Eduard Şamaryayaevin öz nəslinə aid məktublaşmaları əks etdirən foto

Yəhudi zərgərin qeyri-adi kollekiyası: Orada uzaq keçmişin "Whatsapp" yazışmaları da var

221
(Yenilənib 09:57 05.11.2020)
Yəhudi əsilli zərgər Eduard Şamaryayev insanlara zamanda səyahət etməyə imkan verən unikal kolleksiya toplayıb.

Nigar İsgəndərova, Sputnik Azərbayan

BAKI, 5 noyabr — Sputnik. Evin künc-bucağından, köhnə dəftərlərin, albomların arasından tapdığımız, sandıqlarda qalaraq çürüyən açıqcalar bəlkə də çoxumuz üçün mahiyyət daşımır. Biz buna adi bir kağız parçası kimi baxsaq da, ona dəyər verənlər, onları axtararaq toplayanlar da var. Elə həmsöhbətimiz, yəhudi əsilli zərgər, numizmatik Eduard Şamaryayev də onlardan biridir.

Məktubların qalaqlandığı bu yerdən kağızlar köhnələndə gələn özünəməxsus, xoş bir ətir gəlir. Bu ətiri burnumuza çəkə-çəkə Şamaryayevin kolleksiyası haqda elə özündən məlumat alırıq. Uzun illərdir, demək olar ki, özünü dərk edəndən bu açıqcaları yığaraq mühafizə edən E.Şamaryayevin kolleksiyası yalnız açıqcalardan ibarət deyil. Bu kolleksiyada müxtəlif dövrlərin poçt markalarını, bir-birindən fərqli mövzuda yazılan məktublarını, sevgi etiraflarını da görmək mümkündür. Sevgi, həsrət, II Dünya Müharibəsi illərində yazılan məktublar daha çox üstünlük təşkil edir.

E.Şamaryayev Sputnik Azərbaycan-a yığdığı bu kolleksiya haqda danışarkən dedi ki, sənəti zərgərlik olduğundan, işi ilə əlaqədar çoxsaylı maraqlı insanlarla ünsiyyətdə olur. Bu da ona kolleksiyasını daha da zənginləşdirməyə imkan verir:

© Sputnik / Nigar Iskanderova
Atkritkalar və molla nəsrəddin kolleksiyları

"Mənim rəssamlar binasında emalatxanam var. Hansısa emalatxana rəhbəri rəhmətə getdikdə, oranın yeni sahibinin köhnənin qalırlarını tulladığını görmüşəm. Mən isə onları yığıb saxlamışam".

Kolleksiyada 1917-ci il inqilabından əvvəl yazılan məktublar da var:

"Bu məktubların hər birini oxumuşam, burada çox maraqlı mövzulara, nüanslara toxunulur. Məsələn, birində yazılır: "Bu gün Moskvadayam, döyüşlər gedir, yeməyə isə heç nəyim yoxdur". Bu məktublar sanki zaman maşınıdır, oxuduqca, adam o dövrə səyahət etmiş olur. Məndə bu nümunələrdən təxminən 1000-ə qədər, bir qədər də artıq var".
  • Eduard Şamaryayevin kollkesiyasından
    © Sputnik / Nigar Iskanderova
  • İllər öncə yazılan məktubları birgə oxuyaq
    © Sputnik / Nigar Iskanderova
  • İllər öncə yazılan məktubları birgə oxuyaq
    © Sputnik / Nigar Iskanderova
  • Məktubların büküm forması da fərqli olub
    © Sputnik / Nigar Iskanderova
1 / 4
© Sputnik / Nigar Iskanderova
Eduard Şamaryayevin kollkesiyasından

O, kolleksiyasını genişləndirmək üçün tez-tez Sabunçuda yerləşən "Bit Bazarı" kimi tanıdığımız rus bazarına üz tutur: ""Bit bazarı" bütün dünyada var. Burada insanlar özlərinə lazım olmayan əşyaları gətirərək satırlar. Bu gün "Bit Bazarı"da su qiymətinə sənət əsərləri tapmaq olar. Məsələn, götürək elə Fransanı. Fransada "Bit Bazarı"dan nə qədər böyük sənətkarların əsərləri su qiymətinə alınıb. "Bit Bazarı"da 5-10 avroya satılan belə sənət nümunələri mütəxəssislərin əlinə çatdıqda lazım olan dəyərini tapıb, 10-20 milyona satılıb. Bu səbəbdən, mən də tez-tez "Bit Bazarı"a üz tuturam".

