Azərbaycan ordusunun hərbi qulluqçusu, arxiv şəkli

Məşhurlar yaxınlarını cəbhəyə yollayırlar

323
(Yenilənib 21:08 07.10.2020)
Mədəniyyət sahəsində fəaliyyət göstərən bir çox şəxslərin də övladları və yaxınları Silahlı Qüvvələrimizin əks-hücumunun davam etdiyi cəbhə xəttinə yollanıblar

Şahpəri Abbasova, Sputnik Azərbaycan

BAKI, 7 oktyabr — Sputnik. Azərbaycan Prezidenti İlham Əliyev sentyabrın 28-də "Azərbaycan Respublikasında qismən səfərbərlik elan edilməsi haqqında" Sərəncam imzalayıb. Mədəniyyət sahəsində fəaliyyət göstərən bir çox şəxslərin də övladları və yaxınları Silahlı Qüvvələrimizin əks-hücumunun davam etdiyi cəbhə xəttinə yollanıblar. Sputnik Azərbaycan xəbər verir ki, onlar bununla bağlı sosial media hesabından paylaşım ediblər. Müğənni Tacir Şahmalıoğlunun oğlu Şahmalı Ağdam rayonunda xidmət edir. O bildirib ki, ehtiyatda olan əsgər kimi Ali Baş Komandanın əmrinə tabedir. 

Посмотреть эту публикацию в Instagram

Публикация от Best Singer Tacir Şahmalıoglu (@tacir_sahmalioglu)

 

Əməkdar artist Aybəniz Haşımovanın bacısı oğlu da torpaqlarımız uğrunda gedən döyüşlərdə iştirak edir. Bununla bağlı Aybəniz Haşımova "instagram" hesabında paylaşım edib. O, bacıları və orduya gedən Fazilin fotosunu paylaşaraq: "Allah heç bir gözü yolda olan ana, ata, bacı, gəlinin əllərini boş qoymasın. Sağ gedib, salamat qayıtsınlar igid oğullarımız. İnşallah, qələbə bizimlə olacaq, Fazil balam" sözlərini yazıb.

Посмотреть эту публикацию в Instagram

Публикация от Aybeniz Hashimova (@aybenizhashimova)

 

Müğənni Əflatun Qubadovun oğlu və qardaşı da torpaqlarımızı geri almaq uğrunda mübarizədə iştirak edir. Bununla bağlı müğənni sosial media hesabında paylaşım edib. O, oğlunun və qardaşının fotosunu paylaşaraq sağ-salamat geri dönmələrini arzu edib. 

Посмотреть эту публикацию в Instagram

Публикация от Əflatun Qubadov (@eflatun_qubadov)

Qeyd edək ki, Əməkdar artist İlkin Əhmədov da bu yaxınlarda hərbi xidmətə yola düşüb.

323
Teqlər:
əsgər, mədəniyyət xadimləri, ön cəbhə, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə (805)
Əlaqədar
Məşhur futbolçudan Azərbaycan xalqına dəstək - "Erməni, təxribatını dayandır"
Azərbaycanın məşhurları Qarabağda döyüşməyə getdilər
Kardi B azərbaycanlılardan üzr istəyib - "Biz araşdırmadıq"
Tovuzun qocaman sakini Şuşa üçün bayraq tikir
Ermənilər öz bayraqlarını Kolumbiyanınkı ilə səhv saldılar
Qoruyucu maskada olan müsəlman kişi cümə namazının başlamasını gözləyir, arxiv şəkli

Kərimov: "Bu, islam dünyası üçün bir təhqirdir"

19
(Yenilənib 18:59 28.10.2020)
Anar Kərimov hesab edir ki, Zəngilandakı məscidin tövlə kimi istifadə edilməsi beynəlxalq təşkilatlar tərəfindən lazımınca pislənəcək.

BAKI, 28 oktyabr — Sputnik. İşğal edilmiş ərazilərimizdəki tarixi abidələrin təyinatının dəyişdirilməsi haqqında faktlar var.

Sputnik Azərbaycan xəbər verir ki, bunu Azərbaycan Mədəniyyət nazirinin birinci müavini, Mədəniyyət nazirinin vəzifələrini icra edən Anar Kərimov deyib.

Onun sözlərinə görə, Zəngilandakı məscid tövlə kimi istifadə edilib:

"Zəngilandakı məscidlə bağlı ürəkağrıdıcı mənzərəni görmüsünüz. O, tövlə kimi istifadə edilib. Bu, beynəlxalq normaların pozulması ilə yanaşı, müsəlman, islam dünyası üçün bir təhqirdir. Bu, vandalizm aktıdır. Ümid edirik ki, beynəlxalq təşkilatlar tərəfindən bu fakt lazımınca pislənəcək və onlara dəyər veriləcək. Biz ümid edirik ki, beynəlxalq təşkilatlar Ermənistanı tarixi abidələri nişan alıb məhv etməsini dayandırmağa çağıracaq".

