Corc Kluni, arxiv şəkli

Film çəkilişləri üçün kəskin arıqladı, xəstəxanalıq oldu

9
Film üçün işə başlamazdan dörd gün əvvəl Kluni kəskin qarın ağrısı ilə təcili xəstəxanaya yerləşdirilib. Həkimlər aktyora pankreatit diaqnozu qoyublar və o, bir neçə gün xəstəxanada qalmalı olub.

BAKI, 11 dekabr — Sputnik. Amerikalı aktyor Corc Kluni rejissoru olduğu "The Midnight Sky" filminin çəkilişləri üçün təcili olaraq arıqladıqdan sonra xəstəxanaya düşüb.

Sputnik Azərbaycan "The Mirror"a istinadən xəbər verir ki, film üçün işə başlamazdan dörd gün əvvəl Kluni kəskin qarın ağrısı ilə təcili xəstəxanaya yerləşdirilib. Həkimlər aktyora pankreatit diaqnozu qoyublar və o, bir neçə gün xəstəxanada qalmalı olub.

"Düşünürəm ki, arıqlamaq üçün həddindən artıq səy göstərdim və bəlkə də özümə baxmadım", - deyə aktyor bildirib.

Aktyorun fikrincə, xəstələnməsi onun saxladığı pəhrizə görə ola bilərdi. Belə ki, 59 yaşlı Kluni qlobal fəlakətdən xilas olan xərçəng xəstəsi astronom rolunu oynamaq üçün təxminən 13 kiloqram arıqlamışdı.

Daha bir neçə filmin rejissoru olan Kluni "The Midnight Sky"ın bu günə qədərki ən böyük layihəsi olduğunu etiraf edib.

Nəşrin məlumatına görə, aktyor filmdə çəkilərkən arıqlamaqla yanaşı, saqqal saxlamalı da olub.

"Uzun, çirkin saqqal uzatdım, oğlumun xoşuna gəlirdi, çünki hər şeyi içində gizlədirdi... Ancaq yoldaşım və qızım (saqqal) yoxa çıxanda sevindilər, çünki bütün bu qarşıqlığın içində üzümü tapmaq çətin idi", - deyə Kluni bildirib.

9
Teqlər:
film, amerikalı aktyor Corc Kluni
Televizor pultu, arxiv şəkli

"Netflix" sevərlərə şad xəbər - bu həftədən etibarən...

15
(Yenilənib 20:46 18.01.2021)
Yayımlanacaq yeni ekran əsərlərindən biri "Don"t look up"dır. Sözügedən filmin baş rollarında Leonardo Di Kaprio, Meril Strip, Ariyana Qrande kimi ulduzlar çəkiliblər.

BAKI, 18 yanvar — Sputnik. Film və televiziya şirkəti "Netflix" 2021-ci il üçün yeni qərar qəbul edib.

Sputnik Azərbaycan xarici KİV-nə istinadən xəbər verir ki, dünyanın ən məşhur rəqəmsal platforması bundan sonra hər həftə yeni film yayımlayacaq.

Belə qərarın qəbul edilməsinə səbəb bir çox dünya ölkələrində sərtləşdirilmiş karantin rejiminin davam etməsi və kino zallarının hələ də bağlı olmasıdır.

Yeni qaydanın bu həftədən etibarən tətbiqinə başlanılacaq.

Yayımlanacaq yeni ekran əsərlərindən biri "Don"t look up"dır. Sözügedən filmin baş rollarında Leonardo Di Kaprio, Meril Strip, Ariyana Qrande kimi ulduzlar çəkiliblər.

15
Eldar Quliyev, arxiv şəkli

Bu gün ad gününü qeyd edən sənətkar xəstəxanalıq olub

19
(Yenilənib 16:57 18.01.2021)
Eldar Quliyev 1942-ci ildə Bakıda anadan olub. Ümumilikdə əllidən artıq filmin rejissoru, ssenari müəllifi və bədii rəhbəri olan rejissor "Babək", "Bir cənub şəhərində", "Gümüşgöl əfsanəsi", "Təxribat", "Girov" kimi filmlərin rejissoru olub.

 

BAKI, 18 yanvar — Sputnik. Azərbaycanın tanınmış kinorejissoru, Xalq artisti Eldar Quliyev infarkt keçirib.

Sputnik Azərbaycan xəbər verir ki, sənətkar Respublika Müalicəvi Diaqnostika Mərkəzinin kardiologiya şöbəsinə yerləşdirilib. Bildirilib ki, hazırda vəziyyəti çox ağırdır, heç kimi tanımır. Müalicəsi davam etdirilir.

Qeyd edək ki, Eldar Quliyev 1942-ci ildə Bakıda anadan olub. Ümumilikdə əllidən artıq filmin rejissoru, ssenari müəllifi və bədii rəhbəri olan rejissor "Babək", "Bir cənub şəhərində", "Gümüşgöl əfsanəsi", "Təxribat", "Girov" kimi filmlərin rejissoru olub.

Xatırladaq ki, bu gün Eldar Quliyevin 80 yaşı tamam olur.

19
Avtomat və güllələlər, arxiv şəkli

Qazax sakinində silah aşkarlanıb

0
(Yenilənib 00:11 19.01.2021)
Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

BAKI, 18 yanvar — Sputnik. Nəqliyyatda Baş Polis İdarəsinin Narkotiklərlə Mübarizə Şöbəsinin və Dəmir Yolu Nəqliyyatında Polis İdarəsinin Gəncə st. Xətt Polis Şöbəsinin (XPŞ) əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz olaraq narkotik vasitə saxlamaqda və gəzdirməkdə şübhəli bilinən, Qazax şəhər sakini, Afiq Məmmədov XPŞ-yə gətirilib.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, onun üzərində şəxsi axtarış keçirilən zaman əlində olan, göy rəngli politelen torbanın içərisindən 455 qram narkotik vasitə olan qurudulmuş "marixuana" aşkar edilərək götürülüb.

Afiq Məmmədovun ətrafında keçirilən istintaq-əməliyyat tədbirləri nəticəsində onun Qazax şəhər ərazisindəki qəbirstanlıqda odlu silah gizlətməsi də məlum olub. Polis əməkdaşlarının həmin əraziyə keçirdiyi baxış zaman oradan bir ədəd istifadəyə yararlı "AKM-72" tipli avtomat və həmin avtomata aid 4 ədəd patron aşkar edilərək götürülüb.

Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

0