Nura Suri, arxiv şəkli

Müğənni ölkəmizdə baş verən hadisələrə səssiz qalan məşhur insanları qınayıb

45
Nura Suri Qarbağ həqiqətləri, Gəncədə və Bərdədə baş verən erməni terroru barədə sosial şəbəkələrdə ən çox paylaşım edən sənətçilər sırasındadır

BAKI, 2 noyabr — Sputnik. Müğənni Nura Suri sosial şəbəkə hesabında ölkəmizdə baş verən hadisələrə səssiz qalan dünyaca məşhur insanları qınayıb.

Sputnik Azərbaycan xəbər verir ki, müğənni "facebook" hesabında ölkəmizdəki müsabiqələrdə iştirak edən məşhurları tənqid edib.

"Bu boyda olimpiyadalar, formulalar, Eurovision və s. keçirmişik. Xaricdən idmançılar, dünyaca məşhur musiqiçilər gəlib ölkəmizin gözəlliyini, millətimizin qonaqpərvərliyini görüblər. Niyə susub oturublar? Xeyrimizə niyə bir söz demirlər? Onlarla ünsiyyətdə olanlar niyə danışmırlar həmin məşhurlarla?" - deyə müğənni sual edib.

Qeyd edək ki, müğənni Qarbağ həqiqətləri, Gəncədə və Bərdədə baş verən erməni terroru barədə sosial şəbəkələrdə ən çox paylaşım edən sənətçilər sırasındadır.

45
Teqlər:
məşhurlar, dəstək, Qarabağ, Facebook, paylaşım, müğənni, Nura Suri
Mövzu:
Azərbaycan və Ermənistan arasında müharibə (1190)
Əlaqədar
Mərakeş ulduzundan Azərbaycana dəstək
Gürcüstan sakinlərindən Azərbaycan Ordusu üçün ərməğan – video
"Manga" qrupunun solisti azərbaycanlı müğənni ilə duet oxudu
Londonda erməni terrorunun qurbanları yad edildilər
"Eurovision" ulduzlarından Gəncə terroru barədə klip
Xalça Muzeyi

Sabah muzeyə gedin, amma ayaqla yox - əyləncə seçimi var

20
Beynəlxalq Muzeylər Günü Beynəlxalq Muzeylər Şurasının (ICOM) təşəbbüsü ilə 1977-ci ildə xalqlar arasında mədəni mübadilə və əməkdaşlığın inkişafına kömək məqsədilə təsis olunub. Bu il Beynəlxalq Muzeylər Gününün devizi "Muzeylərin gələcəyi: dirçəliş və yeni baxış"dır.

BAKI, 17 may — Sputnik. Azərbaycan Milli Xalça Muzeyi Beynəlxalq Muzeylər Gününü silsilə tədbirlərlə qeyd edəcək. Sputnik Azərbaycan xəbər verir ki, bu münasibətlə mayın 18-də müxtəlif icma nümayəndələri ilə onlayn görüşlər keçiriləcək. Ayrı-ayrı icmalarla əməkdaşlıq əlaqələrini daim inkişaf etdirən Azərbaycan Milli Xalça Muzeyi bu dəfə də müxtəlif sənət sahələri üzrə mütəxəssislər, sənətkarlar arasında ünsiyyət körpüsü yaradacaq. Görüş zamanı Mədəniyyət Nazirliyinin dəstəyi ilə həyata keçirilən "Kreativ Azərbaycan" proqramları ilə bağlı məlumat veriləcək, bu istiqamətdə müxtəlif icmaların fəaliyyəti müzakirə olunacaq. Onların rifahının yüksəldilməsi məqsədilə öz potensiallarını üzə çıxarması, yerli yaradıcı məhsulları və xidmətləri ölkə daxilində, həmçinin xarici bazarlarda tanıtması və s. mövzularda fikir mübadiləsi aparılacaq.

Sağlamlıq imkanları məhdud şəxsləri birləşdirən ictimai təşkilatların rəhbərləri ilə görüş zamanı indiyədək birgə həyata keçirilən uğurlu layihələrdən və gələcək planlardan söhbət açılacaq. Ölkəmizin ilk inklüziv muzeyi kimi Azərbaycan Milli Xalça Muzeyi ilə bu istiqamətdə qarşılıqlı fəaliyyətin genişləndirilməsi məsələlərinə toxunulacaq.