Zərgər həmçinin auksionlara qatılaraq da kolleksiyalarını zənginləşdirir. Kolleksiyada isə müxtəlif sərgilər, görüşlərə görə ünvanlanan dəvətnamələri də görmək mümkündür.

Şamaryayev bu kolleksiyaları toplayarkən, gözlənilməz, xoş bir təsadüflə də rastlaşıb:

© Sputnik / Nigar Iskanderova
Eduard Şamaryayaevin öz nəslinə aid məktublaşmaları əks etdirən yəhudi təqvimi

"Bizim yəhudi icmamızda hər il böyük iş aparılır. Cəmiyyətimiz tərəfindən hər il bizə böyük təqvimlər verilir. Ötən il təsadüfən illik təqvim əlimə keçdi. Bu təqvimin arxasında yəhudilərə aid məktublar foto variantında çap olunub. Təsadüfən təqvimdə ulu babama aid məktublaşmanı tapdım. Ulu babamın doğma qardaşı Böyük Vətən Müharibəsində, o dövr üçün ən əhəmiyyətli döyüş olan Stalinqrad döyüşündə iştirak edib. Burada o, qardaşına yazır ki, sağ-salamatam".

"Yəqin eşitmisiz, biz əvvəl Qubada yaşayırdıq, lakin sonradan bizi sürgün etmişdilər. Varlı ailələri mənən sındırmaq üçün belə edirdilər. Bizim nəsli bu səbəbdən 5 il Qubadan Qarabağa sürgün ediblər. Babalarım Qarabağda yaşayıblar. Qarabağda sürgündən sonra Qubaya təzədən qayıda bilmədilər. Bu səbəbdən nəslimiz bir müddət də Balaxanıda yaşayıb. Görürsünüz, burada da bizim Balaxanıdakı ünvanımız yazılıb, Sabir küçəsi,...dalan nömrə 5. Bu, bizim üçün bir tarixdir. Burada olan bütün məlumatlar mənim babalarıma aiddir", - deyə Şamaryayev əlavə edir.

Onun kolleksiyasında həmçinin Qarabağa aid məktublar da var.

Söhbət əsnasında 1952-ci ildə Bakıda keçirilən respublika rəssamlıq sərgisi üçün tanınmış rəssam Səttar Bəhlulzadəyə göndərilən dəvətnamə, məktub mətni ilə də tanış oluruq. Eyni zamanda o dövrdə xəlvətdə yazılan sevgi etiraflarını da oxuyuruq.

© Sputnik / Nigar Iskanderova
Məktub nümünəsi

Buradakı açıqcaların rəsmi indikilərlə müqayisədə daha rəngarəng və geniş məzmunlu olması ilə seçilir. Ana-körpə bağından tutmuş kənd təsərrüfatınadək müxtəlif mövzularda açıqca, markalar görmək mümkündür. Şamaryayev isə rəsmlərin, açıqcaların üzərində olan bəzəklərdən zərgərlikdə də istifadə edir: "Buradan həm də özümə lazım olan rəng çalarlarını seçirəm. Bütün bunlar zərgər üçün əvəzolunmaz bir iş, təkrarsız yaradıcılıqdır".

Həmsöhbətimiz bu məktubları keçmişin "Whatsapp"ı adlandırır və onun fikrincə, həmin məktublaşmalar olmasaydı, bəlkə də bu gün "Whatsapp" da olmayacaqdı.

