Qremmi mükafatı, arxiv şəkli

"Qremmi"nin təqdimat mərasimi təxirə salındı

15
(Yenilənib 11:16 06.01.2021)
Yeni koronavirusun Kaliforniyada yayılması ilə əlaqədar vəziyyətin ağırlaşması fonunda təşkilatçılar mərasimi ən azı bir ay təxirə salmaq qərarına gəliblər.

BAKI, 6 yan — Sputnik. ABŞ-ın Milli İncəsənət Akademiyası Kaliforniyadakı ağır epidemoloji vəziyyət fonunda "Qremmi" mükafatlarının təqdimatı mərasimini təxirə saldı.

Sputnik Azərbaycan xarici mətbuata istinadən xəbər verir ki, bu barədə "Rollinq Stoun" jurnalı öz saytında məlumat verib.

63-cü "Qremmi" 31 yanvarda baş tutmalı idi. Yeni koronavirusun Kaliforniyada yayılması ilə əlaqədar vəziyyətin ağırlaşması fonunda təşkilatçılar mərasimi ən azı bir ay təxirə salma qərarına gəldilər. Yeni tarix hələ açıqlanmayıb, lakin mərasimin mart ayında keçirilməsi planlaşdırıldığı məlumdur.

Noyabr ayının sonunda təşkilatçılar 84 nominasiya üzrə musiqi mükafatına namizədlər siyahısını açıqlayıblar. Nominasiyalar sayında lider doqquz kateqoriyada mükafata namizəd olan amerikalı müğənni Beyons olub. Müğənnilər Dua Lipa, Taylor Svift və müğənni Roddi Riç hər biri altı nominasiya alıblar.

15
Teqlər:
Qremmi
Televizor pultu, arxiv şəkli

"Netflix" sevərlərə şad xəbər - bu həftədən etibarən...

15
(Yenilənib 20:46 18.01.2021)
Yayımlanacaq yeni ekran əsərlərindən biri "Don"t look up"dır. Sözügedən filmin baş rollarında Leonardo Di Kaprio, Meril Strip, Ariyana Qrande kimi ulduzlar çəkiliblər.

BAKI, 18 yanvar — Sputnik. Film və televiziya şirkəti "Netflix" 2021-ci il üçün yeni qərar qəbul edib.

Sputnik Azərbaycan xarici KİV-nə istinadən xəbər verir ki, dünyanın ən məşhur rəqəmsal platforması bundan sonra hər həftə yeni film yayımlayacaq.

Belə qərarın qəbul edilməsinə səbəb bir çox dünya ölkələrində sərtləşdirilmiş karantin rejiminin davam etməsi və kino zallarının hələ də bağlı olmasıdır.

Yeni qaydanın bu həftədən etibarən tətbiqinə başlanılacaq.

Yayımlanacaq yeni ekran əsərlərindən biri "Don"t look up"dır. Sözügedən filmin baş rollarında Leonardo Di Kaprio, Meril Strip, Ariyana Qrande kimi ulduzlar çəkiliblər.

15
Eldar Quliyev, arxiv şəkli

Bu gün ad gününü qeyd edən sənətkar xəstəxanalıq olub

18
(Yenilənib 16:57 18.01.2021)
Eldar Quliyev 1942-ci ildə Bakıda anadan olub. Ümumilikdə əllidən artıq filmin rejissoru, ssenari müəllifi və bədii rəhbəri olan rejissor "Babək", "Bir cənub şəhərində", "Gümüşgöl əfsanəsi", "Təxribat", "Girov" kimi filmlərin rejissoru olub.

 

BAKI, 18 yanvar — Sputnik. Azərbaycanın tanınmış kinorejissoru, Xalq artisti Eldar Quliyev infarkt keçirib.

Sputnik Azərbaycan xəbər verir ki, sənətkar Respublika Müalicəvi Diaqnostika Mərkəzinin kardiologiya şöbəsinə yerləşdirilib. Bildirilib ki, hazırda vəziyyəti çox ağırdır, heç kimi tanımır. Müalicəsi davam etdirilir.

Qeyd edək ki, Eldar Quliyev 1942-ci ildə Bakıda anadan olub. Ümumilikdə əllidən artıq filmin rejissoru, ssenari müəllifi və bədii rəhbəri olan rejissor "Babək", "Bir cənub şəhərində", "Gümüşgöl əfsanəsi", "Təxribat", "Girov" kimi filmlərin rejissoru olub.

Xatırladaq ki, bu gün Eldar Quliyevin 80 yaşı tamam olur.

18
Avtomat və güllələlər, arxiv şəkli

Qazax sakinində silah aşkarlanıb

0
(Yenilənib 00:11 19.01.2021)
Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

BAKI, 18 yanvar — Sputnik. Nəqliyyatda Baş Polis İdarəsinin Narkotiklərlə Mübarizə Şöbəsinin və Dəmir Yolu Nəqliyyatında Polis İdarəsinin Gəncə st. Xətt Polis Şöbəsinin (XPŞ) əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz olaraq narkotik vasitə saxlamaqda və gəzdirməkdə şübhəli bilinən, Qazax şəhər sakini, Afiq Məmmədov XPŞ-yə gətirilib.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, onun üzərində şəxsi axtarış keçirilən zaman əlində olan, göy rəngli politelen torbanın içərisindən 455 qram narkotik vasitə olan qurudulmuş "marixuana" aşkar edilərək götürülüb.

Afiq Məmmədovun ətrafında keçirilən istintaq-əməliyyat tədbirləri nəticəsində onun Qazax şəhər ərazisindəki qəbirstanlıqda odlu silah gizlətməsi də məlum olub. Polis əməkdaşlarının həmin əraziyə keçirdiyi baxış zaman oradan bir ədəd istifadəyə yararlı "AKM-72" tipli avtomat və həmin avtomata aid 4 ədəd patron aşkar edilərək götürülüb.

Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

0