Mikrofon, arxiv şəkli

"Aclıq olsun, kef olsun" - pandemiya ilinin səs-küylü ulduzları

46
(Yenilənib 17:15 30.12.2020)
2020-ci ilin bitməsinə saatlar qalıb. Əvvəlki illərlə müqayisədə bu il şou aləmində sakitlik hökm sürüb. Sputnik Azərbaycan ilin ən səs-küylü müğənnilərinin siyahısını təqdim edir

Şahpəri Abbasova, Sputnik Azərbaycan

BAKI, 30 dekabr — Sputnik. 2020-ci ilin bitməsinə saatlar qalıb. Əvvəlki illərlə müqayisədə pandemiya ilə əlaqədar sənət aləmində çox az hadisələr yaşanıb. Bu il digər illərdən fərqli olaraq şou aləmində sakitlik hökm sürüb. Sputnik Azərbaycan ilin ən səs-küylü müğənnilərinin siyahısını təqdim edir:

İlin ən çox danışılan mövzusu bloger və müğənni Aynişan Quliyeva və fitnes müəllimi Kənan cütlüyü oldu. İlin əvvəlində toy xəbərləri ilə səhifələri, saytları bəzəyən cütlük 2020-ci ilin sonunda da ənənələrinə sadiq qalıb. Bu dəfə onlar rəsmi boşanma xəbərləri ilə səs-küy yaradıblar.

Посмотреть эту публикацию в Instagram

Публикация от Aynishan Guliyeva Khalid (@aynikhalid)

Karantin, müharibə və sonda zəfər qazandığımız ildə müzakirə olunanların sırasında Xalq artisti Emin Ağalarov da var. Bu ilin mayında qızı Afinanın anası Alyona Qavrilova ilə yollarını ayırdığını açıqlayan müğənninin Fatima adlı qadınla nişanlandığı xəbəri gündəmi alt-üst etdi. Şəxsi həyatı ilə yanaşı, Xalq artisti Vətən müharibəsi dönəmində Azərbaycan həqiqətlərinin dünyaya tanıdılması, orduya 1 milyon ianə bağışlaması ilə yadda qaldı.

Посмотреть эту публикацию в Instagram

Публикация от Official News @eminofficial (@emin_live)

Müğənni Manaf Ağayev isə bu il ən çox tənqid olunanlar sırasındadır. Belə ki, müğənninin: "Müharibə olarsa, döyüşə getməyə hazıram. Mənim qədər Vətəndən, Qarabağdan, torpaqdan oxuyan olmayıb. Qarabağlıyam, işğal olunmuş torpaqdanam, mən qala-qala müharibəyə başqası niyə getməlidir? Döyüşə hazıram", - desə də müharibə vaxtı meydandan çəkilməsi ictimaiyyət arasında heç də birmənalı qarşılanmadı. Qeyd edək ki, müğənni ötən gün sosial şəbəkədə ona səslənən Eynal adlı hərbçiyə avtomobil hədiyyə edib. Eynal bir neçə ay əvvəl "Füzuli rayonu işğaldan azad edildi. Manaf Ağayevə səslənirəm, imkanı çatan qədər "011" hədiyyə etsin" sözləri ilə gündəmə gəlmişdi. M.Ağayev hərbçiyə "VAZ 2107" markalı avtomobil hədiyyə edib. "Yardımları hər zaman edirəm, etmişəm də. O, "011" istəmişdi, dedim, ən yaxşısına layiqsən", - deyə müğənni bildirib.

Karantin dövründə ən çox danışılanlar sırasında müğənni Nura Suri də var. Populyar müğənninin tikinti şirkətlərinin birində reklam və ictimaiyyətlə əlaqələr şöbəsinin müdiri vəzifəsinə təyin olunması ictimaiyyət arasında geniş müzakirə obyektinə çevrildi. Bundan başqa, müğənni bu il tənqidi statusları ilə yadda qaldı. Suri dekabr ayında etdiyi fotossesiyaları ilə diqqətləri özünə cəlb etdi.

Müğənni Vüqar Muradov isə müharibədə iştirakı, vətənpərvərlik mövzusunda mahnıları və Milli Məclisin Mədəniyyət Komitəsinin sədri Qənirə Paşayevayla görüşü ilə yadda qaldı.

Müğənni Natavan Həbibi ilə reper Dado nikah masasına oturduqları gündən ildə ən az üç-dörd dəfə ayrılıb-barışıblar. Bu dəfə isə onlar rəsmi boşanma xəbərləri ilə gündəmə gəliblər. Dado "Instagram"da bu haqda paylaşım edərək, rəsmi boşandıqlarını yazıb. Amma bir neçə həftə sonra Natavan Dadonun onun evində olan görüntülərini sosial şəbəkədə yayımlayıb.

