Sən supersən! layihəsinin iştirakçısı Xanım Əhmədiyeva

Koronavirusun acığına: “Sən supersən!” müsabiqəsinin dördüncü mövsümü başlayır

67
(Yenilənib 00:09 17.09.2020)
Vokal müsabiqənin rəsmi startına sayılı günlər qalıb. Hər seçmə turda keçən mövsümlərin iştirakçılarından biri çıxış edəcək

BAKI, 16 sentyabr — Sputnik, Lev Rıjkov. Bazar günü, sentyabrın 20-də NTV telekanalında Sputnik Beynəlxalq İnformasiya Agentliyi və Radiosunun dəstəyi ilə çətin ailə şəraitində yaşayan istedadlı uşaqlar üçün xüsusi olaraq təşkil olunmuş vokal müsabiqənin yeni mövsümü start götürür.

Yeni simalar və köhnə tanışlar

Bu il müsabiqədə Rusiya, Gürcüstan, Azərbaycan, Qırğızıstan, Belarus, Estoniya, Ukrayna və Moldovadan 58 uşaq iştirak edəcək. İştirakçılar arasında yeni ifaçılarla yanaşı, ötən mövsümlərin finalçıları da olacaq.

Rəsmi starta sayılı günlər qalsa da qızğın iş gedir. Sentyabrın 16-da birbaşa efirdə yeni mövsüm təqdim olunub.

“Mənim üçün “Sən supersən!” həyatımda ən vacib layihələrdəndir, - NTV telekanalının baş prodüseri Timur Vaynşteyn söyləyib. – Bizim layihəmiz böyük bir ailədir. Layihənin nəzdində yaradılmış xeyriyyə fondunun köməyilə istedadlı uşaqlara 8.5 milyon rubl həcmində 45 stipendiya ödənir. Həddi-büluğa çatana qədər iştirakçılarımızı maksimal surətdə dəstəkləyirik”.

Ötən mövsümlərin qalibləri olan Valeri Adleyb və Diana Ankudinovanın arzusu gerçək olub: onlar Moskvada mənzil alıblar. Ötən mövsümün sonunda isə əsl möcüzə baş verib. Biznesmen və mesenat Mixail Qutseriyevin sayəsində 12 finalçının hamısı Rusiya paytaxtında evlə təmin olunub.

Bundan başqa, Timur Vaynşteynin sözlərinə görə, bir çox istedadlı uşaqlar yeni ailələr tapıblar. Məktəbi bitirən iştirakçılar isə sahə üzrə məktəblərdə və prestij ali məktəblərdə təhsil alaraq peşəkar yönümdə inkişaflarını davam etdiriblər. 

“Bu mövsümdə uşaqların necə böyüdüklərini göstərmək istəyirik, - NTV-nin təmsilçisi deyib. – Ona görə də hər bir seçmə proqramda hazırda peşəkar yollarına davam edən bir nəfər məzunumuz, ötən mövsümün iştirakçısı çıxış edəcək. “Sən supersən!” müsabiqəsinin ilk mövsümünədək sosial yönümlü layihələrin şou şəklində, praym-taymda efirə getməsi qəbul olunmamışdı. Ancaq biz dərhal inandıq ki, bu təkcə RF üçün deyil, başqa ölkələr üçün bir hadisəyə çevrilməlidir. Hazırda YouTube-da bizim baxış sayımız 600 milyondan çoxdur, reytinqimiz də əladır”.

Sərhədləri aşaraq

Keçmiş SSRİ-də istedadlı uşaqların axtarışı ilə ənənəvi olaraq Sputnik agentliyi məşğul olur. Bu il karantin məhdudiyyətləri bu işi də çətinləşdirib.

“Axtarışla bağlı çətinlik olmadı, - “Rossiya Seqodnya” BİA-nın ictimaiyyətlə əlaqələr üzrə direktoru Pyotr Lidov-Petrovski deyib. – Sərhədləri keçəndə isə problemlər oldu. Estoniyadan olan qız Finlandiyadan paromla gəldi. Qırğızıstan və Azərbaycandan olan qızlar İstanbuldan təyyarə ilə gəldilər. Gürcüstandan olan qız Şimali Osetiyadan Vladiqafqaza keçərək buraya təyyarə ilə uçdu. Belarusdan olan qız da sərhədi piyada keçdi”.

Hazırda layihə iştirakçıları Moskva yaxınlığındakı istirahət bazasında yaşayırlar. Bu mövsüm onlar üçün əyləncəli tədbirlər ləğv olunub. Ancaq bu onlara müəllimləri ilə daha çox məşğul olmağa imkan yaradacaq.

