Azərbaycanlı aktyor taxt-tac oyunlarının yeni versiyasında - VİDEO

44
Yaxın vaxtlarda rusiyalı tamaşaçılara yazıçı Vera Kamşanın romanları əsasında çəkilmiş "Eterna" serialı təqdim olunacaq. Azərbaycanlı aktyor orada vəliəhd şahzadəni canlandıracaq

BAKI, 31 yanvar - Sputnik, Kəmalə Əliyeva. Azərbaycanlı aktyor Anar Xəlilov Rusiyada səbirsizliklə gözlənilən "Eterna" fantastik serialında vəliəhd rolunu ifa edəcək.  

Aktyorun Sputnik Azərbaycan-a verdiyi məlumata görə, hazırda filmin çəkilişləri "Lenfilm"in pavilyonlarında davam edir. 

Serial yazıçı Vera Kamşanın "Eternanın əks-sədası" romanları əsasında çəkilir. Layihəyə 2020-ci ilin sentyabrında start verilib. Serialın prodüseri Yevgeni Baranov, rejissoru Yevgeni Nevski, ssenaristi Sergey Yudakovdur. Ümumilikdə beş mövsüm davam edəcəyi nəzərdə tutulur. Birincisi yaxın günlərdə təqdim olunacaq. 

"Serialda Aldo Rakana adlı qəhrəmanı oynayıram. O, vəliəhd şahzadədir. Rakana hakimiyyətə gəlmək niyyətindədir və bunun üçün əlindən gələni edir. Rol çox xoşuma gəlir. Əminəm ki, tamaşaçılar da bəyənəcəklər. Ona görə hətta imicimi də dəyişdim, saçımı daha açıq rəngə boyadım", - Xəlilov deyib. 

Serialdakı hadisələr qədim Aqaris şəhərində baş verir. Süjetə görə, dünya Qərinələrin Dəyişməsinın astanasındadır. Başı müharibə və intriqalara qarışan insanlar əvvəlki tanrılarının nəsihətlərini unudublar, fəlakətin lap yaxında olduğunu dərk eləmirlər.

Serialın qəhrəmanı hersoq Riçard Okdell Qayaların hökmdarıdır. O, həlak olmuş üsyançının oğludur, qədim nəslinin əvvəlki şöhrətini qaytarmaq və atasının intiqamını almaq fikrindədir. İldırımlar hökmdarı Rober Epine isə hakimiyyətdən uzaqlaşdırılmış şahzadə Aldo Rakanaya əcdadlarının taxt-tacını qaytarmağa kömək edir. 

Anar Xəlilovla yanaşı, serialda məşhur rus aktyorlar - Denis Nurulin, Yuri Çursin, Pyotr Semak, Leonid Biçevin və Kirill Zaytsev - də rol alıblar. 

Anar Xəlilov Şukin adına Teatr İnstitutunun məzunudur. Rusiyanın Xalq artisti Lüdmila Maksakovanın tələbəsidir. O, İlqar Safatın "Daxili şəhər" filmində oynayıb. Xəlilov həmçinin müxtəlif fotolayihələrdə modellik edir. O, Rusiyanın "Məxməri mövsüm", "Mask-E-rad", "Qonaqlar" kimi populyar filmlərində rol alıb. 

44
Teqlər:
video, aktyor, azərbaycanlı, Rusiya, serial
Üç bacı dolması

"Washington Post" Azərbaycan mətbəxindən yazdı

3
(Yenilənib 19:07 27.02.2021)
Məqalədə Azərbaycan səfiri Elin Süleymanova istinadla regionda çay, dolma və paxlava hazırlanması mədəniyyətində Azərbaycan mətbəxinin özünəməxsusluqlarına diqqət yetirilir

BAKI, 27 fevral — Sputnik. "Washington Post" qəzeti ABŞ paytaxtında Azərbaycan mətbəxini təmsil edən "Şərbət" şirniyyat evindən reportaj hazırlayıb.

Sputnik Azərbaycan xəbər verir ki, yazıda Vaşinqton şəhərində Azərbaycan şirniyyat evinin yaranma tarixçəsi barədə məlumat verilir, bu məkanın adının qızılgül ləçəkləri və ya zəfərandan hazırlanan milli içkidən götürüldüyü, şərbətin, həmçinin Azərbaycanın ən məşhur şirniyyatı olan paxlavaya da vurulduğu bildirilir. Azərbaycan paxlavasının forması, zərif dadı və nazik ləçəklərinin onu digər xarici şirniyyat növlərindən xeyli fərqləndirdiyi qeyd olunur.

© Sputnik / Ilham Mustafa / Səbinə Əsədova

Məqalədə Azərbaycan səfiri Elin Süleymanova istinadla regionda çay, dolma və paxlava hazırlanması mədəniyyətində Azərbaycan mətbəxinin özünəməxsusluqlarına diqqət yetirilir. Bundan əlavə, Novruz bayramının simvollarından olan şorqoğal, şəkərbura və şirniyyat evində hazırlanan digər milli və beynəlxalq un məmulatları barəsində məlumat verilir, onların nəfis şəkilləri təqdim olunur.

