Azərbaycanlı xanımın kitabı Rusiyada 18+ işarəsi ilə dərc olunacaq

70
"Salsa, iy və Qrinviç üzrə sıfır", "Əncir ağacının altında yatma" kitablarının ardınca Şirin Şəfiyeva Rusiyada üçüncü kitabını buraxacaq

BAKI, 31 yanvar - Sputnik, Kəmalə Əliyeva. Azərbaycanlı yazıçı Şirin Şəfiyevanın üçüncü, "Ocimum Basilicum yuxuları" adlı kitabını Rusiyanın "Eksmo" nəşriyyatı 18+ yaş məhdudiyyəti ilə dərc edəcək. 

Sputnik Azərbaycan-a müəllifin özünün verdiyi məlumata görə, ktabın adında reyhan bitkisinin elmi adından istifadə olunub. 

© Photo : The Black Prince Productions / Eterna / 2021

Kitabın süjeti dəfinə axtarışı üzərində qurulub. Əsərin cəmi iki baş qəhrəmanı var, onlar bir-birlərini axtarsalar da, ancaq yuxuda görüşə bilirlər.

"Qəhrəmanlar yuxuda Azərbaycanın Qobustan, Beşbarmaq, Atəşgah kimi sakral məkanlarına birlikdə səyahət edirlər. Maddi cəhətdən sıxıntı çəkən oğlana bu yerlər darıxdırıcı görünür, Reyhan isə onları əsl möcüzə sayır. Kitabda həmçinin digər otlar və onların istifadə qaydalarından danışılır", - Şəfiyeva qeyd edib.

Romanda Azərbaycan mətbəxinin bəzi nümunələrinin hazırlanma qaydasından da bəhs olunur. 

Xatırladaq ki, 2020-ci ildə "Eksmo" nəşriyyatı Moskvada Şəfiyevanın "Salsa, iy və Qrinviç üzrə sıfır" və "Əncir ağacının altında yatma" kitablarını dərc etmişdi. 

70
Teqlər:
Moskva, azərbaycanlı, kitab
Lourens Ferlinqetti, arxiv şəkli

Dünyanın ən qocaman şairi vəfat edib

5
(Yenilənib 22:41 24.02.2021)
Otuzdan çox poeziya məcmuəsinin müəllifi olan mərhum şairin adını daşıyan "City Lights" kitab mağazası 1953-cü ildən bəri yaşadığı evlə eyni binada yerləşir.

BAKI, 24 fevral — Sputnik. Amerikalı şair Lourens Ferlinqetti vəfat edib.

Sputnik Azərbaycan xarici mediaya istinadən xəbər verir ki, 101 yaşlı şair San-Fransiskodakı evində dünyasını dəyişib.

Qeyd edək ki, Ferlinqetti 1919-cu ildə Nyu-Yorkda anadan olub. Xalası tərəfindən böyüdülən şairin atası dünyaya gəlmədən ölüb. Anası isə psixiatriya xəstəxanasına göndərilib. Ferlinqetti yeddi yaşında olanda varlı bir ailədə qubernator işləyən xalası onu işə götürənlərin yanında qoyub qaçıb. Çətin uşaqlıq illərinə baxmayaraq Ferlinqetti təhsil alıb və 1941-ci ildə jurnalist kimi fəaliyyət göstərib. Daha sonra isə Donanmaya könüllü olub.

30-dan çox poeziya məcmuəsinin müəllifi olan mərhum şairin adını daşıyan "City Lights" kitab mağazası 1953-cü ildən bəri yaşadığı evlə eyni binada yerləşir.

5
Yalçın Rzazadənin dəfn mərasimi

Mədəniyyət Nazirliyi Xalq artisti Yalçın Rzazadəni yad elədi - VİDEO

20
(Yenilənib 13:17 24.02.2021)
Yalçın Rzazadə fevralın 22-də uzun sürən xəstəlikdən sonra dünyasını dəyişib və dünən Lənkəranda torpağa tapşırılıb.

BAKI, 24 fevral — Sputnik. Mədəniyyət Nazirliyi Xalq artisti Yalçın Rzazadə ilə bağlı paylaşım edib.

