Dueyn Conson

Koronavirus "Qaya"nı da haqladı: Hollivud ulduzu ailəlikcə yoluxdu

17
(Yenilənib 14:47 03.09.2020)
Aktyor qeyd edib ki, özü ilə yanaşı, həyat yoldaşı və iki qızı da virusa yoluxub. Onların koronavirus testi müsbət nəticə verib

Şahpəri Abbasova, Sputnik Azərbaycan

BAKI, 3 sentyabr — Sputnik. Məşhur amerikalı aktyor və idmançı Dueyn Conson koronavirusa yoluxub. Sputnik Azərbaycan xəbər verir ki, bu barədə aktyor öz "Instagram" səhifəsindən bildirib. "Qaya" ləqəbli aktyor öz izləyicilərinə diqqətli olmağı və qoyulan qadağalara əməl etməyi tövsiyə edib: "İntizamlı olun, immunitet sisteminizi gücləndirin, maskanızı taxın və ailənizi qoruyun".

View this post on Instagram

A post shared by therock (@therock) on

Aktyor qeyd edib ki, özü ilə yanaşı, həyat yoldaşı və iki qızı da virusa yoluxub. Onların koronavirus testi müsbət nəticə verib. İdmançı özünün və ailə üzvlərinin xəstəliyi simptomsuz keçirdiklərini bildirib.

Məlumat üçün qeyd edək ki, 1999-cu ildən sənətə gələn D.Conson "Mumiya geri dönür", "Sürətli və qəzəbli", "San Andreas günahı", "Göydələn", "Oyan pozan", "Vəhşi meşə" və s. filmlərinə çəkilən aktyor və idmançı, özünü rejissor kimi də sınayıb.

17
Əlaqədar
Hollivud ulduzu keçmiş sevgilisinin bənzəri ilə eşq yaşayır
Kommunizmə rəğbət bəsləyən Hollivud aktyoru vəfat edib
Hollivud aktyoruna azərbaycanlı rəssamdan ithaf
Robert de Niro və Al Paçino yenidən eyni filmdə rol aldılar
“Əsas instinkt”in ulduzu bütün sirlərini açacaq
Azərbaycan və Türkiyə hərbçiləri Karsda QIŞ-21 təlim zamanı

Azərbaycan Türkiyə Qarabağ zəfəri barədə film çəkəcək

10
Anar Kərimov: "30 il işğal altında olan torpaqlarımızı azad etdikdən sonra qəhrəman əsgərlərimizin şücaətini kino ilə daha təsirli səviyyədə göstərmək üçün fəaliyyətə başladıq"

BAKI, 2 mart — Sputnik. "30 il işğal altında olan torpaqlarımızı azad etdikdən sonra qəhrəman əsgərlərimizin şücaətini kino ilə daha təsirli səviyyədə göstərmək üçün fəaliyyətə başladıq".

Sputnik Azərbaycan-ın məlumatına görə, bunu "TRT Haber"ə açıqlamasında mədəniyyət naziri Anar Kərimov deyib.

O qeyd edib ki, bu mövzuda keyfiyyətli filmlərə ehtiyac var: "Bu məqsədlə türk qardaşlarımız və istehsalçı şirkətlər ilə ortaq layihələr həyata keçirməyi çox istəyirik. Türkiyənin bu sahədəki təcrübələrini öyrənərək Azərbaycan da bu təcrübələrdən istifadə edəcək".

Nazir bildirib ki, işğaldan azad edilən torpaqlar yenidən inşa ediləcək: "Biz bunu qardaş Türkiyə ilə birgə eləmək, bərpa işlərində də türk qardaşlarımızla birlikdə çalışmaq istəyirik. Bununla bağlı Mədəniyyət Nazirliyi və TİKA (Türk İşbirliyi və Koordinasiya Agentliyi Başqanlığı) arasında müqavilə imzalandı. Türk qardaşlarımızın təcrübələrindən faydalanmaq istəyirik.

 

10
Teqlər:
qələbə, Qarabağ, film, Türkiyә
Azərbaycanın Mədəniyyət naziri Anar Kərimovun türkiyəli həmkarı Mehmet Nuri Ərsoyla görüşü

Anar Kərimov türkiyəli həmkarı ilə sənəd imzaladı

7
Restavrasiya mövzusunda Türkiyənin milli və beynəlxalq səviyyədə çox geniş işlər gördüyünü deyən Ərsoy bu sahədəki təcrübələrini azərbaycanlı həmkarları ilə bölüşəcəklərini bildirib

BAKI, 2 mart — Sputnik. Türkiyə ilə Azərbaycan arasında mədəniyyət və incəsənət sahəsində ikitərəfli münasibətlərin inkişafına yönəlmiş birinci birgə Mədəniyyət Komissiyasının iclası çərçivəsində bir sıra protokollar imzalanıb.

Sputnik Azərbaycan Türkiyə mətbuatına istinadən xəbər verir ki, iclas çərçivəsində Azərbaycanın Mədəniyyət naziri Anar Kərimov türkiyəli həmkarı Mehmet Nuri Ərsoyla görüşüb. Görüşdən sonra iki ölkənin nazirlərinin iştirakı ilə rəsmi sənədlərin imzalanması mərasimi keçirilib.

Tədbirdə çıxış edən M.Ərsoy iclasın çox faydalı olduğunu, ilk fürsətdə Azərbaycana səfər edəcəyini bildirib: "İki ölkə arasında əzəldən tarixi bir mirasımız var. İki qardaş ölkənin bir-biri ilə daha çox yaxınlaşması, ortaq layihələrin daha da inkişafı üçün birlikdə hərəkət edəcəyik. Kino sahəsində birgə əməkdaşlığın artırılması lazımdır. Türkiyə dünyada serial ixracında ikinci sıradadır və çox təcrübəlidir".

"Bundan əlavə, restavrasiya mövzusunda da Türkiyə milli və beynəlxalq səviyyədə çox geniş işlər görən bir ölkədir. Bu sahələrdəki təcrübələrimizi də azərbaycanlı qardaşlarımızla paylaşacağıq. İki tərəfin qurumları bu təcrübələrinin həm ötürülməsi, həm də inkişafı mövzusunda səy göstərəcəklər", - deyə nazir bildirib.

Azərbaycanın Mədəniyyət naziri Anar Kərimov isə Türkiyəyə səfərdən şad olduğunu, iki ölkə arasındakı əməkdaşlığın gücləndirilməsi və inkişafı üçün bu səfərin böyük önəm daşıdığını vurğulayıb.

 

7
Teqlər:
mədəniyyət, Türkiyə, Azərbaycanlı
 COVİD-19 xəstəsi, arxiv şəkli

Ermənistanda koronavirusdan ölənlərin sayı 3200-ə çatdı

0
Ermənistanda son gündə daha 5 nəfər ölüb. Qonşu ölkədə ümumilikdə bu virusdan ölənlərin sayı 3 200-ə çatıb.

BAKI, 2 mart — Sputnik. Ermənistanda koronavirusa yoluxanların sayı 172 456-ya çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 240 nəfər artıb.

Ermənistanda son gündə daha 5 nəfər ölüb. Ümumilikdə bu virusdan ölənlərin sayı 3 200-ə çatıb. Xəstəlikdən sağalanların sayı 163 738 nəfər olub. Hazırda bu ölkədə 4 700 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 114,4 milyonu keçib, 2,53 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

0