Kinolent, arxiv şəkli

Gənc rejissor: "Hətta yerli animasiya filmləri uşaqlarımız üçün təhlükəli ola bilər"

120
(Yenilənib 11:29 01.09.2020)
Rəşid Ağamalıyevin fikrincə, son dövrlərdə çəkilən filmlər milli qəhrəmanları göstərsə də, əsərlərin ümumi bədii səviyyəsi imkan vermir ki, uşaqlarımız onları sevsin.

Şahpəri Abbasova, Sputnik Azərbaycan

BAKI, 1 sentyabr — Sputnik. Rəşid Ağamalıyev Çexiyada kinematoqrafiya üzrə təhsil alıb. 2010-cu ildən kino səhəsinə gələn gənc rejissor və prodüser, 2016-cı ildən etibarən animasiya filmləri ilə məşğuldur. Acınacaqlı vəziyyətdə olan animasiyamızın inkişafı üçün bir sıra addımlar atan gənc rejissorla birlikdə Azərbaycandakı animasiya sahəsindəki problemlərə nəzər saldıq.

- Animasiya sahəsində fəaliyyət göstərməyə sizi nə vadar etdi?

- Bu sahəyə 2016-da məndə ağır bir ürək xəstəliyi aşkar edildi və mən müalicə üçün uzun müddət xəstəxanada qalmalı oldum. Başımı qarışdırmaq və necə deyərlər, vaxtı "öldürmək" üçün animasiya filmlərinə, o cümlədən Azərbaycan animasiya filmlərinə baxmağa başladım. Hər şey bu xəstəlik ilə başladı.

© Photo : Courtesy of Rashid Agamaliyev
Rəşid Ağamalıyev

- Azərbaycanda animasiya filmlərinin vəziyyəti sizi qane edirmi?

- Qətiyyən qane etmir. Ölkəmizin animasiyası ağır vəziyyətdədir. Dövlət bu sahə üçün kifayət qədər vəsait ayırmır. Nəticədə isə ölkəmizdə ildə ancaq 1-2 animasiya film çəkilir. Bundan əlavə, kadr problemləri var. Hələlik Azərbaycanda animasiya istehsalı sahəsində ixtisaslaşmış təhsil almaq üçün universitet yoxdur. Bu, ölkədə animasiyanın zəif inkişaf etməsinin iki əsas amili və başlıca səbəbidir.

- Azərbaycanda animasiya filmlərinin inkişafı üçün hansı addımlar atılır və atılmalıdır?

- Vəziyyəti yaxşılaşdırmaq və bu sənayenin inkişafına təkan vermək üçün 2018-ci ildə uşaqlar, yeniyetmələr və peşəkarlar üçün bir platforma olan ANİMAFİLM Beynəlxalq Animasiya Festivalını təsis etdik. Festival çərçivəsində biz ödənişsiz təlimlər keçirir, kinoteatrlar və televiziyada getməyən yeni animasiya filmlərinə baxır və maraqlı interaktiv görüşlər təşkil edirik. Başqa çox pozitiv xəbər odur ki, Mədəniyyət Nazirliyində çox ciddi kadr islahatları baş verir. Əminəm ki, tezliklə, hamımız onun nəticəsini görəcəyik.

- Son dövrlər Azərbaycanda multiplikatorlar yaranırmı?

- Bəli, ANİAMFİLM Festivalı nəzdində fəaliyyət göstərən ANİMAFİLM Məktəbi son dövrlər çoxlu ödənşisiz və ödənişli animasiya təlimləri təşkil edir. Sənayeyə yeni multiplikatorlar gəlməyə başlayıblar. Eyni zamanda, "Azanfilm" studiyasının təşəbbüsü ilə 3D animasiya üzrə dərslər yaradılıb, Firəngiz Qurbanovanın sayəsində isə Azərbaycan Dövlət Rəssamlıq Akademiyasında "Animasiya kinosunun quruluşçu rəssamı" fənni yaradılıb. Azərbaycan Kinematoqrafçılar İttifaqının nəzdində "animasiya" fənninin olduğu Kino məktəbi yaranıb. "Qurama" animasiya uşaq studiyasının rəhbəri Elçin Hami Axundov isə milli animasiya tarixini populyarlaşdırmaqda və onu inkişaf etdirməkdə davam edir. Amma fikirimcə, bu, kifayət deyil. Azərbaycan animasiyasının sağlam inkişafı üçün ixtisaslaşmış ali təhsil lazımdır. Ötən il biz prezident İlham Əliyevə açıq məktub yazdıq və orada milli animasiyanın problemlərini ətraflı qeyd etdik. Məktub 260 yerli və xarici peşəkar tərəfindən imzalandı. Ümid edirik ki, bizi eşidəcəklər.

