Məşhur müsabiqənin iştirakçıları "Nəfəs al, Azərbaycan!" mahnısı üçün bir araya gəliblər
(Yenilənib 23:12 06.01.2021)
Mahnı 44 günlük müharibədə Ordumuzun göstərdiyi şücaətdən, müharibə dönəmində Azərbaycan xalqının nümayiş etdirdiyi əzmkarlıqdan bəhs edirŞahpəri Abbasova, Sputnik Azərbaycan
BAKI, 6 yanvar — Sputnik. "Səs Azərbaycan" (The Voice of Azerbaijan) mahnı müsabiqəsinin üzvləri bir araya gəliblər. Layihədə iştirak edən Tofiq Hacıyevin Sputnik Azərbaycan-a verdiyi məlumata görə, mahnı 44 günlük müharibədə Ordumuzun göstərdiyi şücaətdən, müharibə dönəmində Azərbaycan xalqının nümayiş etdirdiyi əzmkarlıqdan bəhs edir: ""Nəfəs al, Azərbaycan!" adlı mahnının sözləri və musiqisi Şamil Məmmədova aiddir. Təklif də Şamil Məmmədovdan gəldi. Layihədə mahnının müəllifindən və məndən başqa NARMEEN (Nərmin Behbudova), Aliyə Novruzova, Sailor (Sona Ələsgərova), Kamran Lətifov iştirak ediblər".
Şuşa Teatrı haqqında film çəkilib
(Yenilənib 16:48 22.01.2021)
Teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa teatrının yenidən öz doğma torpağına - Şuşaya dönəcəyi haqdadır.BAKI, 22 yanvar — Sputnik. Şuşa Teatrı haqqında sənədli film çəkilib. Sputnik Azərbaycan xəbər verir ki, teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa Teatrının kollektivi və teatrın yenidən öz doğma torpağına - Şuşaya dönəcəkləri haqqındadır.
"Xristian irsimizi tanıyaq" - Müqəddəs Məryəm ana katolik kilsəsi - VİDEO
(Yenilənib 11:43 22.01.2021)
Bolşeviklər tərəfindən uçurulan Müqəddəs Məryəm ana kilsəsinin xatirəsinə həsr edilən kilsənin tikintisi 2007-ci ilin fevralında yekunlaşıb.BAKI, 22 yanvar — Sputnik. Müqəddəs Məryəm ana katolik kilsəsi Bakıda 1912-ci ildə neft maqnatları – Rılskilər ailəsi tərəfindən ("Müqəddəs Bakirə Məryəmin Məsum Hamiləliyi" kostyolu - polyak katolik kilsəsi, memarı İ.K.Ploşko) inşa edilib. Bolşeviklər tərəfindən uçurulan Müqəddəs Məryəm ana kilsəsinin xatirəsinə həsr edilən kilsənin tikintisi 2007-ci ilin fevralında yekunlaşıb. 7 mart 2008-ci ildə Azərbaycan Respublikasının Prezidenti İlham Əliyev, Birinci xanım, Heydər Əliyev Fondunun prezidenti Mehriban xanım Əliyeva və Vatikanın dövlət katibi kardinal Tarçizio Bertone kilsənin rəsmi açılış mərasimində iştirak ediblər.
Sputnik Azərbaycan Mədəniyyət Nazirliyinə istinadən "Xristian irsimizi tanıyaq" layihəsi çərçivəsində Müqəddəs Məryəm ana katolik kilsəsi haqqında qısa videoçarxı təqdim edir.
Yanvarın 25-nə qədər ölkədə ictimai nəqliyyat işləməyəcək
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.
Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.
Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.
Qeyd edək ki, Bakı metropolitenində də sərnişindaşıma dayandırılıb.