Aparıcı-bəstəkar Murad Arif isə ölkə şou-biznesinə səs salan "Popumuz var" adlı internet-layihəsini artıq televiziyada yayımlatdı. Bundan başqa, Murad Arif sosial şəbəkələr vasitəsilə 300 min manat vəsait toplayaraq Azərbaycan Silahlı Qüvvəllərinə Yardım Fonduna köçürməklə ilə damğasını vurdu.

46
Teqlər:
pandemiya, Müğənnilər, Azərbaycan, şou-biznes
Eldar Quliyev, arxiv şəkli

Bu gün ad gününü qeyd edən sənətkar xəstəxanalıq olub

17
(Yenilənib 16:57 18.01.2021)
Eldar Quliyev 1942-ci ildə Bakıda anadan olub. Ümumilikdə əllidən artıq filmin rejissoru, ssenari müəllifi və bədii rəhbəri olan rejissor "Babək", "Bir cənub şəhərində", "Gümüşgöl əfsanəsi", "Təxribat", "Girov" kimi filmlərin rejissoru olub.

 

BAKI, 18 yanvar — Sputnik. Azərbaycanın tanınmış kinorejissoru, Xalq artisti Eldar Quliyev infarkt keçirib.

Sputnik Azərbaycan xəbər verir ki, sənətkar Respublika Müalicəvi Diaqnostika Mərkəzinin kardiologiya şöbəsinə yerləşdirilib. Bildirilib ki, hazırda vəziyyəti çox ağırdır, heç kimi tanımır. Müalicəsi davam etdirilir.

Qeyd edək ki, Eldar Quliyev 1942-ci ildə Bakıda anadan olub. Ümumilikdə əllidən artıq filmin rejissoru, ssenari müəllifi və bədii rəhbəri olan rejissor "Babək", "Bir cənub şəhərində", "Gümüşgöl əfsanəsi", "Təxribat", "Girov" kimi filmlərin rejissoru olub.

Xatırladaq ki, bu gün Eldar Quliyevin 80 yaşı tamam olur.

17
Ermitaj muzeyinə mənzərə, arxiv şəkli

Dünyaca məşhur muzey saxtakarlıqda ittiham olunur

31
(Yenilənib 00:26 17.01.2021)
Kolleksiyaçı Rujnikov Ermitaj muzeyindəki bir çox eksponatın orijinal olmadığını bildirib. Üstəlik, onun fikrincə, ötən ilin noyabrından davam edən sərgidə də məşhur əsərlərin kobud, saxta versiyaları nümayiş olunur.

BAKI, 17 yanvar — Sputnik. Dünyanın ən məşhur və böyük muzeyi olan Ermitaj muzeyi "Faberge - İmperator Məhkəməsinin zərgərləri" sərgisində saxtakarlığa yol verməkdə günahlandırılır.

Sputnik Azərbaycan xarici mediaya istinadən xəbər verir ki, muzeyin direktoru Mixail Piotrovskiyə ünvanlanan saxtakarlıqla bağlı iddialar kolleksiyaçı Andrey Rujnikovun açıq məktubunda bildirilib. O qeyd edib ki, Ermitaj, Pavlovsk və Peterhof kolleksiyalarına aid olan həqiqi eksponatlarla yanaşı nümayiş etdirilən əsgərin siqaret yandırdığı heykəlcik Savitskinin Fersman Muzeyindəki heykəlinin kobud bənzəridir.

Bundan başqa, kolleksiyaçı muzeydəki bir çox eksponatın orijinal olmadığını bildirib. Onun sözlərinə görə, sadalanan əsərlər XX əsrə yox, XXI əsrə aiddir. O, eyni zamanda, ekspozisiyada iştirak edən saxtakarların siyahısını xeyli uzada biləcəyini qeyd edib.

İddialar əsasında hazırda Ermitajda araşdırmalara başlanılıb. Sərgi ötən il noyabrın 25-də başlayıb və bu il martın 14-dək davam edəcək.

31
Teqlər:
saxtakarlıq, Ermitaj, muzey
Bakıda parada parada baxan şəxslər, arxiv şəkli

Müharibədə xəsarət almış hərbi qulluqçuların tibbi-sosial ekspertizasına başlanır

0
(Yenilənib 17:55 18.01.2021)
"Komissiyada təmsil olunan orqanların nümayəndələrindən ibarət olmaqla, hər bir region üzrə işçi qrupları fəaliyyət göstərəcək".

