Çəkiliş

Telefonla çəkdiyi filmi Britaniyaya göndərən rejissor: "İnanmırdılar, amma bacardım"

1454
"Hamıya deyirdim ki, mən böyüyəndə film, animasiya çəkəcəm, özümün kanalım olacaq və Azərbaycanı dünyaya tanıdacam"

Şahpəri Abbasova, Sputnik Azərbaycan

BAKI, 5 sentyabr — Sputnik. Gənc rejissor, ssenarist və animasiya rejissoru Ruslan İbrahimli. Qazax rayonunda anadan olan istedadlı gənc qazandığı uğurlar barədə Sputnik Azərbaycan-a danışıb: "Özümü inkişaf etdirmək üçün fərqli kurslara daxil oluram. Düşünürəm ki, öyrənəcəyim hələ çox şey var, ona görə hər sahədən məlumatlar alıram. Peşəkar rejissor olmaq üçün bu, vacibdir. Hər şeydən məlumatlı olmalıdır rejissor. Xan Akademiyası (animasiya və ssenari bölməsi), Pixar Animasiya studiyası, İstanbul Film Akademiyası (Film, rejissorluq, ssenaristlik bölməsi), "British Council Azerbaijan"da təhsil (Sosial bacarıqlar, kompüter proqramları), psixoloji konsultasiya və s. Bundan başqa, ingilis dilini də öyrənmişəm. Hal-hazırda Qazaxda yaşayıram. Festival, təhsilim və işim ilə bağlı Bakıya gəlirəm. Bakını çox sevirəm".

Gənc rejissoru film sahəsinə gətirən səbəblər olub. Maraqlısı budur ki, Ruslan bu sahəni heç də hansısa məşhur aktyor və ya rejissora olan sevgisinə görə seçməyib. Milli Qəhrəmanımız Çingiz Mustafayevin kamerası gələcəyin rejissorunu cəlb edib:

"Milli Qəhrəmanımız Çingiz Mustafayevdən ilham almışam ilk dəfə. Onun çiyninə kamera götürüb sözün həqiqi mənasında qəhrəmanlıq etməyi çox xoşuma gəlirdi. Hətta valdeynlərimə oyuncaq videokamera aldırmışdım. Hamıya deyirdim ki, mən böyüyəndə film, animasiya çəkəcəm, özümün kanalım olacaq və Azərbaycanı dünyaya tanıdacam. İnanmırdılar, amma bacardım. Yeri gəlmişkən, bu yaxınlarda Xocalı soyqırımı ilə bağlı animasiya filmi hazırlayacam".

Uşaqlıqdan animasiya filmlərinə maraq göstərən qəhrəmanımız yaşıdlarından fərqli olaraq, filmin çəkiliş texnologiyasını bilib: "Uşaq vaxtı filmlər və ən çox animasiyalar izləmişəm. Hələ film incəliklərini bilmirdim o vaxt, amma "Hörümçək adam" filmində VFX-dən (vizual effekt) istifadə edildiyini anlamışdım. Amma digər uşaqlar buna inanırdılar. Həmin vaxtlar VFX-in nə olduğunu anlamırdım. Fantastik filmlərin necə hazırlandığını sadəcə təxmin edirdim və ailəmə, dostlarıma bunu deyirdim".

2011-ci ildən sonra özünü və həyatını kəşf etməyə başlayan həmsöhbətimiz "YouTube" platforması vasitəsilə bacarığını insanlara tanıtmaq qərarına gəlib: ""YouTube"-u kəşf edəndə fikirləşdim ki, platformadan niyə görə öz istedadımı insanlara göstərməyim? Axı xaricdə insanlar bunları edirlər. Sadəcə planımı həyata keçirməyimin vaxtının orta məktəbi bitirəndən sonra olacağını düşündüm. 2016-cı ildə "YouTube" kanalı açdım, qısa videolar yükləməyə başladım. Gördüm ki, izlənilir. Dedim, istedadımı göstərməyin vaxtı gəlib artıq və 2018-ci ildən başlayaraq günümüzə kimi film və animasiya üzrə təhsil almağa başladım. Hətta başıma belə bir hadisə də gəlib: 18 yaşımda çəkdiyim qısa filmimi 2017-ci ildə bir festival saytına yükləmişdim, amma heç bir festivala göndərməmişdim. Bu il baxıb görürəm ki, həmin filmim bir xarici festivalda iştirak edibmiş. Təəssüf ki, həmin filmi silmişəm".