Şamaryayev üçün geridə qalan hər şey bir tarixdir. O, yəhudi əsilli olmasına baxmayaraq, bu gün bizim də tariximizi qorumaqdadır: "Bütün bunlar bir tarixdir, tarixi heç zaman atmaq, cırmaq olmaz"...

221
Corc Kluni, arxiv şəkli

Corc Kluni şeytandır?

17
(Yenilənib 10:51 25.11.2020)
"Qəzetlər yazırdı: Şeytan! Corc Kulini şeytandır!"- deyən aktyor bildirib ki, o, bundan sonra Bred Pittdən qisasını alıb.

BAKI, 25 noyabr — Sputnik. Amerikalı aktyor Corc Kluni GQ jurnalına müsahibəsi zamanı "Ouşenin 12 dostu" filminin çəkilişləri zamanı baş verən kuryoz hadisədən danışıb.

Sputnik Azərbaycan xarici mətbuata istinadla xəbər verir ki, filmin bəzi hissələri aktyorun bir neçə il yaşadığı İtaliyada, Komoda çəkilib. Onun sözlərinə görə, filmdə rol alan Bred Pitt şəhərə Kluni ilə "xüsusi" davranmağa çağıran vərəqələr yerləşdirərək, yerli sakinlərə mesaj verib.

"Xahiş edirəm, Corc Kluni ilə filmdəki Denni Ouşen kimi davranın və onun gözlərinə baxmayın", - divara yapışdırılmış məktublarda yazılıb.

Bu zaman həmin mesaja yerli KİV xüsusi reaksiya göstərib.

"Qəzetlər yazırdı: Şeytan! Corc Kluni şeytandır!"- deyən aktyor bildirib ki, o, bundan sonra Bred Pittdən qisasını alıb.

Xatırladaq ki, rejissor Stiven Soderberqin çəkdiyi "Ouşenin 12 dostu" filmi 2004-cü illərdə ekranlaşdırılıb.

Filmdə Corc Kluni və Bred Pittlə yanaşı, Mett Deymon, Ketrin Zeta-Cons, Culya Roberts, Vensan Kassel rol alıblar.

17
Teqlər:
çəkiliş, film, Bred Pitt, amerikalı aktyor Corc Kluni
Aşpaz, arxiv şəkli

Məşhur "Master Chef" yarışında Azərbaycan mətbəxi günü elan edilib

36
(Yenilənib 22:02 24.11.2020)
Yarışın ötən gün yayımlanan bölümündə iştirakçılara "Dovğa", "Şah plov", "Gürzə", "Sazan ləvəngi", "Şəkərbura" bişirmələri tapşırılıb.

BAKI, 24 noyabr — Sputnik. Türkiyənin məşhur "Master Chef" yarışında Azərbaycan mətbəxi günü elan edilib.

Sputnik Azərbaycan xəbər verir ki, yarışın ötən gün yayımlanan bölümündə iştirakçılara "Dovğa", "Şah plov", "Gürzə", "Sazan ləvəngi", "Şəkərbura" bişirmələri tapşırılıb.

"Bu həftə mətbəxinə müraciət etdiyimiz ölkə qəlbimizə yaxındır. Qardaş ölkə Azərbaycan mətbəxinə müraciət edəcəyik", - deyə münsiflərdən Somer Sivrioğlu söyləyib.

Посмотреть эту публикацию в Instagram

Публикация от MasterChef Türkiye (@masterchefturkiye)

Digər münsif Mehmet Yalçınkaya isə: "Qardaşlarımızın qələbəsini təbrik edirik. Haqlı bir qələbə qazandılar. Ən sonunda haqları olanı geri aldılar. Oradakı şəhidlərimizi sevgi və sayqıyla anırıq. Mübarizələri davam edir, uğurlar diləyirik", - sözlərini deyib.

36
Teqlər:
Azərbaycan mətbəxi, "Master Chef", tv, Azərbaycan, Türkiyə

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

0
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

0