Xalq yazıçısı Kamal Abdulla

Xalq yazıçısı Türk Ədəbiyyatı Fondunun fəxri üzvü seçilib

21
(Yenilənib 23:12 09.12.2020)
Fondun rəhbəri Serhat Kabaklı Bakıda fəxri üzvlük diplomunu Kamal Abdullaya təqdim edib. O qeyd edib ki, Türk Ədəbiyyatı Fondu milli düşüncəni qoruyan, bu düşüncəni təbliğ edən əsərlərin dünyada yayılmasını həyata keçirən qurumdur

BAKI, 9 dekabr — Sputnik. Xalq yazıçısı, akademik Kamal Abdulla Türk Ədəbiyyatı Fondunun fəxri üzvü seçilib. Bununla bağlı qərar Fondun İdarə heyətinin iclasında qəbul edilib.

Sputnik Azərbaycan xəbər verir ki, Fondun rəhbəri Serhat Kabaklı Bakıda fəxri üzvlük diplomunu Kamal Abdullaya təqdim edib. O qeyd edib ki, Türk Ədəbiyyatı Fondu milli düşüncəni qoruyan, bu düşüncəni təbliğ edən əsərlərin dünyada yayılmasını həyata keçirən qurumdur: "Fondun fəxri üzvləri arasında təkcə ədəbiyyatçılar yox, siyasi xadimlər də var. Alparslan Türkeş, Rauf Denktaş, Süleyman Dəmirəl kimi siyasi xadimlər, Oljas Süleymenov, Anar kimi məşhur yazıçılar Fondun fəxri üzvləridir. Bu gün bizim fəxri üzvlərimiz sırasında Kamal Abdulla kimi böyük yazıçı və alimin olması əlamətdar və gözəl hadisədir. Siz daha böyük mükafatlara, daha böyük adlara layiqsiniz. Təbrik edirəm, uğurlu olsun".

Xalq yazıçısı Kamal Abdulla onu Türk Ədəbiyyatı Fondu kimi nüfuzlu qurumun fəxri üzvlüyünə seçdiklərinə görə qurumun rəhbəri Serhat Kabaklıya, məsul əməkdaşları İmdat Avşar və Bahtiyar Aslana təşəkkürünü bildirib:

"Ümid edirəm ki, bundan sonra əməkdaşlığımız və birgə fəaliyyətimiz daha da sıx olacaq, Azərbaycan-Türkiyə elmi-mədəni əlaqələrinin daha yüksək səviyyədə inkişaf etdirilməsinə çalışacağıq".

21
Teqlər:
fəxri üzv, türk, Azərbaycan, Xalq yazıçısı
Televizor pultu, arxiv şəkli

"Netflix" sevərlərə şad xəbər - bu həftədən etibarən...

15
(Yenilənib 20:46 18.01.2021)
Yayımlanacaq yeni ekran əsərlərindən biri "Don"t look up"dır. Sözügedən filmin baş rollarında Leonardo Di Kaprio, Meril Strip, Ariyana Qrande kimi ulduzlar çəkiliblər.

BAKI, 18 yanvar — Sputnik. Film və televiziya şirkəti "Netflix" 2021-ci il üçün yeni qərar qəbul edib.

Sputnik Azərbaycan xarici KİV-nə istinadən xəbər verir ki, dünyanın ən məşhur rəqəmsal platforması bundan sonra hər həftə yeni film yayımlayacaq.

Belə qərarın qəbul edilməsinə səbəb bir çox dünya ölkələrində sərtləşdirilmiş karantin rejiminin davam etməsi və kino zallarının hələ də bağlı olmasıdır.

Yeni qaydanın bu həftədən etibarən tətbiqinə başlanılacaq.

Yayımlanacaq yeni ekran əsərlərindən biri "Don"t look up"dır. Sözügedən filmin baş rollarında Leonardo Di Kaprio, Meril Strip, Ariyana Qrande kimi ulduzlar çəkiliblər.

15
Eldar Quliyev, arxiv şəkli

Bu gün ad gününü qeyd edən sənətkar xəstəxanalıq olub

18
(Yenilənib 16:57 18.01.2021)
Eldar Quliyev 1942-ci ildə Bakıda anadan olub. Ümumilikdə əllidən artıq filmin rejissoru, ssenari müəllifi və bədii rəhbəri olan rejissor "Babək", "Bir cənub şəhərində", "Gümüşgöl əfsanəsi", "Təxribat", "Girov" kimi filmlərin rejissoru olub.

 

BAKI, 18 yanvar — Sputnik. Azərbaycanın tanınmış kinorejissoru, Xalq artisti Eldar Quliyev infarkt keçirib.

Sputnik Azərbaycan xəbər verir ki, sənətkar Respublika Müalicəvi Diaqnostika Mərkəzinin kardiologiya şöbəsinə yerləşdirilib. Bildirilib ki, hazırda vəziyyəti çox ağırdır, heç kimi tanımır. Müalicəsi davam etdirilir.

Qeyd edək ki, Eldar Quliyev 1942-ci ildə Bakıda anadan olub. Ümumilikdə əllidən artıq filmin rejissoru, ssenari müəllifi və bədii rəhbəri olan rejissor "Babək", "Bir cənub şəhərində", "Gümüşgöl əfsanəsi", "Təxribat", "Girov" kimi filmlərin rejissoru olub.

Xatırladaq ki, bu gün Eldar Quliyevin 80 yaşı tamam olur.

18
Avtomat və güllələlər, arxiv şəkli

Qazax sakinində silah aşkarlanıb

0
(Yenilənib 00:11 19.01.2021)
Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

BAKI, 18 yanvar — Sputnik. Nəqliyyatda Baş Polis İdarəsinin Narkotiklərlə Mübarizə Şöbəsinin və Dəmir Yolu Nəqliyyatında Polis İdarəsinin Gəncə st. Xətt Polis Şöbəsinin (XPŞ) əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz olaraq narkotik vasitə saxlamaqda və gəzdirməkdə şübhəli bilinən, Qazax şəhər sakini, Afiq Məmmədov XPŞ-yə gətirilib.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, onun üzərində şəxsi axtarış keçirilən zaman əlində olan, göy rəngli politelen torbanın içərisindən 455 qram narkotik vasitə olan qurudulmuş "marixuana" aşkar edilərək götürülüb.

Afiq Məmmədovun ətrafında keçirilən istintaq-əməliyyat tədbirləri nəticəsində onun Qazax şəhər ərazisindəki qəbirstanlıqda odlu silah gizlətməsi də məlum olub. Polis əməkdaşlarının həmin əraziyə keçirdiyi baxış zaman oradan bir ədəd istifadəyə yararlı "AKM-72" tipli avtomat və həmin avtomata aid 4 ədəd patron aşkar edilərək götürülüb.

Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

0