Animasiya filmlərinə cani-dildən bağlı olan müsahibimiz ANİMAFİLM Beynəlxalq Animasiya Filmləri Festivalının komanda kollektivinin könüllü üzvüdür: "2019-cu ildə iştirak etdiyim 10-cu Bakı Qısa Filmlər Festivalının münsiflər heyəti milli kinematoqrafiyamızın ən məşhur şəxslərindən ibarət idi. Animasiya filmimi bəyəndilər və münsiflər heyəti diplomu ilə mükafatlandırdılar. 2019-cu ildə 2-ci ANİMAFİLM beynəlxalq animasiya filmləri festivalının rəhbəri Rəşid Ağamalıyev məni qonaq qismində festivala çağırdı. Orada "Tıq-Tıq Xanım" animasiya filminin rejissoru və ssenaristi Məsud Pənahi ilə fikir mübadiləsi aparmışdıq. İndi ANİMAFİLM Beynəlxalq Animasiya Filmləri Festivalının komanda kollektivinin könüllü üzvüyəm və Rəşid Ağamalıyev ilə birlikdə məşhur animasiya rəssamı və rejissoru, rəhmətlik Rauf Dadaşov haqqında qısa film hazırladıq".

R.İbrahimli öz filmində özünü aktyor kimi də sınayıb: "Rejissor olanda öz filmində aktyorluq etmək həm yaxşıdır, həm də çətindir. Yaxşıdır ona görə ki, ssenarini özün bilirsən deyə sırf rejissor olduğun üçün, o personajı bildiyin üçün çox yaxşı oynayırsan. Çətindir, ona görə ki, iki şeyə də nəzarət etməlisən - həm rejissorluğuna, həm də aktyorluğuna ciddi diqqət etməlisən ki, filmdə hissi çatdıra biləsən".

Bildirək ki, gənc rejissor 2019-cu ildə Mədəniyyət Nazirliyinin dəstəyi ilə keçirilən 10-cu beynəlxalq qısa filmlər festivalında iştirak edib. Çəkdiyi "İki ağac" qısa animasiya filmi "Ən yaxşı animasiya filmi" adını qazanıb və münsiflər heyətinin diplomu ilə mükafatlanıb. 2020-ci ildə isə "İki ağac" III ANİMAFİLM Beynəlxalq Animasiya Filmləri Festivalında iştirak hüququ qazanıb. Bundan əlavə, onun filmləri beynəlxalq arenaya da çıxıb: "2020-ci ildə "Qərar" adlı qısametrajlı filmim Birləşmiş Krallıqda keçiriləcək "The Lift of Global Network" tərəfindən keçirilən "First Time Filmmarker Sessions 2020" Beynəlxalq Film Festivalında iştirak hüququ qazanmış ilk və tək Azərbaycan filmidir. "Qərar" adlı filmim festivalda ilk proqram siyahısında 91-ci sırada yerləşdirilib. Hal-hazırda ən çox səs verilən "Qərar" filmidir.

"Qərar" filmi karantin dövründə çəkildiyi üçün büdcəsiz idi və telefonla çəkmişdim. Həmin filmi xarici festivala göndərdim. İnanmazdım ki, telefonla çəkdiyim debüt filmim yüksək keyfiyyətli kamera və büdcə ilə çəkilən filmlərlə yarışacaq. Film qalib olarsa, Hollivud kinostudiyalarının birində göstəriləcək.

Filmim xarici festivalda seçilib (hal-hazırda yarışdadır). Festival Londonda keçirilir. Azərbaycanı təmsil edən ilk və tək mənim filmimdir. Hal-hazırda 115 film arasında bir dənə mənim filmimə yüksək nəticə gəlib. 2021-ci ildə Londonda Mədəniyyət Festivalı olacaq. Azərbaycan mədəniyyəti ilk dəfə xaricdə təmsil olunacaq. Festivalın Azərbaycandakı rəhbəri Leyla Qasımovadır".

1454
Əlaqədar
Xınalıqlı qıza görə "Ən yaxşı aktrisa" diplomuna layiq görüldü
Cazibədar rəqqasə serial çəkir
Azərbaycanlı qız Rusiya kinematoqrafını fəth edir: ətrafı da kişilərlə doludur - FOTO
İllərlə axtarılan "Başlanğıc" tapılıb - VİDEO
Fehruz Şəmiyev: "Filmin büdcəsi yox, rejissorun çatdırmaq istədiyi fikir daha önəmlidir"
Müqəddəs Georgi kilsəsi (Qax)

"Xristian irsimizi tanıyaq" - "Müqəddəs Georgi" gürcü-pravoslav kilsəsi - VİDEO

19
(Yenilənib 11:22 28.01.2021)
Müqəddəs Georgi kilsəsi Qax rayonunun Qaxingiloy kəndi ərazisində yerləşir. O, 1888-ci ildə xristian din əzabkeşi Müqəddəs Georginin şərəfinə tikilib

BAKI, 28 yanvar — Sputnik. Müqəddəs Georgi kilsəsi Qax rayonunun Qaxingiloy kəndi ərazisində yerləşir. Sözügedən kilsə 1888-ci ildə xristian din əzabkeşi Müqəddəs Georginin şərəfinə könüllü ianələr və Qafqazda Xristianlığın Bərpası İdarəsinin maliyyəsi ilə tikilib. Sputnik Azərbaycan xəbər verir ki, Kilsə Mədəniyyət Nazirliyi tərəfindən tarixi abidə kimi qorunur.

