BAKI, 1 sentyabr — Sputnik. 1993-cü ildə “I Like To Move It” mahnısı ilə məşhurlaşan dicey Erik Morilyo Floridada ölü tapılıb.
Sputnik Azərbaycan bildirir ki, bu barədə SkyNews məlumat yayıb.
Polisin verdiyi məlumata görə, 49 yaşlı musiqiçinin cansız bədəni bu səhər (yerli vaxtla) Mayam-Biçdəki evlərdən birində aşkarlanıb.
I know Morillo had a lot going on lately, with the sexual assault accusations... but to hear that he possibly committed suicide is terribly unfortunate.. RIP Eric Morillo 🖤 pic.twitter.com/XvIV9b148a
— ᗪᒍ ᔕOᒪEᗰᗩᑎ (@DJ_Soleman) September 1, 2020
Mayami polisinin zabiti Ernesto Rodriges bildirib ki, yerli vaxtla 10:42-də La Gorce Drive 5660 ünvanından təcili yardım istəyilə zəng daxil olub: “Detektivlər hazırda hadisə yerindədirlər”.
Kolumbiya əsilli dicey müxtəlif ləqəblərlə musiqi yaradıb. Reel 2 Real ləqəbi ilə yazdığı, onu çox məşhurlaşdıran “I Like To Move It” mahnısı isə 1994-cü ildə Böyük Britaniyada sinqlların çartında 5-ci yerə çıxmaqla yanaşı, illər boyu bir neçə filmdə və reklamlarda istifadə olundu. Son illərdə isə “Madaqaskar” cizgi filmi ilə yenidən dinləyiciləri fəth elədi.
