Mahsun Kırmızıgül

Mahsun Kırmızıgül Gəncədə baş verən erməni terroruna qarşı münasibətini bildirib

164
(Yenilənib 16:50 14.10.2020)
O, paylaşıma: "Bu uşaqlar yazıqdır. Müharibənin qalibi olmaz. Gəncədə mülki vətəndaşlara edilən hücumu qınayıram. Azərbaycan xalqının yanındayım", - sözlərini qeyd edib

Şahpəri Abbasova, Sputnik Azərbaycan

BAKI, 14 oktyabr — Sputnik. Türkiyəli müğənni və rejissor Mahsun Kırmızıgül bir neçə gün əvvəl ermənilərin Gəncədə törətdiyi terror hadisəsinə biganə qalmayıb.

Sputnik Azərbaycan xəbər verir ki, M.Kırmızıgül sosial şəbəkədə ermənilərin atdığı raket nəticəsində Gəncədə yaralanan uşaqların fotolarını paylaşıb.

O, paylaşıma: "Bu uşaqlar yazıqdır. Müharibənin qalibi olmaz. Gəncədə mülki vətəndaşlara edilən hücumu qınayıram. Azərbaycan xalqının yanındayım", - sözlərini qeyd edib.

View this post on Instagram

A post shared by Mahsun Kırmızıgül (@fanmahsun) on

Müğənni həmçinin #stoparmenianagression, #ganja , #gəncə, #gencə, #stoparmenianterrorism adlı həştəqlər paylaşıb. Qeyd edək ki, ulduz bundan əvvəl də Azərbaycan Ordusuna dəstək yönümlü paylaşımlar edib.

164
Teqlər:
Mahsun Kırmızıgül, dəstək, məşhurlar, Türkiyə, ölənlər və yaralılar, dinc sakinlər, raket zərbələri, Gəncə, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə (1190)
Əlaqədar
Dünya futbolunun türk ulduzu Azərbaycana dəstəyini ifadə etdi
Türkiyəli müəllim nişan üzüyünü Azərbaycan Ordusuna bağışladı
Elif Şafakın kitablarının satışı və tərcüməsi dayandırılıb
Ərdoğan və Trampın rəsmi nümayəndələri: Ermənistan Azərbaycan ərazilərindən çıxmalıdır
Kanadada ermənilər türklərə və azərbaycanlılara hücum ediblər

Tarixin ən məşhur insanları hadisələri bir yerə toplaşanda - FOTOLENT

18
(Yenilənib 11:48 18.05.2021)
Parisdəki Qreven Mum Muzeyi, koronavirus pandemiyası səbəbindən altı aylıq fasilədən sonra qapılarını yenidən açır. Fiqurların açılış mərasiminə necə hazırlandığına Sputnik Azərbaycan-ın fotolentində baxın.

Koronavirusun yayılmasının qarşısını almaq üçün tətbiq olunan karantin səbəbindən bir çox ölkədəki muzeylər uzun müddətdir bağlanmışdı. Eyni aqibət Parisdəki məşhur Qreven mum muzeyinin də başına gəlib. Lakin mayın 19-da muzey yenidən ziyarətçilər üçün qapılarını açacaq.

Qreven ən qədim muzeylərdən biridir. O, 1881-ci ildə Madam Tüssonun mum fiqurlar muzeyi əsasında qurulub. Muzeyin kolleksiyasında məşhur insanların və ya qondarma personajların təxminən 450-yə qədər mum fiquru var. Onların arasında kimlər yoxdur? Elvis Presli və Maykl Ceksondan tutmuş dünyanın tanınmış siyasi xadimləri, artistləri, müğənnilərinə qədər. Hətta orada bizə filmlərdən yaxşı tanış olan qalların Obeliksinə də rast gəlmək mümkündür. 

Dünyaca məşhur olan şəxslərdən başqa burada Fransa və dünya tarixindəki məşhur məqamları, məsələn, Janna Darkın yandırılmasını və insanın Aya enməsini də görmək mümkündür. 

18
  • © AFP 2021 / Thomas Samson

    Parisdəki Qrevin mum heykəllər muzeyində

  • © AFP 2021 / Thomas Samson

    Parisdəki Qrevin mum heykəllər muzeyində

  • © AFP 2021 / Thomas Samson

    Parisdəki Qrevin mum heykəllər muzeyində Naomi Kembellin heykəli

  • © AFP 2021 / Thomas Samson

    Parisdəki Qrevin mum heykəllər muzeyində Donald Trampın heykəli

  • © AFP 2021 / Thomas Samson

    Parisdəki Qrevin mum heykəllər muzeyində Jerar Depardyenin heykəli

  • © AFP 2021 / Thomas Samson

    Parisdəki Qrevin mum heykəllər muzeyində Merlin Monronun heykəli

  • © AFP 2021 / Thomas Samson

    Parisdəki Qrevin mum heykəllər muzeyində Elton Conun heykəli

  • © AFP 2021 / Thomas Samson

    Parisdəki Qrevin mum heykəllər muzeyində şahzadə Yelizovetanın heykəli

  • © AFP 2021 / Thomas Samson

    Parisdəki Qrevin mum heykəllər muzeyində Selin Dion və Elton Conun heykəli

Müğənni Samirə Əfəndi Rotterdamda firuzəyi xalıda

Bu gün Azərbaycan təmsilçisi "Avroviziya"nın birinci yarımfinalında çıxış edəcək

9
(Yenilənib 11:15 18.05.2021)
Müsabiqənin birinci yarımfinalında ölkəmizlə yanaşı, Litva, Sloveniya, Rusiya, İsveç, Avstraliya, Şimali Makedoniya, İrlandiya, Kipr, Norveç, Xorvatiya, Belçika, İsrail, Rumıniya, Ukrayna və Malta çıxış edəcək.