2006-cı ildə Azərbaycan Respublikasının Prezidenti İlham Əliyev kilsəni ziyarət edib.

19
Teqlər:
dini abidələr, mədəni irs, Azərbaycan, kilsə
Mövzu:
Azərbaycanın görməli yerləri, turizm obyektləri
İnsanlar kinoteatrda, arxiv şəkli

Azərbaycan kino sənətinə ağır itki üz verib

34
Arif Həbibi dublyaj üzrə ali dərəcəli kinorejissor olub. Xarici ölkələrdə istehsal olunan bədii, sənədli və cizgi filmlərini ana dilinə dublyaj, tərcümə və adaptasiya edib

BAKI, 28 yanvar — Sputnik. Sputnik Azərbaycan xəbər verir ki, Azərbaycan kinosunda dublyaj rejissoru kimi tanınan, xarici filmləri ana dilimizə tərcümə edən və dublyaj sənətinin ustadlarından sayılan, Əməkdar Mədəniyyət işçisi Arif Həbibi vəfat edib.

Bu barədə məlumatı mərhum rejissorun qızı İlhamə Həbibi sosial mediadan yayıb.

Arif Həbibi 1943-cü il iyunun 1-də İran Astarasında anadan olub.

1967-ci ildə indiki Mədəniyyət və İncəsənət Universitetinin rejissorluq fakültəsini bitirib və həmin ildən "Azərbaycanfilm" kinostudiyasında işə başlayıb.

Arif Həbibi dublyaj üzrə ali dərəcəli kinorejissor olub. Xarici ölkələrdə istehsal olunan bədii, sənədli və cizgi filmlərini ana dilinə dublyaj, tərcümə və adaptasiya edib.

Uzun illər Mədəniyyət və İncəsənət Universitetində dublyaj sənətindən dərs deyib.

34
Teqlər:
vəfat, dublyaj, kino, rejissor
Məmur

Məktəb direktorları ilə imtahanlar barədə müzakirə aparıldı

0
(Yenilənib 13:55 28.01.2021)
Onlayn görüşdə fevralın 1-dən başlayaraq ümumi təhsilin məktəbəhazırlıq qrupları və ibtidai təhsil üzrə tədris prosesinin bərpası ilə bağlı təhsil müəssisələrində görülən hazırlıq işlərindən də söhbət açılıb

BAKI, 28 yanvar — Sputnik. Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrinin rəhbərləri ilə onlayn görüş keçirilib.

İdarədən Sputnik Azərbaycan-a verilən məlumata görə, 2020-2021-ci tədris ilinin I yarımilinin yekunlarına həsr olunmuş onlayn görüşdə BŞTİ-nin müvafiq struktur bölmə rəhbərləri və məktəb direktorları iştirak ediblər. Görüşdə I yarımil ərzində distant təhsilin təşkili sahəsində görülən işlər, məktəbdaxili qiymətləndirmələrin və fənn olimpiadalarının nəticələri, IX və XI siniflər üzrə buraxılış imtahanlarına hazırlıq, şagirdlərin elektron yerdəyişməsi, müəllim-şagird-valideyn münasibətlərinin düzgün formalaşdırılması, qarşıda duran digər vəzifələr ətrafında müzakirələr aparılıb.

Həmçinin "2020-2021-ci tədris ilində ümumi təhsillə bağlı aktual məsələlər və hədəflər barədə" Təhsil nazirinin əmrində müəyyən edilmiş əsas prioritet istiqamətlər barədə danışılıb. Onlayn görüşdə fevralın 1-dən başlayaraq ümumi təhsilin məktəbəhazırlıq qrupları və ibtidai təhsil üzrə tədris prosesinin bərpası ilə bağlı təhsil müəssisələrində görülən hazırlıq işlərindən də söhbət açılıb. Tədrisin təşkilində məktəb direktorlarının üzərinə düşən məsuliyyətin düzgün dəyərləndirilməsinin vacibliyindan bəhs olunub. Daha sonra məktəb direktorları çıxış edərək rəhbərlik etdikləri təhsil müəssisələrinin fəaliyyəti barədə onları maraqlandıran sualları səsləndiriblər.

0
Teqlər:
reklam, görüş, onlayn, Məktəb direktorları