Afaq Yusifli, arxiv şəkli

Tənqidə görə boğazından halva, paxlava keçməyən xanım rejissor

1075
(Yenilənib 04:35 13.09.2020)
"Facebook"da gördüm ki, mənim filmim qalib gəlib, təkrar-təkrar oxudum ki, bu doğrudan mənim filmimdir qalib gələn?"

Şahpəri Abbasova, Sputnik Azərbaycan

BAKI, 12 sentyabr — Sputnik. Afaq Yusifli - Azərbaycan Kinematoqrafçılar İttifaqının Kino Məktəbinin tələbəsi, gənc rejissor. Hələ uşaq yaşlarından incəsənətə - xüsusən də rejissorluğa marağı olan gənc xanım valideynlərinin istəyi ilə Slavyan Universitetinin ingilis dili filologiya daxil olub. Oranı bitirdikdən sonra, öz arzularının arxasınca getməyə qərar verən gənc, cəsarətli xanım qazandığı uğurlardan Sputnik Azərbaycan-a danışıb:

"2015-ci ildə Universiteti bitirdikdən sonra fərqli təqaüdlərə müraciət edirdim. Xaricdə rejissorluq üzrə magistr oxumaq istəyirdim. Orada əsas səbəb kimi mənim bakalavr ixtisasımın rejissor olmaması, bu sahəni yeni-yeni öyrənməyim və s. səbəb kimi göstərilirdi. Bir neçə il uğursuz addımdan sonra özümə dedim ki, mənim əsas məqsədim camaatın "Afaq xaricdə təhsil alıb" deməsi deyil .Mənim əsas məqsədim odur ki, mən rejissorluğu öyrənim, əsas məqsədim rejissor olmaqdır".

Gənc rejissor xanım ən böyük arzusunu həyata keçirmək üçün durmadan çalışıb: "Fikirləşdim ki, bu yolla alınmırsa, onda digər yolları seçməliyəm. Beləliklə, mən başladım istər dünyada, istərsə də Azərbaycanda təşkil olunan layihələrə qoşulmağa. 2016-cı ildə Daşkəsəndə yaradıcılıq emalatxanasında rejissor qrupunda oldum. Bundan əlavə, harada festival, tədbir olurdusa çalışırdım orada iştirak edim. 2019-cu ilin dekabrında Gürcüstanda beynəlxalq film tədbirinə getdim. "İdeyanın sənədli film ssenarisinə keçirilməsi" mövzusunda konfransda iştirak etdim. Ondan sonra keçən il bir çox festivalların təşkilat komandasında işlədim. Başadım rejissorluqla bağlı çoxlu kitablar oxumağa. 2019-cu ildə Azərbaycan Kinematoqrafçılar İttifaqının Kino Məktəbinə daxil oldum. Mən özümü sənədli filmlər rejissoru kimi inkişaf etdirmək istəyirəm. Bunun üçün xarici ölkədə təhsil almaq istəyirəm. Çünki, Azərbaycan Dövlət Mədəniyyət və İncəsənət Univeristeti bu sahə üzrə təhsil vermir. Bu sahə üzrə xeyli kitab oxumuşam, amma təhsil vacibdir. Bu, mənim ən ümdə olan arzularımdandır".

Hələ bu sənətdən bixəbər olan xanım ilk addımlarını atmağa başlayır. Atdığı ilk addım uğurlu olur: "İlk dəfə 2016-cı ildə bir qızla film çəkdim. Bilmirdim ki, aktyorla necə davranmaq lazımdır? Ömrümüm ən gözəl təcrübəsi idi. Daşkəsəndə təşkil olunan yay məktəbində xeyli rejissor var idi. Onlar da öz filmlərini təqdim etdilər. Həmin filmə görə 2 diplom aldım – "ən yaxşı rejissor" və "ən yaxşı ssenari" mükafatını qazandım. Ora gələn iştirakçılardan bəziləri rejissor ixtisasını bitirmişdilər. Mən o ixtisasda təhsil almamağıma rəğmən, 2 diplom aldım. Həmin həyəcanı heç unutmuram. Zəng edib anama dedim ki, "ana, bilirsən, mən "ən yaxşı film" mükafatını mən qazanmışam". Elə bil "Oskar" qazanmışdım.

"Son qəpiyimi də verib rejissorluğa aid kitab alıb oxuyuram. İlk illərdə festivallarda könüllü işləmişəm. Könüllü olaraq tərcüməçi işləmişəm. Ən son keçən il artıq festivalların əsas tərkibinə keçdim. Ona qədər mən həmişə axtarışda olmuşam"- o əlavə edib.

