Həbib Nurməhəmmədov

Türkiyənin məşhur aşpazı Həbib Nurməhəmmədovu qonaq etdi - VİDEO

36
Tortun üzəri UFC çempionunun kəməri formasında bəzədilib, siniyə isə Həbibin adı yazılıb. Yeməkləri dadandan sonra məşhurlar meydançada top da qovublar

BAKI, 10 yanvar - Sputnik. Nəhəng porsiyada xörəklər hazırlaması ilə məşhurlaşan türkiyəli aşpaz Burak Özdemir bu dəfə dağıstanlı idmançı, Mütləq Döyüş Çempionatının (UFC) qalibi Həbib Nurməhəmmədovu təəccübləndirməyi bacarıb.

Sputnik Azərbaycan bildirir ki, Dubaydan paylaşılan video və fotolarda Burakın Həbib üçün iri qabda bizim "üç bacı" adlandırdığımız dolma və iri tort bişirdiyi görünür. Tortun üzəri UFC çempionunun kəməri formasında bəzədilib, siniyə isə Həbibin adı yazılıb.

Посмотреть эту публикацию в Instagram

Публикация от Burak Özdemir (@cznburak)

Həbib Nurməhəmmədov da paylaşım edərək xörəklərin dadlı olduğunu bildirib, türk aşpaza təşəkkür edib.

Посмотреть эту публикацию в Instagram

Публикация от Khabib Nurmagomedov (@khabib_nurmagomedov)

Burak Özdemirin paylaşdığı başqa bir videoda isə məşhurlar futbol bacarıqlarını nümayiş etdiriblər.

Посмотреть эту публикацию в Instagram

Публикация от Burak Özdemir (@cznburak)

 

36
Teqlər:
Rusiya, Türkiyә, Dubay, UFC, aşpaz, Burak Özdemir, Həbib Nurməhəmmədov

Prezident İlham Əliyev Eldar Quliyevi təbrik edib

21
Azərbaycan mədəniyyətinin inkişafında xüsusi xidmətlərinə görə Eldar Tofiq oğlu Quliyev “İstiqlal” ordeni ilə təltif edilib.

BAKI, 23 yanvar - Sputnik. Azərbaycan Respublikasının Prezidenti İlham Əliyev Xalq artisti Eldar Quliyevə təbrik məktubu göndərib.

Sputnik Azərbaycan-ın məlumatına görə, təbrik məktubunda deyilir:

“Hörmətli Eldar müəllim!

Sizi – Azərbaycanın görkəmli kino xadimini 80 illik yubileyiniz münasibətilə ürəkdən təbrik edir, Sizə uzun ömür və möhkəm cansağlığı diləyirəm.

Sizin zəngin yaradıcılığınız milli kino sənətinin parlaq səhifələrindəndir. Dünya kinematoqrafiyasının mühüm nailiyyətlərindən məharətlə bəhrələnərək yaratdığınız çoxsaylı filmlər Azərbaycan kino salnaməsində xüsusi yer tutur.

Siz Azərbaycan mədəniyyəti və tarixinin yetirdiyi görkəmli şəxsiyyətlərə unudulmaz ekran həyatı bəxş etmisiniz. Ölkəmizin hüdudlarından kənarda da Azərbaycan mədəniyyətini müvəffəqiyyətlə təmsil etməyiniz təqdirəlayiqdir. Milli kinematoqrafiyanın inkişafı sahəsində uzunmüddətli səmərəli xidmətlərinizə görə Siz yüksək dövlət mükafatları ilə təltif edilmisiniz. Novator ruhlu böyük yaradıcı şəxsiyyət kimi Sizin daim axtarışlarla dolu sənət yolunuz gənc kinematoqrafçılar nəsli üçün bundan sonra da bir məktəb olacaqdır”.

Qeyd edək ki, Azərbaycan mədəniyyətinin inkişafında xüsusi xidmətlərinə görə Eldar Tofiq oğlu Quliyev “İstiqlal” ordeni ilə təltif edilib.

Prezident İlham Əliyev bununla bağlı sərəncam imzalayıb.

21
Teatr səhnəsi, arxiv şəkli

Şuşa Teatrı haqqında film çəkilib

6
(Yenilənib 16:48 22.01.2021)
Teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa teatrının yenidən öz doğma torpağına - Şuşaya dönəcəyi haqdadır.

BAKI, 22 yanvar — Sputnik. Şuşa Teatrı haqqında sənədli film çəkilib. Sputnik Azərbaycan xəbər verir ki, teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa Teatrının kollektivi və teatrın yenidən öz doğma torpağına - Şuşaya dönəcəkləri haqqındadır.

 

6
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

0
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

0