Müsabiqənin münsiflər heyətinə Diana Arbenina, Aleksey Vorobyov, müğənni Yolka, prodüser və bəstəkar İqor Krutoy kimi ulduzlar daxildir.

Valideyn himayəsindən məhrum olan uşaqlar üçün “Sən supersən!” beynəlxalq vokal layihəsini RF Maarif Nazirliyinin dəstəyilə NTV telekanalı Sputnik Beynəlxalq İnformasiya agentliyi və Radiosu ilə birlikdə keçirir.

 

67
Sinan Akçil

Sinan Akçıldan daha bir dəstək - "Daim yaşa, Azərbaycan" adlı mahnı bəstələyib

86
Sinan Akçıl və Səidə Quliyevanın "Daim yaşa, Azərbaycan" klipi artıq "Youtube" şəbəkəsində ön sıralardadır.

BAKI, 24 oktyabr — Sputnik. Ermənistan silahlı qüvvələri sentyabrın 27-də təxribata əl atdıqdan sonra Azərbaycanın dinc yaşayış məntəqələrini atəşə tutmağa davam edir. Sputnik Azərbaycan xəbər verir ki, son günlər davam edən müharibəyə qardaş Türkiyənin məşhur sənət adamları da dəstək veriblər.

Müğənni-bəstəkar Sinan Akçıl Qarbağda baş verən hadisələrdən təsirlənərək "Daim yaşa, Azərbaycan" adlı mahnı bəstələyib. Məşhur həmin mahnını azərbaycanlı müğənni Səidə Quliyeva ilə birlikdə oxuyub. Sinan Akçıl və Səidə Quliyevanın "Daim yaşa, Azərbaycan" klipi artıq "Youtube"da ön sıralardadır.

Qeyd edək ki, Sinan Akçıl Qarabağla və Gəncədə baş vermiş terror hadisəsi ilə bağlı dəfələrlə paylaşımlar edib.

86
İbrahim Tatlısəs, arxiv şəkli

İbrahim Tatlısəsdən kövrək addım: "Ölənədək yanındayıq, AZƏRBAYCAN!"

27
(Yenilənib 16:50 23.10.2020)
Müğənni özünün "Instagram" səhifəsində Azərbaycana dəstək ifadə edən "İki millət, bir dövlət! Türk milləti olaraq ölənədək yanındayıq, AZƏRBAYCAN!" adlı video paylaşıb.

BAKI, 23 oktyabr — Sputnik. Ermənistan silahlı qüvvələri sentyabrın 27-də təxribata əl atdıqdan sonra Azərbaycanın dinc yaşayış məntəqələrini atəşə tutmağa davam edir. Sputnik Azərbaycan xəbər verir ki, son günlər davam edən müharibəyə qardaş Türkiyənin məşhur sənət adamları da dəstək veriblər.

Посмотреть эту публикацию в Instagram

İki Millet TEK Devlet TÜRK Milleti Olarak Ölümüne Yanındayız AZERBAYCAN !

Публикация от İBRAHİM TATLISES (@ibrahimtatlises)

Bu dəfə türk musiqisinin imperatoru İbrahim Tatlısəs Azərbaycana dəstəyini nümayiş etdirib. Belə ki, Türkiyənin məşhur müğənnisi özünün "Instagram" səhifəsində Azərbaycana dəstək ifadə edən "İki millət, bir dövlət! Türk milləti olaraq ölənədək yanındayıq, AZƏRBAYCAN!" adlı video paylaşıb.

27

Prezidentin köməkçisi Ermənistanın müdafiə nazirini ifşa etdi

0
(Yenilənib 11:22 26.10.2020)
Ermənistan müdafiə nazirinin yanında Azərbaycan Respublikası Dövlət Sərhəd Xidmətinin hərbi geyimində olan erməni əsgərlərin oturması Ermənistan müdafiə nazirliyinin rəhbərliyi altında bu kimi Bollivud tipli saxta filmlərin çəkilməsi faktını sübut edir

Eldar Tanrıverdiyev, Sputnik Azərbaycan

BAKI, 26 oktyabr — Sputnik. Ermənistan müdafiə nazirliyi tərəfindən Ermənistan müdafiə nazirinin erməni əsgərlərlə fotosu yayılmışdır. Fotoda Ermənistan müdafiə nazirinin yanında əyləşən ayaqyalın erməni əsgərin hərbi geyimi Azərbaycan Respublikası Dövlət Sərhəd Xidmətinin hərbi geyimi ilə eynilik təşkil etməsi ciddi şübhələr doğurmuşdur. Bir neçə dəqiqədən sonra Ermənistan müdafiə nazirliyinin mətbuat xidməti tərəfindən həmin fotoşəkillər rəsmi ünvanlardan silinmişdir.

