Teatr səhnəsi, arxiv şəkli

"Rebus" teatrından möhtəşəm tamaşa - "Daban yalayan"

67
(Yenilənib 20:24 04.11.2020)
"Tamaşadan bəlli olur ki, kim kimə öz yanında yer verib, kim ona veriləni özününkü sayıb özünə götürüb, kim qadınların arxasında gizlənib döyüşə qadınları göndərir".

Şahpəri Abbasova, Sputnik Azərbaycan

BAKI, 4 noyabr — Sputnik. Azərbaycan Dövlət Mədəniyyət və İncəsənət Universitetinin müəllimi, "Rebus" teatrının yaradıcısı və rəhbəri, aktyor və rejissor Ceyhun Dadaşov "Daban yalayan" adlı mim tamaşa hazırlayıb. Rejissor tamaşanın yaranması ilə bağlı Sputnik Azərbaycan-a danışıb: "Bu, sırf video üçün nəzərdə tutulmuş tamaşadır. Son günlər Ali Baş Komandan İlham Əliyevin ünvanlı çıxışları dillər əzbəri oldu. Cənab prezidentin "təlxək", "düşük", "iti qovan", "daban yalayan" və s. ayamaları (bir adama el tərəfindən verilən ləqəb – red.) bizim də diqqətimizi çəkdi. Tamaşanın yaranmağında səbəb də elə bu çıxışlar oldu".

Rejissor deyir ki, "bu sözləri eşidəndə maraqlı fikir yarandı, dedik, niyə də bunu hazırlamayaq?": "Uzun müddət Pantomim teatrında mənimlə çiyin-çiyinə çalışan Elnur İsmayılov, Əli Əlizadə və mən bu tamaşanı qurmağı qərara aldıq. Bu stilistikanı, hansısa sözü, hansısa fikri hərəkətə çevirmək, ona can vermək stilistikası bizə çox yaxındır. Əslində, bir az da keçmiş "maski şou"lar (maska şousu) var idi, onların stilistikasından bəhrələndik. Çalışdıq ki, bu nüansı göstərək".

 O olmasın, bu olsun” musiqili komediyası
© Akademik Musiqili Teatrının mətbuat xidməti

C.Dadaşov vurğulayır ki, "Daban yalayan" əslində ilk baxışdan komik, gülməli, şən musiqi altında mimlərin yaşadığı həyat tərzi kimi görünsə də, dəqiq baxanda burada bizim problemimizi görürük:

"Ad çəkməsək də bəlli olur ki, kimdən gedir söhbət. Fikir versəniz, görərsiniz ki, biz videoda qətiyyən heç bir işarə verməmişik. Orada heç bir işarə verilməyib ki, bu azərbaycanlıdır, ermənidir və s. Yalnız sonda Azərbaycan bayrağını vermişik, bu da ona görədir ki, bəlli olsun ki, müəllif hüququ kimə aiddir. Tamaşanın əvvəlində "Heel licker" var, o da hərfi tərcümədə "daban yalayan" deməkdir".

"Tamaşadan bəlli olur ki, kim kimə öz yanında yer verib, kim ona veriləni özününkü sayıb özünə götürüb, kim qadınların arxasında gizlənib döyüşə qadınları göndərir, kim ağ bayraq qaldırıb yenidən atəş açır, kim əsgərlə bacarmayanda qadın və uşağın üstünə hücum edir və s. Bunları göstərməyimiz bəs edir. Kimə ünvanladığımız bəlli olur. Bu, teatrın elə bir formasıdır ki, burada sözə ehtiyac yoxdur. Sözsüz bunu bütün dünyaya göstərmək olar və hamı başa düşəcək ki, tamaşa nədən bəhs edir", - deyə rejissor əlavə edib.

Ceyhun Dadaşov bildirir ki, tamaşa Azərbaycan Dövlət Uşaq Filarmoniyasında (ADUF) lentə alınıb: "Biz çəkilişdə göstərdiyi köməyə görə ADUF-nun rəhbəri Dilarə Əliyevaya minnətdarlığımızı bildiririk. Ona dedim ki, bizim belə bir planımız var. Amma təəssüf ki, məkanımız yoxdur. O da bizə şərait yaratdı. Pandemiya qaydalarına əməl edərək çəkilişimizi reallaşdırdıq. Müstəqil "Rebus" teatrı olaraq biz də bu cür dəstək olmağa çalışırıq. Elnur İsmayılov, Əli Əlizadədən başqa, Natəvan Abbaslı, Rasimə Abbasova da tamaşada rol alıblar".

