Türkiyəli müğənni Hadisə

Hadisə Azərbaycandan olan izləyicilərinə təşəkkür edib - VİDEO

201
(Yenilənib 19:38 05.09.2020)
Müğənni bütün dünyanı əhatə edən YouTube-un "worldwide" səhifəsində 59-cu sıradan 25-ci sıraya yüksəlib

Şahpəri Abbasova, Sputnik Azərbaycan

BAKI, 5 sentyabr — Sputnik. Türkiyəli müğənni Hadisənin yeni "Kiçik bir yol" mahnısı YouTube portalında 15 saat ərzində 2 milyon baxış sayı toplayıb. Sputnik Azərbaycan xəbər verir ki, mahnı portalın "Türkiyə trendləri" səhifəsində 1-ci yerə çıxıb. Müğənni bütün dünyanı əhatə edən YouTube-un "worldwide" səhifəsində 59-cu sıradan 25-ci sıraya yüksəlib.

Hadisə "Instagram" səhifəsində pərəstişkarlarına təşəkkür edib: "Klipimiz Türkiyə səhifəsində 1-cidir. Avtsraliya, Azərbaycan, Almaniya, Kipr, Bolqarıstan, Fransa, İtaliya, Belçika və bir çox ölkələrdən izləyən izləyicilərimizə təşəkkür edirəm".

Qeyd edək ki, hal-hazırda klipin baxış sayı 36 milyonu keçib.

 

201
Əlaqədar
Məşhur cütlük ayrıldı, evlərini satışa çıxardılar
Maşın vuran türk müğənninin evi yandı
Fransanı heyran qoyan azərbaycanlı müğənni yeni klipini təqdim etdi
İbrahim Tatlısəs ekranlara qayıdır
Kişi müğənni Rihannanı təqlid etdi - VİDEO
Azərbaycan hərbçiləri, arxiv şəkli

Müharibədə şəhid olmuş yaralanmış mədəniyyət işçilərinin ailələrinə yardım göstərilib

0
(Yenilənib 11:25 22.01.2021)
Müharibədə 10 nəfər mədəniyyət işçisi yaralanıb, ümumilikdə 162 nəfər mədəniyyət işçisinin yaxın qohumu şəhid olub.

BAKI, 22 yanvar — Sputnik. Vətən müharibəsi zamanı mədəniyyət müəssisələrində çalışan insanlar da könüllü ordu sıralarına yazılıb və onlardan 65 nəfəri səfərbərliyə cəlb olunub.

Sputnik Azərbaycan xəbər verir ki, tarixi zəfərlə başa çatan müharibədə 8 nəfər mədəniyyət işçisi şəhidlik zirvəsinə ucalıb. Müharibədə 10 nəfər mədəniyyət işçisi yaralanıb, ümumilikdə 162 nəfər mədəniyyət işçisinin yaxın qohumu şəhid olub. Ölkəmizin ərazi bütövlüyü uğrunda gedən döyüşlərdə şəhidlik zirvəsinə yüksəlmiş və yaralanmış mədəniyyət işçilərinin ailələrinə Mədəniyyət Nazirliyi və nazirliyin Həmkarlar İttifaqı tərəfindən maddi yardım göstərilib.

Şəhid ailələri və qazilərə qayğı bundan sonra da diqqətdə saxlanılacaq, bu istiqamətdə nazirlik tərəfindən layihə və tədbirlər həyata keçiriləcək.

0
Teqlər:
mədəniyyət xadimləri, müharibə, Qarabağ
Min bir gecə baleti, arxiv şəkli

Sankt-Peterburqda ilk dəfə "Min bir gecə" baleti nümayiş olunub

25
15-22 yanvar tarixində gerçəkləşən səfər proqramında P.Çaykovskinin "Yatmış gözəl", A.Adanın "Korsar" baletleri ilə bərabər Fikrət Əmirovun "Min bir gecə" əsəri əsas yer tutur.

BAKI, 21 yanvar — Sputnik. Sankt-Peterburqun dünya şöhrətli Mariinski Teatrında dahi bəstəkar Fikrət Əmirovun "Min bir gecə" baletinin dörd gün ərzində uğurlu ifası baş tutub.

Sputnik Azərbaycan xəbər verir ki, tamaşalar Mariinski Teatrının Primorski filialının Sankt-Peterburqa qastrol səfəri proqramı çərçivəsində nümayiş olunub.

15-22 yanvar tarixində gerçəkləşən səfər proqramında P.Çaykovskinin "Yatmış gözəl", A.Adanın "Korsar" baletleri ilə bərabər Fikrət Əmirovun "Min bir gecə" əsəri əsas yer tutur.

Mariinski Teatrının Primorski səhnəsinin baş baletmeysteri Eldar Əliyevin quruluş verdiyi "1001 gecə" baleti Sankt-Peterburqda son zamanlarda baş verən ən əlamətdar mədəni hadisələrdən birinə çevrilib. Bütün dörd tamaşaya biletlər daha öncədən satılıb və yerli ictimaiyyətin böyük marağına səbəb olub.

Tamaşaları Azərbaycan Dövlət Akademik Opera və Balet Teatrının baş dirijoru və musiqi rəhbəri, Respublikanın Əməkdar artisti, beynəlxalq müsabiqələr laureatı, Prezident mükafatçısı Əyyub Quliyev idarə edib.

Tamaşanın dekorasiyaları və kostyumları Peter Okunev tərəfindən hazırlanıb, işıq üzrə rəssam Sergey Martınov, video tərtibat Vadim Dulenko, əsas rolları isə Anna Samostrelova, Renata Şakirova (Şəhrizad), Sergey Umanets, Kanat Nadırbek (Şəhriyar), Denis Qolov, Gilermo Junio və digərləri ifa ediblər.

Əsərdə tar partiyasını Azərbaycan Dövlət Opera Teatrının solisti Ramin Əzimov və Nadejda Medvedeva səsləndiriblər. Tamaşaların ən əlamətdar hadisələrindən biri Mariinski Teatrının direktoru və baş dirijoru, dünya şöhrətli maestro Valeri Gergiyevin Fikrət Əmirovun baletini izləmək üçün xüsusi olaraq şəxsi cədvəlini dəyişməsi olub. Tamaşanı izlədikdən sonra maestro Valery Gergiyev Azərbaycanlı dirijor Əyyub Quliyev, baletmeyster Eldar Əliyev və bütün iştirakçı heyəti təbrik edərək Fikrət Əmirovun baletini Mariinski Teatrın tarixində əlamətdar və unudulmaz bir hadisə kimi qeyd edib.

Tamaşanı izləyən qonaqlar sırasında Rusiyanın Primorski bölgəsinin qubernatoru Oleq Kojemyako da olub.

Qeyd etmək lazımdır ki, azərbaycanlı musiqiçilərin Sankt-Peterburqa səfər ilə bağlı təşkilati məsələlərinin həllində Azərbaycanın Rusiyadakı səfirliyi dəstək olub.

25