Sputnik Azərbaycan xəbər verir ki, bunu Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.

Hikmət Hacıyev bildirib ki, həmçinin, xarici kütləvi informasiya vasitələrində kəşfiyyat məlumatlarına istinadən Azərbaycanın işğal olunmuş Şuşa şəhərinə PKK terrorçularının yerləşdirilməsi və onlara Azərbaycan silahlı qüvvələrinin hərbi geyimlərinin geyindirilməsi barədə ciddi xəbərlər öz əksini tapıb:

"Xatırlatmaq istərdik ki, bir müddət əvvəl Ermənistan tərəfindən tamamilə qeyri-peşəkar formada Azərbaycan Respublikası Dövlət Sərhəd Xidmətinin hərbi geyimlərində olan əcnəbi muzdlular haqqında saxta video hazırlanmış və bu guya Azərbaycan tərəfdə muzdluların vuruşması kimi qələmə verilmişdi. Təəssüflə qeyd etməliyik ki, faktı yoxlamadan bəzi nüfuzlu media qurumları bu saxta məlumata istinad etmişdilər.

Ermənistan müdafiə nazirinin yanında Azərbaycan Respublikası Dövlət Sərhəd Xidmətinin hərbi geyimində olan erməni əsgərlərin oturması Ermənistan müdafiə nazirliyinin rəhbərliyi altında bu kimi Bollivud tipli saxta filmlərin çəkilməsi faktını sübut edir.

Hadrut rayonu ərazisində guya iki nəfər erməni hərbi əsirin öldürülməsinin səhnələşdirilməsi də Ermənistan müdafiə nazirliyi və ona tabe strukturların zəngin yaradıcılıq qabiliyyətinin nəticəsidir. Ciddi araşdırma aparmadan BBC-nin onlayn resursunda erməni əsilli müəllifin dili ilə bu saxta fakta yer ayrılması ciddi təəssüf doğurur.

Ermənistan rəhbərliyinin və kriminal xunta rejiminin hər hansı mənəvi-etik məhdudiyyətləri yoxdur. Ermənistan tərəfi PKK terrorçularına və Ermənistan əsgərlərinə Azərbaycan silahlı qüvvələrinin hərbi geyimlərini geyindirərək onlar tərəfindən mülki erməni əhaliyə qarşı hərbi cinayətlərin törədilməsini təşkil edə və sonradan bütün propaqanda resurslarını cəlb edərək məsuliyyəti Azərbaycanın üzərinə atmağa da cəhd göstərə bilər. Döyüş şəraitində məhv edilən və Azərbaycan silahlı qüvvələrinin hərbi formasi geyindirilmiş PKK terrorçularını isə guya Azərbaycan tərəfdən vuruşan muzdlular kimi təqdim edə bilər.

1988-ci ildə SSRİ DTX-nın dəstəyi ilə Ermənistan xüsusi xidmət orqanlarının Sumqayıtda erməni kriminal Eduard Qriqoryanın rəhbərliyi altında mülki erməni əhalisinə qarşı poqromların təşkil edilməsi və sonradan buna görə Azərbaycanın günahlandırılması faktını çox yaxşı xatırlayırıq.

Azərbaycanın işğal olunmuş ərazilərində yaşayan mülki erməni əhalisini Ermənistan silahlı qüvvələrinin və kriminal xunta rejiminin bu kimi potensial təxribatlarına qarşı ayıq-sayıq olmağa, hərbi obyektlərdən kənar durmağa çağırırıq.

Ali Baş Komandan, Prezident İlham Əliyev tərəfindən qeyd olunduğu kimi, Azərbaycanın mülki erməni əhalisi ilə heç bir işi yoxdur.

Azərbaycan silahlı qüvvələrinin nəzarətində olan ərazilərə keçmək istəyən mülki əhaliyə və erməni hərbçilərə humanizm prinsipləri və Cenevrə konvensiyaları əsasında bütün zəruri humanitar dəstək göstərməyə hazırıq".

0
Teqlər:
Hikmət Hacıyev, ifşa, yalan, Ermənistan Müdafiə Nazirliyi, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Azərbaycan Ordusu atəşkəs rejiminə tam riayət edir - MN
Rəsmi Bakı: "Üçüncü dəfədir ki, Ermənistan atəşkəs rejimini açıq şəkildə pozur"
Laçının Səfiyan kəndindəki bölmələrimiz artilleriya atəşinə tutulub
Ermənistan dinc sakinlərimizi yenidən atəşə tutub
Tural Gəncəliyev erməni icmasına müraciət etdi