Türkiyənin kino ulduzu vəfat edib
(Yenilənib 20:56 24.11.2020)
Devrim Parscan tamaşaçıların yaddaşında "Kurtlar Vadisi" serialında "Laz Ziya"nın yardımçısı "Orhan" obrazı ilə qalıb.BAKI, 24 noyabr — Sputnik. Məşhur türk aktyoru Devrim Parscan vəfat edib. Sputnik Azərbaycan xəbər verir ki, 83 yaşlı aktyor bu gün dünyasını dəyişib.
Kurtlar Vadisi'nde Laz Ziya'nın sağ kolu "Orhan" karakterini oynayan seslendirme ve tiyatro sanatçısı, duayen oyuncu Devrim Parscan maalesef bugün vefat etti.
— Kurtlar Vadisi (@kvefsaneleri) November 24, 2020
Mekanın cennet olsun. pic.twitter.com/GC6WgUFwhC
Aktyorluq sənətinə teatrla başlayan, sonradan daha çox dublyaj sahəsində tanınan Devrim Parscan "Kurtlar Vadisi", "Bizim Aile", "Çiçek Taksi" və "Kurtuluş", "Kızımı Arıyorum", "Zirvedekiler", "Biz ayrılamayız", "Bir Kadın Yüzü" filmləri daxil olmaqla 100-ə yaxın serial və bədii filmdə rol alıb.
Devrim Parscan tamaşaçıların yaddaşında "Kurtlar Vadisi" serialında "Laz Ziya"nın yardımçısı "Orhan" obrazı ilə qalıb.
Teqlər:
Şuşa Teatrı haqqında film çəkilib
(Yenilənib 16:48 22.01.2021)
Teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa teatrının yenidən öz doğma torpağına - Şuşaya dönəcəyi haqdadır.BAKI, 22 yanvar — Sputnik. Şuşa Teatrı haqqında sənədli film çəkilib. Sputnik Azərbaycan xəbər verir ki, teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa Teatrının kollektivi və teatrın yenidən öz doğma torpağına - Şuşaya dönəcəkləri haqqındadır.
"Xristian irsimizi tanıyaq" - Müqəddəs Məryəm ana katolik kilsəsi - VİDEO
(Yenilənib 11:43 22.01.2021)
Bolşeviklər tərəfindən uçurulan Müqəddəs Məryəm ana kilsəsinin xatirəsinə həsr edilən kilsənin tikintisi 2007-ci ilin fevralında yekunlaşıb.BAKI, 22 yanvar — Sputnik. Müqəddəs Məryəm ana katolik kilsəsi Bakıda 1912-ci ildə neft maqnatları – Rılskilər ailəsi tərəfindən ("Müqəddəs Bakirə Məryəmin Məsum Hamiləliyi" kostyolu - polyak katolik kilsəsi, memarı İ.K.Ploşko) inşa edilib. Bolşeviklər tərəfindən uçurulan Müqəddəs Məryəm ana kilsəsinin xatirəsinə həsr edilən kilsənin tikintisi 2007-ci ilin fevralında yekunlaşıb. 7 mart 2008-ci ildə Azərbaycan Respublikasının Prezidenti İlham Əliyev, Birinci xanım, Heydər Əliyev Fondunun prezidenti Mehriban xanım Əliyeva və Vatikanın dövlət katibi kardinal Tarçizio Bertone kilsənin rəsmi açılış mərasimində iştirak ediblər.
Sputnik Azərbaycan Mədəniyyət Nazirliyinə istinadən "Xristian irsimizi tanıyaq" layihəsi çərçivəsində Müqəddəs Məryəm ana katolik kilsəsi haqqında qısa videoçarxı təqdim edir.
Yanvarın 25-nə qədər ölkədə ictimai nəqliyyat işləməyəcək
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.
Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.
Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.
Qeyd edək ki, Bakı metropolitenində də sərnişindaşıma dayandırılıb.