Tərcüməçilikdən imtina edib özünə yeni bir cığır açmağa çalışan Afaqın bu fikri onun yaxınları arasında heç də birmənalı qarşılanmayıb: "Qohum-əqrabam həmişə buna görə məni qınayırlar. Rejissor sənətini avara, mənasız bir sənət kimi görürdülər. Çünki, baxırlar efirlərə, elə bilirlər bütün incəsənət aləmi televizorda gördükləri insanlardan ibarətdir. Və mən də onlar kimi olacam. Bu da onlara başıaşağılıq gətirəcək".

"Bir dəfə qohumlarımgilə yasa getmişdim. Qohumum halvayla çay təklif etdi. Elə halvanı ağzıma almışdım, qayıtdı ki, "gül kimi ixtisasın var idi, indi səni kim alacaq?" Halva qaldı boğazımda. Xoşbəxtlikdən o qadının qızı məni dəstəklədi. Dedi "hərənin bir qisməti, arzusu var. Əl çəkin qızdan". Ümumiyyətlə bizdə belə bir adət var. "İşin necədir?" sualına gərək cavab verəsən ki, "saat 9-dan axşam 6-a qədər iş rejimim var, əmək kitabçam var". Bunu deməyəndə başlayırlar səni atəşə tutmağa" - deyə Afaq Yusifli bildirdi.

Qohumları arasında ona inananlar, onu dəstəklənlər də olub: "Bir dəfə də ssenari yazmışdım. Həmin ssenarini həkim qohumuma oxutdurmaq üçün onlara getmişdim. Evin xanımı paxlava ilə çay təklif etdi. Başladı ki, "bax sən müəllim olacaqdın. Səhər gedib, günorta saat 2-də evəd olacaqdın. Əlin düz, ayağın düz. Maaşını alıb oturacaqdın. Nə var mütrif kimi düşmüsən ortalığa? Səni hansı oğlana verəcək? Hansı oğlan səni bəyənəcək? Bu dəfə də paxlava qaldı boğazımda. Həkim qohumum məni dəstəklədi ki, "qızla işin olmasın, gül kimi peşədi. Əksinə, indi sən görərsən, bu qız kitab da yazacaq. Filmlər çəkəcək". Sağ olsun mənə kömək etdi".

Yaxınları arasında diskriminativ münasibət görən Afaq yorulmadan davam edir. Amma sonralar qazandığı uğurlar nəticəsində yaxınları arasında olan diskriminasiya aradan qalxıb: "Mənim yaratdığım foto portretləri gördülər. Bundan da əlavə layihəsi "CineDoc-Tbilisi" film festivalı çərçivəsində müsabiqənin qaliblərindən oldum. Ondan sonra gördülər ki, rejissorluq heç də telekanallarda gördükləri deyil, bu, çox böyük sənətdir".

Rejissor qeyd edir ki, gənc bir rejissor olaraq peşəkar insanların qarşısında öz şəxsi hekayəli sənədli filmini təqdim etmək əsl şans idi və əlindən gələnin ən yaxşısını edə bilmək üçün layihəyə çox məsuliyyətlə yanaşıb ki, bu da sadəcə qalibiyyətini nümayiş etdirmək üçün yox, həm də onlardan məsləhət alaraq filmin davamını çəkmək idi: "Cənubi Qafqazda sənədli filmlərə həsr olunmuş ilk beynəlxalq festivalı olan "CineDoc-Tbilisi" mövcud vəziyyətə görə, onlayn oldu. Daha sonra layihənin piçinq proqramı başladı. Piçinq proqramı nədir? Hamı onlayn daxil olub, Zaqafqaziyadan olan rejissorlar öz filmlərini təqdim edirdi. Orada bir neçə nominasiya var idi. Münsiflər heyəti filmlərə baxıb, qalibəri təyin edirdilər. Mənim qazandığım mükafat ən əsas mükafatlardan biri idi. "Yeni Qafqaz İstedadlar" proqramının mükafatını qazandım. "Facebook"da gördüm ki, mənim filmim qalib gəlib, həmin an təkrar-təkrar oxudum ki, bu doğrudan mənim filmimdir qalib gələn?"

Qeyd edək ki, "Nəvə" adlandırılan sənədli filmin əsas qəhrəmanları rejissorun özü, yaşlı nənə və babasıdır. Mövzuya əsasən, nənə və babası ilə yaşayan, artıq bir-birinə qəribə bir mənəvi bağlarla bağlanan ailə tablosunda, günlərin birində nəvənin aldığı qərar konfliktə səbəb olur. Qayğıya ehtiyacları olan, meyillərini nəvəyə salan yaşlı insanlarla, karyeraya uğrunda mübarizə aparmaq arasında qalan nəvənin hansı qərarı verəcəyi və bu qərarın 3 nəfərə necə təsir edəcəyi filmin əsas mövzsunu təşkil edir. Rejissor onu da qeyd edir ki, film material olaraq hələ tam hazır deyil, çünki yaşanılacaq hələ çox məqamlar var və kamera bunları olduğu kimi qeydə almalıdır. Filmin davamı yaxın vaxtlarda çəkiləcək.