Qarabağ muzeylərinin direktorları ilə onlayn görüş zamanı isə işğaldan azad olunmuş torpaqlarda vaxtilə fəaliyyət göstərmiş muzeylərin mövcud problemləri və onların həlli yolları müzakirə ediləcək. Həmin muzeylərin kolleksiyalarının öz vətəninə qaytarılması məqsədilə Beynəlxalq Muzeylər Şurasının (ICOM) müvafiq komitələri ilə həyata keçirilən danışıqlar, toplanmış yeni məlumatlar ətrafında fikir mübadiləsi aparılacaq.

© Photo : Azerbaijan National Carpet Museum
Afişa

Bununla yanaşı, mayın 18-də, saat 19:00-da muzeylər içərisində ilk dəfə Azərbaycan Milli Xalça Muzeyi "Nə? Harada? Nə zaman?" intellektual oyununu keçirəcək. Azərbaycan dilində baş tutacaq oyunda qeydiyyatdan keçən ilk 20 komanda iştirak edəcək, digər komandalar isə gözləmə siyahısında yer alacaq. Oyun muzeyin "Facebook" səhifəsindən canlı yayımlanacaq.

Qeyd edək ki, iştirakçılara ünvanlanacaq sualların mövzusu incəsənət sahəsini əhatə edəcək, o cümlədən dünya muzeyləri, xalçaçılıq sənəti və Azərbaycan Milli Xalça Muzeyi ilə bağlı olacaq. Qaliblər isə müxtəlif hədiyyələr qazanacaqlar.

Odur ki intellektual və yaradıcılıq imkanlarını sınamaq istəyən hər kəsi oyuna qatılmağa dəvət edirik. Bunun üçün aşağıdakı linkdən qeydiyyatdan keçə bilərsiniz: https://form.jotform.com/211223719513448

Silsilə tədbirlərin yekunu olaraq isə saat 21:00-da Azərbaycan Milli Xalça Muzeyində "Muzeylər gecəsi" keçiriləcək. Azərbaycan Milli Xalça Muzeyi və Beynəlxalq Muğam Mərkəzinin birgə təşkilatçılığı ilə baş tutacaq gecədə yeni fəaliyyətə başlayan rok, caz qrupları və ifaçıları maraqlı konsert proqramı ilə çıxış edəcəklər. Sənətdə yeni addımlarını atan istedadlı yaradıcı gənclərə dəstək olmaqla yanaşı, onların pərəstişkarlarının muzeylərə marağının artırılması məqsədilə keçirilən konsertdə "The Etude Band", "Ayna Band", "Diqqət", "Caz Band" qrupları, həmçinin Milan, Mixail Altuxov, Joseph Abbas ifa edəcəklər.

Həm əylənmək, həm də zövqlü musiqi dinləmək istəyirsinizsə, muzeyin "Facebook" səhifəsindən canlı yayımlanacaq konserti izləməyi unutmayın!

Qeyd edək ki, 18 may Beynəlxalq Muzeylər Günü Beynəlxalq Muzeylər Şurasının (ICOM) təşəbbüsü ilə 1977-ci ildə xalqlar arasında mədəni mübadilə və əməkdaşlığın inkişafına kömək məqsədilə təsis olunub. Bu il Beynəlxalq Muzeylər Gününün devizi "Muzeylərin gələcəyi: dirçəliş və yeni baxış"dır.

Eləcə də oxuyun:

* Mərhum kraliçanın alt paltarı hərraca çıxarılacaq

* Londonda azərbaycanlı rəssamın sərgisi açılıb

 

20
Teqlər:
onlayn, tədbir, Xalça Muzeyi
İsfar Sarabski

Almaniyanın məşhur radiosu azərbaycanlı ifaçı haqda veriliş hazırladı

480
Qeyd olunur ki, Azərbaycan cazı Almaniyada hələ ki, kifayət qədər tanınmayıb. Bu xüsusda yalnız pianoçu Vaqif Mustafazadənin qızı Əzizə Mustafazadə istisna təşkil edir.