- Sovet dövrü və indiki dövrün cizgi filmlərini müqayisə etsək, sizcə hansı daha üstündür?

- Belə fikir var ki, müasir animasiya sovet dövründəkindən daha pisdir, amma bu, belə deyil. Keçmiş sovet respublikalarında yüksək animasiya sənətinə çoxsaylı nümunələr tapmaq olar. Ölkəmiz isə təəssüf ki, əksər hallarda sadaladığım səbəblərə görə geri qalır.

- Bu gün Azərbaycanın balaca tamaşaçıları türk, rus və ingilis dilində olan cizgi filmlərinə baxır. Bu, onların tərbiyəsinə necə təsir edə bilər?

- Mən Çexiyada yaşayıram. Burada müşahidə edirəm ki, uşaqlar daha çox milli animasiya filmlərinə baxırlar. Və onlar böyüyəndən sonra da bu, onların uşaqlığının bir parçasına çevrilir. Fikrimcə, cizgi filmləri nəinki bizə xeyir və şərin nə olduğunu öyrədər, hətta izah edər. Bir uşaq cizgi filmləri vasitəsilə öz dilini, mədəniyyətini, kimliyini daha çox sevə bilər. Ona görə də milli cizgi filmləri yaradılmaldır.

- Azərbaycanın kifayət qədər milli qəhrəmanı var, onlar haqqında cizgi filmləri çəkilirmi? Hansı ki, həmin cizgi filmləri uşaqlarda vətənpərvərlik hissini aşılaya bilər.

- Ölkəmizdə animasiya filmləri demək olar ki çəkilmir. Təəssüf ki, son dövründə çəkilən filmlər milli qəhrəmanları göstərsə də, əsərlərin ümumi bədii səviyyəsi imkan vermir ki, uşaqlarımız onları sevsin.

- Son dövrlər dünyada uşaqların yaşına uyğun olmayan cizgi filmləri çəkilir. Necə düşünürsünüz, bu cizgi filmləri uşaqlara necə təsir edə bilər?

- Valideynlər cizgi filmlərinin seçimində çox ehtiyatlı olmalıdırlar, məncə. Nəinki xarici, hətta yerli animasiya filmləri uşaqlarımız üçün təhlükəli ola bilər. Çeynənmiş söz səslənsə də, demək istəyirəm ki, animasiya uşaqların şəxsiyyətinin formalaşmasında əhəmiyyətli rol oynayır.

120
Azərbaycan hərbçiləri, arxiv şəkli

Müharibədə şəhid olmuş yaralanmış mədəniyyət işçilərinin ailələrinə yardım göstərilib

0
(Yenilənib 11:25 22.01.2021)
Müharibədə 10 nəfər mədəniyyət işçisi yaralanıb, ümumilikdə 162 nəfər mədəniyyət işçisinin yaxın qohumu şəhid olub.

BAKI, 22 yanvar — Sputnik. Vətən müharibəsi zamanı mədəniyyət müəssisələrində çalışan insanlar da könüllü ordu sıralarına yazılıb və onlardan 65 nəfəri səfərbərliyə cəlb olunub.

Sputnik Azərbaycan xəbər verir ki, tarixi zəfərlə başa çatan müharibədə 8 nəfər mədəniyyət işçisi şəhidlik zirvəsinə ucalıb. Müharibədə 10 nəfər mədəniyyət işçisi yaralanıb, ümumilikdə 162 nəfər mədəniyyət işçisinin yaxın qohumu şəhid olub. Ölkəmizin ərazi bütövlüyü uğrunda gedən döyüşlərdə şəhidlik zirvəsinə yüksəlmiş və yaralanmış mədəniyyət işçilərinin ailələrinə Mədəniyyət Nazirliyi və nazirliyin Həmkarlar İttifaqı tərəfindən maddi yardım göstərilib.

