.

Sputnik Azərbaycan xəbər verir ki, videoçarxda Yalçın Rzazadənin həyat və yaradıcılığı barədə qısa məlumat yerləşdirilib.

Xatırladaq ki, Yalçın Rzazadə fevralın 22-də uzun sürən xəstəlikdən sonra dünyasını dəyişib və dünən Lənkəranda torpağa tapşırılıb.

O, 31 dekabr 1946-cı ildə Lənkəran rayonunda ziyalı ailəsində doğulub. 1963-cü ildə Azərbaycan Dövlət Mədəniyyət və İncəsənət İnstitutuna daxil olub və 1967-ci ildə həmin institutun aktyorluq fakültəsini, 1973-cü ildə isə Üzeyir Hacıbəyov adına Azərbaycan Dövlət Konservatoriyasını bitirib. 1979-cu ildə Əməkdar artist, 2000-ci ildə Xalq artisti adına layiq görülüb.

Bununla yanaşı, karate ilə məşğul olub. Azərbaycan Mədəniyyət və İncəsənət Universitetinin vokal və pop musiqi kafedrasının müdiri olub.

20
Yanğınsöndürənlər, arxiv şəkli

Evləri yanan köçkünlər harada qalacaqlar? "Qaçqınkom"dan açıqlama

0
(Yenilənib 01:00 25.02.2021)
Müvəqqəti məskunlaşma yerlərinə zərər dəymiş ailələr dövlət vəsaiti hesabına kirayə mənzillə təmin olunacaqlar.

BAKI, 25 fevral — Sputnik. Qaçqınların və Məcburi Köçkünlərin İşləri üzrə Dövlət Komitəsi Bakıda baş verən yanğınla bağlı açıqlama yayıb.

Sputnik Azərbaycan-a daxil olan məlumatda bildirilib ki, fevralın 24-də Bakı şəhəri, Yasamal rayonu, Tbilisi prospekti, 31/66 ünvanında yerləşən, keçmiş məcburi köçkünlərin müvəqqəti məskunlaşdığı yeddi mərtəbəli, 3 girişli inzibati binanın damında yanğın olub.

Fövqəladə Hallar Nazirliyinin yanğından mühafizə bölmələri tərəfindən yanğın söndürülüb: "Yanğın barədə məlumat daxil olduqdan dərhal sonra Qaçqınların və Məcburi Köçkünlərin İşləri üzrə Dövlət Komitəsinin nümayəndələri hadisə yerinə yollanıblar. İlkin araşdırma nəticəsində binanın damında yanar konstruksiyalardan primitiv qaydada inşa edilmiş 6 tikilinin əşyaları ilə birlikdə tamamilə yandığı müəyyən edilib. Yanğın nəticəsində ümumilikdə 17 mənzilə ziyan dəyib.

Ağdam rayonundan məcburi köçkün, 1986-cı il təvəllüdlü Vəliyev Tural Qabil oğlu yüngül yanıq xəsarətləri alıb.

Müvəqqəti məskunlaşma yerlərinə zərər dəymiş ailələr dövlət vəsaiti hesabına kirayə mənzillə təmin olunacaqlar. Az ziyan dəymiş 11 mənzil Dövlət Komitəsinin aidiyyəti şöbəsi tərəfindən təmir olunacaq. Həmin tikililərdə təmir-bərpa işlərinin aparılmasının və zərərçəkmiş ailələrin yenidən, müvəqqəti olaraq, burada yerləşdirilməsinin mümkünlüyü onların nəzərinə çatdırılıb.

Yanğın baş vermiş binada 277 ailə, yəni min nəfər müvəqqəti məskunlaşıb.

Digər yaşayış sahələri yanğından mühafizə olunub.

Yanğının başvermə səbəbləri Fövqəladə Hallar Nazirliyi tərəfindən araşdırılır, dəymiş ziyan müəyyənləşdirilir. FHN-nin araşdırmasından sonra yekun rəy veriləcək, onun əsasında müvafiq hüquqi addımlar atılacaq".

0