BAKI, 18 may — Sputnik. Bu gün ölkəmizi "Avroviziya-2021" mahnı müsabiqəsində təmsil edən Samirə Efendi birinci yarımfinal mərhələsində çıxış edəcək.

Sputnik Azərbaycan xəbər verir ki, ifaçı "Mata Hari" mahnısı ilə səhnəyə 14-cü çıxacaq. Təqdim olunan bəstənin müəllifləri niderlandlı Amy van der Vel, Coş Earl, Lyuk Van Birsdir.

Müsabiqənin birinci yarımfinalında ölkəmizlə yanaşı Litva, Sloveniya, Rusiya, İsveç, Avstraliya, Şimali Makedoniya, İrlandiya, Kipr, Norveç, Xorvatiya, Belçika, İsrail, Rumıniya, Ukrayna və Malta çıxış edəcək.

Qeyd edək ki, Niderland Krallığının Rotterdam şəhərində keçirilən beynəlxalq müsabiqəyə 39 ölkədən 34 iştirakçı toplaşıb. Müsabiqənin ikinci yarımfinalı mayın 20-də keçiriləcək, final yarışması isə mayın 22-nə təyin olunub.

9
Azərbaycan Ordusunda xüsusi təyinatlıların təlimləri, arxiv şəkli

Azərbaycanda qoşunların antiterror əməliyyatına hazırlığı barədə tapşırıqlar verdi

0
(Yenilənib 12:44 18.05.2021)
Təlimlərdə antiterror əməliyyatları ilə bağlı qərar, qoşunların döyüş tapşırıqları və qarşılıqlı əlaqədə fəaliyyətlərinin təşkili dəqiqləşdirilib.

 

BAKI, 18 may — Sputnik. Azərbaycan Ordusunun təlimləri davam edir. Növbəti mərhələdə müdafiə nazirinin müavini general-leytenant Kərim Vəliyev qoşun növlərinin komandanları, birlik komandirləri və müvafiq vəzifəli şəxslərin təlimlərin gedişi barədə maket üzərində məruzələrini dinləyib. Bu barədə Sputnik Azərbaycan-a Müdafiə Nazirliyindən daxil olan məlumatda bildirilir.

Qeyd olunur ki, təlimlərdə antiterror əməliyyatları ilə bağlı qərar, qoşunların döyüş tapşırıqları və qarşılıqlı əlaqədə fəaliyyətlərinin təşkili dəqiqləşdirilib.

"Məruzələr dinlənildikdən sonra ehtiyatların və mərkəzi tabelikdə olan qoşunların antiterror əməliyyatına bilavasitə hazırlığı, yenidən qruplaşmanın keçirilməsi ilə əlaqədar müvafiq tapşırıqlar verilib", - deyə Müdafiə Nazirliyinin yaydığı məlumatda bildirilir.
© AR Ministry of Defence
Müdafiə nazirinin müavini general-leytenant Kərim Vəliyev təlimlərin gedişi barədə maket üzərində məruzələri dinləyir

Qeyd edək ki, Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin təsdiq etdiyi plana əsasən mayın 16-da Azərbaycan Ordusunda qoşun növlərinin cəlb edilməsi ilə təlimlər keçirilir.

Müdafiə nazirinin rəhbərliyi ilə keçiriləcək təlimə 15000 nəfərədək şəxsi heyət, 300-dək tank və digər zirehli texnika, 400-dək müxtəlif çaplı raket və artilleriya qurğusu, yaylım atəşli reaktiv sistemləri, minaatan və tank əleyhinə vasitələr, 50-dək hərbi aviasiya və müxtəlif təyinatlı pilotsuz uçuş aparatları cəlb olunub.

Təlimlərdə Vətən müharibəsində qazanılan döyüş təcrübəsi nəzərə alınmaqla əsas diqqət qoşunların idarəolunması, döyüşə hazırolma vəziyyətinə gətirilməsi və yenidən qruplaşması, o cümlədən ümumqoşun birlikləri, Raket və Artilleriya Qoşunları, aviasiya, Xüsusi Təyinatlı Qüvvələr arasında döyüş uzlaşması və qarşılıqlı fəaliyyətin təkmilləşdirilməsinə yönəldilib.

Mayın 20-dək davam edəcək təlimlərdə qoşunlar eyni zamanda qanunsuz silahlı qruplaşmaların təxribatlarının qarşısının alınması və əks fəaliyyətlə terrorçuların zərərsizləşdirilməsi üzrə tapşırıqları da icra edəcək.

0