Ümumiyyətlə qeyd etmək istərdik ki, son zamanlar ABŞ paytaxtında Azərbaycan mətbəxinə marağın artması müşahidə olunmaqdadır. Bu, özünü nüfuzlu mətbu orqanlarda ölkəmizin mətbəxinə həsr olunan guşələrdən də göstərməkdədir. "Şərbət" şirniyyat evi qısa müddətdə açılmasına baxmayaraq, Vaşinqton və yaxın şəhərlərin sakinləri arasında böyük populyarlıq qazanıb.

 

3
Teqlər:
məqalə, "The Washington Post", ABŞ, Azərbaycan mətbəxi, Azərbaycan
 Rafiq Əziz

Azərbaycanlı rəssam öz əsərini Ərdoğana hədiyyə edib

5
(Yenilənib 18:19 27.02.2021)
Rafiq Əziz Türkiyə Cümhuriyyəti Zərbxanası tərəfindən bu günə kimi basılmış 8 Gümüş Xatirə yubiley pulunun eskiz və dizaynın müəllifidir

Şahpəri Abbasova, Sputnik Azərbaycan

BAKI, 27 fevral — Sputnik. Ötən gün Türkiyə Respublikasının prezidenti Rəcəb Tayyib Ərdoğanın doğum günü münasibətilə Azərbaycan xalqı adından İstanbulda yaşayan soydaşımız, Əməkdar İncəsənət xadimi, professor Rafiq Əziz əsərini təqdim edib.

Bu barədə Sputnik Azərbaycan-a danışan rəssamın sözlərinə görə, o, "1071 Malazgirt Meydan savaşı" adlı yağlı boya əsərini Rəcəb Tayyib Ərdoğana hədiyyə edərək onu təbrik edib: "Görüş İstanbulun Üsküdar bələdiyyəsi, "Üçüncü Nevməkan"ın açılışında təşkil olunub. Görüşdə Azərbaycanın İstanbuldakı baş konsulu Nərminə Mustafayeva, Rəcəb Tayyib Ərdoğanın sözçüsü İbrahim Kalın, professor Numan Kurtulmuş, İstanbul valisi Ali Yerli Kaya, Üsküdar Bələdiyyə başçısı Hilmi Türkmən və digər rəsmi şəxslər iştirak ediblər".

Mərasimdə Prezident Ərdoğan Xocalı soyqırımının 29-cu ildönümü ilə əlaqədar bir daha Azərbaycan xalqına başsağlığı verib, hər platformada daim Azərbaycanın yanında olduğunu bir daha vurğulayıb.

Məlumat üçün bildirək ki, Rafiq Əziz uzun illərdir Türkiyədə yaşayır. Müxtəlif ölkələrdə təşkil edilən 19 fərdi sərginin müəllifidir. 160-dan çox qrup sərgisində (müxtəlif ölkələrdə) iştirak edib. Türkiyənin dövlət muzeylərində onun 170-dən çox tarixi mövzuda yağlı boya rəsm əsərləri saxlanılır. Türkiyə Cümhuriyyəti Zərbxanası tərəfindən bu günə kimi basılmış 8 Gümüş Xatirə yubiley pulunun eskiz və dizaynın müəllifidir.

5
Teqlər:
rəsm, hədiyyə, azərbaycanlı, rəssam, Rəcəb Tayyip Ərdoğan, Azərbaycan, Türkiyə
Notebook-la oynayan kişi, arxiv şəkli

İşaxtaranların diqqətinə: bəzi məlumatların reyestrə daxil edilməsi tələbləri dəyişib

0
(Yenilənib 19:11 27.02.2021)
İşaxtaran və ya işsiz kimi qeydiyyatdan müvəqqəti çıxarılmış şəxslərin qeydiyyatı onların elektron müraciəti əsasında nəzərdə tutulan müddətlər bitdiyi halda, müraciət edildiyi gündən sonrakı ayın 1-dən bərpa edilir

BAKI, 27 fevral — Sputnik. "Məşğulluq haqqında" Qanuna edilən dəyişikliklərə əsasən, məşğul şəxslərə dair məlumatların məşğul şəxslərin reyestrinə daxil edilməsi tələbləri yeni redaksiyada verilib.

Nazirlər Kabinetindən Sputnik Azərbaycan-a verilən məlumata görə, dəyişikliklərə uyğun olaraq, həmin qanuna əsasən, işaxtaran və ya işsiz kimi qeydiyyatdan müvəqqəti çıxarılmış şəxslərin qeydiyyatı onların elektron müraciəti əsasında nəzərdə tutulan müddətlər (təklif etdiyi münasib işləri qəbul etmədikdə, 1 il müddətində) bitdiyi halda, müraciət edildiyi gündən sonrakı ayın 1-dən bərpa edilir. İşsiz şəxslərlə yanaşı, il ərzində müvafiq inzibati ərazi vahidi üzrə peşə hazırlığına cəlb olunan işsiz şəxslərin 20 faizindən çox olmamaq şərtilə işaxtaran şəxslərin də peşə hazırlığı ödənişsiz təşkil olunur. Həmçinin tələbə və şagirdlərin valideynlərinə də peşəyönümünə dair məsləhət xidmətləri göstərilir.

Eyni zamanda, seçilmiş özünüməşğulluq istiqamətinin təşkili üçün işsiz şəxslərə natura şəklində material, avadanlıq və digər əmlak müqavilə əsasında 1 (bir) il müddətinə verilir.

0
Teqlər:
məlumat, reyestr, işaxtaran və işsiz vətəndaşlar, işsiz,