BAKI, 17 may — Sputnik. Almaniyanın NDR radiosunun "Gecəyarı vaxtı: "Planet"-Azərbaycanın füsunkar cazı" (Round Midnight: "Planet" - Mitreißender Jazz aus Aserbaidschan) başlıqlı, azərbaycanlı caz ifaçısı İsfar Sarabskinin yaradıcılığından bəhs edən veriliş yayımlanıb.

Sputnik Azərbaycan xəbər verir ki, verilişdə Azərbaycan cazı barədə ətraflı məlumat verilir. Qeyd olunur ki, Azərbaycan cazı Almaniyada hələ ki, kifayət qədər tanınmayıb. Bu xüsusda yalnız pianoçu Vaqif Mustafazadənin qızı Əzizə Mustafazadə istisna təşkil edir. Belə ki, o, 1990-cı illərdə özünü beynəlxalq səviyyədə qəbul olunan pianoçu və müğənni kimi sübut edə bilib. Hazırda isə 31 yaşlı azərbaycanlı caz musiqiçisi İsfar Sarabskinin yüksək səviyyəli ifası diqqəti cəlb edir.

Посмотреть эту публикацию в Instagram

Публикация от Pianist | Composer | Producer (@isfarsarabski)

Verilişdə bildirilir ki, İsfar Sarabski hazırda Bakıda yaşayır. Onun musiqi yaradıcılığında cazın, ənənəvi Azərbaycan musiqisi olan muğamın, eləcə də klassik musiqinin müxtəlif elementləri ecazkar şəkildə birləşir. Bildirilir ki, Sarabski yaradıcılığına piano ifaçısı kimi başlayıb, klassik musiqini dərindən öyrənib, cazla tanışlıqdan sonra isə gələcəyinin bu musiqi sahəsi ilə bağlı olduğunu anlayıb. O, Berkli Musiqi Kollecinin təqaüdçüsü olaraq Bostonda təhsilini davam etdirib və orada cazla bağlı biliklərini daha da dərinləşdirib. Verilişdə həmçinin İsfar Sarabskidən alınmış müsahibədən parçalar təqdim olunur. Sarabski Azərbaycanın mədəniyyətlə zəngin ölkə olduğunu, musiqinin orada yaşayan hər bir insanın həyatında müəyyən rol oynadığını qeyd edir. O, Bakının sovet dövründə SSRİ-nin caz paytaxtı olaraq tanındığını vurğulayır. Verilişdə azərbaycanlı caz ifaçısı "Planet" adlı ilk albomu, onun ərsəyə gəlməsinin təfərrüatları barədə dinləyicilərə ətraflı məlumat verir. Veriliş boyu sözügedən albomda yer alan musiqi parçaları dinləyicilərin diqqətinə təqdim olunur.

Eləcə də oxuyun:

* Arslan Növrəsli: Uşaqlar yaşıdları ilə oynayanda, biz zamanımızı musiqiyə həsr edirdik

* Cavanşir Quliyev: Musiqimiz də, dinləyicimiz də keyfiyyətsizləşir

 

Əfsanəvi Vaqif Mustafazadənin evindən qeydlər

 

480

PUA-lar kəşfiyyat üçün havaya qalxdı - Hərbi təlimlərdən möhtəşəm görüntülər

0
(Yenilənib 10:18 18.05.2021)
PUA heyətləri həmçinin şərti düşmənin mövqelərinin, o cümlədən müdafiəsinin dərinliyindəki hədəflərin aşkar edilməsi və müvafiq məlumatların idarəetmə məntəqələrinə göndərilməsi üzrə tapşırıqları icra edir.

Azərbaycan Ordusunda hərbi aviasiya və müxtəlif təyinatlı pilotsuz uçuş aparatlarının da cəlb olunduğu təlimlər davam edir.

Müdafiə Nazirliyindən Sputnik Azərbaycan-a verilən məlumata görə, təlimlər çərçivəsində pilotsuz uçuş aparatlarının (PUA) heyətləri havadan müxtəlif hündürlüklərdə kəşfiyyat aparır.
PUA heyətləri həmçinin şərti düşmənin mövqelərinin, o cümlədən müdafiəsinin dərinliyindəki hədəflərin aşkar edilməsi və müvafiq məlumatların idarəetmə məntəqələrinə göndərilməsi üzrə tapşırıqları icra edir.

https://www.youtube.com/watch?v=zWgZKZbL_04

0