"Nu, Poqodi!"nin müəllifi vəfat edib

23
(Yenilənib 19:43 21.12.2020)
Aleksandr Kurlyandski Sovetlər dönəmində məşhur olan "Nu, Poqodi!", "Möhtəşəm Qoşa", "Tutuquşu Keşa" və s. çizgi filmlərinin, həmçinin "Yeralaş" kinojurnalında çəkilmiş çox sayda qısametrajlı filmlərin müəllifi olub

BAKI, 21 dekabr — Sputnik. Rusiyanın Əməkdar İncəsənət Xadimi, tanınmış satirik, dramaturq və ssenarist Aleksandr Kurlyandski vəfat edib.

Sputnik Azərbaycan Rusiya mətbuatına istinadən xəbər verir ki, tanınmış dramaturq 82 yaşında dünyasını dəyişib.

Qeyd edək ki, Aleksandr Kurlyandski sovet dönəmində məşhur olan "Nu, Poqodi!" ("Bir dayan!"), "Möhtəşəm Qoşa", "İtmiş tutuquşunun qayıtması" ("Vozvraşenie bludnoqo popuqaya") və s. cizgi filmlərinin, həmçinin "Yeralaş" kinojurnalında çəkilmiş çox sayda qısametrajlı filmlərin müəllifi olub.

Qeyd edək ki, "Soyuzmultfilm"in istehsalı olan "Bir dayan!" cizgi filminin pilot seriyası 1969-cu ildə rejissor Gennadi Sokolski tərəfindən lentə alınıb. Sonrakı seriyaların rejissoru Vyaçeslav Kotyonoçkin, sseneri müəllifləri Arkadi Xayt, Aleksandr Kurlyandski və Feliks Kamov olub. Cizgi filminin əsas qəhrəmanlarından olan Canavarı məşhur sovet aktyoru Anatoli Papanov, Dovşanı isə Klara Rumyanova səsləndiriblər.

Xatırladaq ki, Kurlyandski 1970 və 1977-ci illərdə "Qızıl buzov" mükafatına, 1988-ci ildə isə SSRİ Dövlət Mükafatına layiq görülmüşdü.

23
Teqlər:
SSRİ, vəfat, ssenarist, cizgi filmi

Prezident İlham Əliyev Eldar Quliyevi təbrik edib

21
Azərbaycan mədəniyyətinin inkişafında xüsusi xidmətlərinə görə Eldar Tofiq oğlu Quliyev “İstiqlal” ordeni ilə təltif edilib.

BAKI, 23 yanvar - Sputnik. Azərbaycan Respublikasının Prezidenti İlham Əliyev Xalq artisti Eldar Quliyevə təbrik məktubu göndərib.

Sputnik Azərbaycan-ın məlumatına görə, təbrik məktubunda deyilir:

“Hörmətli Eldar müəllim!

Sizi – Azərbaycanın görkəmli kino xadimini 80 illik yubileyiniz münasibətilə ürəkdən təbrik edir, Sizə uzun ömür və möhkəm cansağlığı diləyirəm.

Sizin zəngin yaradıcılığınız milli kino sənətinin parlaq səhifələrindəndir. Dünya kinematoqrafiyasının mühüm nailiyyətlərindən məharətlə bəhrələnərək yaratdığınız çoxsaylı filmlər Azərbaycan kino salnaməsində xüsusi yer tutur.

Siz Azərbaycan mədəniyyəti və tarixinin yetirdiyi görkəmli şəxsiyyətlərə unudulmaz ekran həyatı bəxş etmisiniz. Ölkəmizin hüdudlarından kənarda da Azərbaycan mədəniyyətini müvəffəqiyyətlə təmsil etməyiniz təqdirəlayiqdir. Milli kinematoqrafiyanın inkişafı sahəsində uzunmüddətli səmərəli xidmətlərinizə görə Siz yüksək dövlət mükafatları ilə təltif edilmisiniz. Novator ruhlu böyük yaradıcı şəxsiyyət kimi Sizin daim axtarışlarla dolu sənət yolunuz gənc kinematoqrafçılar nəsli üçün bundan sonra da bir məktəb olacaqdır”.

Qeyd edək ki, Azərbaycan mədəniyyətinin inkişafında xüsusi xidmətlərinə görə Eldar Tofiq oğlu Quliyev “İstiqlal” ordeni ilə təltif edilib.

Prezident İlham Əliyev bununla bağlı sərəncam imzalayıb.

21
Teatr səhnəsi, arxiv şəkli

Şuşa Teatrı haqqında film çəkilib

6
(Yenilənib 16:48 22.01.2021)
Teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa teatrının yenidən öz doğma torpağına - Şuşaya dönəcəyi haqdadır.

BAKI, 22 yanvar — Sputnik. Şuşa Teatrı haqqında sənədli film çəkilib. Sputnik Azərbaycan xəbər verir ki, teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa Teatrının kollektivi və teatrın yenidən öz doğma torpağına - Şuşaya dönəcəkləri haqqındadır.

 

6
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

0
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

0