Buker mükafatı

Buker mükafatının qısa siyahısı elan olunub

7
(Yenilənib 19:26 16.09.2020)
Mükafatın finalçıları 2.5 min funt-sterlinq əldə edəcək, bundan başqa kitabları xüsusi tirajla çap ediləcək. Qalib isə 50 min funt-sterlinq qazanacaq

BAKI, 16 sentyabr — Sputnik. Buker mükafatının qısa siyahısı elan olunub. Sputnik Azərbaycan-ın "RİA Novosti"yə istinadən verdiyi xəbərə görə, qısa siyahıya amerikalı yazıçılar Dayan Kuk, Avni Doşi və Brendon Teylor, Zimbabvedən olan Sisi Danqarembqa, Efiopiya-Amerika yazıçısı Maaza Menqiste və Amerika-Şotlandiya yazıçısı Duqlas Stüartın əsərləri daxildir.

İki dəfə Buker mükafatının sahibi olmuş ingilis yazıçı Hilari Mentel bu dəfə qısa siyahıya düşməyib. Qalibin adı noyabrın 17-də açıqlanacaq.

Mükafatın finalçıları 2.5 min funt-sterlinq əldə edəcək, bundan başqa kitabları xüsusi tirajla çap ediləcək. Qalib isə 50 min funt-sterlinq qazanacaq.

Qeyd edək ki, Buker mükafatı 1968-ci ildə təsis olunub və 1969-cu ildən təqdim edilir. 2014-cü ilə qədər mükafatın laureatları yalnız Böyük Britaniya, İrlandiya və Millətlər Birliyi ölkələri arasından seçilirdi. 2014-cü ildən isə qaydalarda dəyişikliklər edilib. Artıq ingilis dilində yazılmış və mükafatın təqdim edildiyi il Böyük Britaniyada olan rəsmi nəşriyyat tərəfindən nəşr edilmiş istənilən romanın müəllifi namizədliyini irəli sürə bilər. Mükafatın ilk sahibi "Buna görə cavab vermək lazım gələcək" əsəri ilə Persi Hovard Nyubi olub. Müxtəlif illərdə Buker mükafatının qalibləri sırasında Ayris Merdok, Kazuo İşuquro, Uilyam Qoldinq kimi yazıçılar yer alıblar. Ötən ilin qalibləri isə kanadalı Marqaret Etvud və britaniyalı Bernardin Evaristo olublar.

7
Teqlər:
mədəniyyət, kitab
Əlaqədar
“Uyğunsuz axşam” uğur gətirdi – 120 əsər arasında ən yaxşısı
"Tıq-tıq xanım"ın yaradıcısı almanlara "Rezin xoruz"u təqdim elədi
“Əsas instinkt”in ulduzu bütün sirlərini açacaq
Coğrafiya müəlliminin pencəyinin sorağı Türkiyədən gəldi
Azərbaycan bayrağı

Məşhur türk sənətkarının ifasında "Qarabağ türküsü" səsləndirildi

52
(Yenilənib 12:02 21.10.2020)
Mahnı Azərbaycan Ordusunun göstərdiyi sücaətlərdən, işğaldan azad olunan torpaqlarımızdan bəhs edir.

BAKI, 21 oktyabr — Sputnik. Son günlər Azərbaycan Ordusunun aparığı uğurlu əməliyyatları nəticəsində Cəbrayıl, Fizuli və Zəngilan şəhərləri və bir sıra kəndlərimizin işğaldan azad olunması xəbəri Azərbaycan xalqı ilə yanaşı, qardaş Türkiyə xalqını da sevindirib. Azərbaycana dəstək məqsədilə Türkiyənin ən məşhur bölgələri Azərbaycan bayrağına bürünüb.

Bundan başqa qardaş ölkənin sənət adamları da ölkəmizə dəstək olublar. Bu dəfə bu axına Türkiyənin məşhur saz ifaçısı, müğənni Əsəd Kabaklı da qoşulub. Sputnik Azərbaycan xəbər verir ki, məşhur ozan Qarabağda davam edən vətən savaşı üçün mahnı ifa edib. Mahnı Azərbaycan Ordusunun göstərdiyi sücaətlərdən, işğaldan azad olunan torpaqlarımızdan bəhs edir. Sözügedən mahnının sözləri İntiqam Yaşar, musiqisi isə Əziz Əlibəyliyə məxsusdur.

52
Mövzu:
Azərbaycan və Ermənistan arasında müharibə
Ceyla Seyidova, arxiv şəkli

"Sarı gəlin"dən xəbər var

255
(Yenilənib 11:49 19.10.2020)
Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb.

BAKI, 19 oktyabr — Sputnik. Ermənilərin uzun illər özününkiləşdirmək istədiyi Azərbaycanın xalq mahnısı "Sarı gəlin" yeni balet versiyasında təqdim olunub.

Посмотреть эту публикацию в Instagram

Публикация от ALOV Club (@alovclub)

Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. "Sarı Gəlin" musiqisinin ilk balet versiyasının klipi "ALOV Club"un "Instagram" səhifəsində yayımlanıb: "Müstəqillik günü münasibətilə xalqımızı təbrik edirik! Ölkə üçün çətin bir zamanda ruhdan düşməməyinizi diləyirik".

https://www.instagram.com/p/CGejOZhjSyT/?utm_source=ig_web_copy_link

255
Əlaqədar
Azərbaycanlı aşıq "Sarı gəlin"i niyə ermənilərlə birlikdə oxuduğuna aydınlıq gətirdi
Bakıda “Sarı gəlin” oxuyan italiyalı əfsanəvi müğənni
Eyfel qülləsində "Sarı gəlin" səsləndirildi
Moldovanın Xalq artistinin ifasında “Sarı Gəlin”
Misirlilər azərbaycanlı qızın ifasında "Sarı gəlin"ə valeh oldu
Polis əməkdaşları, arxiv şəkli

Daxili İşlər Nazirliyi əhaliyə xəbərdarlıq etdi

0
"Xatırladırıq ki, bilərəkdən yalan məlumatlar verməklə insanlar arasında təşvişə və süni ajiotaja səbəb olacaq hərəkətlərə yol verən şəxslər barəsində ən ciddi məsuliyyət tədbirləri görüləcək".

BAKI, 21 oktyabr — Sputnik. Vətəndaşlar tərəfindən daxili işlər orqanlarına edilən bütün müraciətlər operativ şəkildə araşdırılır və nəticəsindən asılı olaraq müvafiq tədbirlər görülür.

Sputnik Azərbaycan xəbər verir ki, bu barədə Daxili İşlər Nazirliyinin Mətbuat Xidmətinin məlumatında deyilir.

"Əhalinin nəzərinə bir daha çatdırırıq ki, qanunvericiliyə uyğun olaraq təhlükəsizlik tələblərinin pozulması, insanların həyatına və sağlamlığına, ictimai asayişə təhlükə yarada biləcək və ya terror şübhəsi halları ilə bağlı dərhal Daxili İşlər Nazirliyinin "102" Xidməti Zəng mərkəzinə məlumat verilməlidir", - deyə məlumatda bildirilir.

Nazirliyinin məlumatında həmçinin qeyd olunur: "Bununla yanaşı, xatırladırıq ki, bilərəkdən yalan məlumatlar verməklə insanlar arasında təşvişə və süni ajiotaja səbəb olacaq hərəkətlərə yol verən şəxslər barəsində ən ciddi məsuliyyət tədbirləri görüləcək".

0