Sputnik Azərbaycan xəbər verir ki, videoçarxda Yalçın Rzazadənin həyat və yaradıcılığı barədə qısa məlumat yerləşdirilib.

Xatırladaq ki, Yalçın Rzazadə fevralın 22-də uzun sürən xəstəlikdən sonra dünyasını dəyişib və dünən Lənkəranda torpağa tapşırılıb.

O, 31 dekabr 1946-cı ildə Lənkəran rayonunda ziyalı ailəsində doğulub. 1963-cü ildə Azərbaycan Dövlət Mədəniyyət və İncəsənət İnstitutuna daxil olub və 1967-ci ildə həmin institutun aktyorluq fakültəsini, 1973-cü ildə isə Üzeyir Hacıbəyov adına Azərbaycan Dövlət Konservatoriyasını bitirib. 1979-cu ildə Əməkdar artist, 2000-ci ildə Xalq artisti adına layiq görülüb.

Bununla yanaşı, karate ilə məşğul olub. Azərbaycan Mədəniyyət və İncəsənət Universitetinin vokal və pop musiqi kafedrasının müdiri olub.

20
Yanğınsöndürənlər, arxiv şəkli

Evləri yanan köçkünlər harada qalacaqlar? "Qaçqınkom"dan açıqlama

0
(Yenilənib 01:00 25.02.2021)
Müvəqqəti məskunlaşma yerlərinə zərər dəymiş ailələr dövlət vəsaiti hesabına kirayə mənzillə təmin olunacaqlar.

BAKI, 25 fevral — Sputnik. Qaçqınların və Məcburi Köçkünlərin İşləri üzrə Dövlət Komitəsi Bakıda baş verən yanğınla bağlı açıqlama yayıb.

Sputnik Azərbaycan-a daxil olan məlumatda bildirilib ki, fevralın 24-də Bakı şəhəri, Yasamal rayonu, Tbilisi prospekti, 31/66 ünvanında yerləşən, keçmiş məcburi köçkünlərin müvəqqəti məskunlaşdığı yeddi mərtəbəli, 3 girişli inzibati binanın damında yanğın olub.

Fövqəladə Hallar Nazirliyinin yanğından mühafizə bölmələri tərəfindən yanğın söndürülüb: "Yanğın barədə məlumat daxil olduqdan dərhal sonra Qaçqınların və Məcburi Köçkünlərin İşləri üzrə Dövlət Komitəsinin nümayəndələri hadisə yerinə yollanıblar. İlkin araşdırma nəticəsində binanın damında yanar konstruksiyalardan primitiv qaydada inşa edilmiş 6 tikilinin əşyaları ilə birlikdə tamamilə yandığı müəyyən edilib. Yanğın nəticəsində ümumilikdə 17 mənzilə ziyan dəyib.

Ağdam rayonundan məcburi köçkün, 1986-cı il təvəllüdlü Vəliyev Tural Qabil oğlu yüngül yanıq xəsarətləri alıb.

Müvəqqəti məskunlaşma yerlərinə zərər dəymiş ailələr dövlət vəsaiti hesabına kirayə mənzillə təmin olunacaqlar. Az ziyan dəymiş 11 mənzil Dövlət Komitəsinin aidiyyəti şöbəsi tərəfindən təmir olunacaq. Həmin tikililərdə təmir-bərpa işlərinin aparılmasının və zərərçəkmiş ailələrin yenidən, müvəqqəti olaraq, burada yerləşdirilməsinin mümkünlüyü onların nəzərinə çatdırılıb.

Yanğın baş vermiş binada 277 ailə, yəni min nəfər müvəqqəti məskunlaşıb.

Digər yaşayış sahələri yanğından mühafizə olunub.

Yanğının başvermə səbəbləri Fövqəladə Hallar Nazirliyi tərəfindən araşdırılır, dəymiş ziyan müəyyənləşdirilir. FHN-nin araşdırmasından sonra yekun rəy veriləcək, onun əsasında müvafiq hüquqi addımlar atılacaq".

0