19
Sənədin imzalanması

Mədəniyyət Nazirliyində islahatlar davam edir

19
Mədəniyyət nazirinin birinci müavini, Mədəniyyət nazirinin vəzifələrini müvəqqəti icra edən Anar Kərimov əmr imzalayıb. Əmrə əsasən yeni kadr təyinatları həyata keçirilib

BAKI, 28 oktyabr — Sputnik. Akif Marifli Mədəniyyət Nazirliyinin Kitab dövriyyəsi və nəşriyyatlarla iş şöbəsinin müdiri vəzifəsinə təyin edilib.

Sputnik Azərbaycan xəbər verir ki, bu barədə Mədəniyyət nazirinin birinci müavini, Mədəniyyət nazirinin vəzifələrini müvəqqəti icra edən Anar Kərimov əmr imzalayıb.

Nazirliyin Kitab dövriyyəsi və nəşriyyatlarla iş şöbəsinin müdiri Aslan Cəfərov isə Xalq yaradıcılığı və mədəni marşrutların inkişafı şöbəsinin müdiri vəzifəsinə təyin edilib.

Anar Kərimovun müvafiq əmrlərinə əsasən Nazirliyin regional mədəniyyət idarələrində də yeni kadr təyinatları həyata keçirilib. Sumqayıt Regional Mədəniyyət İdarəsinin rəisi Mehman Şükürov və Biləsuvar Regional Mədəniyyət İdarəsinin rəisi Elçin Hüseynov tutduqları vəzifələrdən azad ediliblər.

Sumqayıt Regional Mədəniyyət İdarəsinin rəisi vəzifəsinə Rəşad Əliyev təyin edilib.

Biləsuvar Regional Mədəniyyət İdarəsinin rəisi vəzifəsi isə Nazirliyin Regional siyasət şöbəsinin əməkdaşı Əlisultan Sadıxova həvalə edilib.

19
İranın xarici işlər nazirinin müavini Abbas Əraqçi, arxiv şəkli

Abbas Əraqçi: "İran Azərbaycan ərazilərinin işğal olunmasına müxalif olub"

0
(Yenilənib 21:51 28.10.2020)
İran XİN başçısının müavini: Son günlərdə Azərbaycan Ordusunun döyüş meydanında əldə etdiyi qələbələr, işğal olunmuş ərazilərin bir hissəsinin azad edilməsi münasibətilə Sizi təbrik etmək istəyirəm.

BAKI, 28 oktyabr - Sputnik. "Cənab Prezident, mənə vaxt ayırdığınıza görə çox təşəkkür edirəm. Hər şeydən əvvəl bu gün Bərdə şəhərinin raket hücumuna məruz qalması ilə əlaqədar həyatını itirmiş mülki insanlara, dinc insanların ölümünə səbəb olmuş bu hadisə ilə əlaqədar, orada şəhid olmuş insanlarla əlaqədar Sizə, Azərbaycan xalqına, Azərbaycan dövlətinə başsağlığı vermək istəyirəm".

Sputnik Azərbaycan xəbər verir ki, bu fikirləri İran İslam Respublikası Prezidentinin xüsusi nümayəndəsi, Xarici İşlər nazirinin müavini Seyid Abbas Əraqçi Azərbaycan Respublikasının Prezidenti İlham Əliyevlə görüşü zamanı deyib.

"Siz də yaxşı bilirsiniz ki, İran İslam Respublikası elə ilk günlərdən Azərbaycanın ərazilərinin işğal olunmasına müxalif olub və Azərbaycanın ərazi bütövlüyünü dəstəkləyib. Mən özümə borc bilirəm, son günlərdə Azərbaycan Ordusunun döyüş meydanında əldə etdiyi qələbələr, işğal olunmuş ərazilərin bir hissəsinin azad edilməsi münasibətilə Sizi təbrik etmək istəyirəm. Bu yolda öz canını fəda edən bütün şəhidlər qarşısında baş əyirəm. Cənab doktor Həsən Ruhaninin isti salamlarını Sizə çatdırıram" , - Seyid Abbas Əraqçi bildirib.

Prezident İlham Əliyev isə öz növbəsində İran İslam Respublikasının Prezidenti Həsən Ruhaninin salamlarına görə minnətdarlığını bildirib, onun da salamlarını İranın dövlət başçısına çatdırmağı xahiş edib.

0