1075
Xudafərin körpüsü, arxiv şəkli

Xudafərin körpüsünün dünyada tanınması ilə bağlı əhəmiyyətli addım atılacaq

34
(Yenilənib 17:36 21.10.2020)
Məşhur abidə UNESCO-nun Dünya Mədəni İrs Siyahısına salınması məqsədilə tədbirlər həyata keçiriləcək

BAKI, 21 oktyabr — Sputnik. Müstəsna universal dəyəri, təkrarolunmaz landşaftı, yüksək memarlıq-mühəndis həlli, eləcə də iki ölkə ərazisində yerləşdiyi nəzərə alınaraq Xudafərin körpülərinin UNESCO-nun Dünya Mədəni İrs Siyahısına salınması məqsədilə Azərbaycan Respublikası İran İslam Respublikası ilə birgə tədbirlərin həyata keçirilməsini nəzərdə tutur.

Sputnik Azərbaycan xəbər verir ki, bu barədə Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti bəyanat verib.

Tikilmə tarixinə görə dövrünün möhtəşəm mühəndis qurğularından olan Xudafərin körpüləri Azərbaycan Respublikası ilə İran İslam Respublikasının dövlət sərhədində yerləşən möhtəşəm tarixi abidədir.

Xudafərin körpüləri Araz çayının şimal və cənub sahillərini birləşdirir. Tarixi İpək yolunun üzərində yerləşən 11 tağlı körpü XI-XII əsrlərdə, 15 tağlı körpü isə XIII əsrdə inşa olunub. Azərbaycan memarlığının unikal abidələrindən olan Xudafərin körpüləri Yaxın və Orta Şərq regionunun ən əzəmətli, ən məşhur körpülərindən hesab olunur. Xudafərin körpüləri Böyük İpək Yolunun inkişafında mühüm rol oynamış və hərbi-strateji cəhətdən də müstəsna əhəmiyyətə malik olub.

15 aşırımlı körpünün antik dövrdə inşa edilmiş digər bir körpünün dayaqları üzərində tikildiyi ehtimal edilir. Coğrafi mövqeyinin əlverişli olması, yəni sahillərinin sal qayalarla əhatələnməsi burada körpünün tikilməsinə şərait yaradıb. Körpünün tağları bişmiş kərpicdən yığılsa da, doldurucu kimi çay daşından istifadə edilib. 15 aşırımlı körpüdən 750 metr aralıda yerləşən 11 aşırımlı körpünün tikinti materialı kimi yonulmuş sal qaya daşlarından istifadə edilib.

Qeyd edək ki, 1993-cü ildə Cəbrayıl rayonu Ermənistan Respublikası silahlı qüvvələri tərəfindən işğal edildikdən sonra Xudafərin körpüləri dağıntılara məruz qalıb. Cari il oktyabrın 18-də rəşadətli Azərbaycan Ordusu 1993-cü ildə Ermənistan Respublikasının silahlı qüvvələri tərəfindən işğal edilmiş Cəbrayıl rayonunun ərazisində yerləşən dünya əhəmiyyətli tarix-memarlıq abidəsi olan Xudafərin körpülərini işğaldan azad edib. Xudafərin körpülərinin üzərində 27 ildən sonra yenidən Azərbaycan Respublikasının üçgəngli bayrağı ucaldılıb.

34
Əlaqədar
İlham Əliyev: Xudafərin körpüsünün üzərində Azərbaycan bayrağı qaldırıldı
Mədəniyyət Nazirliyi tərəfindən beynəlxalq təşkilatlara müraciət ünvanlanıb
Həm Azərbaycanın, həm də İranın arzusu reallaşır - "Xudafərin" hidroqovşağından şad xəbər
Ermənistan Xudafərin istiqamətində əməliyyat keçirməyə qadir deyil - MN
MN: Ermənilər qorxularından Xudafərinlə bağlı cəfəngiyyat yayırlar
Azərbaycan bayrağı

Məşhur türk sənətkarının ifasında "Qarabağ türküsü" səsləndirildi

52
(Yenilənib 12:02 21.10.2020)
Mahnı Azərbaycan Ordusunun göstərdiyi sücaətlərdən, işğaldan azad olunan torpaqlarımızdan bəhs edir.