67
Teqlər:
Azərbaycan, Azərbaycan Dövlət Mədəniyyət və İncəsənət Universiteti, Azərbaycan Prezidenti İlham Əliyevə, İlham Əliyev
Corc Kluni, arxiv şəkli

Corc Kluni şeytandır?

17
(Yenilənib 10:51 25.11.2020)
"Qəzetlər yazırdı: Şeytan! Corc Kulini şeytandır!"- deyən aktyor bildirib ki, o, bundan sonra Bred Pittdən qisasını alıb.

BAKI, 25 noyabr — Sputnik. Amerikalı aktyor Corc Kluni GQ jurnalına müsahibəsi zamanı "Ouşenin 12 dostu" filminin çəkilişləri zamanı baş verən kuryoz hadisədən danışıb.

Sputnik Azərbaycan xarici mətbuata istinadla xəbər verir ki, filmin bəzi hissələri aktyorun bir neçə il yaşadığı İtaliyada, Komoda çəkilib. Onun sözlərinə görə, filmdə rol alan Bred Pitt şəhərə Kluni ilə "xüsusi" davranmağa çağıran vərəqələr yerləşdirərək, yerli sakinlərə mesaj verib.

"Xahiş edirəm, Corc Kluni ilə filmdəki Denni Ouşen kimi davranın və onun gözlərinə baxmayın", - divara yapışdırılmış məktublarda yazılıb.

Bu zaman həmin mesaja yerli KİV xüsusi reaksiya göstərib.

"Qəzetlər yazırdı: Şeytan! Corc Kluni şeytandır!"- deyən aktyor bildirib ki, o, bundan sonra Bred Pittdən qisasını alıb.

Xatırladaq ki, rejissor Stiven Soderberqin çəkdiyi "Ouşenin 12 dostu" filmi 2004-cü illərdə ekranlaşdırılıb.

Filmdə Corc Kluni və Bred Pittlə yanaşı, Mett Deymon, Ketrin Zeta-Cons, Culya Roberts, Vensan Kassel rol alıblar.

17
Teqlər:
çəkiliş, film, Bred Pitt, amerikalı aktyor Corc Kluni
Aşpaz, arxiv şəkli

Məşhur "Master Chef" yarışında Azərbaycan mətbəxi günü elan edilib

36
(Yenilənib 22:02 24.11.2020)
Yarışın ötən gün yayımlanan bölümündə iştirakçılara "Dovğa", "Şah plov", "Gürzə", "Sazan ləvəngi", "Şəkərbura" bişirmələri tapşırılıb.

BAKI, 24 noyabr — Sputnik. Türkiyənin məşhur "Master Chef" yarışında Azərbaycan mətbəxi günü elan edilib.

Sputnik Azərbaycan xəbər verir ki, yarışın ötən gün yayımlanan bölümündə iştirakçılara "Dovğa", "Şah plov", "Gürzə", "Sazan ləvəngi", "Şəkərbura" bişirmələri tapşırılıb.

"Bu həftə mətbəxinə müraciət etdiyimiz ölkə qəlbimizə yaxındır. Qardaş ölkə Azərbaycan mətbəxinə müraciət edəcəyik", - deyə münsiflərdən Somer Sivrioğlu söyləyib.

Посмотреть эту публикацию в Instagram

Публикация от MasterChef Türkiye (@masterchefturkiye)

Digər münsif Mehmet Yalçınkaya isə: "Qardaşlarımızın qələbəsini təbrik edirik. Haqlı bir qələbə qazandılar. Ən sonunda haqları olanı geri aldılar. Oradakı şəhidlərimizi sevgi və sayqıyla anırıq. Mübarizələri davam edir, uğurlar diləyirik", - sözlərini deyib.

36
Teqlər:
Azərbaycan mətbəxi, "Master Chef", tv, Azərbaycan, Türkiyə

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

0
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

0