BAKI, 18 yanvar — Sputnik. Hərbi əməliyyatlar zamanı xəsarət almış hərbi qulluqçuların tibbi-sosial ekspertizası məsələlərinin həlli məqsədilə Nazirlər Kabinetinin Qərarı əsasında aidiyyəti dövlət orqanlarının səlahiyyətli şəxslərindən ibarət olmaqla yaradılmış komissiyanın ilk iclası keçirilib. Bu barədə Sputnik Azərbaycan-a Əmək və Əhalinin Sosial Müdafiəsi Nazirliyindən məlumat verilib.

Komissiyanın sədri, əmək və əhalinin sosial müdafiəsi naziri Sahil Babayev vurğulayıb ki, Prezident, Silahlı Qüvvələrin Müzəffər Ali Baş Komandanı İlham Əliyevin rəhbərliyi ilə Ordumuzun böyük tarixi Zəfər əldə etdiyi Vətən müharibəsində şəhid olan qəhrəmanlarımızın ailələri kimi, müharibədə xəsarət (yaralanma, travma, kontuziya) alan hərbi qulluqçuların da sosial müdafiəsi diqqət mərkəzindədir. Dövlət başçısının tapşırığına əsasən onlarla bağlı dəstək tədbirləri görülür. Yaralanmış hərbi qulluqçuların artıq yarıdan çoxu Nazirliyin əməkdaşları tərəfindən ziyarət olunub və bu proses yaxın günlərdə başa çatacaq.

Nazir bildirib ki, bu görüşlər zamanı onların, ailə üzvlərinin sosial vəziyyətləri öyrənilməklə müvafiq dəstək işləri aparılır, həmçinin reabilitasiya vasitələri ilə təmin edilirlər. Son bir ayda da 125 hərbçiyə 530 reabilitasiya vasitəsi verilib, 6 hərbi qulluqçu yüksək texnologiyalı 8 protezlə təmin olunub. Ehtiyacı olanlara sosial-psixoloji dəstək və reabilitasiya xidmətləri göstərilir.

S.Babayev, bu görüşlər zamanı, eyni zamanda, xəsarət almış hərbi qulluqçuların sağlamlıq vəziyyəti, tibbi-sosial ekspertizası üçün də məlumatlar toplandığını, amputasiya halları ilə bağlı onlardan bir qisminə artıq uyğun əlillik dərəcələri təyin olunduğunu qeyd edib.

O bildirib ki, hazırda ilk iclası keçirilən bu komissiya da ölkəmizin ərazi bütövlüyü uğrunda hərbi əməliyyatlar zamanı xəsarət almış hərbi qulluqçuların tibbi-sosial ekspertizasının operativ, vaxtında, keyfiyyətlə, mərkəzləşmiş şəkildə həyata keçirəcək. Komissiyada təmsil olunan orqanların nümayəndələrindən ibarət olmaqla, hər bir region üzrə işçi qrupları fəaliyyət göstərəcək. Bu işçi qrupları həmin hərbi qulluqçuların birgə əyani müayinəsi, onların xəsarət və xəstəliklərinin hərbi xidmətlə əlaqəsinin müəyyən edilməsi işini aparacaq. Bundan sonra müvafiq tibbi sənədlərin elektron sistemə daxil edilməsi və əlilliyin qiymətləndirilməsi aparılmaqla prosesin operativ, şəffaf və keyfiyyətlə icrası təmin olunacaq.

Əlillik təyinatları aparılmış hərbi qulluqçulara sosial ödənişlərin təyinatı da elə əlillik təyin olunan gün proaktiv şəkildə, elektron sistem üzərində avtomatik şəraitdə həyata keçiriləcək. Eyni zamanda, onların reabilitasiya xidmətləri ilə əhatə olunması işləri aparılacaq.

İclasda komissiya tərəfindən görüləcək işlər müzakirə olunaraq tədbirlər planı təsdiq edilib.

Xatırladaq ki, komissiyasının tərkibinə Azərbaycan Respublikası müdafiə, səhiyyə nazirlərinin müavinləri, Müdafiə Nazirliyinin Tibb Baş İdarəsinin rəisi, İcbari Tibbi Sığorta üzrə Dövlət Agentliyinin İdarə Heyəti sədrinin müavini, Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri, Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri, Tabeliyində hərbi-həkim komissiyaları və həkim-uçuş komissiyaları olan dövlət orqanlarının səlahiyyətli şəxsləri daxil edilib.

0