BAKI, 21 oktyabr — Sputnik. Son günlər Azərbaycan Ordusunun aparığı uğurlu əməliyyatları nəticəsində Cəbrayıl, Fizuli və Zəngilan şəhərləri və bir sıra kəndlərimizin işğaldan azad olunması xəbəri Azərbaycan xalqı ilə yanaşı, qardaş Türkiyə xalqını da sevindirib. Azərbaycana dəstək məqsədilə Türkiyənin ən məşhur bölgələri Azərbaycan bayrağına bürünüb.

Bundan başqa qardaş ölkənin sənət adamları da ölkəmizə dəstək olublar. Bu dəfə bu axına Türkiyənin məşhur saz ifaçısı, müğənni Əsəd Kabaklı da qoşulub. Sputnik Azərbaycan xəbər verir ki, məşhur ozan Qarabağda davam edən vətən savaşı üçün mahnı ifa edib. Mahnı Azərbaycan Ordusunun göstərdiyi sücaətlərdən, işğaldan azad olunan torpaqlarımızdan bəhs edir. Sözügedən mahnının sözləri İntiqam Yaşar, musiqisi isə Əziz Əlibəyliyə məxsusdur.

52
Mövzu:
Azərbaycan və Ermənistan arasında müharibə
Qarabağ klubunun futbolçuları, arxiv şəkli

"Qarabağ" qardaş Türkiyəni seçdi

0
(Yenilənib 17:48 21.10.2020)
Azərbaycanın "Qarabağ" futbol klubunun rəhbərliyi Avropa Liqasının qrup mərhələsinin ev oyunlarının neytral ərazidə keçirilməsi ilə bağlı qərarından apelyasiya şikayəti verib.

BAKI, 21 oktyabr — Sputnik. Azərbaycanın "Qarabağ" futbol klubunun rəhbərliyi Avropa Liqasının qrup mərhələsinin ev oyunlarını keçirmək istədiyi ölkənin adını açıqlayıb.

Sputnik Azərbaycan "Report"a istinadən xəbər verir ki, Avropa Futbol Assosiasiyaları İttifaqının (UEFA) İcraiyyə Komitəsi dünən Azərbaycan və Ermənistanın Dağlıq Qarabağdakı hərbi əməliyyatlarla əlaqədar ölkələrində UEFA-nın himayəsi altında ev oyunlarının keçirilməsinə qadağa qoyulması barədə qərar qəbul edib.

"Qarabağ" klubunun direktoru Emrah Çelikel bəyan edib ki, bu halda komandası ev oyunlarını qardaş Türkiyədə keçirmək istəyir.

"İndi üç neytral ərazi var – Kipr, Macarıstan və Polşa, ancaq bizim alternativ seçim təklif etmək imkanımız var. Avropa Liqasının qrup mərhələsindəki rəqiblərimizi Türkiyənin şəhərlərindən birində qəbul etmək istəyirik", – deyə E.Çelikel bildirib.

Komandanın bu seçimini əsaslandıran klub direktoru qeyd edib ki, Avropa İttifaqı ərazisindəki oyunlar üçün futbolçulara viza almaq lazım gəlir, bu prosedur isə xeyli vaxt tələb edir. Türkiyə ilə Azərbaycan arasında vizasız-gediş gəliş sistemi qüvvədə olduğundan, oyun qardaş ölkənin stadionlarından birində keçirilsə, sənədləşmə işlərinə əlavə vaxt lazım gəlməyəcək.

E.Çelikel klubun UEFA İcraiyyə Komitəsinin qərarından apelyasiya şikayəti verəcəyini də vurğulayaraq bildirib ki, Avropa kuboku oyunlarının Bakıda keçirilməsinə heç bir təhdid yoxdur.

Qeyd edək ki, "Qarabağ" klubu oktyabrın 22-də Avropa Liqasının qrup mərhələsi çərçivəsində ilk oyununu Tel-Əvivdə yerli "Makkabi" klubuna qarşı keçirəcək. Bir həftə sonra isə futbolçularımız Bakıda İspaniyanın "Villarreal" komandasını qəbul etməli idi.

0
Teqlər:
qrup mərhələsi, Avropa Liqası, Türkiyə, Qarabağ futbol klubu
Əlaqədar
UEFA rəhbərliyi Bakının AVRO-2020 siyahısından çıxarılacağını istisna etmir
Yaşıl sahənin adamı: "Gün gələcək, Şuşada Avropa çempionatı keçirəcəyik"
Dünya futbolunun türk ulduzu Azərbaycana dəstəyini ifadə etdi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"