Şəhid ailələri və qazilərə qayğı bundan sonra da diqqətdə saxlanılacaq, bu istiqamətdə nazirlik tərəfindən layihə və tədbirlər həyata keçiriləcək.

0
Teqlər:
mədəniyyət xadimləri, müharibə, Qarabağ
Min bir gecə baleti, arxiv şəkli

Sankt-Peterburqda ilk dəfə "Min bir gecə" baleti nümayiş olunub

26
15-22 yanvar tarixində gerçəkləşən səfər proqramında P.Çaykovskinin "Yatmış gözəl", A.Adanın "Korsar" baletleri ilə bərabər Fikrət Əmirovun "Min bir gecə" əsəri əsas yer tutur.

BAKI, 21 yanvar — Sputnik. Sankt-Peterburqun dünya şöhrətli Mariinski Teatrında dahi bəstəkar Fikrət Əmirovun "Min bir gecə" baletinin dörd gün ərzində uğurlu ifası baş tutub.

Sputnik Azərbaycan xəbər verir ki, tamaşalar Mariinski Teatrının Primorski filialının Sankt-Peterburqa qastrol səfəri proqramı çərçivəsində nümayiş olunub.

15-22 yanvar tarixində gerçəkləşən səfər proqramında P.Çaykovskinin "Yatmış gözəl", A.Adanın "Korsar" baletleri ilə bərabər Fikrət Əmirovun "Min bir gecə" əsəri əsas yer tutur.

Mariinski Teatrının Primorski səhnəsinin baş baletmeysteri Eldar Əliyevin quruluş verdiyi "1001 gecə" baleti Sankt-Peterburqda son zamanlarda baş verən ən əlamətdar mədəni hadisələrdən birinə çevrilib. Bütün dörd tamaşaya biletlər daha öncədən satılıb və yerli ictimaiyyətin böyük marağına səbəb olub.

Tamaşaları Azərbaycan Dövlət Akademik Opera və Balet Teatrının baş dirijoru və musiqi rəhbəri, Respublikanın Əməkdar artisti, beynəlxalq müsabiqələr laureatı, Prezident mükafatçısı Əyyub Quliyev idarə edib.

Tamaşanın dekorasiyaları və kostyumları Peter Okunev tərəfindən hazırlanıb, işıq üzrə rəssam Sergey Martınov, video tərtibat Vadim Dulenko, əsas rolları isə Anna Samostrelova, Renata Şakirova (Şəhrizad), Sergey Umanets, Kanat Nadırbek (Şəhriyar), Denis Qolov, Gilermo Junio və digərləri ifa ediblər.

Əsərdə tar partiyasını Azərbaycan Dövlət Opera Teatrının solisti Ramin Əzimov və Nadejda Medvedeva səsləndiriblər. Tamaşaların ən əlamətdar hadisələrindən biri Mariinski Teatrının direktoru və baş dirijoru, dünya şöhrətli maestro Valeri Gergiyevin Fikrət Əmirovun baletini izləmək üçün xüsusi olaraq şəxsi cədvəlini dəyişməsi olub. Tamaşanı izlədikdən sonra maestro Valery Gergiyev Azərbaycanlı dirijor Əyyub Quliyev, baletmeyster Eldar Əliyev və bütün iştirakçı heyəti təbrik edərək Fikrət Əmirovun baletini Mariinski Teatrın tarixində əlamətdar və unudulmaz bir hadisə kimi qeyd edib.

Tamaşanı izləyən qonaqlar sırasında Rusiyanın Primorski bölgəsinin qubernatoru Oleq Kojemyako da olub.

Qeyd etmək lazımdır ki, azərbaycanlı musiqiçilərin Sankt-Peterburqa səfər ilə bağlı təşkilati məsələlərinin həllində Azərbaycanın Rusiyadakı səfirliyi dəstək olub.

26