Qərənfil

Məşhur aktyor serial çəkilişləri zamanı vəfat edib

474
(Yenilənib 12:28 01.09.2020)
"Kurtlar vadisi" serialındakı "Tombalacı Mehmet" obrazı ilə də məşhur olan aktyor 50-dən artıq film və seriallarda rol alıb

BAKI, 1 sentyabr — Sputnik. Türkiyəli aktyor Haldun Boysan vəfat edib. Sputnik Azərbaycan Türkiyə mətbuatına istinadən xəbər verir ki, "Maria ile Mustafa" serialının çəkilişləri ilə əlaqədar Nevşehir vilayətində olan Haldun Boysan qaldığı oteldə infarktdan vəfat edib.

​O, 1958-ci ildə Ankarada anadan olub. "Kurtlar vadisi" serialındakı "Tombalacı Mehmet" obrazı ilə də məşhur olan aktyor 50-dən artıq film və seriallarda rol alıb. Əsasən mənfi xarakterli obrazları canlandıran Boysan "Hürrem Sultan", "Cennet mahellesi", "Karaoğlan", "Ulan İstanbul", "Gen", "Silahların Gölgesinde", "Hayat Türküsü" və s. film və seriallara çəkilib.

474
Əlaqədar
Kommunizmə rəğbət bəsləyən Hollivud aktyoru vəfat edib
Məşhur aktyorun skuterini əlindən aldılar
Aktyor Kris Hemsvortun altmış yaşlı anasının gəncliyi və gözəlliyi hər kəsi şoka salıb
Məşhur boksçu türk filmində çəkilmək üçün fantastik məbləğ istədi
Azərbaycanlı qız Rusiya kinematoqrafını fəth edir: ətrafı da kişilərlə doludur - FOTO
Teatr səhnəsi, arxiv şəkli

Şuşa Teatrı haqqında film çəkilib

4
(Yenilənib 16:48 22.01.2021)
Teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa teatrının yenidən öz doğma torpağına - Şuşaya dönəcəyi haqdadır.

BAKI, 22 yanvar — Sputnik. Şuşa Teatrı haqqında sənədli film çəkilib. Sputnik Azərbaycan xəbər verir ki, teatrdan bəhs edən "Dönüş" filminin ssenari müəllifi Yaqub Əlioğlu, rejissoru isə Murad Quliyevdir. Film Şuşa Teatrının kollektivi və teatrın yenidən öz doğma torpağına - Şuşaya dönəcəkləri haqqındadır.

 

4
Xaç, arxiv şəkli

"Xristian irsimizi tanıyaq" - Müqəddəs Məryəm ana katolik kilsəsi - VİDEO

16
(Yenilənib 11:43 22.01.2021)
Bolşeviklər tərəfindən uçurulan Müqəddəs Məryəm ana kilsəsinin xatirəsinə həsr edilən kilsənin tikintisi 2007-ci ilin fevralında yekunlaşıb.

BAKI, 22 yanvar — Sputnik. Müqəddəs Məryəm ana katolik kilsəsi Bakıda 1912-ci ildə neft maqnatları – Rılskilər ailəsi tərəfindən ("Müqəddəs Bakirə Məryəmin Məsum Hamiləliyi" kostyolu - polyak katolik kilsəsi, memarı İ.K.Ploşko) inşa edilib. Bolşeviklər tərəfindən uçurulan Müqəddəs Məryəm ana kilsəsinin xatirəsinə həsr edilən kilsənin tikintisi 2007-ci ilin fevralında yekunlaşıb. 7 mart 2008-ci ildə Azərbaycan Respublikasının Prezidenti İlham Əliyev, Birinci xanım, Heydər Əliyev Fondunun prezidenti Mehriban xanım Əliyeva və Vatikanın dövlət katibi kardinal Tarçizio Bertone kilsənin rəsmi açılış mərasimində iştirak ediblər.

Sputnik Azərbaycan Mədəniyyət Nazirliyinə istinadən "Xristian irsimizi tanıyaq" layihəsi çərçivəsində Müqəddəs Məryəm ana katolik kilsəsi haqqında qısa videoçarxı təqdim edir.

16
Штаб-квартира Министерства обороны США, фото из архива

Tarixdə ilk dəfə qaradərili general Pentaqonun rəhbəri təyin edilib

0
(Yenilənib 20:58 22.01.2021)
İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

BAKI, 22 yanvar - Sputnik. ABŞ Senatı bu gün istefada olan dörd ulduzlu general Lloyd Ostinin ölkənin müdafiə naziri vəzifəsinə namizədliyini təsdiq edib.

Sputnik Azərbaycan xarici mediaya istinadla xəbər verir ki, Pentaqon rəhbərləri arasında ilk afroamerikalı olan Ostin tezliklə müvafiq and içəcək.

İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

O, 2016-cı ildə ordudan istefa verərək sonradan Nümayəndələr Palatası və Senatın üzvü olub.

0
Teqlər:
Pentaqon, ABŞ