Erik Morilyo, arxiv şəkli

Dünyanı bir mahnı ilə yerindən oynadan dicey ölü tapıldı

82
(Yenilənib 10:17 02.09.2020)
Hər kəsin "Madaqaskar" cizgi filmindən gözəl tanıdığı "I Like To Move It" mahnısının yaradıcısı bu gün dünyasını dəyişib

BAKI, 1 sentyabr — Sputnik. 1993-cü ildə “I Like To Move It” mahnısı ilə məşhurlaşan dicey Erik Morilyo Floridada ölü tapılıb.

Sputnik Azərbaycan bildirir ki, bu barədə SkyNews məlumat yayıb.

Polisin verdiyi məlumata görə, 49 yaşlı musiqiçinin cansız bədəni bu səhər (yerli vaxtla) Mayam-Biçdəki evlərdən birində aşkarlanıb.

​Mayami polisinin zabiti Ernesto Rodriges bildirib ki, yerli vaxtla 10:42-də La Gorce Drive 5660 ünvanından təcili yardım istəyilə zəng daxil olub: “Detektivlər hazırda hadisə yerindədirlər”. 

Kolumbiya əsilli dicey müxtəlif ləqəblərlə musiqi yaradıb. Reel 2 Real ləqəbi ilə yazdığı, onu çox məşhurlaşdıran “I Like To Move It” mahnısı isə 1994-cü ildə Böyük Britaniyada sinqlların çartında 5-ci yerə çıxmaqla yanaşı, illər boyu bir neçə filmdə və reklamlarda istifadə olundu. Son illərdə isə “Madaqaskar” cizgi filmi ilə yenidən dinləyiciləri fəth elədi.

82
Aleksandr Şalyapin

Məşhur komik evində ölü tapıldı

1
(Yenilənib 12:24 25.01.2021)
O, "Bumer: İkinci film", "Univer. Novaya obşaqa" (Univer: Yeni yataqxana), "Qadınlar kişilərə qarşı", "Ağır qum" (serial) kimi ekran işlərində rol alıb

BAKI, 25 yanvar — Sputnik. Moskvada məşhur komik və aktyor, "Stand up Show"nun (Comedy Club) iştirakçısı Aleksandr Şalyapinin meyiti tapılıb. Sputnik Azərbaycan Rusiya KİV-nə istinadən xəbər verir ki, onun özünə qəsd etdiyi bildirilir.

Qeyd olunur ki, Şalyapinin meyitini həyat yoldaşı tapıb. Qadın evə təcili yardım çağırıb.

Hazırda hadisənin təfərrüatı araşdırılır.

Şalyapinin 41 yaşı olub. O, "Bumer: İkinci film", "Univer. Novaya obşaqa" (Univer: Yeni yataqxana), "Qadınlar kişilərə qarşı", "Ağır qum" (serial) kimi ekran işlərində rol alıb.

1
Teqlər:
Rusiya, serial, vəfat, aktyor

Prezident İlham Əliyev Eldar Quliyevi təbrik edib

23
Azərbaycan mədəniyyətinin inkişafında xüsusi xidmətlərinə görə Eldar Tofiq oğlu Quliyev “İstiqlal” ordeni ilə təltif edilib.

BAKI, 23 yanvar - Sputnik. Azərbaycan Respublikasının Prezidenti İlham Əliyev Xalq artisti Eldar Quliyevə təbrik məktubu göndərib.

Sputnik Azərbaycan-ın məlumatına görə, təbrik məktubunda deyilir:

“Hörmətli Eldar müəllim!

Sizi – Azərbaycanın görkəmli kino xadimini 80 illik yubileyiniz münasibətilə ürəkdən təbrik edir, Sizə uzun ömür və möhkəm cansağlığı diləyirəm.

Sizin zəngin yaradıcılığınız milli kino sənətinin parlaq səhifələrindəndir. Dünya kinematoqrafiyasının mühüm nailiyyətlərindən məharətlə bəhrələnərək yaratdığınız çoxsaylı filmlər Azərbaycan kino salnaməsində xüsusi yer tutur.

Siz Azərbaycan mədəniyyəti və tarixinin yetirdiyi görkəmli şəxsiyyətlərə unudulmaz ekran həyatı bəxş etmisiniz. Ölkəmizin hüdudlarından kənarda da Azərbaycan mədəniyyətini müvəffəqiyyətlə təmsil etməyiniz təqdirəlayiqdir. Milli kinematoqrafiyanın inkişafı sahəsində uzunmüddətli səmərəli xidmətlərinizə görə Siz yüksək dövlət mükafatları ilə təltif edilmisiniz. Novator ruhlu böyük yaradıcı şəxsiyyət kimi Sizin daim axtarışlarla dolu sənət yolunuz gənc kinematoqrafçılar nəsli üçün bundan sonra da bir məktəb olacaqdır”.

Qeyd edək ki, Azərbaycan mədəniyyətinin inkişafında xüsusi xidmətlərinə görə Eldar Tofiq oğlu Quliyev “İstiqlal” ordeni ilə təltif edilib.

Prezident İlham Əliyev bununla bağlı sərəncam imzalayıb.

23